Rɔm 10
10
1Ay karmɨnɨ ga ban̰aŋ dan̰ ga kandɨ, hɨnga ga ɨŋ or n̰agedɨge dan̰ kuduronɨ nɔm na, na gɨ karmɨnɨ ga ni Jubɨ na pɨɗage bɨ, na hɨnga ga nee le ma maŋ olɨn̰ Kumu dan̰ wɔlɛ pɨna pɨna bɨ. 2Ho’o, ɨŋ ɓal lɔɔ tɨmon̰ kol cayge gɨ gusɨge na hɨmbalge a te gɨye gɨ da Kumu gɨŋ hage, ama gusi-hɨmbalwa toge di nee le, ɗa sarnayge na a cay hɨnga-sɔlɛ ga leen̰ cɨndi gaŋ naŋ. 3Na cɨndi, kan sɨlage gɨyəŋ gɨ Kumu bɨlɨn̰ kalaŋ leen̰ ga dan̰ durɔ ɗɨngar le naŋ, lee gɨ kan gey bɨle kalaŋ ga dan̰ durɔ ɗɨngar dan̰ gɨyəŋ koge gɨ kan ojɨ. Na hɨn̰ wo̰ ma, kan kan̰ɨn̰ge an̰ɨn̰ gɨyəŋ gɨ Kumu haŋgɨ kɨya bɨlɨn̰ kalaŋ leen̰ ga dan̰ durɔ ɗɨngar le. 4Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.
Pɔɗɛ woy ojɨ cay kalaŋ nɔm ga ay kuduroyge
5A duroy magtubu dɨŋ le, naa Moyis dan̰ gusi koyi wal kɔl gɨ ojɨn̰ cay gɨyəŋ gɨ ni bɨlɨn̰ durɔ ɗɨngar dan̰ gɨyəŋ gɨ da gasɨn̰-kɔl ye hɨn̰:
«Ungo gɨ na laa gasɨn̰-kɔl kuɗa dɨra cɨrɛɗ na,
Kɨya sɔmɛ-bɨra dan̰ gɨyəŋ koyi.»#10:5 Ayge na duroy: Lévitique 18:5.
6Ama Magtubu di da Kumu ye kɔl ojɨn̰ cay gɨyəŋ gɨ kalaŋ kɨya bɨlɨn̰ kalaŋ ga dan̰ durɔ ɗɨngar dan̰ gɨyəŋ gɨ da aye kudurɔ. Kɔl le ba kɛ: «Ji ɗɔɔ ba yɔ ɗugon̰: “Kɛ, na waŋ ba kɨya nɔɔ ɔrɛ gɨɗɨgɨ-Kumu gɨŋ ga”.» Duroy na nɔɔ ɔrɛ daa male Kɨris. 7Ɗaŋ coŋ: «Ji ɗɔɔ ba yɔ a ɗugon̰: “Kɛ, na waŋ ba kɨya gɨsɨne a te gɨsəŋ gaŋ ga”.» Duroy na gɨsɨne ɔrɛ male Kɨris te gɨsəŋ gaŋ andɨn̰ danayi daa. 8Ama naa hɨn̰ wo̰ na, Magtubu di da Kumu ye kɔɔ na mɨna bɨ ga? Hɨndi ye hɨn̰:
«Kɔl gɨ da Kumu woy na a kɨwan̰ pḛḛ kɛ bɨ,
Na a kɨbɨn̰ bɨ a ɗugon̰ bɨ.»#10:8 Ayge na duroy: Deutéronome 30:12-14.
Kɔl gɨ nee le na kɔl gɨ da aye kudurɔ gɨ ni tee bɛrnɛdi bɨgɨŋ. 9Na cɨndi, hɨn̰ gɨ ji na ya dan̰ kɨbɨn̰ gɨ Jesu naa Ba-gulɔŋ bɨ, hɨn̰ gɨ a ɗugon̰ ji na bɨga kuduron̰ cay nee gɨ Kumu na boyii lɨbii duroy kalaŋ ga madɨrdaŋ gaŋ bɨ na, ji kɨya pɔɗɛ. 10Kɨya wa na dan̰ gɨyəŋ gɨ da aye kudurɔ gɨ woy a ɗugoy ungo le ma Kumu bɨlɨn̰ ungo leen̰ gɨ dan̰ durɔ ɗɨngar a cɨndi bɨ, na dan̰ gɨyəŋ gɨ da kɔl gɨ andaŋ a kɨbi le ma Kumu poɗii bɨ. 11Magtubu di da Kumu ye hɨn̰:
«Waŋ waŋ gɨ na bɨga kuduroy a cayi na,
Dasi kɨya doyi naŋ bɨrɨŋ.»#10:11 Ayge na duroy: Esaïe 28:16.
12Lee gɨ hɨnga ga ba kɨya dɔrɛ cɨn̰ kalaŋ ga toyge na Jubɨ ba kɛ naŋ le, kalaŋ ga toyge na Jubɨ naŋ ba kɛ le unɔ. Kan nɔm le, Ba-gulondɨge na pɨna hayi. Waŋ waŋ gɨ na tɨga gusondi na, ban kɨya wɔɔ ɗarwa danayi gɨɗaŋ bɨ. 13Na cɨndi, Magtubu di da Kumu ye hɨn̰:
«Waŋ waŋ gɨ na tɨga guson̰ Ba-gulɔŋ na,
Ba-gulɔŋ kɨya poɗii.»#10:13 Ayge na duroy: Joël 3:5.
14Ama hɨn̰ gɨ ungo na bɨga kuduroy a cay Ba-gulɔŋ naŋ na, kɛ ban kɨya tɔgɛ gusondi na mɨna ga? Hɨn̰ gɨ ungo na ja kɔl gɨ da Ba-gulɔŋ naŋ na, kɛ ban kɨya bɔgɛ kuduroy cayi na mɨna ga? Hɨn̰ gɨ ungo na tɨga bɛrnɛ di da Kɔl-gɨ-Ɗari bɨn̰ ungo naŋ na, kɛ kan gɨ jɔɔ kɔl gɨ da Ba-gulɔŋ na mɨna ga? 15Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»#10:15 Ayge na duroy: Esaïe 52:7.
16Ama na kalaŋ nɔm ba bɔgɛ kɔl a cay Kɔl-gɨ-Ɗari gɨŋ naŋ. Ho’o, ba-yɔɔ-kɔl-gɨ-Kumu-ba-yɔɔ Ijay kalɨn̰ ma ye hɨn̰: «Ay Ba-gulɔŋ, kɛ na waŋ ba bɔgɛ kuduroy a cay tɔgɛ bɛrnɛ toni dɨŋ ga?»#10:16 Ayge na duroy: Esaïe 53:1. 17Lee gɨ hɨnga ga ɨrgan̰ dan̰ aye kudurɔ le, na jɔɔ kɔl gɨ dorge bɨ, kɔl gɨ dorge le, na kɔl gɨ da Kɨris bɨ.
18Hɨn̰ gɨ naa hɨn̰ wo̰ na, ɨŋ kɨya ɨngɨre kɔl pɨna: Kɛ, leen̰ cɨndi Jubɨn̰əŋ baage jɔɔge kɔl le ƴee ga? Naŋ, kan jege kuɗa hage. Kɨya wa Magtubu di da Kumu ye hɨn̰:
«Te tumoyge ye ƴee cay gɨsəŋ nɔm bɨ,
Ho’o, kɔl yɔdɨge kalɨn̰ ma or bɨrɨŋ,
Andaŋ a kɨbɨ gɨsəŋ gaŋ.»#10:18 Ayge na duroy: Psaumes 19:5.
19Hɨn̰ gɨ naa hɨn̰ wo̰ na, ɨŋ kɨya ɨngɨre kɔl ɗaŋ coŋ: Kɛ, te wɨn̰je gɨ da Ɨsɨrayɛl sɨla duroy kɔl le naŋ leen̰ cɨndi ga? Sɨlagɨŋ kɔl gɨ tumɔ Moyis ba ye cay nee ba kɛ:
«Ɨŋ kɨya lɔɔ gɨ jangɨ na laagɨŋ,
Cay kalaŋ ga ungo sɨla toyge naŋ bɨ,
Ɨŋ kɨya lɔɔ gɨ kuduroy-hɔmɛ na laagɨŋ gɨɗaŋ
A cay kalaŋ ga na kalaŋ ga hɨnga-sɔlɛ kage unɔ bɨ.»#10:19 Ayge na duroy: Deutéronome 32:21.
20Ba-yɔɔ-kɔl-gɨ-Kumu-ba-yɔɔ Ijay or bɨrɨŋ yoge kɔl gɨ Kumu ba yɔ, yon̰ hɨn̰:
«Kalaŋ ga malaŋge naŋ le,
na kalaŋ ga wayaŋge.
Kalaŋ ga ɨngɨrəŋge hɨnga dḛ wo̰ naŋ bɨrɨŋ le,
Na kalaŋ ga ɨŋ gɨl gusɨnɨ bɨge.»#10:20 Ayge na duroy: Esaïe 65:1.
21Ama ojɨ cay te wɨn̰je gɨ da Ɨsɨrayɛl na, Kumu ye hɨn̰:
«Dan̰ wɔlɛ pɨna pɨna ɨŋ dobɨ kɔbɔŋ bɨn̰ kalaŋ,
Ga ka-kan̰e bɔgɛ kɔl bɨ,
Ka-cay osɨwa bɨ.»#10:21 Ayge na duroy: Esaïe 65:2.
Currently Selected:
Rɔm 10: gab
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Rɔm 10
10
1Ay karmɨnɨ ga ban̰aŋ dan̰ ga kandɨ, hɨnga ga ɨŋ or n̰agedɨge dan̰ kuduronɨ nɔm na, na gɨ karmɨnɨ ga ni Jubɨ na pɨɗage bɨ, na hɨnga ga nee le ma maŋ olɨn̰ Kumu dan̰ wɔlɛ pɨna pɨna bɨ. 2Ho’o, ɨŋ ɓal lɔɔ tɨmon̰ kol cayge gɨ gusɨge na hɨmbalge a te gɨye gɨ da Kumu gɨŋ hage, ama gusi-hɨmbalwa toge di nee le, ɗa sarnayge na a cay hɨnga-sɔlɛ ga leen̰ cɨndi gaŋ naŋ. 3Na cɨndi, kan sɨlage gɨyəŋ gɨ Kumu bɨlɨn̰ kalaŋ leen̰ ga dan̰ durɔ ɗɨngar le naŋ, lee gɨ kan gey bɨle kalaŋ ga dan̰ durɔ ɗɨngar dan̰ gɨyəŋ koge gɨ kan ojɨ. Na hɨn̰ wo̰ ma, kan kan̰ɨn̰ge an̰ɨn̰ gɨyəŋ gɨ Kumu haŋgɨ kɨya bɨlɨn̰ kalaŋ leen̰ ga dan̰ durɔ ɗɨngar le. 4Na cɨndi, Kɨris ɨrga dɨɗɨ kɨbɨ gasɨn̰-kɔl gɨ da Moyis ɗe gɨ dan̰ gɨyəŋ gɨ da Kɨris na, kalaŋ nɔm na bɨlɨn̰ge ga dan̰ durɔ ɗɨngar, hɨn̰ gɨ kan na bɨga kuduroyge a cayi.
Pɔɗɛ woy ojɨ cay kalaŋ nɔm ga ay kuduroyge
5A duroy magtubu dɨŋ le, naa Moyis dan̰ gusi koyi wal kɔl gɨ ojɨn̰ cay gɨyəŋ gɨ ni bɨlɨn̰ durɔ ɗɨngar dan̰ gɨyəŋ gɨ da gasɨn̰-kɔl ye hɨn̰:
«Ungo gɨ na laa gasɨn̰-kɔl kuɗa dɨra cɨrɛɗ na,
Kɨya sɔmɛ-bɨra dan̰ gɨyəŋ koyi.»#10:5 Ayge na duroy: Lévitique 18:5.
6Ama Magtubu di da Kumu ye kɔl ojɨn̰ cay gɨyəŋ gɨ kalaŋ kɨya bɨlɨn̰ kalaŋ ga dan̰ durɔ ɗɨngar dan̰ gɨyəŋ gɨ da aye kudurɔ. Kɔl le ba kɛ: «Ji ɗɔɔ ba yɔ ɗugon̰: “Kɛ, na waŋ ba kɨya nɔɔ ɔrɛ gɨɗɨgɨ-Kumu gɨŋ ga”.» Duroy na nɔɔ ɔrɛ daa male Kɨris. 7Ɗaŋ coŋ: «Ji ɗɔɔ ba yɔ a ɗugon̰: “Kɛ, na waŋ ba kɨya gɨsɨne a te gɨsəŋ gaŋ ga”.» Duroy na gɨsɨne ɔrɛ male Kɨris te gɨsəŋ gaŋ andɨn̰ danayi daa. 8Ama naa hɨn̰ wo̰ na, Magtubu di da Kumu ye kɔɔ na mɨna bɨ ga? Hɨndi ye hɨn̰:
«Kɔl gɨ da Kumu woy na a kɨwan̰ pḛḛ kɛ bɨ,
Na a kɨbɨn̰ bɨ a ɗugon̰ bɨ.»#10:8 Ayge na duroy: Deutéronome 30:12-14.
Kɔl gɨ nee le na kɔl gɨ da aye kudurɔ gɨ ni tee bɛrnɛdi bɨgɨŋ. 9Na cɨndi, hɨn̰ gɨ ji na ya dan̰ kɨbɨn̰ gɨ Jesu naa Ba-gulɔŋ bɨ, hɨn̰ gɨ a ɗugon̰ ji na bɨga kuduron̰ cay nee gɨ Kumu na boyii lɨbii duroy kalaŋ ga madɨrdaŋ gaŋ bɨ na, ji kɨya pɔɗɛ. 10Kɨya wa na dan̰ gɨyəŋ gɨ da aye kudurɔ gɨ woy a ɗugoy ungo le ma Kumu bɨlɨn̰ ungo leen̰ gɨ dan̰ durɔ ɗɨngar a cɨndi bɨ, na dan̰ gɨyəŋ gɨ da kɔl gɨ andaŋ a kɨbi le ma Kumu poɗii bɨ. 11Magtubu di da Kumu ye hɨn̰:
«Waŋ waŋ gɨ na bɨga kuduroy a cayi na,
Dasi kɨya doyi naŋ bɨrɨŋ.»#10:11 Ayge na duroy: Esaïe 28:16.
12Lee gɨ hɨnga ga ba kɨya dɔrɛ cɨn̰ kalaŋ ga toyge na Jubɨ ba kɛ naŋ le, kalaŋ ga toyge na Jubɨ naŋ ba kɛ le unɔ. Kan nɔm le, Ba-gulondɨge na pɨna hayi. Waŋ waŋ gɨ na tɨga gusondi na, ban kɨya wɔɔ ɗarwa danayi gɨɗaŋ bɨ. 13Na cɨndi, Magtubu di da Kumu ye hɨn̰:
«Waŋ waŋ gɨ na tɨga guson̰ Ba-gulɔŋ na,
Ba-gulɔŋ kɨya poɗii.»#10:13 Ayge na duroy: Joël 3:5.
14Ama hɨn̰ gɨ ungo na bɨga kuduroy a cay Ba-gulɔŋ naŋ na, kɛ ban kɨya tɔgɛ gusondi na mɨna ga? Hɨn̰ gɨ ungo na ja kɔl gɨ da Ba-gulɔŋ naŋ na, kɛ ban kɨya bɔgɛ kuduroy cayi na mɨna ga? Hɨn̰ gɨ ungo na tɨga bɛrnɛ di da Kɔl-gɨ-Ɗari bɨn̰ ungo naŋ na, kɛ kan gɨ jɔɔ kɔl gɨ da Ba-gulɔŋ na mɨna ga? 15Hɨn̰ gɨ ungo na ƴɨba kalaŋ naŋ na, kɛ kan kɨya ɔrɛ tɔgɛ bɛrnɛ Kɔl-gɨ-ɗari na mɨna ga? Kɨya wa Magtubu di da Kumu ye hɨn̰: «Sɔlɛ ka-tɔgɛ bɛrnɛ Kɔl-gɨ-Ɗari a te ɨrgadɨge gɨŋ le, naa hɨnga ga kuɗa sɔlɛ tɔgɨ.»#10:15 Ayge na duroy: Esaïe 52:7.
16Ama na kalaŋ nɔm ba bɔgɛ kɔl a cay Kɔl-gɨ-Ɗari gɨŋ naŋ. Ho’o, ba-yɔɔ-kɔl-gɨ-Kumu-ba-yɔɔ Ijay kalɨn̰ ma ye hɨn̰: «Ay Ba-gulɔŋ, kɛ na waŋ ba bɔgɛ kuduroy a cay tɔgɛ bɛrnɛ toni dɨŋ ga?»#10:16 Ayge na duroy: Esaïe 53:1. 17Lee gɨ hɨnga ga ɨrgan̰ dan̰ aye kudurɔ le, na jɔɔ kɔl gɨ dorge bɨ, kɔl gɨ dorge le, na kɔl gɨ da Kɨris bɨ.
18Hɨn̰ gɨ naa hɨn̰ wo̰ na, ɨŋ kɨya ɨngɨre kɔl pɨna: Kɛ, leen̰ cɨndi Jubɨn̰əŋ baage jɔɔge kɔl le ƴee ga? Naŋ, kan jege kuɗa hage. Kɨya wa Magtubu di da Kumu ye hɨn̰:
«Te tumoyge ye ƴee cay gɨsəŋ nɔm bɨ,
Ho’o, kɔl yɔdɨge kalɨn̰ ma or bɨrɨŋ,
Andaŋ a kɨbɨ gɨsəŋ gaŋ.»#10:18 Ayge na duroy: Psaumes 19:5.
19Hɨn̰ gɨ naa hɨn̰ wo̰ na, ɨŋ kɨya ɨngɨre kɔl ɗaŋ coŋ: Kɛ, te wɨn̰je gɨ da Ɨsɨrayɛl sɨla duroy kɔl le naŋ leen̰ cɨndi ga? Sɨlagɨŋ kɔl gɨ tumɔ Moyis ba ye cay nee ba kɛ:
«Ɨŋ kɨya lɔɔ gɨ jangɨ na laagɨŋ,
Cay kalaŋ ga ungo sɨla toyge naŋ bɨ,
Ɨŋ kɨya lɔɔ gɨ kuduroy-hɔmɛ na laagɨŋ gɨɗaŋ
A cay kalaŋ ga na kalaŋ ga hɨnga-sɔlɛ kage unɔ bɨ.»#10:19 Ayge na duroy: Deutéronome 32:21.
20Ba-yɔɔ-kɔl-gɨ-Kumu-ba-yɔɔ Ijay or bɨrɨŋ yoge kɔl gɨ Kumu ba yɔ, yon̰ hɨn̰:
«Kalaŋ ga malaŋge naŋ le,
na kalaŋ ga wayaŋge.
Kalaŋ ga ɨngɨrəŋge hɨnga dḛ wo̰ naŋ bɨrɨŋ le,
Na kalaŋ ga ɨŋ gɨl gusɨnɨ bɨge.»#10:20 Ayge na duroy: Esaïe 65:1.
21Ama ojɨ cay te wɨn̰je gɨ da Ɨsɨrayɛl na, Kumu ye hɨn̰:
«Dan̰ wɔlɛ pɨna pɨna ɨŋ dobɨ kɔbɔŋ bɨn̰ kalaŋ,
Ga ka-kan̰e bɔgɛ kɔl bɨ,
Ka-cay osɨwa bɨ.»#10:21 Ayge na duroy: Esaïe 65:2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.