कलस्सी 2
2
एल्ला ॱमत् तो़म्बे को़न्ज्योक्की ॱङीङ्बु १-५
1खीत्रङ्गी हीगो ॱह घोव झ्यीज्यीत्। खीत्रङ् घयेत्, लाओडीसीयान यो़प्प घयेत् धङ् ङदङ् ॱमत् ठेप्प घयेत् कुरीक्की ढीक्ल ङे गन्दीक्म कले च्यो़क्को़त्। 2खीत्रङ् धङ् हुब कुरीक्ल ॱसीम्ल ॱलोप्स्यीक् ॱङीच्च्ये यो़प्प, थी़न्डीक्, झ्यम्ब युङ्ज्ये यो़प्प धङ् एल्ला ॱमत् तो़म्बे को़न्ज्योक्की ॱङीङ्बु ख्रीष्ट्की धो़ङ्गी केच्च्य तीङ् सप्पोक्म गन्दीक्म ॱह घोज्ये यो़प्पल ङे कले च्यो़क्को़त्। 3तीर्तङ् छ्येत्मीत् हुगी ॱङीङ्बु हुगी धो़र्रीक् दी ख्रीष्ट्की मेन्द, तो़न् ॱमीत् छुगेन् बेत्। 4हीगो खीत्रङ् छ्यी़दु ची़च्च्येल मी ॱसी़ तम् ॱनेम्बोक्म ॱस्येत्न युङ्गुक्क हुल छ्यी़ज्ये मीप्पल ङे ॱस्यो़क्को़त्। 5ङे ली़बु खीत्रङ्दङ् मुल मीत्न अक्, ॱसीम् दी खीत्रङ्गी ॱवङ्ल तङ्न यो़त्। ॱनी म दी खीत्रङ् नङ्दु ॱसीम् च्यीक् ली़ च्यीक् झ्यीप्प धङ् ख्रीष्ट्ल छ्य स्यक्पे ॱसीम् डम्बोक्म यो़प्प दी ॱह घोनी, ङल गेस झ्युङ्।
ख्रीष्ट्तङ् मत् ढेबल ॱसोम्बु ६-१५
6खीत्रङ् चोव ज्यीन्दक् ख्रीष्ट् येशुगी लम्ल युङ्न यो़क्केन् झ्यीनी, हुल ओ़बे छ्यलु झ्यीन खोङ्दङ् मत् ढेब दो़च्च्यीत्। 7खीत्रङ्गी धेप्प दी ज्यीक्तु डोज्येल धेप्पे ढादक् दी खोङ्ल गन्दीक्म च्यङ्न, चव छुन युङ्न, खीत्रङ्ल ॱलबे ॱलोप्स दील पीब खीत्रङ्गी छ्य स्यक्प दी डम्दु डोज्ये यो़प्प झ्यीज्यीत्। ॱनी खीत्रङ्गी को़न्ज्योक्ल थु छ्यी ज्येबर् पु पुब झ्यीज्यीत्। 8खीत्रङ्ल मी यो़च्चो़क्की रोरङ्सो़ धो़र्रीक् हीन्दोक्पे धो़म्मीक्की छ्यो़लु ॱलबे ॱयोङ्गोर्ल खीत्रङ् छ्यी़ज्ये मीप्पे ढीक्ल च्यङ्जो़त् झ्यीन दो़च्च्यीत्। हुगो ख्रीष्ट् ङो़गी मेम्ब, एल्लानीरङ् कोलीमी ॱलप्न युङे टो घयेत् धङ् जम्बुलीङ् ङो़गी लेमी़ केच्च्य घयेत् बेत्। 9ख्रीष्ट्ल को़न्ज्योक्की थुरीक् छङ्म छङ्न यो़क्केन् बेत्। 10ॱनी खीत्रङ् खोङ्दङ् मत् ढेब यो़क्केन् झ्यीनी, खीत्रङ्ल आक् छङ्न युङ्गेन् बेत्। ॱवङ् च्योङ्गेन् धङ् ॱवङ् च्येम्म घयेत् कुरीक्की थोक्ल खोङ्गी ॱवङ् डोगेन् बेत्। 11खीत्रङ् खोङ्दङ् मत् ढेब यो़प्प हुगो यहुदीगी दक् ज्यब डस्सी बेत्। ॱनी हीगो लक्पे सो़न ज्यब मेम्ब, कोलीमीगी रङ्नङ्गी लेमी़ ॱवङ्नी ख्रीष्ट्की खीत्रङ् या टेन यो़क्केन् बेत्। 12खीत्रङ् बप्तीस्ल स्युब हुगो खोङ्दङ् दल रो बेक्सल ॱलुक्न स्यक्नी, हुनी यङ् को़न्ज्योक्की खोङ्दङ् दल ॱसोम्बुल ॱलोङल डोगेन् बेत्। ॱनी हीगो को़न्ज्योक्की ॱस्यीक्की येशु ढोङ्नरे ॱसनेनी यङ् ॱसोम्बुल ॱलोङ बेत् सीरल खीत्रङ्गी छ्य स्यक्प दीगी झ्युङ्न युङ बेत्। 13हीगो मत् युङे एल्ला खीत्रङ् ङीब दीक्प झ्यीक्केन्, सी़ल यहुदीगी दक् मीप्प, ज्यी़त् ॱयोङ् ॱयोङ्गी मी झ्यीनी, खीत्रङ् ॱस्यीनरदङ् छ्येत्मीत् यो़क्केन् बेत्। ॱनी हीन्न अक्, खीत्रङ् येशुदङ् दल को़न्ज्योक् ङो़ल ॱसोम्बु युङल को़न्ज्योक्की खीत्रङ् ॱसोम्बुल सो़ब बेत्। हज्यरङ्गी ङीब दीक्प घयेत् को़न्ज्योक्की धक्तु ची़प्प बेत्। 14ॱनी हीगो युङ्ज्ये दी हज्यरङ्ल छ्येप्प फोक्केन्, ङीबे थो दी खोङ्गी ॱसेत् तङ बेत्। हीगो कुरुस्ल तान कट्टी ज्यप्न खोङ्गी मीप्पल सो़ तङ बेत्। 15ख्रीष्ट्की ले हुगी ॱवङ् च्योङ्गेन् धङ् ॱवङ् च्येम्म घयेत्ले को़न्ज्योक् ज्यला थो़न्न हुब घयेक्की छो़न्ज्य घयेत् दी ठोन हुब घयेत्ल ॱम पप्न फम्दु ची़प्प बेत्।
जम्बुलीङ्गी टोलु घयेत्नी भी गोगेन् १६-२३
16हुगो झ्यीनी खीत्रङ्गी सय थुङ, धी़रीम्गी ङीन्, ॱनङ्गङ्गी ङीन् धङ् दी़न्डक् दी़न्डक्ल युङ्गेङ्गी ङीत्तुवे ङीन् ॱसम्ब धङ् ॱमीत् ॱसम्बे ढीक्ल मी ॱसी़ खीत्रङ्गी गोल थो़न्न च्यो़न्स्यो़त् ॱस्यो़क्कुक्क हुगो घन्ड अक् मेम्बेत् ॱनो़ब ॱसम्ज्यीत्। 17हुगी क घयेत् हुगो ढीक्मक् डस्सीरङ् बेत्। ॱनी तीङ्ला युङ्गेन् म ॱङो़बु दी ख्रीष्ट् बेत्। 18तेङ् यी़गी भङ्ज्येम्ब घयेत्ल धेप्प झ्यीक्केन् ॱनोम्ज्युङ् हीन्दोक्पे मी ॱसी़ खीत्रङ्ल हीगो डस्सी मीत् झ्यीप्पेत् सीन्न खीत्रङ्गी गोल थो़न्न च्यो़न्स्यो़त् ॱस्यो़त्तु युङ्गुक्क हुगो घन्ड अक् मेम्बेत् ॱनो़ब ॱसम्ज्यीत्। हुगी रोरङ्गी थोङ्नङ् घयेत्ल ॱसम्न, रोरङ्गी ॱसीम्बे ॱनोक्सम्ल ॱस्योर्न गो बो़न धो़म्मीक्की तम्दो़त् ॱस्यो़क्केन् बेत्। 19हुन्दुक् झ्यीब सी़गी गो हीम्बे ख्रीष्ट् च्यानी ढे छर युङ्गेन् बेत्। छ्यो़ छो सी़ छङ्म च्योङ्गेन् दी गो बेत्। गोनी मल्ल सी़बी़ छीमीक् धङ् चप्स्यी घयेत् तान युङ डस्सी को़न्ज्योक्की थुल डीक्पल सी़ल ओङ्बु छङल सोगेन् दी खोङ् बेत्।
20खीत्रङ् ख्रीष्ट्तङ् दल जम्बुलीङ्गी टोलु घयेत्नी ॱस्यीनर हीम्ब डस्सी रङ्स ढेन यो़क्केन् बेत्। हुगो झ्यीनी खीत् जम्बुलीङ् ङो़गी हीन्दुक् झ्यीब 21हुगोल मत् सुङ्। चक्की ॱमत् त। हुल लक्प मत् रेक् सीक्केङ्गी क घयेत्ल घन्डल चीगेन् हीम्ब? 22हुन्दुक् झ्यीबे ढङ् घयेत् हुगो लेन् च्यीक् सेनी, हुगो मीप्पल डोगेल्ल सो़ब बेत्। ॱनी हुन्दुक् झ्यीबे क घयेत् हुगो मी सो़न ॱलप्न युङे क बेत्। 23हुन्दुक् झ्यीबे क घयेत् हुगो धो़र्रीक् यो़त्तोक्पल म दी हुगो घो ॱमीत् छ्यो़त् कोलीमीगी धेच्च्योगी ॱसीम्दङ् डीक्पे क बेत्। हुबे ॱसीम्बे ॱनो़जो़त्ल धेप्प झ्यीन ॱनोम्ज्युङ् हीन्दोक्प झ्यीक्केन् बेत्। सी़ल अक् दुक्स्यी तोङ्गेन् बेत्।
Currently Selected:
कलस्सी 2: LHM
Highlight
Copy
Compare
Share
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society
कलस्सी 2
2
एल्ला ॱमत् तो़म्बे को़न्ज्योक्की ॱङीङ्बु १-५
1खीत्रङ्गी हीगो ॱह घोव झ्यीज्यीत्। खीत्रङ् घयेत्, लाओडीसीयान यो़प्प घयेत् धङ् ङदङ् ॱमत् ठेप्प घयेत् कुरीक्की ढीक्ल ङे गन्दीक्म कले च्यो़क्को़त्। 2खीत्रङ् धङ् हुब कुरीक्ल ॱसीम्ल ॱलोप्स्यीक् ॱङीच्च्ये यो़प्प, थी़न्डीक्, झ्यम्ब युङ्ज्ये यो़प्प धङ् एल्ला ॱमत् तो़म्बे को़न्ज्योक्की ॱङीङ्बु ख्रीष्ट्की धो़ङ्गी केच्च्य तीङ् सप्पोक्म गन्दीक्म ॱह घोज्ये यो़प्पल ङे कले च्यो़क्को़त्। 3तीर्तङ् छ्येत्मीत् हुगी ॱङीङ्बु हुगी धो़र्रीक् दी ख्रीष्ट्की मेन्द, तो़न् ॱमीत् छुगेन् बेत्। 4हीगो खीत्रङ् छ्यी़दु ची़च्च्येल मी ॱसी़ तम् ॱनेम्बोक्म ॱस्येत्न युङ्गुक्क हुल छ्यी़ज्ये मीप्पल ङे ॱस्यो़क्को़त्। 5ङे ली़बु खीत्रङ्दङ् मुल मीत्न अक्, ॱसीम् दी खीत्रङ्गी ॱवङ्ल तङ्न यो़त्। ॱनी म दी खीत्रङ् नङ्दु ॱसीम् च्यीक् ली़ च्यीक् झ्यीप्प धङ् ख्रीष्ट्ल छ्य स्यक्पे ॱसीम् डम्बोक्म यो़प्प दी ॱह घोनी, ङल गेस झ्युङ्।
ख्रीष्ट्तङ् मत् ढेबल ॱसोम्बु ६-१५
6खीत्रङ् चोव ज्यीन्दक् ख्रीष्ट् येशुगी लम्ल युङ्न यो़क्केन् झ्यीनी, हुल ओ़बे छ्यलु झ्यीन खोङ्दङ् मत् ढेब दो़च्च्यीत्। 7खीत्रङ्गी धेप्प दी ज्यीक्तु डोज्येल धेप्पे ढादक् दी खोङ्ल गन्दीक्म च्यङ्न, चव छुन युङ्न, खीत्रङ्ल ॱलबे ॱलोप्स दील पीब खीत्रङ्गी छ्य स्यक्प दी डम्दु डोज्ये यो़प्प झ्यीज्यीत्। ॱनी खीत्रङ्गी को़न्ज्योक्ल थु छ्यी ज्येबर् पु पुब झ्यीज्यीत्। 8खीत्रङ्ल मी यो़च्चो़क्की रोरङ्सो़ धो़र्रीक् हीन्दोक्पे धो़म्मीक्की छ्यो़लु ॱलबे ॱयोङ्गोर्ल खीत्रङ् छ्यी़ज्ये मीप्पे ढीक्ल च्यङ्जो़त् झ्यीन दो़च्च्यीत्। हुगो ख्रीष्ट् ङो़गी मेम्ब, एल्लानीरङ् कोलीमी ॱलप्न युङे टो घयेत् धङ् जम्बुलीङ् ङो़गी लेमी़ केच्च्य घयेत् बेत्। 9ख्रीष्ट्ल को़न्ज्योक्की थुरीक् छङ्म छङ्न यो़क्केन् बेत्। 10ॱनी खीत्रङ् खोङ्दङ् मत् ढेब यो़क्केन् झ्यीनी, खीत्रङ्ल आक् छङ्न युङ्गेन् बेत्। ॱवङ् च्योङ्गेन् धङ् ॱवङ् च्येम्म घयेत् कुरीक्की थोक्ल खोङ्गी ॱवङ् डोगेन् बेत्। 11खीत्रङ् खोङ्दङ् मत् ढेब यो़प्प हुगो यहुदीगी दक् ज्यब डस्सी बेत्। ॱनी हीगो लक्पे सो़न ज्यब मेम्ब, कोलीमीगी रङ्नङ्गी लेमी़ ॱवङ्नी ख्रीष्ट्की खीत्रङ् या टेन यो़क्केन् बेत्। 12खीत्रङ् बप्तीस्ल स्युब हुगो खोङ्दङ् दल रो बेक्सल ॱलुक्न स्यक्नी, हुनी यङ् को़न्ज्योक्की खोङ्दङ् दल ॱसोम्बुल ॱलोङल डोगेन् बेत्। ॱनी हीगो को़न्ज्योक्की ॱस्यीक्की येशु ढोङ्नरे ॱसनेनी यङ् ॱसोम्बुल ॱलोङ बेत् सीरल खीत्रङ्गी छ्य स्यक्प दीगी झ्युङ्न युङ बेत्। 13हीगो मत् युङे एल्ला खीत्रङ् ङीब दीक्प झ्यीक्केन्, सी़ल यहुदीगी दक् मीप्प, ज्यी़त् ॱयोङ् ॱयोङ्गी मी झ्यीनी, खीत्रङ् ॱस्यीनरदङ् छ्येत्मीत् यो़क्केन् बेत्। ॱनी हीन्न अक्, खीत्रङ् येशुदङ् दल को़न्ज्योक् ङो़ल ॱसोम्बु युङल को़न्ज्योक्की खीत्रङ् ॱसोम्बुल सो़ब बेत्। हज्यरङ्गी ङीब दीक्प घयेत् को़न्ज्योक्की धक्तु ची़प्प बेत्। 14ॱनी हीगो युङ्ज्ये दी हज्यरङ्ल छ्येप्प फोक्केन्, ङीबे थो दी खोङ्गी ॱसेत् तङ बेत्। हीगो कुरुस्ल तान कट्टी ज्यप्न खोङ्गी मीप्पल सो़ तङ बेत्। 15ख्रीष्ट्की ले हुगी ॱवङ् च्योङ्गेन् धङ् ॱवङ् च्येम्म घयेत्ले को़न्ज्योक् ज्यला थो़न्न हुब घयेक्की छो़न्ज्य घयेत् दी ठोन हुब घयेत्ल ॱम पप्न फम्दु ची़प्प बेत्।
जम्बुलीङ्गी टोलु घयेत्नी भी गोगेन् १६-२३
16हुगो झ्यीनी खीत्रङ्गी सय थुङ, धी़रीम्गी ङीन्, ॱनङ्गङ्गी ङीन् धङ् दी़न्डक् दी़न्डक्ल युङ्गेङ्गी ङीत्तुवे ङीन् ॱसम्ब धङ् ॱमीत् ॱसम्बे ढीक्ल मी ॱसी़ खीत्रङ्गी गोल थो़न्न च्यो़न्स्यो़त् ॱस्यो़क्कुक्क हुगो घन्ड अक् मेम्बेत् ॱनो़ब ॱसम्ज्यीत्। 17हुगी क घयेत् हुगो ढीक्मक् डस्सीरङ् बेत्। ॱनी तीङ्ला युङ्गेन् म ॱङो़बु दी ख्रीष्ट् बेत्। 18तेङ् यी़गी भङ्ज्येम्ब घयेत्ल धेप्प झ्यीक्केन् ॱनोम्ज्युङ् हीन्दोक्पे मी ॱसी़ खीत्रङ्ल हीगो डस्सी मीत् झ्यीप्पेत् सीन्न खीत्रङ्गी गोल थो़न्न च्यो़न्स्यो़त् ॱस्यो़त्तु युङ्गुक्क हुगो घन्ड अक् मेम्बेत् ॱनो़ब ॱसम्ज्यीत्। हुगी रोरङ्गी थोङ्नङ् घयेत्ल ॱसम्न, रोरङ्गी ॱसीम्बे ॱनोक्सम्ल ॱस्योर्न गो बो़न धो़म्मीक्की तम्दो़त् ॱस्यो़क्केन् बेत्। 19हुन्दुक् झ्यीब सी़गी गो हीम्बे ख्रीष्ट् च्यानी ढे छर युङ्गेन् बेत्। छ्यो़ छो सी़ छङ्म च्योङ्गेन् दी गो बेत्। गोनी मल्ल सी़बी़ छीमीक् धङ् चप्स्यी घयेत् तान युङ डस्सी को़न्ज्योक्की थुल डीक्पल सी़ल ओङ्बु छङल सोगेन् दी खोङ् बेत्।
20खीत्रङ् ख्रीष्ट्तङ् दल जम्बुलीङ्गी टोलु घयेत्नी ॱस्यीनर हीम्ब डस्सी रङ्स ढेन यो़क्केन् बेत्। हुगो झ्यीनी खीत् जम्बुलीङ् ङो़गी हीन्दुक् झ्यीब 21हुगोल मत् सुङ्। चक्की ॱमत् त। हुल लक्प मत् रेक् सीक्केङ्गी क घयेत्ल घन्डल चीगेन् हीम्ब? 22हुन्दुक् झ्यीबे ढङ् घयेत् हुगो लेन् च्यीक् सेनी, हुगो मीप्पल डोगेल्ल सो़ब बेत्। ॱनी हुन्दुक् झ्यीबे क घयेत् हुगो मी सो़न ॱलप्न युङे क बेत्। 23हुन्दुक् झ्यीबे क घयेत् हुगो धो़र्रीक् यो़त्तोक्पल म दी हुगो घो ॱमीत् छ्यो़त् कोलीमीगी धेच्च्योगी ॱसीम्दङ् डीक्पे क बेत्। हुबे ॱसीम्बे ॱनो़जो़त्ल धेप्प झ्यीन ॱनोम्ज्युङ् हीन्दोक्प झ्यीक्केन् बेत्। सी़ल अक् दुक्स्यी तोङ्गेन् बेत्।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society