Galad 6
6
Ƴagɨŋ hɨnga ga nɨn̰i cay gusɨgɨŋ
1Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ. 2Gɨrɨn̰gɨŋ gusɨgɨŋ nee ƴan̰gɨŋ hɨnga ga nɨn̰i ga kɨŋ kojɨ. Na hɨn̰ wo̰ ma magɨŋ kɨya lɔɔ gasɨn̰-kɔl gɨ da Kɨris le dɨɗe. 3Hɨn̰ gɨ ungo na laa gusi ɗi naa gɨ gumu ɗɨn̰ karmii bɨrɨŋ jɨbɨn̰ toyge naŋ na, leen̰ cɨndi na ban laa hɨnga pɨna naŋ bɨ, nar na gusi koyi gaŋ bɨ. 4Ɗe gɨ waŋ waŋ kalɨn̰ ma kɨba gɨye-lɔɔdi koyi gaŋ sɨla. Hɨn̰ wo̰ na ban kɨya lɔɔ gusi-mɔwa a cay gɨye-lɔɔdi koyi gɨ ban lee bɨ, kɨya sɔlɛ gɨye-lɔɔ gɨ da ungo gɨ ɗaŋ gɨsɨn̰ dan̰ koyi naŋ. 5Leen̰ cɨndi na, waŋ waŋ kalɨn̰ ma kɨya kɔjɛ na gɨye-lɔɔdi koyi gaŋ tumoy Kumu.
6Hɨn̰ gɨ ungo na ɨr gɨlgɨŋ kɔl gɨ da Kumu na, ojɨ gɨ kɨŋ ga ka-jɔɔ kɔl gɨle koyi le, kuɗa gɨ kɨŋ dɨra kɨway hɨnga wɔɔdɨgɨŋ bii. 7Ɗagɨŋ muɗɔlɛ cay gusɨgɨŋ, naregɨŋ cɨn̰ gusɨgɨŋ naŋ. Kumu le, ungo kɨya ɓale sogii naŋ. Hɨnga ga ungo gɨsɨ le, na kan ga nee le kɔ ma ban kɨya wale. 8Hɨn̰ gɨ ungo na gɨsɨ hɨnga ga ni dɨɗɨn̰ tabɨlaŋdi hɨnga ga da kuyoŋdi-gusi na, cay kobi na tɨma. Ama hɨn̰ gɨ ungo na gɨsɨ hɨnga ga da Turnɔ di da Kumu na, cay kobi na sɔmɛ-bɨra gɨ dan̰ cɨndi gɨ na cay kɔbɔ gɨ da Turnɔ di da Kumu. 9Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ. 10Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.
Kagadi kɔl gɨ da Pol
11Sɨlagɨŋ hɨnga ga ɨŋ ba sɨraŋde gumu gururu gururu kɛ le. Na ɨŋ-bandi ba-aye dan̰ hɨnga ga ni walɨn̰ magtubu dan̰ kɔbɔŋ hɨnge walɨn̰ kɔl gɨ ba kɛ le. 12Aŋ yəgɨŋ, kalaŋ ga malge gɨ kɨŋ na wala ban̰a dan̰ osɨwa le, na kalaŋ ga geyge gɨle gusɨge cɨn̰ kalaŋ. Leen̰ cɨndi na, kan leege hɨn̰ wo̰ ɗe gɨ kalaŋ na gɨ gɨlge cɨn̰ kɨya cay Kɨris naŋ bɨ, cay tɔgɛ bɛrnɛ tɨmay Kɨris cay sɨya-gɨ-dagɨli gɨŋ naŋ bɨ. 13Kan ga na kalaŋ ga walge ban̰a kalɨn̰ ma, bɨgage kɔl a cay gasɨn̰-kɔl gaŋ nɔm dan̰ gɨyəŋdi naŋ. Ama, kan geyge gɨ kɨŋ na wala ban̰a age na den̰ jorgɨyge, kɨya cay hɨnga ga kɨŋ ba lee le. 14Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ. 15Na toy di hɨn̰ wo̰ ma, wale ban̰a wala, wale ban̰a naŋ kalɨn̰ ma, laa hɨnga naŋ. Ama hɨnga ga kuɗa tɔgɨ na, ojɨ gɨ waŋ waŋ kalɨn̰ ma na andaŋ a boy-sɔmɛ-bɨra gɨ hɨrɨwa gɨŋ. 16Kuɗa gɨ gusi-dɔbɛ bɨ, sɔlɛ cɨn̰-n̰age da Kumu bɨ, baa dan̰ kalaŋ nɔm ga gɨye-lɔɔdɨge woy hɨn̰ ban gɨ ɨŋ ba gɨlge wo̰ bɨ, baa dan̰ Ɨsɨrayɛl di hɨrɨwa di ban ɗe bɨ.
17Ay toy haw kɛ orɨn̰ tumɔ na, ɨŋ gey gɨ ungo pɨna wo̰ duroygɨŋ, na gɨ tɔbɔŋ duroy nee kɨya cay kɔl gɨ nee le naŋ ɨni. Kɨya wa dɨraŋ di woy gusɨnɨ le, gɨl gɨ ɨŋ naa gɨ da Jesu. 18Karmɨnɨ ga ban̰aŋ dan̰ ga kandɨ, ɗa gɨ ɗarwa di da Ba-gulondɨna Jesu-Kɨris baa danagɨŋ bɨ, baa dan̰ turnoygɨŋ bɨ. Ɗa-ɗe-woy-hɨn̰-wo̰.
Currently Selected:
Galad 6: gab
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Galad 6
6
Ƴagɨŋ hɨnga ga nɨn̰i cay gusɨgɨŋ
1Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ. 2Gɨrɨn̰gɨŋ gusɨgɨŋ nee ƴan̰gɨŋ hɨnga ga nɨn̰i ga kɨŋ kojɨ. Na hɨn̰ wo̰ ma magɨŋ kɨya lɔɔ gasɨn̰-kɔl gɨ da Kɨris le dɨɗe. 3Hɨn̰ gɨ ungo na laa gusi ɗi naa gɨ gumu ɗɨn̰ karmii bɨrɨŋ jɨbɨn̰ toyge naŋ na, leen̰ cɨndi na ban laa hɨnga pɨna naŋ bɨ, nar na gusi koyi gaŋ bɨ. 4Ɗe gɨ waŋ waŋ kalɨn̰ ma kɨba gɨye-lɔɔdi koyi gaŋ sɨla. Hɨn̰ wo̰ na ban kɨya lɔɔ gusi-mɔwa a cay gɨye-lɔɔdi koyi gɨ ban lee bɨ, kɨya sɔlɛ gɨye-lɔɔ gɨ da ungo gɨ ɗaŋ gɨsɨn̰ dan̰ koyi naŋ. 5Leen̰ cɨndi na, waŋ waŋ kalɨn̰ ma kɨya kɔjɛ na gɨye-lɔɔdi koyi gaŋ tumoy Kumu.
6Hɨn̰ gɨ ungo na ɨr gɨlgɨŋ kɔl gɨ da Kumu na, ojɨ gɨ kɨŋ ga ka-jɔɔ kɔl gɨle koyi le, kuɗa gɨ kɨŋ dɨra kɨway hɨnga wɔɔdɨgɨŋ bii. 7Ɗagɨŋ muɗɔlɛ cay gusɨgɨŋ, naregɨŋ cɨn̰ gusɨgɨŋ naŋ. Kumu le, ungo kɨya ɓale sogii naŋ. Hɨnga ga ungo gɨsɨ le, na kan ga nee le kɔ ma ban kɨya wale. 8Hɨn̰ gɨ ungo na gɨsɨ hɨnga ga ni dɨɗɨn̰ tabɨlaŋdi hɨnga ga da kuyoŋdi-gusi na, cay kobi na tɨma. Ama hɨn̰ gɨ ungo na gɨsɨ hɨnga ga da Turnɔ di da Kumu na, cay kobi na sɔmɛ-bɨra gɨ dan̰ cɨndi gɨ na cay kɔbɔ gɨ da Turnɔ di da Kumu. 9Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ. 10Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.
Kagadi kɔl gɨ da Pol
11Sɨlagɨŋ hɨnga ga ɨŋ ba sɨraŋde gumu gururu gururu kɛ le. Na ɨŋ-bandi ba-aye dan̰ hɨnga ga ni walɨn̰ magtubu dan̰ kɔbɔŋ hɨnge walɨn̰ kɔl gɨ ba kɛ le. 12Aŋ yəgɨŋ, kalaŋ ga malge gɨ kɨŋ na wala ban̰a dan̰ osɨwa le, na kalaŋ ga geyge gɨle gusɨge cɨn̰ kalaŋ. Leen̰ cɨndi na, kan leege hɨn̰ wo̰ ɗe gɨ kalaŋ na gɨ gɨlge cɨn̰ kɨya cay Kɨris naŋ bɨ, cay tɔgɛ bɛrnɛ tɨmay Kɨris cay sɨya-gɨ-dagɨli gɨŋ naŋ bɨ. 13Kan ga na kalaŋ ga walge ban̰a kalɨn̰ ma, bɨgage kɔl a cay gasɨn̰-kɔl gaŋ nɔm dan̰ gɨyəŋdi naŋ. Ama, kan geyge gɨ kɨŋ na wala ban̰a age na den̰ jorgɨyge, kɨya cay hɨnga ga kɨŋ ba lee le. 14Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ. 15Na toy di hɨn̰ wo̰ ma, wale ban̰a wala, wale ban̰a naŋ kalɨn̰ ma, laa hɨnga naŋ. Ama hɨnga ga kuɗa tɔgɨ na, ojɨ gɨ waŋ waŋ kalɨn̰ ma na andaŋ a boy-sɔmɛ-bɨra gɨ hɨrɨwa gɨŋ. 16Kuɗa gɨ gusi-dɔbɛ bɨ, sɔlɛ cɨn̰-n̰age da Kumu bɨ, baa dan̰ kalaŋ nɔm ga gɨye-lɔɔdɨge woy hɨn̰ ban gɨ ɨŋ ba gɨlge wo̰ bɨ, baa dan̰ Ɨsɨrayɛl di hɨrɨwa di ban ɗe bɨ.
17Ay toy haw kɛ orɨn̰ tumɔ na, ɨŋ gey gɨ ungo pɨna wo̰ duroygɨŋ, na gɨ tɔbɔŋ duroy nee kɨya cay kɔl gɨ nee le naŋ ɨni. Kɨya wa dɨraŋ di woy gusɨnɨ le, gɨl gɨ ɨŋ naa gɨ da Jesu. 18Karmɨnɨ ga ban̰aŋ dan̰ ga kandɨ, ɗa gɨ ɗarwa di da Ba-gulondɨna Jesu-Kɨris baa danagɨŋ bɨ, baa dan̰ turnoygɨŋ bɨ. Ɗa-ɗe-woy-hɨn̰-wo̰.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.