MAROMU 16

Masalamu

1Nisumuaminishani mwananyatru mutrumushe Foiɓati, alio musaidizi wa iDjama Ndziwaminifu ya Kenkereya, 2ile mumurenge ha lidzina la Raɓi, namuna ilio amba istahiki watwaharifu. Namumusaidiye hari mwa kula trongo ilio amba atsotsaha musada wanyu. Mana waye asaidi wengi, ata wami ne anisaidi.

3Namusalimu Priskila na Akila walio v̄umoja na wami ha

umurumishia Kristi-Insa. 4Wahatwarisha inafusi yawo ha

siɓaɓu ya wami. Tsi wami weke niwav̄osheleao marahaɓa,

ɓadi piya ziDjama Ndziwaminifu

za zinishani zangina wajau.

5Namusalimu tsena iDjama Ndziwaminifu ingulidzanao

ɗagoni hawo.

Namumusalimu Aɓainitusa mwandzani wa roho wangu,

alio wa handra umuamini Kristi

hari mwa liɓavu la Aziya.

6Namumusalimu Mariama, adzirumu ha kusudi

ha faida yanyu.

7Namuwasalimu Andronikusu na Yuniyusa walio hari mwa

udjama wangu, na tsena waka wanyangu shiv̄ani.

Wao ustehiwa ha kusudi hari mwa yaMav̄ingizi-Risala|Mav̄ingizi-Risala,

amwesa wamuamini Kristi kaɓula ya wami.

8Namumusalimu Ambiliyatu, mwandzani wa roho wangu

ha Raɓi.

9Namumusalimu Uruɓayinusa alio v̄umoja na wasi ha

umurumishia Kristi, na Stahisa,

mwandzani wa roho wangu.

10Namumusalimu Aɓalus alio amba uaminifu wahe na Kristi

udjereɓilwa, tsena udhiɓitishiha amba wa kweli.

Namusalimu watru wa udjama wa Aristoɓulusu.

11Namumusalimu mudjama zangu Herodiyana.

Namusalimu watru wa umuraɓa wa Narkisi

walio hari mwa uv̄umoja na Raɓi.

12Namuwasalimu Trifina na Trifusa, watruwashe wadziruma

hari mwa urumishi wa Raɓi.

Namusalimu muv̄endzewa Ɓerisi, ɓweni adziruma

ha kusudi ha umurumishia Raɓi.

13Namumusalimu Rufusa alio amba atsahulwa hari mwa

urumishi wa Raɓi, na mayahe alio wangu wajau.

14Namunisalimiye Asinkirita, Filidjuna,

Harmiusu, Ɓadruɓisa, Harmasi,

na wananya wa shi uaminifu walio v̄umoja na wao.

15Namuwasalimu Filulusa na Yuliyati, Niriyu na mwananyahe

mutrumushe, tsena Ulumbasa, na piya watwaharifu

walio v̄umoja na wao.

16Namusalimiane ha uɓusuana shi watwaharifu.

Piya ziDjama Ndziwaminifu za Kristi zisumusalimuni.

Mutahadharisho wa hwisa

17Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao. 18Mana watru mauri ɗe wao kawasumurumishia Raɓi watru Kristi, ɓadi ɗe zimimba zawo. Ha marongozi mema yendza sifa, wao udanganya ziroho za wao kawafikiri. 19Yamuhusuni wanyu, utuĩvu wanyu ujulihwana na watru piya. Ɓasi nisufurahi ha siɓaɓu ya wanyu, ɓadi nisutsaha mukane hikima hari mwa yahusu indjema, muke warahafu hari mwa yahusu imbovu.

20Mungu av̄ao amani, tsi hale atsomuangamidza Shetwani maharoju hanyu.

iNeema ya Raɓi watru Insa naike v̄umoja na wanyu.

21Timutausu, munyangu wa ihazi, asumusalimuni, v̄umoja na wadjemazangu Lukiyusu, Yasuna, na Susiɓateri wasumusalimuni wajau.

22Nisumusalimuni hari mwa uv̄umoja watru na Raɓi, wami Tertiyusu naangiha ɓarua lini.

23Djayusu, mukariɓisa wangu na wa iDjama Ndziwaminifu, asumusalimuni.

Erastusa musika-mali wa liɗago, v̄umoja na umwananya Kawartu, wasumusalimuni.

[24iNeema ya Raɓi watru Insa-Kristi naike v̄umoja na wanyu piyanyu. Amina.]

Mungu weke Monyewe utukufu

25Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima, 26ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu, 27waye Mungu weke mwendza hikima natukuzihe ha Insa-Kristi daimani aɓada. Amina.

Currently Selected:

MAROMU 16: swb

Highlight

Copy