Epɛs 3
3
Gɨye-lɔɔ gɨ Kumu bɨn̰ Pol ojɨn̰ cay kalaŋ ga toyge na Jubɨ naŋ
1Kɨya cay hɨnga ga Kumu lee le, ɨŋ ol Kumu. Ɨŋ-bandi Pol, ɨŋ woy dangay dɨŋ na kɨya cay gɨye hɨnge kol Jesu-Kɨris bɨ, kol caygɨŋ kɨŋ ga na kalaŋ ga toygɨŋ na Jubɨ naŋ bɨ. 2Aye gɨ Kumu ayaŋ leen̰ gɨye kol caygɨŋ dan̰ kuduroy-ɗarwa toyi le, kɨŋ je koldi. 3Kumu haŋgɨ cɨnɨ cay hɨnga ga ban gey lɔɔ ga woy kɨɗɨn̰ wɔsɛdɨge gaŋ. Ɨŋ wal kɔl gɨ ojɨ cay hɨnga ga nee le dḛ tumɔ bɨgɨŋ. 4Kɨɗɨn̰ ga kɨŋ na ɗɨngɨsa kɔl hɨnge gɨ nee le na, kɨŋ kɨya sɔlɛ gɨ ɨŋ na sol hɨnga ga ojɨ cay Kɨris ga woy kɨɗɨn̰ wɔsɛdɨge gaŋ le. 5Hɨnga ga woy kɨɗɨn̰ wɔsɛdɨge gaŋ le, jɨne Kumu ya koldɨge bɨn̰ mon̰ini naŋ, ama haw kɛ na Kumu ye koldɨge daa bɨn̰ ka-gɨre-gɨye ga da Jesu bɨ ka-yɔɔ-kɔl-gɨ-Kumu-ba-yɔɔ bɨ, ga ban torge sɨge dan̰ cɨndɨge dan̰ gɨyəŋ gɨ da Turnoyi. 6Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.
7Kɨya cay kuduroy-ɗarwa di Kumu lee danaŋ bɨ, kɨya cay dɔnɔ toyi di lee gɨye gusɨnɨ bɨ le, ban bəŋ gɨye gɨ ni togɨn̰-bɛrnɛ Kɔl-gɨ-Ɗari. 8Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ. 9Kumu gɨ ba ɗɔɔ hɨnga nɔm ƴom hɨnga ga woy kɨɗɨn̰ wɔsɛdɨge gaŋ le, wosɨge boy ɨrɨmedi gɨŋ na jɨne hayi. Ban gɨyəŋ na ɗe gɨ ɨŋ na dɨran̰ te gɨyəŋdi hɨnga ga woy kɨɗɨn̰ wɔsɛdɨge gaŋ ga Kumu lee le, ɗe arɨn̰ cərərə bɨn̰ kalaŋ. 10Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye. 11Hɨnga ga Kumu lee haw kɛ dan̰ gɨyəŋ gɨ da Ba-gulondɨna Jesu-Kɨris le, ban gɨsɨ na jɨne hayi tumoy hɨnga nɔm. 12Kol bugoŋ gɨ na bugoŋ pɨna dan̰ Kɨris bɨ, kuduroyna ga na bee cayi bɨ le, na way gɨyəŋ gɨ ni ɨrgan̰ gusi Kumu kɨya yoy kɔl boy ɔlɛ gɨŋ dɨle hundɔrɔ. 13Na toy di hɨn̰ wo̰ ma, kɨŋ ɗɔɔ gɨ dɔsɛ-ɗugɔ di ba andaŋ a canɨ kol caygɨŋ le dɔrɛ togɨygɨŋ coŋ naŋ. Ama dɨbɨgɨŋ gusoŋ-tɔgɛ cay Kumu kɨya cay dɔsɛ-ɗugɔ di ɨŋ way kol caygɨŋ le.
Ɔlɛ gɨ da Pol
14Na toy di hɨn̰ wo̰ ma, maŋ boy mɨregi olɨn̰ Kumu. 15Kumu na te wɔɔ gɨ da kalaŋ pɨna pɨna nɔm bayge, ga gɨɗɨgɨ-Kumu gaŋ bɨ, ga cay gɨsəŋ gaŋ bɨ. 16Ɨŋ olii ɗe gɨ ban na bɨgɨŋ kandi-wɔɔ ga da gusoŋ-tɔgɛ koyi ɗe agɨŋ osɨn̰ bɨ wan̰ dɔnɔ toyi bɨ dan̰ gɨyəŋ gɨ da Turnɔ toyi di woy kuduroygɨŋ. 17Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye. 18Hɨn̰ wo̰ na, kɨŋ kɨya ɓale won̰ tɔgɨ di ni solɨn̰ duroy geye gɨ ban gey lɔɔ kol caygɨŋ le pɨna dan̰ kan ga woyge dan̰ cɨndɨge ga ɗaŋ. Kɨŋ kɨya sɔlɛ wolwado bɨ, sɨngɨɗɨwado bɨ, hɔgɨwado bɨ, ɗɨgɨwado bɨ. 19Kɨŋ kɨya sɔlɛ geye gɨ da Kɨris gɨ ɗɨn̰ hɨnga-sɔlɛ nɔm, ɗe gɨ kandi-wɔɔ ga da Kumu wanɨn̰ kuduroygɨŋ pɨl pɨl.
20Kumu ɓal lɔɔ hɨnga nɔm ga na ɨngɨrii naŋ le, ga na sol le. Ban ɓal lɔɔ ɗɨn̰ cɨla coŋ ƴee. Bɨ kɨya lɔɔ hɨnga ga nee le, dan̰ gɨyəŋ gɨ da dɔnɔ di lee gɨye a kuduroyna le. 21Gusoŋ-tɔgɛ na gɨ da Kumu duroy Ka-Daye ga bugoŋge pɨna dan̰ Jesu-Kɨris, ɨlge dan̰ ɨlge. Ɗa-ɗe-woy-hɨn̰-wo̰!
Currently Selected:
Epɛs 3: gab
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Epɛs 3
3
Gɨye-lɔɔ gɨ Kumu bɨn̰ Pol ojɨn̰ cay kalaŋ ga toyge na Jubɨ naŋ
1Kɨya cay hɨnga ga Kumu lee le, ɨŋ ol Kumu. Ɨŋ-bandi Pol, ɨŋ woy dangay dɨŋ na kɨya cay gɨye hɨnge kol Jesu-Kɨris bɨ, kol caygɨŋ kɨŋ ga na kalaŋ ga toygɨŋ na Jubɨ naŋ bɨ. 2Aye gɨ Kumu ayaŋ leen̰ gɨye kol caygɨŋ dan̰ kuduroy-ɗarwa toyi le, kɨŋ je koldi. 3Kumu haŋgɨ cɨnɨ cay hɨnga ga ban gey lɔɔ ga woy kɨɗɨn̰ wɔsɛdɨge gaŋ. Ɨŋ wal kɔl gɨ ojɨ cay hɨnga ga nee le dḛ tumɔ bɨgɨŋ. 4Kɨɗɨn̰ ga kɨŋ na ɗɨngɨsa kɔl hɨnge gɨ nee le na, kɨŋ kɨya sɔlɛ gɨ ɨŋ na sol hɨnga ga ojɨ cay Kɨris ga woy kɨɗɨn̰ wɔsɛdɨge gaŋ le. 5Hɨnga ga woy kɨɗɨn̰ wɔsɛdɨge gaŋ le, jɨne Kumu ya koldɨge bɨn̰ mon̰ini naŋ, ama haw kɛ na Kumu ye koldɨge daa bɨn̰ ka-gɨre-gɨye ga da Jesu bɨ ka-yɔɔ-kɔl-gɨ-Kumu-ba-yɔɔ bɨ, ga ban torge sɨge dan̰ cɨndɨge dan̰ gɨyəŋ gɨ da Turnoyi. 6Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.
7Kɨya cay kuduroy-ɗarwa di Kumu lee danaŋ bɨ, kɨya cay dɔnɔ toyi di lee gɨye gusɨnɨ bɨ le, ban bəŋ gɨye gɨ ni togɨn̰-bɛrnɛ Kɔl-gɨ-Ɗari. 8Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ. 9Kumu gɨ ba ɗɔɔ hɨnga nɔm ƴom hɨnga ga woy kɨɗɨn̰ wɔsɛdɨge gaŋ le, wosɨge boy ɨrɨmedi gɨŋ na jɨne hayi. Ban gɨyəŋ na ɗe gɨ ɨŋ na dɨran̰ te gɨyəŋdi hɨnga ga woy kɨɗɨn̰ wɔsɛdɨge gaŋ ga Kumu lee le, ɗe arɨn̰ cərərə bɨn̰ kalaŋ. 10Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye. 11Hɨnga ga Kumu lee haw kɛ dan̰ gɨyəŋ gɨ da Ba-gulondɨna Jesu-Kɨris le, ban gɨsɨ na jɨne hayi tumoy hɨnga nɔm. 12Kol bugoŋ gɨ na bugoŋ pɨna dan̰ Kɨris bɨ, kuduroyna ga na bee cayi bɨ le, na way gɨyəŋ gɨ ni ɨrgan̰ gusi Kumu kɨya yoy kɔl boy ɔlɛ gɨŋ dɨle hundɔrɔ. 13Na toy di hɨn̰ wo̰ ma, kɨŋ ɗɔɔ gɨ dɔsɛ-ɗugɔ di ba andaŋ a canɨ kol caygɨŋ le dɔrɛ togɨygɨŋ coŋ naŋ. Ama dɨbɨgɨŋ gusoŋ-tɔgɛ cay Kumu kɨya cay dɔsɛ-ɗugɔ di ɨŋ way kol caygɨŋ le.
Ɔlɛ gɨ da Pol
14Na toy di hɨn̰ wo̰ ma, maŋ boy mɨregi olɨn̰ Kumu. 15Kumu na te wɔɔ gɨ da kalaŋ pɨna pɨna nɔm bayge, ga gɨɗɨgɨ-Kumu gaŋ bɨ, ga cay gɨsəŋ gaŋ bɨ. 16Ɨŋ olii ɗe gɨ ban na bɨgɨŋ kandi-wɔɔ ga da gusoŋ-tɔgɛ koyi ɗe agɨŋ osɨn̰ bɨ wan̰ dɔnɔ toyi bɨ dan̰ gɨyəŋ gɨ da Turnɔ toyi di woy kuduroygɨŋ. 17Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye. 18Hɨn̰ wo̰ na, kɨŋ kɨya ɓale won̰ tɔgɨ di ni solɨn̰ duroy geye gɨ ban gey lɔɔ kol caygɨŋ le pɨna dan̰ kan ga woyge dan̰ cɨndɨge ga ɗaŋ. Kɨŋ kɨya sɔlɛ wolwado bɨ, sɨngɨɗɨwado bɨ, hɔgɨwado bɨ, ɗɨgɨwado bɨ. 19Kɨŋ kɨya sɔlɛ geye gɨ da Kɨris gɨ ɗɨn̰ hɨnga-sɔlɛ nɔm, ɗe gɨ kandi-wɔɔ ga da Kumu wanɨn̰ kuduroygɨŋ pɨl pɨl.
20Kumu ɓal lɔɔ hɨnga nɔm ga na ɨngɨrii naŋ le, ga na sol le. Ban ɓal lɔɔ ɗɨn̰ cɨla coŋ ƴee. Bɨ kɨya lɔɔ hɨnga ga nee le, dan̰ gɨyəŋ gɨ da dɔnɔ di lee gɨye a kuduroyna le. 21Gusoŋ-tɔgɛ na gɨ da Kumu duroy Ka-Daye ga bugoŋge pɨna dan̰ Jesu-Kɨris, ɨlge dan̰ ɨlge. Ɗa-ɗe-woy-hɨn̰-wo̰!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.