ठीक्नल 21
21
पावल्सो सीजरीयाल युङ १-१४
1ॱनी ङीत् हुनी घीन छ्यु ज्यम्जो छ्यीम्मी़ लम्ल फीन्नी हुगी ङीन् दी छ्यी़ घुङ्गी ॱसने कोस्ल ॱलीबेन्। हुनी यङ् फीन्नी, नेम्बेत् दी छ्यी़ घुङ्गी ॱसने रोडस्ल ॱलीबेन्। हुनी यङ् फीन्नी, पटारा सार्ल ॱलीबेन्। 2ॱनी हुदु ङीत्ल फोनीसीया लुङ्बल डोगेङ्गी ढु ॱयोङ् च्यीक् ठेच्च्युङ्। ॱनी ङीस्सो हुल पो़न स्युन यङ् छ्यु ज्यम्जो छ्यीम्मी़ लम्ल फीम्बेन्। 3ॱनी डोये यङ्ल ङीक्की फच्चो़त्न छ्यी़ घुङ्गी ॱसने सैप्रस् दी थोङ्ज्युङ्। ॱनी हुगी ॱल्हो ङो़नी फल्ल झ्यीन सीरीया ङो़ल स्युङ्ज्योङ् फीम्बेन्। हुनी टायर् सार्ल ॱलीबेन्। ॱनी हुदु ढु दीनी खेद तो़न्ज्येम दुक्।
4ॱनी हुगो झ्यीनी ङीत् हुदु ढु दीनी थो़न्न हुगी सार्न ॱलोप्टुक्ल स्युन यो़प्प घयेत् चर च्येत्न, हुब घयेत्तङ् स्यक्पु दी़न् देप्पेन्। ॱनी हुदु धम्बे थुगी झ्यीन हुबे पावल्ल यरुशलेम्ल मत् डो सीन्न स्युव ज्यब बेत्। 5हीनी दी़न्डक् च्यीक् ॱसोङ्नी, हुनी ङीत् डोगेन् सीन्नी ॱनी, हुब घयेत् छ्योगो भुमु भीज थम्ज्येत् ङीत् घयेत् च्यो़दु सार्की छ्यील ते युङ बेत्। ॱनी हुदु छ्यु ज्यम्जो छ्यीम्मी़ छीगदु ङीत् घयेत् पीमुङ् चुन ॱसुव तबेन्। 6हुनी ङीत् फल्ल छुल्ल पीद स्यी़नी ङीस्सो ढुल स्युन युङेन्। ॱनी रोसो घयेत् खीम्ल लोक्सोङ्।
7ॱनी हुगी टायर् सार् दीनी छ्यु ज्यम्जो छ्यीम्मी़ लम्ल फीन्नी, ङीस्सो टोलेमैस् सार्ल ॱलीबेन्। ॱनी हुदु हुगी पी़न्ज्या घयेत् ठेत्तु फीन्नी, ङीस्सो हुदु ङीन् च्यीक् देप्पेन्।
8हीनी नेम्बेत् दी ङीस्सो हुनी घीन फीन्नी, सीजरीया सार्ल ॱलीबेन्। ॱनी हुदु केच्च्य ॱनेम्बु ॱस्येत्न टोम्गेन् फीलीप्की खीम्दु देप्पेन्। ॱनी फीलीप् हुगो एल्ला यरुशलेम्दु मीरङ् दी़न् दम्बे छीक्नी च्यीक् बेत्। 9ॱनी फीलीप्ल कलुङ् ॱस्यो़त् छुबे कबप् थोबे भुमु नज्युङ्म स्यी यो़प्प बेत्।
10ॱनी ङीस्सो हुदु स्यक्मु धोबा च्यीक् देप्पेन्। हुनी यहुदीयानी कलुङ् ॱस्यो़क्केन् मी अगाबस् सीक्केन् च्यीक् हुदु ॱलीच्च्युङ्। 11ॱलीत्नी हुगी पावल्की कबु दी लीन्न हुगी रोरङ्गी कङ्ब लक्प दी कीङ्न हीन्दुक् झ्यीब बेत्। धम्बे थुगी हीन्दुक् ॱसुङ्गुक्। हीगी कबु हीगी दक्पु दी यरुशलेम्दु यहुदी घयेक्की हीन्दुक् झ्यीन कीङ्न ज्यी़त् ॱयोङ्गी लक्ल ची ज्यक्को़त् सीन्न ॱस्येप्प बेत्।
12ॱनी हुगो ॱह घोनी, ङीत्तङ् हुगी छ्य स्योक्केन् घयेत् दीबे पावल्ल डोरो मत् झ्यीत् सीन्न स्युदेन् ज्यबेन्। 13ॱनी पावल्की लेम्बुल खीत् घयेत् ङी़न घन्डल ङे ॱसीम्ब ठुदु ची़क्केन्। ङ चोव ज्यीन्दक् येशुगी छेङ्गी ढीक्ल कीङ छ्युवक् मेम्ब, यरुशलेम्दु ॱस्यी गो़रङ् ॱस्यर्न आक्, ङे ॱरोक् हीगो च्यो़गेन् सीन्न झ्यीब बेत्। 14ॱनी पावल् ङीस्सो़ तम्ल मत् नेम्बल, ङीक्की चोव ज्यीन्दक्की थुल घङ् यो़प्प दी डुप्च्ये यो़प्प तोङ्ज्यीत् सीन्न हुनी ॱयोङ् घन्ड अक् मत् झ्ये।
पावल् यरुशलेम्ल ॱलीत्न याकुब्दङ् ठेप्प १५-२६
15हुनी ङीस्सो खुच्च्ये ज्यप्न सीजरीयानी यल्ल यरुशलेम्ल फीम्बेन्। 16ॱनी ॱलोप्टुक्ल स्युन यो़प्प यरी ङीत्तङ् दल युङ्न यरुशलेम्दु दो़क्केन् मनासोन्गी खीम्ल ते हुबे च्येज्युङ्। ॱनी ङीत् हुदु देप्पेन्। रोगी कीस्से फयु दी सैप्रस् बेत्। रो गोमनीरङ् येशुगी ॱलोप्टुक्ल स्युन यो़प्प बेत्। 17ॱनी हुदु यरुशलेम्गी पी़न्ज्या घयेत् गेस लङ्न ङीस्सोल ॱसुमी़ झ्यीज्युङ्।
18हीनी नेम्बेत् दी पावल्तङ् ङीत् याकुब् च्याल ठेत्तु फीम्बेन्। ॱनी उन गोयो़प्प ॱयोङ्म दीब अक् जोम्न दुक्। 19ॱनी हुबदङ् ठेत्नी, गोम ठेच्चो़क्की यङ्ल झ्यीक्केङ्गी लेमु झ्यीनी, हुनी पावल्की स्यप्च्यी़गी लेगी लम्नी ज्यी़त् ॱयोङ् ॱयोङ्गी मी घयेक्की घुङ्दु को़न्ज्योक्की घन्ड जेप्प बेक्क हुगो कुरीक् ॱस्यीप् धक्पोक्म ॱस्येत्न टेप्प बेत्। 20हीगो ॱह घोनी हुबे को़न्ज्योक्ल तो़प्प पुब बेत्। हुनी हुबे पावल्ल तेदे हीन पी़न्ज्या चोव ज्यीन्दक्ल छ्य स्यक्न युङ यहुदी छेत्मीत् यो़क्केन् बेत्। ॱनी हुब घयेक्की हज्यरङ् यहुदीगी छ्यो़डीम्ल धेस्सीम् छ्यीम्मु खुर्न ॱसम् गोगेन् बेत् सीगुक्। 21ॱनी हुब घयेक्की रङ्गी ढीक्ल हीन्दुक् झ्यीबे तम् च्यीक् ॱह घोदुक्। ज्यी़त् ॱयोङ् ॱयोङ्गी घुङ्न दो़क्केन् यहुदी घयेत्ल मोशागी छ्यो़डीम्ल ची मीत् गो़गेन्, भीजल यहुदीगी दक् ज्यक् मीत् गो़गेन् धङ् यहुदीगी टो घयेत्ल ॱसम् मीत् गो़गेन् बेत् सीन्न रङ् घल अक् गीर्न ॱलोप्कुक् लो। 22ह हुगी ढीक्ल घन्ड झ्यीक्केन्? रङ् ॱलीत्तुक् सीर ह हुब कुरीक्की ॱह घो डोगेन् बेत्। 23ह रङ् ङीक्की ॱङाब हील नेन्। हीन को़न्ज्योक्तङ् छ्यो़त्तुम् झ्यीन दो़क्केन् मीरङ् स्यी यो़त्। 24रङ् हीबदङ् कङ्ज्यीक्ल फीन्न हीबल गो़बे खर्च घयेत् रङ्गी तो़न्न हीबदङ् कङ्ज्यीक्ल ट ॱउरीली ढेन ठी़ ज्योप्लेत्। हुनी क रङ्गी ढीक्ल घोवे तम् हुगो खुङ्देन् मेम्ब, रङ्गी इक् छ्यो़डीम्गी कल चीन दो़क्कुक् ॱनो़ब कुरीक्की छ्यर्केन् बेत्। 25छ्य स्यक्न दो़क्केन् ज्यी़त् ॱयोङ् ॱयोङ्गी मी घयेत्ल ङीक्की एल्लादु हीगी ढीक्ल ॱनोक्सम् तङ्न थी़न्न यीगील ॱल्ह धङ् कुल पु तङे समे ढङ् मत् सज्यीत्। ठक् ॱमत् तो़म्बे ॱस्य मत् सज्यीत्। ठक् मत् सज्यीत्। छ्येगी ढङ्नी जीम्न दो़च्च्यीत् सीन्न ढीन तङेन् सीन्न पावल्ल ॱस्येप्प बेत्।
26हुनी पावल् हुगी तम् दील नेन्न, नेम्बेत् दी हुगी मीरङ् स्यीबु दी ठीक्न कङ्ज्यीक्ल ठी़ ज्यब बेत्। ठी़ ज्यप्न छ्यो़गङ्ल फीन्न दो़क्केङ्गी रोरङ्सो़ स्यक्पे धी़ दी यो़बे ॱङेस्स्यो हुब री रीगी धो़न्दु छ्यो़प्प पु गोगेन् बेत्। ॱनी हुगी धी़ दी छ्यो़प्पो़न् दील ॱस्येत्न स्यक्प बेत्।
यरुशलेम्गी छ्यो़गङ्दु पावल् सुङ २७-३६
27हीनी स्यक्पु दी़ङ्गी हुगी धी़ दी छीज्येम ॱयेङे यङ्ल एशीया लुङ्बनी युङे यहुदी यरीगी पावल् छ्यो़गङ्दु थोङ्नी, हुदु मी घयेक्की घुङ्दु हुबे टुक् ज्यप्न पावल् सुङ्न हीन्दुक् सीन्न केत् ज्यब बेत्। 28ॱवे इस्राएली घयेस्सो, ज्योक्पु ॱस्योक्। ज्योक्पु ॱस्योक्। हीगी मी हीगो सुङ्दोङ्। हीगो घल अक् गीर्न, हज्यरङ् यहुदी घयेक्की डल लोङ्न छ्यो़डीम् धङ् छ्यो़गङ् हीगी ढीक्ल मेम्बेत् सीक्केङ्गी ॱलोप्स मी कुरीक्ल ज्यक्केङ्गी मी दी हीगो बेत्। ॱनी हीगी हरुङ्दङ् ग्रीक्की ज्यी़क्की मी छ्यो़गङ्ल स्युक्तु ची़त्न को़न्ज्योक्ल तीम्बे ॱसने हीगोल ढीप्लङ् कप्तुक् सीन्न हुगी मी घयेत्ल झ्यीब बेत्। 29हुबे एल्ला पावल्तङ् दल ज्यी़त् ॱयोङ्गी एफीसस् सार्की मी त्रोफीमस् दी हुदु सार्ल गीर थोङ हीङ्गो़प्प बेत्। ॱनी हुबे हुगो पावल्की छ्यो़गङ्गी नङ्ल ॱलुक्प बक् ॱनो़ब छ्यर हीङ्गो़प्प बेत्। 30ॱनी हीगी तम् हीगी सार् दीरङ् हुट्टे ॱस खो़नी, मी घयेत् ॱसोस्सोनी छेत्मीत् ज्युन युङ्न जोम्ब बेत्। ॱनी हुब घयेक्की पावल् सुङ्न छ्यील ढी़प्प बेत्। हुनी छ्यो़गङ्गी गोच्च घयेत् दी ज्योक्सी झ्यीन च्येत् तङ बेत्।
31हुगी मी घयेत् दीगी पावल् ॱसो़च्च्येम ॱयेङ बेत्। ॱनी हुगी यङ्ल यरुशलेम् सार्तु हुट्टे ॱस खो़सोङ् सीर हुगी रोम्गी ॱमक्पो़न् चो दीगी ॱह घोव बेत्। 32हीनी ॱस्यर्च्यक् हुगी चो दीगी रोरङ्गी होक्की ॱमक्पो़न् दीब धङ् ॱमक्मी घयेत् दी ठीक्न ज्योक्सी झ्यीन ज्युन युङ बेत्। ॱनी हुगी मी घयेत् दीगी ॱमक्पो़न् चो दी धङ् ॱमक्मी घयेत् युङ थोङ्नी, हुबे पावल्ल दुङ्ज्ये दी ॱलो़ तङ बेत्।
33हीनी ॱमक्पो़न् चो दीगी पावल्ल च्यागोङ् ॱङी ज्यक्तु ची़प्प बेत्। हुनी हुगी हीगो घनीगी मी बेक्क? हीगी घन्ड ङीसोङ? सीन्न ढीब बेत्। 34ॱनी हुगी मी घयेत् दीगी छीक्नी च्यीक्की तम् ॱयोङ्म च्यीक्, च्यीक्की तम् ॱयोङ्म च्यीक् सीन्न कुरीक्की ओ़लोक् ज्यप्न युङ्नी, हुगी चो दीगी तम्गी खुङ् दी ॱह घो ॱमत् छुबल, ॱमक्मी घयेत् दील पावल् पो़ङ्गङ्ल ठीक्ल ज्युक् सीन्न खक्को़ ज्यब बेत्। 35ॱनी पावल् ठीक्न फीन्नी, पो़ङ्गङ् दीगी दोप्टेनी यल्ल जेक्पे यङ्ल मी घयेत् गन्दीक्म ॱस खो़न रुप्न युङ्नी, ॱमक्मी घयेत् दीगी पावल् खुर् गो़ ॱस्यर बेत्। 36मी घयेत् दीगी हुगो ॱसो़त् गोगेन् बेत् सीन्न रुप्न केत् ज्यक्कील्ल तीङ् दीत्न युङ बेत्।
पावल्की मी घयेत्ल तम् ॱस्येप्प २१:३७–२२:२१
37हीनी पो़ङ्गङ्गी नङ् दील स्युक्पे यङ्ल पावल्की ॱमक्पो़न् चो दील नीज्यरङ्ल ङ तम् च्यीक् सीच्च्येम युङेक्कक्? सीन्न स्यी़ब बेत्। ॱनी ॱमक्पो़न् चो दीगी लेल्ल ॱवे रङ्गी ग्रीक्की केच्च्य ॱस्यीगुक् व। 38खच्चीङ् मीस्सेन् मीरङ् तोङ्डक् स्यी रोम्गी स्युङ्गी डल लोङ्न पक्क झ्यङ्दङ्ल ॱसोङ बेत्। ॱनी हुब घयेत् ठीक्केन् गोयो़प्प मीस्रे मी दी रङ् ब अक् ॱनो़ज्युङ्। झ्यीबे मेम्बेत् क ॱनी सीन्न झ्यीब बेत्। 39ॱनी पावल्की लेम्बुल ङ सीलीसीया लुङ्बे टार्सस् सार्तु कीबे यहुदी हीन्। ङ ॱनग च्युङ्ज्युङ्गी सार्की मी मेन्। हीगी मी घयेत् हीबल तम् च्यीक् ॱस्यो़त्तु ची़त्रो झ्यी सीन्न स्युदेन् ज्यब बेत्। 40ॱनी ॱमक्पो़न् चो दीगी युङेत् सीन्न क टेत्नी, हुनी पावल्की दोप्टे दीनी लोङ्न मी घयेत् दील ॱहरक्प दो़त् सीन्न लाद ज्युर बेत्। हुनी ॱसीङ् थागील झ्युङ्नी, पावल्की हीब्रु केच्च्यल हीन्दुक् सीन्न ॱस्येप्प बेत्।
Currently Selected:
ठीक्नल 21: LHM
Highlight
Share
Copy
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society
ठीक्नल 21
21
पावल्सो सीजरीयाल युङ १-१४
1ॱनी ङीत् हुनी घीन छ्यु ज्यम्जो छ्यीम्मी़ लम्ल फीन्नी हुगी ङीन् दी छ्यी़ घुङ्गी ॱसने कोस्ल ॱलीबेन्। हुनी यङ् फीन्नी, नेम्बेत् दी छ्यी़ घुङ्गी ॱसने रोडस्ल ॱलीबेन्। हुनी यङ् फीन्नी, पटारा सार्ल ॱलीबेन्। 2ॱनी हुदु ङीत्ल फोनीसीया लुङ्बल डोगेङ्गी ढु ॱयोङ् च्यीक् ठेच्च्युङ्। ॱनी ङीस्सो हुल पो़न स्युन यङ् छ्यु ज्यम्जो छ्यीम्मी़ लम्ल फीम्बेन्। 3ॱनी डोये यङ्ल ङीक्की फच्चो़त्न छ्यी़ घुङ्गी ॱसने सैप्रस् दी थोङ्ज्युङ्। ॱनी हुगी ॱल्हो ङो़नी फल्ल झ्यीन सीरीया ङो़ल स्युङ्ज्योङ् फीम्बेन्। हुनी टायर् सार्ल ॱलीबेन्। ॱनी हुदु ढु दीनी खेद तो़न्ज्येम दुक्।
4ॱनी हुगो झ्यीनी ङीत् हुदु ढु दीनी थो़न्न हुगी सार्न ॱलोप्टुक्ल स्युन यो़प्प घयेत् चर च्येत्न, हुब घयेत्तङ् स्यक्पु दी़न् देप्पेन्। ॱनी हुदु धम्बे थुगी झ्यीन हुबे पावल्ल यरुशलेम्ल मत् डो सीन्न स्युव ज्यब बेत्। 5हीनी दी़न्डक् च्यीक् ॱसोङ्नी, हुनी ङीत् डोगेन् सीन्नी ॱनी, हुब घयेत् छ्योगो भुमु भीज थम्ज्येत् ङीत् घयेत् च्यो़दु सार्की छ्यील ते युङ बेत्। ॱनी हुदु छ्यु ज्यम्जो छ्यीम्मी़ छीगदु ङीत् घयेत् पीमुङ् चुन ॱसुव तबेन्। 6हुनी ङीत् फल्ल छुल्ल पीद स्यी़नी ङीस्सो ढुल स्युन युङेन्। ॱनी रोसो घयेत् खीम्ल लोक्सोङ्।
7ॱनी हुगी टायर् सार् दीनी छ्यु ज्यम्जो छ्यीम्मी़ लम्ल फीन्नी, ङीस्सो टोलेमैस् सार्ल ॱलीबेन्। ॱनी हुदु हुगी पी़न्ज्या घयेत् ठेत्तु फीन्नी, ङीस्सो हुदु ङीन् च्यीक् देप्पेन्।
8हीनी नेम्बेत् दी ङीस्सो हुनी घीन फीन्नी, सीजरीया सार्ल ॱलीबेन्। ॱनी हुदु केच्च्य ॱनेम्बु ॱस्येत्न टोम्गेन् फीलीप्की खीम्दु देप्पेन्। ॱनी फीलीप् हुगो एल्ला यरुशलेम्दु मीरङ् दी़न् दम्बे छीक्नी च्यीक् बेत्। 9ॱनी फीलीप्ल कलुङ् ॱस्यो़त् छुबे कबप् थोबे भुमु नज्युङ्म स्यी यो़प्प बेत्।
10ॱनी ङीस्सो हुदु स्यक्मु धोबा च्यीक् देप्पेन्। हुनी यहुदीयानी कलुङ् ॱस्यो़क्केन् मी अगाबस् सीक्केन् च्यीक् हुदु ॱलीच्च्युङ्। 11ॱलीत्नी हुगी पावल्की कबु दी लीन्न हुगी रोरङ्गी कङ्ब लक्प दी कीङ्न हीन्दुक् झ्यीब बेत्। धम्बे थुगी हीन्दुक् ॱसुङ्गुक्। हीगी कबु हीगी दक्पु दी यरुशलेम्दु यहुदी घयेक्की हीन्दुक् झ्यीन कीङ्न ज्यी़त् ॱयोङ्गी लक्ल ची ज्यक्को़त् सीन्न ॱस्येप्प बेत्।
12ॱनी हुगो ॱह घोनी, ङीत्तङ् हुगी छ्य स्योक्केन् घयेत् दीबे पावल्ल डोरो मत् झ्यीत् सीन्न स्युदेन् ज्यबेन्। 13ॱनी पावल्की लेम्बुल खीत् घयेत् ङी़न घन्डल ङे ॱसीम्ब ठुदु ची़क्केन्। ङ चोव ज्यीन्दक् येशुगी छेङ्गी ढीक्ल कीङ छ्युवक् मेम्ब, यरुशलेम्दु ॱस्यी गो़रङ् ॱस्यर्न आक्, ङे ॱरोक् हीगो च्यो़गेन् सीन्न झ्यीब बेत्। 14ॱनी पावल् ङीस्सो़ तम्ल मत् नेम्बल, ङीक्की चोव ज्यीन्दक्की थुल घङ् यो़प्प दी डुप्च्ये यो़प्प तोङ्ज्यीत् सीन्न हुनी ॱयोङ् घन्ड अक् मत् झ्ये।
पावल् यरुशलेम्ल ॱलीत्न याकुब्दङ् ठेप्प १५-२६
15हुनी ङीस्सो खुच्च्ये ज्यप्न सीजरीयानी यल्ल यरुशलेम्ल फीम्बेन्। 16ॱनी ॱलोप्टुक्ल स्युन यो़प्प यरी ङीत्तङ् दल युङ्न यरुशलेम्दु दो़क्केन् मनासोन्गी खीम्ल ते हुबे च्येज्युङ्। ॱनी ङीत् हुदु देप्पेन्। रोगी कीस्से फयु दी सैप्रस् बेत्। रो गोमनीरङ् येशुगी ॱलोप्टुक्ल स्युन यो़प्प बेत्। 17ॱनी हुदु यरुशलेम्गी पी़न्ज्या घयेत् गेस लङ्न ङीस्सोल ॱसुमी़ झ्यीज्युङ्।
18हीनी नेम्बेत् दी पावल्तङ् ङीत् याकुब् च्याल ठेत्तु फीम्बेन्। ॱनी उन गोयो़प्प ॱयोङ्म दीब अक् जोम्न दुक्। 19ॱनी हुबदङ् ठेत्नी, गोम ठेच्चो़क्की यङ्ल झ्यीक्केङ्गी लेमु झ्यीनी, हुनी पावल्की स्यप्च्यी़गी लेगी लम्नी ज्यी़त् ॱयोङ् ॱयोङ्गी मी घयेक्की घुङ्दु को़न्ज्योक्की घन्ड जेप्प बेक्क हुगो कुरीक् ॱस्यीप् धक्पोक्म ॱस्येत्न टेप्प बेत्। 20हीगो ॱह घोनी हुबे को़न्ज्योक्ल तो़प्प पुब बेत्। हुनी हुबे पावल्ल तेदे हीन पी़न्ज्या चोव ज्यीन्दक्ल छ्य स्यक्न युङ यहुदी छेत्मीत् यो़क्केन् बेत्। ॱनी हुब घयेक्की हज्यरङ् यहुदीगी छ्यो़डीम्ल धेस्सीम् छ्यीम्मु खुर्न ॱसम् गोगेन् बेत् सीगुक्। 21ॱनी हुब घयेक्की रङ्गी ढीक्ल हीन्दुक् झ्यीबे तम् च्यीक् ॱह घोदुक्। ज्यी़त् ॱयोङ् ॱयोङ्गी घुङ्न दो़क्केन् यहुदी घयेत्ल मोशागी छ्यो़डीम्ल ची मीत् गो़गेन्, भीजल यहुदीगी दक् ज्यक् मीत् गो़गेन् धङ् यहुदीगी टो घयेत्ल ॱसम् मीत् गो़गेन् बेत् सीन्न रङ् घल अक् गीर्न ॱलोप्कुक् लो। 22ह हुगी ढीक्ल घन्ड झ्यीक्केन्? रङ् ॱलीत्तुक् सीर ह हुब कुरीक्की ॱह घो डोगेन् बेत्। 23ह रङ् ङीक्की ॱङाब हील नेन्। हीन को़न्ज्योक्तङ् छ्यो़त्तुम् झ्यीन दो़क्केन् मीरङ् स्यी यो़त्। 24रङ् हीबदङ् कङ्ज्यीक्ल फीन्न हीबल गो़बे खर्च घयेत् रङ्गी तो़न्न हीबदङ् कङ्ज्यीक्ल ट ॱउरीली ढेन ठी़ ज्योप्लेत्। हुनी क रङ्गी ढीक्ल घोवे तम् हुगो खुङ्देन् मेम्ब, रङ्गी इक् छ्यो़डीम्गी कल चीन दो़क्कुक् ॱनो़ब कुरीक्की छ्यर्केन् बेत्। 25छ्य स्यक्न दो़क्केन् ज्यी़त् ॱयोङ् ॱयोङ्गी मी घयेत्ल ङीक्की एल्लादु हीगी ढीक्ल ॱनोक्सम् तङ्न थी़न्न यीगील ॱल्ह धङ् कुल पु तङे समे ढङ् मत् सज्यीत्। ठक् ॱमत् तो़म्बे ॱस्य मत् सज्यीत्। ठक् मत् सज्यीत्। छ्येगी ढङ्नी जीम्न दो़च्च्यीत् सीन्न ढीन तङेन् सीन्न पावल्ल ॱस्येप्प बेत्।
26हुनी पावल् हुगी तम् दील नेन्न, नेम्बेत् दी हुगी मीरङ् स्यीबु दी ठीक्न कङ्ज्यीक्ल ठी़ ज्यब बेत्। ठी़ ज्यप्न छ्यो़गङ्ल फीन्न दो़क्केङ्गी रोरङ्सो़ स्यक्पे धी़ दी यो़बे ॱङेस्स्यो हुब री रीगी धो़न्दु छ्यो़प्प पु गोगेन् बेत्। ॱनी हुगी धी़ दी छ्यो़प्पो़न् दील ॱस्येत्न स्यक्प बेत्।
यरुशलेम्गी छ्यो़गङ्दु पावल् सुङ २७-३६
27हीनी स्यक्पु दी़ङ्गी हुगी धी़ दी छीज्येम ॱयेङे यङ्ल एशीया लुङ्बनी युङे यहुदी यरीगी पावल् छ्यो़गङ्दु थोङ्नी, हुदु मी घयेक्की घुङ्दु हुबे टुक् ज्यप्न पावल् सुङ्न हीन्दुक् सीन्न केत् ज्यब बेत्। 28ॱवे इस्राएली घयेस्सो, ज्योक्पु ॱस्योक्। ज्योक्पु ॱस्योक्। हीगी मी हीगो सुङ्दोङ्। हीगो घल अक् गीर्न, हज्यरङ् यहुदी घयेक्की डल लोङ्न छ्यो़डीम् धङ् छ्यो़गङ् हीगी ढीक्ल मेम्बेत् सीक्केङ्गी ॱलोप्स मी कुरीक्ल ज्यक्केङ्गी मी दी हीगो बेत्। ॱनी हीगी हरुङ्दङ् ग्रीक्की ज्यी़क्की मी छ्यो़गङ्ल स्युक्तु ची़त्न को़न्ज्योक्ल तीम्बे ॱसने हीगोल ढीप्लङ् कप्तुक् सीन्न हुगी मी घयेत्ल झ्यीब बेत्। 29हुबे एल्ला पावल्तङ् दल ज्यी़त् ॱयोङ्गी एफीसस् सार्की मी त्रोफीमस् दी हुदु सार्ल गीर थोङ हीङ्गो़प्प बेत्। ॱनी हुबे हुगो पावल्की छ्यो़गङ्गी नङ्ल ॱलुक्प बक् ॱनो़ब छ्यर हीङ्गो़प्प बेत्। 30ॱनी हीगी तम् हीगी सार् दीरङ् हुट्टे ॱस खो़नी, मी घयेत् ॱसोस्सोनी छेत्मीत् ज्युन युङ्न जोम्ब बेत्। ॱनी हुब घयेक्की पावल् सुङ्न छ्यील ढी़प्प बेत्। हुनी छ्यो़गङ्गी गोच्च घयेत् दी ज्योक्सी झ्यीन च्येत् तङ बेत्।
31हुगी मी घयेत् दीगी पावल् ॱसो़च्च्येम ॱयेङ बेत्। ॱनी हुगी यङ्ल यरुशलेम् सार्तु हुट्टे ॱस खो़सोङ् सीर हुगी रोम्गी ॱमक्पो़न् चो दीगी ॱह घोव बेत्। 32हीनी ॱस्यर्च्यक् हुगी चो दीगी रोरङ्गी होक्की ॱमक्पो़न् दीब धङ् ॱमक्मी घयेत् दी ठीक्न ज्योक्सी झ्यीन ज्युन युङ बेत्। ॱनी हुगी मी घयेत् दीगी ॱमक्पो़न् चो दी धङ् ॱमक्मी घयेत् युङ थोङ्नी, हुबे पावल्ल दुङ्ज्ये दी ॱलो़ तङ बेत्।
33हीनी ॱमक्पो़न् चो दीगी पावल्ल च्यागोङ् ॱङी ज्यक्तु ची़प्प बेत्। हुनी हुगी हीगो घनीगी मी बेक्क? हीगी घन्ड ङीसोङ? सीन्न ढीब बेत्। 34ॱनी हुगी मी घयेत् दीगी छीक्नी च्यीक्की तम् ॱयोङ्म च्यीक्, च्यीक्की तम् ॱयोङ्म च्यीक् सीन्न कुरीक्की ओ़लोक् ज्यप्न युङ्नी, हुगी चो दीगी तम्गी खुङ् दी ॱह घो ॱमत् छुबल, ॱमक्मी घयेत् दील पावल् पो़ङ्गङ्ल ठीक्ल ज्युक् सीन्न खक्को़ ज्यब बेत्। 35ॱनी पावल् ठीक्न फीन्नी, पो़ङ्गङ् दीगी दोप्टेनी यल्ल जेक्पे यङ्ल मी घयेत् गन्दीक्म ॱस खो़न रुप्न युङ्नी, ॱमक्मी घयेत् दीगी पावल् खुर् गो़ ॱस्यर बेत्। 36मी घयेत् दीगी हुगो ॱसो़त् गोगेन् बेत् सीन्न रुप्न केत् ज्यक्कील्ल तीङ् दीत्न युङ बेत्।
पावल्की मी घयेत्ल तम् ॱस्येप्प २१:३७–२२:२१
37हीनी पो़ङ्गङ्गी नङ् दील स्युक्पे यङ्ल पावल्की ॱमक्पो़न् चो दील नीज्यरङ्ल ङ तम् च्यीक् सीच्च्येम युङेक्कक्? सीन्न स्यी़ब बेत्। ॱनी ॱमक्पो़न् चो दीगी लेल्ल ॱवे रङ्गी ग्रीक्की केच्च्य ॱस्यीगुक् व। 38खच्चीङ् मीस्सेन् मीरङ् तोङ्डक् स्यी रोम्गी स्युङ्गी डल लोङ्न पक्क झ्यङ्दङ्ल ॱसोङ बेत्। ॱनी हुब घयेत् ठीक्केन् गोयो़प्प मीस्रे मी दी रङ् ब अक् ॱनो़ज्युङ्। झ्यीबे मेम्बेत् क ॱनी सीन्न झ्यीब बेत्। 39ॱनी पावल्की लेम्बुल ङ सीलीसीया लुङ्बे टार्सस् सार्तु कीबे यहुदी हीन्। ङ ॱनग च्युङ्ज्युङ्गी सार्की मी मेन्। हीगी मी घयेत् हीबल तम् च्यीक् ॱस्यो़त्तु ची़त्रो झ्यी सीन्न स्युदेन् ज्यब बेत्। 40ॱनी ॱमक्पो़न् चो दीगी युङेत् सीन्न क टेत्नी, हुनी पावल्की दोप्टे दीनी लोङ्न मी घयेत् दील ॱहरक्प दो़त् सीन्न लाद ज्युर बेत्। हुनी ॱसीङ् थागील झ्युङ्नी, पावल्की हीब्रु केच्च्यल हीन्दुक् सीन्न ॱस्येप्प बेत्।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995 Wycliffe Bible Translators, Inc. and Nepal Bible Society