Pilib 1
1
Pol leen̰ kalaŋ ga Pilib lapɨya
1Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ. 2Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.
Pol ol Kumu kɨya cay ka-aye kudurɔ ga Pilib
3Ɨŋ leen̰ Kumu hɨnge ho’o dan̰ tɨwa nɔm kɨɗɨn̰ ga ɨŋ hɨn caygɨŋ. 4Dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge kol caygɨŋ nɔm na, ɨŋ lee na dan̰ gusi-mɔwa. 5Gusi-mɔwa tɨnge na kɨya jɨbe gɨ kɨŋ jɨb toyni a cay gɨye tɔgɛ bɛrnɛ Kɔl-gɨ-Ɗari gɨŋ, ayɨn̰ toy a wɔlɛ gɨ cay wase cɨg cɨg gɨŋ bɨrɨŋ gɨsɨn̰ haw kɛ. 6Ɨŋ sol kuɗa, Kumu gɨ ba ɗɔɔ te gɨye gɨ kuɗa gɨ nee a kuduroygɨŋ le, kɨya orɨn̰ danayi bɨrɨŋ dɨɗe kɨbi a wɔlɛ gɨ Jesu-Kɨris kɨya cagan̰ gɨŋ. 7Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ. 8Kumu na tɨmon̰ hɨnge: Ɨŋ geygɨŋ na hɨn̰ gɨ Jesu-Kɨris ba geynagɨŋ wo̰ bɨ.
9Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ, 10ɗe agɨŋ ɓalɨn̰ dorɨn̰ cɨn̰ hɨnga ga ɗari. Na toy di hɨn̰ wo̰ ma, wɔlɛ gɨ Jesu-Kɨris kɨya caga le kɨŋ kɨya duroŋ mɨra bɨ masadɨgɨŋ kɨya unɔ bɨ. 11Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.
Dangay di da Pol bɨ ɔrɛ tumɔ gɨ da Kɔl-gɨ-Ɗari bɨ
12Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ sɨla, hɨnga ga ni gɨle-cɨn̰ ga ba andaŋ canɨ le jɨbɨ na te Kɔl-gɨ-Ɗari ɗe na or dan̰ cɨndi tumɔ tumɔ ƴee. 13Na toy di hɨn̰ wo̰ ma, asɨgarn̰əŋ nɔm ga ka-game ƴaa tɨrɨmbala di da ba kɨbɨ kɨlma gɨ gumu bɨ, te kalaŋ ga ɗaŋ ga baage nɔm bɨ, solɨn̰ge gɨ naa kol cay Kɨris ma maŋ na won̰ dangay dɨŋ le. 14Dangay di ɨŋ ba lee le, dobɨ bandɨ kuduroy karmɨni ga ban̰aŋ dan̰ ga kandɨ kondɨ, lee gɨ beege kuduroyge cay Ba-gulɔŋ ɗɨn̰ gɨ tumɔ coŋ, kan san̰ teen̰ge bɛrnɛ di da Kumu dɨle hundɔrɔ.
15Na cɨndi, kalaŋ ga pɨna duroyge teege bɛrnɛ di da Kɨris na kɨya cay cɨn̰-pɨɗɨma bɨ jangɨ bɨ. Ama ga pɨna na teege bɛrnɛ na dan̰ ɨrɨme gɨ ɗari. 16Kan ga teege bɛrnɛ dan̰ ɨrɨme gɨ ɗari le, leege na kɨya gɨ kan geyəŋ. Kan solge gɨ Kumu ɨrgan̰ danaŋ kɛ na kɨya ƴon̰ cay Kɔl-gɨ-Ɗari. 17Ama ga ɗaŋ ga ka-lɔɔ jangɨ le, tɨgage bɛrnɛ di da Kɨris na dan̰ ɨrɨme gɨ duroŋ mɨra naŋ. Kan geyge ɗɔɔ gusɨge tumɔ. A boy ɨrɨmedɨge gɨŋ na, tɔgɛ bɛrnɛ toge di kan ba te le na kɨya lɔɔ gɨ, ɨŋ na kɨya won̰ kuduroy-hɔmɛ a dangay dɨŋ ɗɨn̰ gɨ tumɔ coŋ ƴee.
18Hɨn̰ gɨ naa kol canɨ ɨŋ-bandi na, gɨ nee le dɨlaŋ hɨnga pɨna naŋ. Hɨn̰ gɨ ɨrɨmedɨge na kuɗa wala ɨsɨn kalɨn̰ ma, dan̰ gɨyəŋ gɨ ani ani kan ɨre te na bɛrnɛ kɔl gɨ da Kɨris, gɨ nee le ba bəŋ gusi-mɔwa. Ho’o, ɨŋ kɨya lɔɔ gusi-mɔwa ɗaŋ coŋ, 19kɨya wa ɨŋ sol gɨ Kumu kɨya pɔɗɔŋ kol ɔlɛ gɨ kɨŋ ol Kumu kol canɨ bɨ, Turnɔ di da Jesu-Kɨris kɨya jɨbe tonɨ bɨ. 20Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ. 21Kɨya wa hɨnge ɨŋ-bandi na, sɔmɛ-bɨra na Kɨris bɨ, tɨma na cay-kɔbɔŋ bɨ. 22Hɨn̰ gɨ ɨŋ na sɨma-bɨra cay gɨsəŋ gaŋ ƴee na, ɨŋ kɨya lɔɔ gɨye gɨ kuɗa bɨn̰ Kɨris. Ama a duroy sɔmɛ-bɨra dan̰ tɨma na, ɨŋ sɨla na hɨnga ga ani ma maŋ kɨya aye duroy hɨnga ga sɔɔ kɛ le naŋ. 23Hɨnga sɔɔ dɨbəŋ duroy nee. Ɨŋ gey ɗɔɔ cay gɨsəŋ bɨ sɔmɛ pɨna dan̰ Kɨris, kɨya wa na hɨnga ga nee le ƴɔbɨ ba kuɗa ɗɨn̰ sɔmɛ-bɨra. 24Ama sɔmɛ-bɨra hɨnge a cay gɨsəŋ gaŋ kɛ kuɗa tɔgɨ kol caygɨŋ. 25Lee gɨ ɨŋ sol leen̰ cɨndi, gɨ ɨŋ kɨya sɔmɛ-bɨra. Ɨŋ kɨya sɔmɛ danagɨŋ kɨŋ-gandi nɔm ɗe agɨŋ orɨn̰ dan̰ cɨndɨgɨŋ tumɔ tumɔ bɨ, ɗe gusɨgɨŋ moogɨŋ te aye kudurɔ gɨŋ bɨ. 26Na toy di hɨn̰ wo̰ ma, kɨɗɨn̰ ga ɨŋ na andaŋ te dangay dɨŋ jɨga ɨra gusɨgɨŋ na, kɨŋ kɨya wɔɔ gɨyəŋ gɨ ni gɨlɨn̰ gusɨgɨŋ kol canɨ te bugoŋ pɨna dan̰ Jesu-Kɨris kona.
27Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ. 28Kɨŋ ɗɔɔ hundɔrɔ loogɨŋ kol cay gɨye-lɔɔ gɨ da kalaŋ ga ka-wɔrɨn̰ɛ danagɨŋ le naŋ. Gɨ nee le, kɨya bɨle wɔyɛ na hɨnga ga ni gɨle ga kan na woy naa a te gɨyəŋ gɨ ni mundoŋ gɨŋ bɨ, kɨŋ na woy naa a te gɨyəŋ gɨ ni pɔɗɛ gɨŋ bɨ. Ungo gɨ ba poɗɨgɨŋ na Kumu. 29Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ. 30Haw kɛ na, kɨŋ dɨbɨ gusɨgɨŋ a boy wɔrɨn̰ɛ gɨ tumɔ ɨŋ ba som worɨn̰ii le bɨ. Wɔrɨn̰ɛ gɨ nee le, labɨde kalɨn̰ ma ɨŋ woy kɨbɨ nee te wɔrɨn̰ɛ ƴee, hɨn̰ gɨ kɨŋ ba sol le kɔ.
Currently Selected:
Pilib 1: gab
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Pilib 1
1
Pol leen̰ kalaŋ ga Pilib lapɨya
1Na ɨŋ-bandi Pol dan̰ Timote, marɨne ka-gɨye ga da Jesu-Kɨris ba gɨyɨn̰ dan̰ lapɨya di kɛ le, bɨn̰ kalaŋ ga Pilib nɔm ga woyge dan̰ cɨndɨge bɨ, bugoŋge pɨna dan̰ Jesu-Kɨris bɨ, ka-dɔrɛ tumoyge bɨ, ka-lɔɔ gɨye game hɨnga bɨ. 2Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.
Pol ol Kumu kɨya cay ka-aye kudurɔ ga Pilib
3Ɨŋ leen̰ Kumu hɨnge ho’o dan̰ tɨwa nɔm kɨɗɨn̰ ga ɨŋ hɨn caygɨŋ. 4Dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge kol caygɨŋ nɔm na, ɨŋ lee na dan̰ gusi-mɔwa. 5Gusi-mɔwa tɨnge na kɨya jɨbe gɨ kɨŋ jɨb toyni a cay gɨye tɔgɛ bɛrnɛ Kɔl-gɨ-Ɗari gɨŋ, ayɨn̰ toy a wɔlɛ gɨ cay wase cɨg cɨg gɨŋ bɨrɨŋ gɨsɨn̰ haw kɛ. 6Ɨŋ sol kuɗa, Kumu gɨ ba ɗɔɔ te gɨye gɨ kuɗa gɨ nee a kuduroygɨŋ le, kɨya orɨn̰ danayi bɨrɨŋ dɨɗe kɨbi a wɔlɛ gɨ Jesu-Kɨris kɨya cagan̰ gɨŋ. 7Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ. 8Kumu na tɨmon̰ hɨnge: Ɨŋ geygɨŋ na hɨn̰ gɨ Jesu-Kɨris ba geynagɨŋ wo̰ bɨ.
9Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ, 10ɗe agɨŋ ɓalɨn̰ dorɨn̰ cɨn̰ hɨnga ga ɗari. Na toy di hɨn̰ wo̰ ma, wɔlɛ gɨ Jesu-Kɨris kɨya caga le kɨŋ kɨya duroŋ mɨra bɨ masadɨgɨŋ kɨya unɔ bɨ. 11Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.
Dangay di da Pol bɨ ɔrɛ tumɔ gɨ da Kɔl-gɨ-Ɗari bɨ
12Ay, karmɨnɨ ga ban̰aŋ dan̰ ga kandɨ, ɨŋ gey gɨ kɨŋ sɨla, hɨnga ga ni gɨle-cɨn̰ ga ba andaŋ canɨ le jɨbɨ na te Kɔl-gɨ-Ɗari ɗe na or dan̰ cɨndi tumɔ tumɔ ƴee. 13Na toy di hɨn̰ wo̰ ma, asɨgarn̰əŋ nɔm ga ka-game ƴaa tɨrɨmbala di da ba kɨbɨ kɨlma gɨ gumu bɨ, te kalaŋ ga ɗaŋ ga baage nɔm bɨ, solɨn̰ge gɨ naa kol cay Kɨris ma maŋ na won̰ dangay dɨŋ le. 14Dangay di ɨŋ ba lee le, dobɨ bandɨ kuduroy karmɨni ga ban̰aŋ dan̰ ga kandɨ kondɨ, lee gɨ beege kuduroyge cay Ba-gulɔŋ ɗɨn̰ gɨ tumɔ coŋ, kan san̰ teen̰ge bɛrnɛ di da Kumu dɨle hundɔrɔ.
15Na cɨndi, kalaŋ ga pɨna duroyge teege bɛrnɛ di da Kɨris na kɨya cay cɨn̰-pɨɗɨma bɨ jangɨ bɨ. Ama ga pɨna na teege bɛrnɛ na dan̰ ɨrɨme gɨ ɗari. 16Kan ga teege bɛrnɛ dan̰ ɨrɨme gɨ ɗari le, leege na kɨya gɨ kan geyəŋ. Kan solge gɨ Kumu ɨrgan̰ danaŋ kɛ na kɨya ƴon̰ cay Kɔl-gɨ-Ɗari. 17Ama ga ɗaŋ ga ka-lɔɔ jangɨ le, tɨgage bɛrnɛ di da Kɨris na dan̰ ɨrɨme gɨ duroŋ mɨra naŋ. Kan geyge ɗɔɔ gusɨge tumɔ. A boy ɨrɨmedɨge gɨŋ na, tɔgɛ bɛrnɛ toge di kan ba te le na kɨya lɔɔ gɨ, ɨŋ na kɨya won̰ kuduroy-hɔmɛ a dangay dɨŋ ɗɨn̰ gɨ tumɔ coŋ ƴee.
18Hɨn̰ gɨ naa kol canɨ ɨŋ-bandi na, gɨ nee le dɨlaŋ hɨnga pɨna naŋ. Hɨn̰ gɨ ɨrɨmedɨge na kuɗa wala ɨsɨn kalɨn̰ ma, dan̰ gɨyəŋ gɨ ani ani kan ɨre te na bɛrnɛ kɔl gɨ da Kɨris, gɨ nee le ba bəŋ gusi-mɔwa. Ho’o, ɨŋ kɨya lɔɔ gusi-mɔwa ɗaŋ coŋ, 19kɨya wa ɨŋ sol gɨ Kumu kɨya pɔɗɔŋ kol ɔlɛ gɨ kɨŋ ol Kumu kol canɨ bɨ, Turnɔ di da Jesu-Kɨris kɨya jɨbe tonɨ bɨ. 20Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ. 21Kɨya wa hɨnge ɨŋ-bandi na, sɔmɛ-bɨra na Kɨris bɨ, tɨma na cay-kɔbɔŋ bɨ. 22Hɨn̰ gɨ ɨŋ na sɨma-bɨra cay gɨsəŋ gaŋ ƴee na, ɨŋ kɨya lɔɔ gɨye gɨ kuɗa bɨn̰ Kɨris. Ama a duroy sɔmɛ-bɨra dan̰ tɨma na, ɨŋ sɨla na hɨnga ga ani ma maŋ kɨya aye duroy hɨnga ga sɔɔ kɛ le naŋ. 23Hɨnga sɔɔ dɨbəŋ duroy nee. Ɨŋ gey ɗɔɔ cay gɨsəŋ bɨ sɔmɛ pɨna dan̰ Kɨris, kɨya wa na hɨnga ga nee le ƴɔbɨ ba kuɗa ɗɨn̰ sɔmɛ-bɨra. 24Ama sɔmɛ-bɨra hɨnge a cay gɨsəŋ gaŋ kɛ kuɗa tɔgɨ kol caygɨŋ. 25Lee gɨ ɨŋ sol leen̰ cɨndi, gɨ ɨŋ kɨya sɔmɛ-bɨra. Ɨŋ kɨya sɔmɛ danagɨŋ kɨŋ-gandi nɔm ɗe agɨŋ orɨn̰ dan̰ cɨndɨgɨŋ tumɔ tumɔ bɨ, ɗe gusɨgɨŋ moogɨŋ te aye kudurɔ gɨŋ bɨ. 26Na toy di hɨn̰ wo̰ ma, kɨɗɨn̰ ga ɨŋ na andaŋ te dangay dɨŋ jɨga ɨra gusɨgɨŋ na, kɨŋ kɨya wɔɔ gɨyəŋ gɨ ni gɨlɨn̰ gusɨgɨŋ kol canɨ te bugoŋ pɨna dan̰ Jesu-Kɨris kona.
27Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ. 28Kɨŋ ɗɔɔ hundɔrɔ loogɨŋ kol cay gɨye-lɔɔ gɨ da kalaŋ ga ka-wɔrɨn̰ɛ danagɨŋ le naŋ. Gɨ nee le, kɨya bɨle wɔyɛ na hɨnga ga ni gɨle ga kan na woy naa a te gɨyəŋ gɨ ni mundoŋ gɨŋ bɨ, kɨŋ na woy naa a te gɨyəŋ gɨ ni pɔɗɛ gɨŋ bɨ. Ungo gɨ ba poɗɨgɨŋ na Kumu. 29Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ. 30Haw kɛ na, kɨŋ dɨbɨ gusɨgɨŋ a boy wɔrɨn̰ɛ gɨ tumɔ ɨŋ ba som worɨn̰ii le bɨ. Wɔrɨn̰ɛ gɨ nee le, labɨde kalɨn̰ ma ɨŋ woy kɨbɨ nee te wɔrɨn̰ɛ ƴee, hɨn̰ gɨ kɨŋ ba sol le kɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.