गलाती 5
5
रङ्मो़ल थो़म्बे केच्च्य १-१२
1हज्यरङ् रङ्मो़ च्येम्मे मी युङल ख्रीष्ट्की थर्तु ची़प्प बेत्। हीगो झ्यीनी खीत्रङ् रङ्मो़ मीप्पे टोलु घयेक्की ॱनेक्स्यीङ्गी होक्ल फीच्च्य यङ् ॱमत् ॱस्योर, थीरी दो़च्च्यीत्। 2ङ पावल्की हीगो ॱस्येप्पल नेन्ज्यीत्। खीत्रङ्गी सी़ल यहुदीगी दक् ज्यप्न ॱनी, ख्रीष्ट् खीत्रङ्गी ढीक्ल घो ॱमीत् छ्यो़त्ल डोगेन् बेत्। 3ङे खीत्रङ्ल हरुङ् हीगो गन्दीक्म ॱस्येत् योङ्। मी ॱसी़ यहुदीगी दक् ज्यक्को़दङ् हुगी छ्यो़डीम्गी क घयेत्ल ची गो़ ॱस्यर्केन् बेत्। 4खीत्रङ् ॱसु ॱसु छ्यो़डीम्ल चीन ॱनम्बर् धक्पल थो़न्ज्ये ॱनो़ब झ्यीक्को़दङ् हुब घयेत् ख्रीष्ट्तङ् ढेन थुज्यीगी नङ्ल मीत् दो़प्प, थो़न्नरल डोगेन् बेत्। 5ॱनी ङीत् हुब डस्सी मेम्ब, छ्य स्यक्पे लम्नी को़न्ज्योक्की ॱनम्बर् धक्पल तो़ङ्गेन् बेत् ॱनो़बे रीगो यो़त्। हीगो धक्तेन् हीम्ब धम्बे थुगी तो़न्न यो़क्केन् झ्यीनी, ङीत् हील गुक्कीन् दो़क्को़त्। 6ख्रीष्ट् येशुदङ् मत् ढेब यो़क्केन् ङीत् घयेत्ल यहुदीगी दक् हुगो ज्यप्न अक् बेत्। मत् ज्यप्न अक् बेत्। हुगी फेन् घन्ड अक् ॱमीत् थोगेन् बेत्। ॱनी फेन् थोस्योल छ्य स्यक्प दी धङ् छ्य स्यक्पे लम्नी झ्यीन युङे झ्यम्ब हुगो ॱनेगेन् बेत्।
7खीत्रङ् एल्ला छ्य स्यक्पे लम् दील गङ्ज्येन् ज्युन डोगुक्। ॱनी हुन्दो खीत्ल दीम्बे लम्नी ॱसी़ क च्येत्न च्यी़ज्युङ? 8हुन्दुक् झ्यीबे लेमु खीत्रङ् भो़क्केन् को़न्ज्योक् च्यानी मीत् युङ्गेन् बेत्। 9ढोप्ची जीबल च्युर् ॱयम्जो़त् च्यीक् ज्यप्न ॱनी, हुगो जेङ् च्युर्ल ॱसोङ्न बो़गेन् बेत्। हुब च्युर् हुगोदङ् छ्येत्मीक्की मी बेत्। 10ह हीनी झ्यीब दी खीत्रङ्गी ॱसम्ल हुगो ङदङ् थी़ङ्गेन् बेत् ॱनो़बे देङ्जो़त् ङल चोव ज्यीन्दक् च्यानी झ्युङ्। हुन्दुक् झ्यीन खीत्रङ् गो थोम्दु ची़क्केन् ॱसु हीन्न अक्, हुगोल दीम्बरङ् को़न्ज्योक्की छ्येप्प फोक्केन् बेत्। 11पी़न्ज्यासो, यहुदीगी दक् ज्यक् गोगेन् बेत् सीक्केङ्गी केच्च्य ङे ॱस्यो़क्कुक् सीन्न उन यरीगी च्योर्कुक् सीगुक्। ॱनी हुगो खुङ्देन् हीन्न ॱनी, यहुदी घयेक्की ङल घन्डल दुक्प अयेक्प तोङ्गेन् बेक्क? हीगो धक्न ॱनी, कुरुस्की ढीक्की केच्च्यल यहुदी घयेक्की मक्का झ्यीगो़प्प बेक्कक् ॱनी? 12यहुदीगी दक् ज्यक् गोगेन् बेत् सीन्न खेरक् तोङ्गेन् हुबे दी बोर दक् ज्यब छ्युवक् मेम्ब, हुबे दी म दीरङ् जेङ् ढेन ॱस्यप्च्येत्ल डोज्ये यो़प्प ज्युक्च्यीत्।
धम्बे थु धङ् कोलीमी ङो़गी धेच्च्यो १३-२६
13पी़न्ज्यासो, खीत्रङ् रङ्मो़ युङल भो़नी, हुनी खीत्रङ् रङ्मो़ल थो़न्ज्युङ् सीन्न कोलीमीगी ॱसीम्बे रङ्ज्यी़ मत् झ्यीप्प, च्यीक्तङ् च्यीक्ल झ्यम्बे लेगी स्यप्च्यी़ ज्युक्केन् हीम्ब झ्यीज्यीत्। 14छ्यो़डीम्गी क घयेत् दी़न, हुगी चव दी हीगोल डोगेन् बेत्।
रङ्गी लोल यो़क्केङ्गी मील रङ्गी रङ् डस्सीरङ् ॱसम्न झ्यम्ब झ्यीज्यीत्। (लेवी १९:१८)
15खीत्रङ् नङ्दु च्यीक्तङ् च्यीक्ल ॱहेक्तु युङ्गेन्, सदु युङ्गेन्, हुन्दुक् झ्यीबनी खीत्रङ् धोजीम् झ्यीज्यीत्। स्येन् खीत्रङ् नङ्दु ठुब स्यीक्केन् बेत्।
16हीगी ढीक्ल ङे ॱस्येत् योङ्। खीत्रङ् धम्बे थुगी ठीक्पे लम्ल डो गोगेन् बेगो। हुनी कोलीमीगी ॱसीम्बे रङ्ज्यी़गी धेच्च्यो घयेत् दी मीत् डुप्केन् बेत्। 17घन्ड हीन् सीन्न कोलीमीगी रङ्ज्यी़गी धेत्मो़ धङ् धम्बे थु मीत् डीक्प, हुब च्यीक्तङ् च्यीक्की डल लोङ्गेन् बेत्। हुब ॱङीबु ॱमीत् छुङ्गेन् झ्यीनी, खीत्रङ्गी ॱसीम्ल घन्ड झ्यीच्च्ये ॱनो़ब यो़दङ् हुगो डुप् ॱमीत् छुगेन् बेत्। 18धम्बे थुगी ठीक्पे लम्ल खीत्रङ् युङ्न ॱनी, छ्यो़डीम्गी होक्ल दो़क्केङ्गी मी खीत्रङ् मीत् युङ्गेन् बेत्।
19कोलीमीगी ॱसीम्बे रङ्ज्यी़गी धेत्मो़गी हीन्दुक् झ्यीबे ले घयेत् दी कुरीक्ल ॱस्यो़च्च्ये यो़क्केन् बेत्। छ्ये ज्युक्केन्, ॱमत् चङागी ढङ् झ्यीक्केन्, छ्येल ॱनक्सी झ्यीक्केन्, 20ॱल्ह धङ् कुल छ्यक् छ्यो़प्प पुगेन्, जुम्डी़ तो़ङ्गेन्, ड झ्यीक्केन्, थक्मु ज्यक्केन्, ठदोक् झ्यीक्केन्, खोङ्डोक् झ्यीक्केन्, रङ्ज्यी़ झ्यीक्केन्, ॱमीत् छुङ्गेन्, रङ् रङ् ॱसोस्सो भीगेन्, 21सीगुक् झ्यीक्केन्, च्युक्कोङ धङ् छ्यङ्दुङ् तोमुल जोम्न ॱमम्बी ॱलोङ्गेन् हुन्दुक् झ्यीबे ढङ् ॱयोङ्म आक् युङ्गेन् बेत्। ङे एल्ला आक् ॱस्येप्पेन्। ॱनी हुन्दो ओक् ॱस्यो़क्को़त्। हुन्दुक् झ्यीक्केङ्गी मील को़न्ज्योक्की ज्यागक्की फक् ॱमीत् थोप्केन् बेत्।
22ॱनी धम्बे थु च्यानी युङ्गेङ्गी डेबु दी हीगो बेत्। झ्यम्ब, गव, ॱसीम् दीव, ङङ्रीन्, गये ले, गङ्ज्येन् झ्यीक्केन्, तेम्बोक्म, 23ॱम ॱयुङ्बोक्म धङ् ॱनो़जो़त् घङ्बु मीत् झ्यीप्प, ॱसीम् सुङ्न दो़क्केन् हीन्दुक् झ्यीबे ढङ् छ्यो़डीम् घङ्गोल अक् मीत् ङीगेन् बेत्। 24ख्रीष्ट् येशु ङो़गी मी घयेक्की रोरङ्सो़ कोलीमीगी ॱसीम्नी लङ्गेन् धेत्मो़ धेच्च्यो ङेम्बे ढङ् घयेत् दी कुरुस्ल तान ॱसेत् छर युङ्गेन् बेत्। 25हज्यरङ् धम्बे थु ङो़ल ॱसोम्बुल थो़न्न यो़क्केन् झ्यीनी, हज्यरङ् खोङ्गी ठीक्पे लम्ल अक् डो गोगेन् बेत्। 26हज्यरङ्गी तम्दो़त् ॱस्येत्न च्यीक्तङ् च्यीक्ल फोक्का छ्यीये केच्च्य धङ् ठदोक् झ्यीच्च्ये मीत् युङ्गेन् बेत्।
Currently Selected:
गलाती 5: LHM
Highlight
Copy
Compare
Share
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society
गलाती 5
5
रङ्मो़ल थो़म्बे केच्च्य १-१२
1हज्यरङ् रङ्मो़ च्येम्मे मी युङल ख्रीष्ट्की थर्तु ची़प्प बेत्। हीगो झ्यीनी खीत्रङ् रङ्मो़ मीप्पे टोलु घयेक्की ॱनेक्स्यीङ्गी होक्ल फीच्च्य यङ् ॱमत् ॱस्योर, थीरी दो़च्च्यीत्। 2ङ पावल्की हीगो ॱस्येप्पल नेन्ज्यीत्। खीत्रङ्गी सी़ल यहुदीगी दक् ज्यप्न ॱनी, ख्रीष्ट् खीत्रङ्गी ढीक्ल घो ॱमीत् छ्यो़त्ल डोगेन् बेत्। 3ङे खीत्रङ्ल हरुङ् हीगो गन्दीक्म ॱस्येत् योङ्। मी ॱसी़ यहुदीगी दक् ज्यक्को़दङ् हुगी छ्यो़डीम्गी क घयेत्ल ची गो़ ॱस्यर्केन् बेत्। 4खीत्रङ् ॱसु ॱसु छ्यो़डीम्ल चीन ॱनम्बर् धक्पल थो़न्ज्ये ॱनो़ब झ्यीक्को़दङ् हुब घयेत् ख्रीष्ट्तङ् ढेन थुज्यीगी नङ्ल मीत् दो़प्प, थो़न्नरल डोगेन् बेत्। 5ॱनी ङीत् हुब डस्सी मेम्ब, छ्य स्यक्पे लम्नी को़न्ज्योक्की ॱनम्बर् धक्पल तो़ङ्गेन् बेत् ॱनो़बे रीगो यो़त्। हीगो धक्तेन् हीम्ब धम्बे थुगी तो़न्न यो़क्केन् झ्यीनी, ङीत् हील गुक्कीन् दो़क्को़त्। 6ख्रीष्ट् येशुदङ् मत् ढेब यो़क्केन् ङीत् घयेत्ल यहुदीगी दक् हुगो ज्यप्न अक् बेत्। मत् ज्यप्न अक् बेत्। हुगी फेन् घन्ड अक् ॱमीत् थोगेन् बेत्। ॱनी फेन् थोस्योल छ्य स्यक्प दी धङ् छ्य स्यक्पे लम्नी झ्यीन युङे झ्यम्ब हुगो ॱनेगेन् बेत्।
7खीत्रङ् एल्ला छ्य स्यक्पे लम् दील गङ्ज्येन् ज्युन डोगुक्। ॱनी हुन्दो खीत्ल दीम्बे लम्नी ॱसी़ क च्येत्न च्यी़ज्युङ? 8हुन्दुक् झ्यीबे लेमु खीत्रङ् भो़क्केन् को़न्ज्योक् च्यानी मीत् युङ्गेन् बेत्। 9ढोप्ची जीबल च्युर् ॱयम्जो़त् च्यीक् ज्यप्न ॱनी, हुगो जेङ् च्युर्ल ॱसोङ्न बो़गेन् बेत्। हुब च्युर् हुगोदङ् छ्येत्मीक्की मी बेत्। 10ह हीनी झ्यीब दी खीत्रङ्गी ॱसम्ल हुगो ङदङ् थी़ङ्गेन् बेत् ॱनो़बे देङ्जो़त् ङल चोव ज्यीन्दक् च्यानी झ्युङ्। हुन्दुक् झ्यीन खीत्रङ् गो थोम्दु ची़क्केन् ॱसु हीन्न अक्, हुगोल दीम्बरङ् को़न्ज्योक्की छ्येप्प फोक्केन् बेत्। 11पी़न्ज्यासो, यहुदीगी दक् ज्यक् गोगेन् बेत् सीक्केङ्गी केच्च्य ङे ॱस्यो़क्कुक् सीन्न उन यरीगी च्योर्कुक् सीगुक्। ॱनी हुगो खुङ्देन् हीन्न ॱनी, यहुदी घयेक्की ङल घन्डल दुक्प अयेक्प तोङ्गेन् बेक्क? हीगो धक्न ॱनी, कुरुस्की ढीक्की केच्च्यल यहुदी घयेक्की मक्का झ्यीगो़प्प बेक्कक् ॱनी? 12यहुदीगी दक् ज्यक् गोगेन् बेत् सीन्न खेरक् तोङ्गेन् हुबे दी बोर दक् ज्यब छ्युवक् मेम्ब, हुबे दी म दीरङ् जेङ् ढेन ॱस्यप्च्येत्ल डोज्ये यो़प्प ज्युक्च्यीत्।
धम्बे थु धङ् कोलीमी ङो़गी धेच्च्यो १३-२६
13पी़न्ज्यासो, खीत्रङ् रङ्मो़ युङल भो़नी, हुनी खीत्रङ् रङ्मो़ल थो़न्ज्युङ् सीन्न कोलीमीगी ॱसीम्बे रङ्ज्यी़ मत् झ्यीप्प, च्यीक्तङ् च्यीक्ल झ्यम्बे लेगी स्यप्च्यी़ ज्युक्केन् हीम्ब झ्यीज्यीत्। 14छ्यो़डीम्गी क घयेत् दी़न, हुगी चव दी हीगोल डोगेन् बेत्।
रङ्गी लोल यो़क्केङ्गी मील रङ्गी रङ् डस्सीरङ् ॱसम्न झ्यम्ब झ्यीज्यीत्। (लेवी १९:१८)
15खीत्रङ् नङ्दु च्यीक्तङ् च्यीक्ल ॱहेक्तु युङ्गेन्, सदु युङ्गेन्, हुन्दुक् झ्यीबनी खीत्रङ् धोजीम् झ्यीज्यीत्। स्येन् खीत्रङ् नङ्दु ठुब स्यीक्केन् बेत्।
16हीगी ढीक्ल ङे ॱस्येत् योङ्। खीत्रङ् धम्बे थुगी ठीक्पे लम्ल डो गोगेन् बेगो। हुनी कोलीमीगी ॱसीम्बे रङ्ज्यी़गी धेच्च्यो घयेत् दी मीत् डुप्केन् बेत्। 17घन्ड हीन् सीन्न कोलीमीगी रङ्ज्यी़गी धेत्मो़ धङ् धम्बे थु मीत् डीक्प, हुब च्यीक्तङ् च्यीक्की डल लोङ्गेन् बेत्। हुब ॱङीबु ॱमीत् छुङ्गेन् झ्यीनी, खीत्रङ्गी ॱसीम्ल घन्ड झ्यीच्च्ये ॱनो़ब यो़दङ् हुगो डुप् ॱमीत् छुगेन् बेत्। 18धम्बे थुगी ठीक्पे लम्ल खीत्रङ् युङ्न ॱनी, छ्यो़डीम्गी होक्ल दो़क्केङ्गी मी खीत्रङ् मीत् युङ्गेन् बेत्।
19कोलीमीगी ॱसीम्बे रङ्ज्यी़गी धेत्मो़गी हीन्दुक् झ्यीबे ले घयेत् दी कुरीक्ल ॱस्यो़च्च्ये यो़क्केन् बेत्। छ्ये ज्युक्केन्, ॱमत् चङागी ढङ् झ्यीक्केन्, छ्येल ॱनक्सी झ्यीक्केन्, 20ॱल्ह धङ् कुल छ्यक् छ्यो़प्प पुगेन्, जुम्डी़ तो़ङ्गेन्, ड झ्यीक्केन्, थक्मु ज्यक्केन्, ठदोक् झ्यीक्केन्, खोङ्डोक् झ्यीक्केन्, रङ्ज्यी़ झ्यीक्केन्, ॱमीत् छुङ्गेन्, रङ् रङ् ॱसोस्सो भीगेन्, 21सीगुक् झ्यीक्केन्, च्युक्कोङ धङ् छ्यङ्दुङ् तोमुल जोम्न ॱमम्बी ॱलोङ्गेन् हुन्दुक् झ्यीबे ढङ् ॱयोङ्म आक् युङ्गेन् बेत्। ङे एल्ला आक् ॱस्येप्पेन्। ॱनी हुन्दो ओक् ॱस्यो़क्को़त्। हुन्दुक् झ्यीक्केङ्गी मील को़न्ज्योक्की ज्यागक्की फक् ॱमीत् थोप्केन् बेत्।
22ॱनी धम्बे थु च्यानी युङ्गेङ्गी डेबु दी हीगो बेत्। झ्यम्ब, गव, ॱसीम् दीव, ङङ्रीन्, गये ले, गङ्ज्येन् झ्यीक्केन्, तेम्बोक्म, 23ॱम ॱयुङ्बोक्म धङ् ॱनो़जो़त् घङ्बु मीत् झ्यीप्प, ॱसीम् सुङ्न दो़क्केन् हीन्दुक् झ्यीबे ढङ् छ्यो़डीम् घङ्गोल अक् मीत् ङीगेन् बेत्। 24ख्रीष्ट् येशु ङो़गी मी घयेक्की रोरङ्सो़ कोलीमीगी ॱसीम्नी लङ्गेन् धेत्मो़ धेच्च्यो ङेम्बे ढङ् घयेत् दी कुरुस्ल तान ॱसेत् छर युङ्गेन् बेत्। 25हज्यरङ् धम्बे थु ङो़ल ॱसोम्बुल थो़न्न यो़क्केन् झ्यीनी, हज्यरङ् खोङ्गी ठीक्पे लम्ल अक् डो गोगेन् बेत्। 26हज्यरङ्गी तम्दो़त् ॱस्येत्न च्यीक्तङ् च्यीक्ल फोक्का छ्यीये केच्च्य धङ् ठदोक् झ्यीच्च्ये मीत् युङ्गेन् बेत्।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society