Gɨye-lɔɔ 10
10
Teege Pɨyɛr a da Kɔrney
1Bara gɨ pɨna wo̰ gusondi na Kɔrney, som a cay ƴaa-di-gumu di Sejare dɨŋ. Ban na gumu gɨ da asɨgarn̰əŋ ga aru ga da kalaŋ ga Rɔm, kan woyge duroy te asɨgarn̰əŋ ga aru jii, ga kan teege naa Itali. 2Ban na ungo gɨ gɨye-lɔɔdi bugoŋ pɨna dan̰ Kumu bɨ, hɨndar Kumu bɨ, ban dan̰ ka-ƴaadi nɔm leege hɨnga ga nee le. Ban leen̰ Jubɨ ga ka-n̰age ɗarwa tɔgɨ bɨ, ol Kumu dan̰ cay tɨwa nɔm bɨ. 3Wɔlɛ gɨ pɨna wo̰ dan̰ tɨwa sɨbɨ di ni borundo na, hɨnga buyoŋ cɨndi hɨn̰ dḛ wo̰ lee gɨ ban sol ba-ƴɔbɛ gɨ daa nii gɨ da Kumu arɨn̰ cərərə, andaŋ kardi ƴen̰ bɨ yey hɨn̰: «Kɔrney!» 4Kɔrney si cɨndi cay solii gəɗəɗə bɨ, hundɔrɔ leeyi bɨ, lee gɨ ban ye hɨn̰: «Na wa ga Ba-gulɔŋ?» Ba-ƴɔbɛ gɨ daa nii le yey hɨn̰: «Kumu je ɔlɛ kon̰ nɔm bɨ, gey hɨnga kan̰ nɔm ga ji ba lee dan̰ ka-n̰age le bɨ, ban halan̰ gɨybəŋ naŋ bɨ. 5Gɨy kalaŋ haw kɛ a cay gɨsəŋ ga Jope gaŋ, kardi Simo gɨ pɨna wo̰ gɨ tɨrɨmbalay na Pɨyɛr le ɗe ɨrga. 6Ban na kɨrga gɨ da Simo gɨ gɨye-lɔɔdi na wɔngɨsɛ ɓala gɨ ƴaa toyi woy a bongi kuray gɨ gumu taa taa gɨŋ.»
7«Kɨɗɨn̰ ga ba-ƴɔbɛ gɨ daa nii gɨ ba ar kɔl danayi le say jogɨ ɨni na, Kɔrney te ka-gɨye kay won̰ge sɔɔ bɨ, te asɨgar pɨna duroy asɨgarn̰əŋ ga ka-ɨre mɨnde gusii ga hɨndarge Kumu le bɨ. 8Ban say dorge te hɨnga nɔm ga ba lee gusɨge le ɨni na, ban gɨyge a Jope.»
9Ɗaŋdo bɨ na kan ayge gɨyəŋ orge bɨ, baage mɨnde dan̰ cay ƴaa-di-gumu di Jope ɨni na, Pɨyɛr nay a cay ƴaa durdur dɨŋ kɨya ɔlɛ Kumu dan̰ tɨwa di baa mɨnde kɨya ɨnɨwa. 10Ama kuroŋ leeyi lee gɨ ban gey dɔɔ hɨnga. Bɨ kɨɗɨn̰ ga kan ɨre lee hɨnga ga ni dɔɔ ga ojɨ cayi le ɨni na, hɨnga andaŋ cayi buyoŋ cɨndi hɨn̰ dḛḛ wo̰. 11Ban sol gɨɗɨgɨ-Kumu hangaŋ bɨ, hɨnga ga pɨna wo̰ andɨgaŋ duroy nee gɨsɨngɨ jɨn̰ dugo bɨrɨŋ dugo gɨsəŋ. Hɨnga ga nee le, woy gɨlɨn̰ na hɨn̰ kɨbɨ badɨge ga gumu ga kan ƴom tɨbɨn̰dɨge ga poɗɨn̰ wo̰. 12Kɨmɛnɛ nɔm ga tɨbayge poɗɨn̰ bɨ, ga n̰ar dugo nɔm bɨ, cɨɗəŋ nɔm bɨ, woy boy kɨbɨ badɨge ga gumu gaŋ le. 13Ɨni na, noy Kumu yey hɨn̰: «Pɨyɛr, sa daa dɨɗɨ bɨ, daa bɨ.» 14Ama Pɨyɛr jɨga dɨbii cay nee yey hɨn̰: «Ɨŋ cɨle naŋ bɨrɨŋ Ba-gulɔŋ kɨya wa hɨnga ga Kumu nar dɔɔ, wala hɨnga ga mɨdagi le, ɨŋ daa cay pɨna naŋ ƴee.» 15Ɨni na, noy ungo gɨ ba yeyi kɔl tumɔ le, jɨga yeyi gɨ ni cay sɔɔdi coŋ hɨn̰: «Hɨnga ga Kumu ba ye gɨ naa hɨnga ga duroŋ mɨra le, sɔlɛ leen̰ hɨnga ga lee kɨni naŋ.» 16Hɨnga le, lee gusɨge hɨn̰ wo̰ cay sɨbɨ bɨ, kardi nee na kɔl gɨ kɨbɨna kɛ bɨ, sɨrge hɨnga le jogɨn̰ gɨɗɨgɨ-Kumu gɨŋ.
17Kɨɗɨn̰ ga Pɨyɛr ba mal gɨ ni sɔlɛ te hɨnga ga ba buyoŋ cɨndi hɨn̰ dḛḛ wo̰ ay na solɨn̰ duroyge na, kalaŋ ga Kɔrney ba gɨyge le, ɨngɨrge ƴaa di da Simo le jɨn̰ kɛ kɛ bɨ, ɨrgage ɨrege kɨbɨ ƴaa gɨŋ le. 18Kan ayge te tɔgɛ bɨ, ɨngɨrge yege hɨn̰: «Kɛ Simo gɨ tɨrɨmbalay na Pɨyɛr le som na kɛ hayi ga?» 19Kɨɗɨn̰ ga Pɨyɛr som ɨrɨm kɔl a cay te hɨnga ga ba buyoŋ cɨndi hɨn̰ dḛḛ wo̰ le ban̰ nee ƴee bɨ ga ma, Turnɔ di da Kumu yey hɨn̰: «Sɨla, kalaŋ sɨbɨ ɨre malɨn̰ge kɛ. 20Sa daa bɨ, gɨsɨn dugo ɨra danage dɨle man̰e kɔl, kɨya wa na ɨŋ-bandi ba gɨygɨge.»
21Kɨɗɨn̰ ga nee le bɨ, Pɨyɛr gɨsɨn dugo ɨrga wayge bɨ, yege hɨn̰: «Ɨŋ na ungo gɨ kɨŋ ba malii le, kɛ kɨŋ ɨrga na kɨya wa ga?» 22Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.» 23Kɨɗɨn̰di ga nee gaŋ le, Pɨyɛr orɨn̰ danage ƴen̰ bɨ, bɨge kɨɗɨn̰ ga ni won̰.
Wan̰dodo ɨni na, ban baa or danage. Karmɨge ga pɨna ga a Jope beeyige orɨn̰ danayi. 24Ɗaŋdo ɨni na, Pɨyɛr bugoŋ a Sejare. Kɔrney day cay ka-wandɨ kayi bɨ, ka-pogɨn̰ii ga ban sige jam cɨndi gaŋ bɨ, lee gɨ kan nɔm somge gamiige. 25Kɨɗɨn̰ ga Pɨyɛr ɨre or jɨn̰ ƴen̰ ɨni na, Kɔrney yal cɨndi bɨ, baa jɨbɨ jɨndi dugo tumoyi leeyi lapɨya dan̰ hurɔmɔ di gumu. 26Ɨni na, Pɨyɛr ƴomii daa yey hɨn̰: «Sa daa, ɨŋ na ungo gɨ ɨndi hɨn̰ ji-bandi wo̰ bɨ.» 27Ban ar kɔl dan̰ Kɔrney bɨrɨŋ andɨn̰ ƴen̰. Kɨɗɨn̰ ga ban sol kondɨwadi kalaŋ ga ba dayge cayge le ɨni na, 28Ban yege hɨn̰: «Kɨŋ sol kuɗa gɨ ungo gɨ ni Jubɨ gɨ ani ani kalɨn̰ ma, kan nariige ƴɔmɛ pɔgɨn̰ɛ dan̰ ungo gɨ ni Jubɨ naŋ bɨ, nariige dɨbe tɨbay duroy ƴaadi dɨŋ bɨ. Ama Kumu lee gɨ ɨŋ na gɨ sɔlɛ ungo loon̰ ungo gɨ mɨdagi naŋ bɨ, loon̰ ungo gɨ ungo ɓala ɔrɛ tayi naŋ bɨ. 29Na toy di hɨn̰ wo̰ ma, kɨɗɨn̰ ga kɨŋ ba gɨy karɨnɨ le, ɨŋ ɨrga dɨle gangɨre tonɨ. Ama haw kɛ na yangɨŋ te kɔl gɨ kɨŋ ba gɨyɨn̰ karɨnɨ le.»
30Ɨni na, Kɔrney jɨga dɨbi cay nee yey hɨn̰: «Ɓal wɔlɛ sɨbɨ labɨde, dan̰ tɨwa sɨbɨdi ni borundo na, ɨŋ som ol Kumu ƴaanɨ dɨŋ bɨ, bara gɨ pɨna wo̰ gɨ dobɨ badɨge ga jɨran̰de gusi andaŋ canɨ dus ɨre tumonɨ, 31bɨ yəŋ hɨn̰: “Kɔrney, Kumu je ɔlɛ kon̰ bɨ, kuduroyi hala gɨybəŋ cay hɨnga ga ni bee ga ji bɨn̰ ka-n̰age le naŋ bɨ. 32Hɨn̰ wo̰ na gɨy kalaŋ a cay ƴaa-di-gumu di Jope dɨŋ kardi Simo gɨ tɨrɨmbalay na Pɨyɛr le, ɗe ɨrga. Ban som na a da Simo gɨ ɗaŋ gɨ gɨye-lɔɔdi na wɔngɨsɛ ɓala gɨ ƴaadi woy a bongi kuray gɨ gumu taa taa gɨŋ le.” 33Kɨɗɨn̰di ga nee gaŋ le bɨ, ɨŋ gɨy kalaŋ kardɨn̰, lee gɨ ji ɨrga na, ji lee na hɨnga ga kuɗa tɔgɨ. Haw kɛ na, ni som nɔm na tumoyi Kumu, kɨya jon̰ kɔl nɔm gɨ Ba-gulɔŋ ba yen̰ gɨ ji na yani le.» 34Ɨni na, Pɨyɛr haŋgɨ kɨbi bɨ ye hɨn̰: «Haw kɛ na, ɨŋ sol leen̰ cɨndi gɨ Kumu dɨra cɨn̰ ungo naŋ ɨni. 35Bɨ duroy te wɔɔ gɨ da kalaŋ pɨna pɨna nɔm le, ungo gɨ na hɨndara Kumu bɨ, laa hɨnga ga dan̰ durɔ ɗɨngar bɨ na, kɨya ƴɔɔ cɨndi.» 36Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le. 37Kɨŋ sol hɨnga ga ba lee gusɨge ƴen̰ kɨɗɨn̰ a cay gɨsəŋ ga Jude gaŋ nɔm, ayɨn̰ toy a cay gɨsəŋ ga Galile gaŋ kardi batɛm di Ja̰ ba tee bɛrnɛdo le, kuɗa. 38Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi. 39Gɨye nɔm gɨ ban lee a cay gɨsəŋ ga da Jubɨ gaŋ bɨ, a cay ƴaa-di-gumu di Jerusalɛm dɨŋ bɨ le, ni na tɨmon̰dɨge. Kan gagɨlige a cay sɨya-gɨ-dagɨli gɨŋ ɗeyge ma. 40Ama wɔlɛ sɨbɨdi gɨŋ ɨni na, Kumu boyi lɨbii duroy kalaŋ ga madɨrdaŋ gaŋ. Ban bii gɨyəŋ gɨlɨn̰ gusi cɨn̰ kalaŋ ɗe gɨ kan na soliige. 41Ban gɨl gusi na cɨn̰ kalaŋ nɔm naŋ, ama ban andaŋ na cayni ni-gandi ga ban torni leen̰ tɨmon̰ kayi, ga dii danayi bɨ, sii danayi bɨ, kardi bɔyɛ lɨbe koyi duroy kalaŋ ga madɨrdaŋ gaŋ. 42Ban ye ni gɨ ni na tɨga bɛrnɛ bɨn̰ kalaŋ nɔm bɨ, ni na laa tɨmon̰ ya hɨn̰: Na ban ma Kumu dorii hɨn̰ ba-bɔyɛ kɔl cay kalaŋ ga som-bɨra bɨ, cay kalaŋ ga madɨrdaŋ gaŋ bɨ. 43Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.
Kalaŋ ga toyge na Jubɨ naŋ wayge Turnɔ ɗe-kuduroy-bɛrɛ
44Kɨɗɨn̰ ga Pɨyɛr ye kɔl baa kɨbi ƴee bɨ ga ma, Turnɔ ɗe-kuduroy-bɛrɛ gɨsɨn cay kalaŋ nɔm ga ba somge jege kɔl koyi gɨ ban ba dor le. 45Duroy ka-aye kudurɔ ga bɨgɨgage Pɨyɛr ga na Jubɨn̰əŋ le, kɔl kayge sɛl sɛl kɨya wa kalaŋ ga toyge na Jubɨ naŋ kalɨn̰ ma wayige Turnɔ ɗe-kuduroy-bɛrɛ di Kumu bee. 46Kɨya wa kan jege noyge di kan yen̰ kɔl dan̰ kɨbɨ gɨ da kalaŋ ga ɗaŋ bɨ, dɨbɨn̰ge gusoŋ-tɔgɛ a cay Kumu bɨ. Ɨni na, Pɨyɛr yege hɨn̰: 47«Kalaŋ ga ba kɛ le, wayige Turnɔ ɗe-kuduroy-bɛrɛ hɨn̰ na-gandi wo̰ bɨ, kɛ ungo gɨ ɓale nare gɨ kan na laage batɛm coŋ ga?» 48Kardi nee ɨni na, ban ay noyi bɨge gɨ kan na laage batɛm dan̰ guson̰ Jesu-Kɨris. Ɨni na, kan ɨngɨrge Pɨyɛr ɗe na lee wɔlɛ lam danage.
Currently Selected:
Gɨye-lɔɔ 10: gab
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.
Gɨye-lɔɔ 10
10
Teege Pɨyɛr a da Kɔrney
1Bara gɨ pɨna wo̰ gusondi na Kɔrney, som a cay ƴaa-di-gumu di Sejare dɨŋ. Ban na gumu gɨ da asɨgarn̰əŋ ga aru ga da kalaŋ ga Rɔm, kan woyge duroy te asɨgarn̰əŋ ga aru jii, ga kan teege naa Itali. 2Ban na ungo gɨ gɨye-lɔɔdi bugoŋ pɨna dan̰ Kumu bɨ, hɨndar Kumu bɨ, ban dan̰ ka-ƴaadi nɔm leege hɨnga ga nee le. Ban leen̰ Jubɨ ga ka-n̰age ɗarwa tɔgɨ bɨ, ol Kumu dan̰ cay tɨwa nɔm bɨ. 3Wɔlɛ gɨ pɨna wo̰ dan̰ tɨwa sɨbɨ di ni borundo na, hɨnga buyoŋ cɨndi hɨn̰ dḛ wo̰ lee gɨ ban sol ba-ƴɔbɛ gɨ daa nii gɨ da Kumu arɨn̰ cərərə, andaŋ kardi ƴen̰ bɨ yey hɨn̰: «Kɔrney!» 4Kɔrney si cɨndi cay solii gəɗəɗə bɨ, hundɔrɔ leeyi bɨ, lee gɨ ban ye hɨn̰: «Na wa ga Ba-gulɔŋ?» Ba-ƴɔbɛ gɨ daa nii le yey hɨn̰: «Kumu je ɔlɛ kon̰ nɔm bɨ, gey hɨnga kan̰ nɔm ga ji ba lee dan̰ ka-n̰age le bɨ, ban halan̰ gɨybəŋ naŋ bɨ. 5Gɨy kalaŋ haw kɛ a cay gɨsəŋ ga Jope gaŋ, kardi Simo gɨ pɨna wo̰ gɨ tɨrɨmbalay na Pɨyɛr le ɗe ɨrga. 6Ban na kɨrga gɨ da Simo gɨ gɨye-lɔɔdi na wɔngɨsɛ ɓala gɨ ƴaa toyi woy a bongi kuray gɨ gumu taa taa gɨŋ.»
7«Kɨɗɨn̰ ga ba-ƴɔbɛ gɨ daa nii gɨ ba ar kɔl danayi le say jogɨ ɨni na, Kɔrney te ka-gɨye kay won̰ge sɔɔ bɨ, te asɨgar pɨna duroy asɨgarn̰əŋ ga ka-ɨre mɨnde gusii ga hɨndarge Kumu le bɨ. 8Ban say dorge te hɨnga nɔm ga ba lee gusɨge le ɨni na, ban gɨyge a Jope.»
9Ɗaŋdo bɨ na kan ayge gɨyəŋ orge bɨ, baage mɨnde dan̰ cay ƴaa-di-gumu di Jope ɨni na, Pɨyɛr nay a cay ƴaa durdur dɨŋ kɨya ɔlɛ Kumu dan̰ tɨwa di baa mɨnde kɨya ɨnɨwa. 10Ama kuroŋ leeyi lee gɨ ban gey dɔɔ hɨnga. Bɨ kɨɗɨn̰ ga kan ɨre lee hɨnga ga ni dɔɔ ga ojɨ cayi le ɨni na, hɨnga andaŋ cayi buyoŋ cɨndi hɨn̰ dḛḛ wo̰. 11Ban sol gɨɗɨgɨ-Kumu hangaŋ bɨ, hɨnga ga pɨna wo̰ andɨgaŋ duroy nee gɨsɨngɨ jɨn̰ dugo bɨrɨŋ dugo gɨsəŋ. Hɨnga ga nee le, woy gɨlɨn̰ na hɨn̰ kɨbɨ badɨge ga gumu ga kan ƴom tɨbɨn̰dɨge ga poɗɨn̰ wo̰. 12Kɨmɛnɛ nɔm ga tɨbayge poɗɨn̰ bɨ, ga n̰ar dugo nɔm bɨ, cɨɗəŋ nɔm bɨ, woy boy kɨbɨ badɨge ga gumu gaŋ le. 13Ɨni na, noy Kumu yey hɨn̰: «Pɨyɛr, sa daa dɨɗɨ bɨ, daa bɨ.» 14Ama Pɨyɛr jɨga dɨbii cay nee yey hɨn̰: «Ɨŋ cɨle naŋ bɨrɨŋ Ba-gulɔŋ kɨya wa hɨnga ga Kumu nar dɔɔ, wala hɨnga ga mɨdagi le, ɨŋ daa cay pɨna naŋ ƴee.» 15Ɨni na, noy ungo gɨ ba yeyi kɔl tumɔ le, jɨga yeyi gɨ ni cay sɔɔdi coŋ hɨn̰: «Hɨnga ga Kumu ba ye gɨ naa hɨnga ga duroŋ mɨra le, sɔlɛ leen̰ hɨnga ga lee kɨni naŋ.» 16Hɨnga le, lee gusɨge hɨn̰ wo̰ cay sɨbɨ bɨ, kardi nee na kɔl gɨ kɨbɨna kɛ bɨ, sɨrge hɨnga le jogɨn̰ gɨɗɨgɨ-Kumu gɨŋ.
17Kɨɗɨn̰ ga Pɨyɛr ba mal gɨ ni sɔlɛ te hɨnga ga ba buyoŋ cɨndi hɨn̰ dḛḛ wo̰ ay na solɨn̰ duroyge na, kalaŋ ga Kɔrney ba gɨyge le, ɨngɨrge ƴaa di da Simo le jɨn̰ kɛ kɛ bɨ, ɨrgage ɨrege kɨbɨ ƴaa gɨŋ le. 18Kan ayge te tɔgɛ bɨ, ɨngɨrge yege hɨn̰: «Kɛ Simo gɨ tɨrɨmbalay na Pɨyɛr le som na kɛ hayi ga?» 19Kɨɗɨn̰ ga Pɨyɛr som ɨrɨm kɔl a cay te hɨnga ga ba buyoŋ cɨndi hɨn̰ dḛḛ wo̰ le ban̰ nee ƴee bɨ ga ma, Turnɔ di da Kumu yey hɨn̰: «Sɨla, kalaŋ sɨbɨ ɨre malɨn̰ge kɛ. 20Sa daa bɨ, gɨsɨn dugo ɨra danage dɨle man̰e kɔl, kɨya wa na ɨŋ-bandi ba gɨygɨge.»
21Kɨɗɨn̰ ga nee le bɨ, Pɨyɛr gɨsɨn dugo ɨrga wayge bɨ, yege hɨn̰: «Ɨŋ na ungo gɨ kɨŋ ba malii le, kɛ kɨŋ ɨrga na kɨya wa ga?» 22Kan dɨbiige cay nee yeyige hɨn̰: «Na Kɔrney gumu gɨ da asɨgarn̰əŋ ga aru ba gɨygɨni. Ban na ungo gɨ dan̰ durɔ ɗɨngar bɨ, gɨ hɨndar Kumu bɨ, gɨ gusondi ye kuɗa duroy te wɔɔ gɨ da kalaŋ ga ni Jubɨ nɔm bɨ. Ba-ƴɔbɛ gɨ daa nii gɨ woy dan̰ cɨndi yeyi gɨ ban na tɨgan̰, ɗe gɨ ji na ɨre ƴaadi dɨŋ ay na jen̰ kɔl gɨ ji na kɨya yoy.» 23Kɨɗɨn̰di ga nee gaŋ le, Pɨyɛr orɨn̰ danage ƴen̰ bɨ, bɨge kɨɗɨn̰ ga ni won̰.
Wan̰dodo ɨni na, ban baa or danage. Karmɨge ga pɨna ga a Jope beeyige orɨn̰ danayi. 24Ɗaŋdo ɨni na, Pɨyɛr bugoŋ a Sejare. Kɔrney day cay ka-wandɨ kayi bɨ, ka-pogɨn̰ii ga ban sige jam cɨndi gaŋ bɨ, lee gɨ kan nɔm somge gamiige. 25Kɨɗɨn̰ ga Pɨyɛr ɨre or jɨn̰ ƴen̰ ɨni na, Kɔrney yal cɨndi bɨ, baa jɨbɨ jɨndi dugo tumoyi leeyi lapɨya dan̰ hurɔmɔ di gumu. 26Ɨni na, Pɨyɛr ƴomii daa yey hɨn̰: «Sa daa, ɨŋ na ungo gɨ ɨndi hɨn̰ ji-bandi wo̰ bɨ.» 27Ban ar kɔl dan̰ Kɔrney bɨrɨŋ andɨn̰ ƴen̰. Kɨɗɨn̰ ga ban sol kondɨwadi kalaŋ ga ba dayge cayge le ɨni na, 28Ban yege hɨn̰: «Kɨŋ sol kuɗa gɨ ungo gɨ ni Jubɨ gɨ ani ani kalɨn̰ ma, kan nariige ƴɔmɛ pɔgɨn̰ɛ dan̰ ungo gɨ ni Jubɨ naŋ bɨ, nariige dɨbe tɨbay duroy ƴaadi dɨŋ bɨ. Ama Kumu lee gɨ ɨŋ na gɨ sɔlɛ ungo loon̰ ungo gɨ mɨdagi naŋ bɨ, loon̰ ungo gɨ ungo ɓala ɔrɛ tayi naŋ bɨ. 29Na toy di hɨn̰ wo̰ ma, kɨɗɨn̰ ga kɨŋ ba gɨy karɨnɨ le, ɨŋ ɨrga dɨle gangɨre tonɨ. Ama haw kɛ na yangɨŋ te kɔl gɨ kɨŋ ba gɨyɨn̰ karɨnɨ le.»
30Ɨni na, Kɔrney jɨga dɨbi cay nee yey hɨn̰: «Ɓal wɔlɛ sɨbɨ labɨde, dan̰ tɨwa sɨbɨdi ni borundo na, ɨŋ som ol Kumu ƴaanɨ dɨŋ bɨ, bara gɨ pɨna wo̰ gɨ dobɨ badɨge ga jɨran̰de gusi andaŋ canɨ dus ɨre tumonɨ, 31bɨ yəŋ hɨn̰: “Kɔrney, Kumu je ɔlɛ kon̰ bɨ, kuduroyi hala gɨybəŋ cay hɨnga ga ni bee ga ji bɨn̰ ka-n̰age le naŋ bɨ. 32Hɨn̰ wo̰ na gɨy kalaŋ a cay ƴaa-di-gumu di Jope dɨŋ kardi Simo gɨ tɨrɨmbalay na Pɨyɛr le, ɗe ɨrga. Ban som na a da Simo gɨ ɗaŋ gɨ gɨye-lɔɔdi na wɔngɨsɛ ɓala gɨ ƴaadi woy a bongi kuray gɨ gumu taa taa gɨŋ le.” 33Kɨɗɨn̰di ga nee gaŋ le bɨ, ɨŋ gɨy kalaŋ kardɨn̰, lee gɨ ji ɨrga na, ji lee na hɨnga ga kuɗa tɔgɨ. Haw kɛ na, ni som nɔm na tumoyi Kumu, kɨya jon̰ kɔl nɔm gɨ Ba-gulɔŋ ba yen̰ gɨ ji na yani le.» 34Ɨni na, Pɨyɛr haŋgɨ kɨbi bɨ ye hɨn̰: «Haw kɛ na, ɨŋ sol leen̰ cɨndi gɨ Kumu dɨra cɨn̰ ungo naŋ ɨni. 35Bɨ duroy te wɔɔ gɨ da kalaŋ pɨna pɨna nɔm le, ungo gɨ na hɨndara Kumu bɨ, laa hɨnga ga dan̰ durɔ ɗɨngar bɨ na, kɨya ƴɔɔ cɨndi.» 36Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le. 37Kɨŋ sol hɨnga ga ba lee gusɨge ƴen̰ kɨɗɨn̰ a cay gɨsəŋ ga Jude gaŋ nɔm, ayɨn̰ toy a cay gɨsəŋ ga Galile gaŋ kardi batɛm di Ja̰ ba tee bɛrnɛdo le, kuɗa. 38Kardi nee Kumu gɨ ba bɨn̰ Jesu-Kɨris gɨ Najarɛt Turnɔ ɗe-kuduroy-bɛrɛ bɨ, dɔnɔ bɨ le, kɨŋ solii kuɗa bɨ, gɔrɛ gɨ Ban gor dan̰ cay kɨɗɨn̰ kɨɗɨn̰ kɨya loon̰ hɨnga ga ɗari dan̰ kalaŋ bɨ le, lee gɨ kalaŋ nɔm ga ba somge a te dɔnɔ di da Haban̰ dɨŋ le, hɔmɨn̰ɛ duroŋ gusɨge bɨ, kɨya gɨ Kumu baa danayi. 39Gɨye nɔm gɨ ban lee a cay gɨsəŋ ga da Jubɨ gaŋ bɨ, a cay ƴaa-di-gumu di Jerusalɛm dɨŋ bɨ le, ni na tɨmon̰dɨge. Kan gagɨlige a cay sɨya-gɨ-dagɨli gɨŋ ɗeyge ma. 40Ama wɔlɛ sɨbɨdi gɨŋ ɨni na, Kumu boyi lɨbii duroy kalaŋ ga madɨrdaŋ gaŋ. Ban bii gɨyəŋ gɨlɨn̰ gusi cɨn̰ kalaŋ ɗe gɨ kan na soliige. 41Ban gɨl gusi na cɨn̰ kalaŋ nɔm naŋ, ama ban andaŋ na cayni ni-gandi ga ban torni leen̰ tɨmon̰ kayi, ga dii danayi bɨ, sii danayi bɨ, kardi bɔyɛ lɨbe koyi duroy kalaŋ ga madɨrdaŋ gaŋ. 42Ban ye ni gɨ ni na tɨga bɛrnɛ bɨn̰ kalaŋ nɔm bɨ, ni na laa tɨmon̰ ya hɨn̰: Na ban ma Kumu dorii hɨn̰ ba-bɔyɛ kɔl cay kalaŋ ga som-bɨra bɨ, cay kalaŋ ga madɨrdaŋ gaŋ bɨ. 43Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.
Kalaŋ ga toyge na Jubɨ naŋ wayge Turnɔ ɗe-kuduroy-bɛrɛ
44Kɨɗɨn̰ ga Pɨyɛr ye kɔl baa kɨbi ƴee bɨ ga ma, Turnɔ ɗe-kuduroy-bɛrɛ gɨsɨn cay kalaŋ nɔm ga ba somge jege kɔl koyi gɨ ban ba dor le. 45Duroy ka-aye kudurɔ ga bɨgɨgage Pɨyɛr ga na Jubɨn̰əŋ le, kɔl kayge sɛl sɛl kɨya wa kalaŋ ga toyge na Jubɨ naŋ kalɨn̰ ma wayige Turnɔ ɗe-kuduroy-bɛrɛ di Kumu bee. 46Kɨya wa kan jege noyge di kan yen̰ kɔl dan̰ kɨbɨ gɨ da kalaŋ ga ɗaŋ bɨ, dɨbɨn̰ge gusoŋ-tɔgɛ a cay Kumu bɨ. Ɨni na, Pɨyɛr yege hɨn̰: 47«Kalaŋ ga ba kɛ le, wayige Turnɔ ɗe-kuduroy-bɛrɛ hɨn̰ na-gandi wo̰ bɨ, kɛ ungo gɨ ɓale nare gɨ kan na laage batɛm coŋ ga?» 48Kardi nee ɨni na, ban ay noyi bɨge gɨ kan na laage batɛm dan̰ guson̰ Jesu-Kɨris. Ɨni na, kan ɨngɨrge Pɨyɛr ɗe na lee wɔlɛ lam danage.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Association pour la Promotion de la Langue Gabri Darbé-Dormon (APLGD) en coopération avec
© 2023, Wycliffe Bible Translators, Inc.