रोमी 12
12
को़न्ज्योक्ल सुङ्ल चुक्केन् हीम्ब १-२
1पी़न्ज्यासो, को़न्ज्योक् ॱङीङ्ज्यी छ्यीम्मु च्येम्म यो़क्केन् झ्यीनी, खीत्रङ्ल ङ ॱलोप्स हीगो ज्यक्केनो। खीत्रङ्गी ली़सीम् दी चङ्म, को़न्ज्योक् थु गुव, को़न्ज्योक्ल सुङ्ल चुब डस्सी पुज्यीत्। हीगो क हस्सो़त् दीम्बरङ्गी धेप्प मो़ब झ्यीब दील डोगेन् बेत्। 2जम्बुलीङ् ङो़गी छ्यलु डस्सीगी लेमुल लोक्न मत् झ्यीज्यीत्। बोर ॱसीम् ॱसम्ब खुर्न लेमु रङ्सल ज्युर्न स्योक्च्यीत्। हुनी क को़न्ज्योक्की थुल घङ् यो़प्प, गये ढङ्, खोङ् थु गुवे लेमु धङ् फी़न्सुम् छङ युङ दी नम् च्येत्न ॱह घो छुगेन् बेत्।
थुज्यीगी कबप् ॱनम्ब गज्येन् च्येम्मे ले ३-८
3ङल ॱनङे को़न्ज्योक्की थुज्यीगी लम्नी खीत्रङ् रीदङ् रील ङ हीगो सीक्केनो। खीत्रङ् ॱसोस्सोरङ् घन्दुक् झ्यीबे मी यो़दङ् उजो़त् च्यीक् मेन्द, हुले ज्यीक्पा ॱमत् ॱसम्ज्यीत्। मी ॱसोस्सोरङ्ल को़न्ज्योक्की ॱनङे छ्य स्यक्पे डेबु दील डीक्प मेन्द, हुले ज्यीक्पा ॱमत् ॱसम्ज्यीत्। 4हज्यरङ् रीदङ् रील सी़बु री री यो़क्केन् बेत्। ॱनी हुल यल्लक् गज्येन् यो़क्केन् बेत्। ॱनी यल्लक् कुरीक्की ले दी च्यीक्प मीत् युङ्गेन् बेत्। 5हुगो डस्सी हज्यरङ् गज्येन् यो़त्न अक्, ख्रीष्ट्तङ् मत् ढेबल हज्यरङ् सी़ च्यीक् डस्सी युङ्गेन् बेत्। ॱनी हुगी सी़ हुगी यल्लक् घयेत् दी हज्यरङ् रीदङ् रील डोगेन् बेत्। 6हज्यरङ् रीदङ् रील को़न्ज्योक्की थुज्यी ॱनङल पीब थुज्यीगी कबप् दी हज्यरङ्ल रङ्स रङ्स युङ्गेन् बेत्। कलुङ् ॱस्यो़क्केङ्गी कबप् यो़प्प च्येम्मे रोरङ्गी छ्य स्यक्न ॱलो केन युङल डीक्पे छ्यक्चो़त् च्यीक्रङ् ॱस्यो़च्च्यीत्। 7छ्यो़ छोगी घुङ्दु स्यप्च्यी़गी ले झ्यीक्केङ्गी कबप् यो़प्प च्येम्मे स्यप्च्यी़गी ले दी झ्यीज्यीत्। ॱसुङ्रप्की ॱलोप्स ज्यक् ॱस्यीगेङ्गी कबप् यो़प्प च्येम्मे ॱलोप्स दी ज्योप्च्यीत्। 8ॱलोप्स्यीक् टो़त् ॱस्यीगेङ्गी कबप् यो़प्प च्येम्मे ॱलोप्स्यीक् दी टो़च्च्यीत्। ॱयोङ्ल फेन् थोब तीक्केङ्गी कबप् यो़प्प च्येम्मे ॱसीम्नी फो़त्न टो़च्च्यीत्। गोयो़प्प झ्यीक्केङ्गी कबप् यो़प्प च्येम्मे टेत् च्येत्न गोयो़त् दी झ्यीज्यीत्। ॱयोङ्ल फेन् थोब ॱङीङ्ज्यी झ्यीक्केङ्गी कबप् यो़प्प च्येम्मे ॱसीम् गवे झ्यीज्यीत्।
झ्यम्बे लेमु ॱनजो ९-२१
9झ्यम्ब ॱसीम्बे यीक्नी झ्यीत् गोगेन् बेत्। ङेम्बे ढङ्ल स्यीलोक्प झ्यीज्यीत्। गागी ढङ् ङो़ल ॱसीम्ब तोङ्ज्यीत्। 10खीत्रङ् नङ्दु च्यीक्तङ् च्यीक्ल चीदुङ् झ्यीज्यीत्। खीत्रङ् च्यीक्तङ् च्यीक्ल तो़प्प झ्यीन रङ्ले ॱयोङ्ल ॱल्हक्पा ॱसम्ज्यीत्। 11ॱअर्स्यी ॱमत् ॱस्यो़प्प, ॱसीम्नी धेप्प मो़बे स्यीदङ् झ्यीन धम्बे थुगी मी बर डस्सी ॱसीम्ल झ्युङ्न चोव ज्यीन्दक्ल स्यप्च्यी़ ज्युज्यीत्। 12रीगो यो़प्पल ॱसीम् गव झ्यीज्यीत्। दुक्प नोङे यङ्ल हुगो गुर्च्यीत्। धुरेत् झ्यीन ॱसुव तप् तब झ्यीज्यीत्। 13को़न्ज्योक्की मी चङ्म घयेत्ल घन्डे गो़बे खोज्येत् दुक्क हुगोल दगु झ्यीज्यीत्। डोम्बु युङ घयेत्ल ॱनेजङ् ॱयोर्च्यीत्।
14खीत्रङ्ल दुक्प अयेक्प तोङ्गेन् घयेक्की ढीक्ल ॱमेल्लम् स्यी़ज्यीत्। ॱमो़त्मु मत् ज्यब, ॱमेल्लम् स्यी़ज्यीत्। 15ॱसीम् गव च्येम्म घयेत्तङ् यङ् ॱसीम् गव दीरङ् झ्यीज्यीत्। ॱनी ङुगेन् घयेत्तङ् यङ् ङुरो झ्यीज्यीत्। 16खीत्रङ् कुरीक् ॱसीम् च्यीक् ली़ च्यीक् झ्यीन दो़च्च्यीत्। ढक्पा हीन् ॱनो़ब ॱमत् ॱसम्ब, मी ॱम च्युङाल आक् थोङ् झ्यीज्यीत्। रङ् खेबा हीन् ॱनो़ब ॱमत् ॱसम्ज्यीत्।
17ॱसुल आक् ङेल्लेन् ॱमत् च्यो़ज्यीत्। मी कुरीक्की तेबल घन्ड झ्यीन गा युङ्गुक्क हुगो झ्यीत् छुब झ्यीज्यीत्। 18झ्युङ्न, खीत्रङ् मी कुरीक्तङ् छ्यम्ब डीक्प झ्यीन दो़च्च्यीत्। 19झ्यम्बे दगुसो, ङेम्बे ङेल्लेन् खीत्रङ्गी ॱमत् च्यो़ज्यीत्। हुगो को़न्ज्योक्की छ्यक्तु खोङ्गी खोङ्डोक्की छ्येप्प को़ज्येल स्योक्च्यीत्। हीगी ढीक्ल चोव ज्यीन्दक्की ॱसुङ्गेन् बेत्।
ङेल्लेन् च्यो़ज्येम दी ङे लक्ल यो़त्। ङेम्बे ङेल्लेन् च्यो़गेन् दी ङ हीन्। (ठीम्लु ३२:३५)
20बोर रङ्गी ड दी ढोप्प तोन युङ्न, हुल सम बीन्ज्यीत्। कोम्न युङ्न, हुल थुङ्ज्ये टो़च्च्यीत्। हीगो डस्सी झ्यीन ॱनी, रङ्गी हुगी गोल मीरोक् ॱमप्पु कब डस्सी हुगो ङु छ डोगेन् बेत् सीर थो़ङ्गेन् बेत्। (पीस्येत् २५:२१-२२)
21ङेम्बे ले झ्यीन रङ् फम्दु ॱमत् ची़च्च्यीत्। ङेम्ब हुगोले रङ् सङ्बी़ ले झ्यीन ज्यला थो़न् छुब झ्यीज्यीत्।
Currently Selected:
रोमी 12: LHM
Highlight
Share
Copy
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society
रोमी 12
12
को़न्ज्योक्ल सुङ्ल चुक्केन् हीम्ब १-२
1पी़न्ज्यासो, को़न्ज्योक् ॱङीङ्ज्यी छ्यीम्मु च्येम्म यो़क्केन् झ्यीनी, खीत्रङ्ल ङ ॱलोप्स हीगो ज्यक्केनो। खीत्रङ्गी ली़सीम् दी चङ्म, को़न्ज्योक् थु गुव, को़न्ज्योक्ल सुङ्ल चुब डस्सी पुज्यीत्। हीगो क हस्सो़त् दीम्बरङ्गी धेप्प मो़ब झ्यीब दील डोगेन् बेत्। 2जम्बुलीङ् ङो़गी छ्यलु डस्सीगी लेमुल लोक्न मत् झ्यीज्यीत्। बोर ॱसीम् ॱसम्ब खुर्न लेमु रङ्सल ज्युर्न स्योक्च्यीत्। हुनी क को़न्ज्योक्की थुल घङ् यो़प्प, गये ढङ्, खोङ् थु गुवे लेमु धङ् फी़न्सुम् छङ युङ दी नम् च्येत्न ॱह घो छुगेन् बेत्।
थुज्यीगी कबप् ॱनम्ब गज्येन् च्येम्मे ले ३-८
3ङल ॱनङे को़न्ज्योक्की थुज्यीगी लम्नी खीत्रङ् रीदङ् रील ङ हीगो सीक्केनो। खीत्रङ् ॱसोस्सोरङ् घन्दुक् झ्यीबे मी यो़दङ् उजो़त् च्यीक् मेन्द, हुले ज्यीक्पा ॱमत् ॱसम्ज्यीत्। मी ॱसोस्सोरङ्ल को़न्ज्योक्की ॱनङे छ्य स्यक्पे डेबु दील डीक्प मेन्द, हुले ज्यीक्पा ॱमत् ॱसम्ज्यीत्। 4हज्यरङ् रीदङ् रील सी़बु री री यो़क्केन् बेत्। ॱनी हुल यल्लक् गज्येन् यो़क्केन् बेत्। ॱनी यल्लक् कुरीक्की ले दी च्यीक्प मीत् युङ्गेन् बेत्। 5हुगो डस्सी हज्यरङ् गज्येन् यो़त्न अक्, ख्रीष्ट्तङ् मत् ढेबल हज्यरङ् सी़ च्यीक् डस्सी युङ्गेन् बेत्। ॱनी हुगी सी़ हुगी यल्लक् घयेत् दी हज्यरङ् रीदङ् रील डोगेन् बेत्। 6हज्यरङ् रीदङ् रील को़न्ज्योक्की थुज्यी ॱनङल पीब थुज्यीगी कबप् दी हज्यरङ्ल रङ्स रङ्स युङ्गेन् बेत्। कलुङ् ॱस्यो़क्केङ्गी कबप् यो़प्प च्येम्मे रोरङ्गी छ्य स्यक्न ॱलो केन युङल डीक्पे छ्यक्चो़त् च्यीक्रङ् ॱस्यो़च्च्यीत्। 7छ्यो़ छोगी घुङ्दु स्यप्च्यी़गी ले झ्यीक्केङ्गी कबप् यो़प्प च्येम्मे स्यप्च्यी़गी ले दी झ्यीज्यीत्। ॱसुङ्रप्की ॱलोप्स ज्यक् ॱस्यीगेङ्गी कबप् यो़प्प च्येम्मे ॱलोप्स दी ज्योप्च्यीत्। 8ॱलोप्स्यीक् टो़त् ॱस्यीगेङ्गी कबप् यो़प्प च्येम्मे ॱलोप्स्यीक् दी टो़च्च्यीत्। ॱयोङ्ल फेन् थोब तीक्केङ्गी कबप् यो़प्प च्येम्मे ॱसीम्नी फो़त्न टो़च्च्यीत्। गोयो़प्प झ्यीक्केङ्गी कबप् यो़प्प च्येम्मे टेत् च्येत्न गोयो़त् दी झ्यीज्यीत्। ॱयोङ्ल फेन् थोब ॱङीङ्ज्यी झ्यीक्केङ्गी कबप् यो़प्प च्येम्मे ॱसीम् गवे झ्यीज्यीत्।
झ्यम्बे लेमु ॱनजो ९-२१
9झ्यम्ब ॱसीम्बे यीक्नी झ्यीत् गोगेन् बेत्। ङेम्बे ढङ्ल स्यीलोक्प झ्यीज्यीत्। गागी ढङ् ङो़ल ॱसीम्ब तोङ्ज्यीत्। 10खीत्रङ् नङ्दु च्यीक्तङ् च्यीक्ल चीदुङ् झ्यीज्यीत्। खीत्रङ् च्यीक्तङ् च्यीक्ल तो़प्प झ्यीन रङ्ले ॱयोङ्ल ॱल्हक्पा ॱसम्ज्यीत्। 11ॱअर्स्यी ॱमत् ॱस्यो़प्प, ॱसीम्नी धेप्प मो़बे स्यीदङ् झ्यीन धम्बे थुगी मी बर डस्सी ॱसीम्ल झ्युङ्न चोव ज्यीन्दक्ल स्यप्च्यी़ ज्युज्यीत्। 12रीगो यो़प्पल ॱसीम् गव झ्यीज्यीत्। दुक्प नोङे यङ्ल हुगो गुर्च्यीत्। धुरेत् झ्यीन ॱसुव तप् तब झ्यीज्यीत्। 13को़न्ज्योक्की मी चङ्म घयेत्ल घन्डे गो़बे खोज्येत् दुक्क हुगोल दगु झ्यीज्यीत्। डोम्बु युङ घयेत्ल ॱनेजङ् ॱयोर्च्यीत्।
14खीत्रङ्ल दुक्प अयेक्प तोङ्गेन् घयेक्की ढीक्ल ॱमेल्लम् स्यी़ज्यीत्। ॱमो़त्मु मत् ज्यब, ॱमेल्लम् स्यी़ज्यीत्। 15ॱसीम् गव च्येम्म घयेत्तङ् यङ् ॱसीम् गव दीरङ् झ्यीज्यीत्। ॱनी ङुगेन् घयेत्तङ् यङ् ङुरो झ्यीज्यीत्। 16खीत्रङ् कुरीक् ॱसीम् च्यीक् ली़ च्यीक् झ्यीन दो़च्च्यीत्। ढक्पा हीन् ॱनो़ब ॱमत् ॱसम्ब, मी ॱम च्युङाल आक् थोङ् झ्यीज्यीत्। रङ् खेबा हीन् ॱनो़ब ॱमत् ॱसम्ज्यीत्।
17ॱसुल आक् ङेल्लेन् ॱमत् च्यो़ज्यीत्। मी कुरीक्की तेबल घन्ड झ्यीन गा युङ्गुक्क हुगो झ्यीत् छुब झ्यीज्यीत्। 18झ्युङ्न, खीत्रङ् मी कुरीक्तङ् छ्यम्ब डीक्प झ्यीन दो़च्च्यीत्। 19झ्यम्बे दगुसो, ङेम्बे ङेल्लेन् खीत्रङ्गी ॱमत् च्यो़ज्यीत्। हुगो को़न्ज्योक्की छ्यक्तु खोङ्गी खोङ्डोक्की छ्येप्प को़ज्येल स्योक्च्यीत्। हीगी ढीक्ल चोव ज्यीन्दक्की ॱसुङ्गेन् बेत्।
ङेल्लेन् च्यो़ज्येम दी ङे लक्ल यो़त्। ङेम्बे ङेल्लेन् च्यो़गेन् दी ङ हीन्। (ठीम्लु ३२:३५)
20बोर रङ्गी ड दी ढोप्प तोन युङ्न, हुल सम बीन्ज्यीत्। कोम्न युङ्न, हुल थुङ्ज्ये टो़च्च्यीत्। हीगो डस्सी झ्यीन ॱनी, रङ्गी हुगी गोल मीरोक् ॱमप्पु कब डस्सी हुगो ङु छ डोगेन् बेत् सीर थो़ङ्गेन् बेत्। (पीस्येत् २५:२१-२२)
21ङेम्बे ले झ्यीन रङ् फम्दु ॱमत् ची़च्च्यीत्। ङेम्ब हुगोले रङ् सङ्बी़ ले झ्यीन ज्यला थो़न् छुब झ्यीज्यीत्।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society