YAKOƁU 4
4
Mutru nadziɓause na ngushauku za shidunia
1Ulawa hav̄i zikondro, ulawa hav̄i zingumani zikao hari mwanyu? Hali tsi hari mwa zingushauku ziwanao hari mwa ziga zanyu? 2Musutamani ɓadi kamusina. Musuula na uonea uwivu, wala kamusushindra mwapara. Musushindrana na umana. Kamusina mana kamusufanya mamilio. 3Neka musufanya mamilio, kamusupara mana musumia nnayi, pare mujiv̄idze ngushauku zanyu.
4Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu. 5Hali musufikiri amba uMuangishio usurongoa ɓure-ɓure amba: Mungu ana ushauku wa shi uwivu na iroho aiketsisa moni hatru? 6Ɓadi asudjaãlia urehema wazidishiha iv̄o uMuangishio urongoao:
«Mungu ukanyusha wao wadzionao,
ɓadi waye udjaãlia urehema waekevu.»#4:6 Namuangaliye Wasiya 3:34.
7Ɓasi namudzituĩse Mungu, mumukanyushe Iɓilisa, na waye atsomutralani. 8Namumukuruɓiye Mungu, na waye atsomukuruɓiani. Namutwaharishe mihono yanyu, wanyu maãswifu, namurahatse ngumo zanyu, wanyu wendza roho zaãnisiha. 9Namukane huzuni, mukane musiɓa, mulile. Tseso yanyu naigauhe musiɓa, na furaha yanyu igauhe hamu. 10Namudzishukidze mbeli za Mola, na waye atsomuhedzani.
Usunamuwe munyaho
11Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi. 12V̄wa moja tu ɗe alio Mutolezi-Sharia tsena Munamuzi, ne ɗe Uwo ashindrao ahuyi na uangamidza. Ɓadi wawe, wawe mbani ata unamuao munyaho?
Mwanadamu kashindri ka na yakini na trongo za meso
13Ɓasi wanyu murongoao amba: «Leo au meso ritsendra hari mwa ɗago fulani, riv̄itse mwaha oho, rifanye ɓiashara, ripare faida», 14wakati ulio amba kamusujua uhayati wanyu namuna utsokao meso. Wanyu kuku liheao mara moja, lilawao. 15Ɗe ikinyume ilazimu murongowe amba: «Neka Mola av̄endze, ritsoka hayi, amwesa rifanye ini au ile.» 16Ɓadi av̄asav̄anu, musudziɓua hari mwa maoneyo yanyu. Kula muoneyo mauri ɗe uwo, uwo movu. 17Ɓasi uwo ajuao ndjema yalazimu afanye ne kasuifanya, v̄av̄o asuãswi.
Currently Selected:
YAKOƁU 4: swb
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
YAKOƁU 4
4
Mutru nadziɓause na ngushauku za shidunia
1Ulawa hav̄i zikondro, ulawa hav̄i zingumani zikao hari mwanyu? Hali tsi hari mwa zingushauku ziwanao hari mwa ziga zanyu? 2Musutamani ɓadi kamusina. Musuula na uonea uwivu, wala kamusushindra mwapara. Musushindrana na umana. Kamusina mana kamusufanya mamilio. 3Neka musufanya mamilio, kamusupara mana musumia nnayi, pare mujiv̄idze ngushauku zanyu.
4Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu. 5Hali musufikiri amba uMuangishio usurongoa ɓure-ɓure amba: Mungu ana ushauku wa shi uwivu na iroho aiketsisa moni hatru? 6Ɓadi asudjaãlia urehema wazidishiha iv̄o uMuangishio urongoao:
«Mungu ukanyusha wao wadzionao,
ɓadi waye udjaãlia urehema waekevu.»#4:6 Namuangaliye Wasiya 3:34.
7Ɓasi namudzituĩse Mungu, mumukanyushe Iɓilisa, na waye atsomutralani. 8Namumukuruɓiye Mungu, na waye atsomukuruɓiani. Namutwaharishe mihono yanyu, wanyu maãswifu, namurahatse ngumo zanyu, wanyu wendza roho zaãnisiha. 9Namukane huzuni, mukane musiɓa, mulile. Tseso yanyu naigauhe musiɓa, na furaha yanyu igauhe hamu. 10Namudzishukidze mbeli za Mola, na waye atsomuhedzani.
Usunamuwe munyaho
11Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi. 12V̄wa moja tu ɗe alio Mutolezi-Sharia tsena Munamuzi, ne ɗe Uwo ashindrao ahuyi na uangamidza. Ɓadi wawe, wawe mbani ata unamuao munyaho?
Mwanadamu kashindri ka na yakini na trongo za meso
13Ɓasi wanyu murongoao amba: «Leo au meso ritsendra hari mwa ɗago fulani, riv̄itse mwaha oho, rifanye ɓiashara, ripare faida», 14wakati ulio amba kamusujua uhayati wanyu namuna utsokao meso. Wanyu kuku liheao mara moja, lilawao. 15Ɗe ikinyume ilazimu murongowe amba: «Neka Mola av̄endze, ritsoka hayi, amwesa rifanye ini au ile.» 16Ɓadi av̄asav̄anu, musudziɓua hari mwa maoneyo yanyu. Kula muoneyo mauri ɗe uwo, uwo movu. 17Ɓasi uwo ajuao ndjema yalazimu afanye ne kasuifanya, v̄av̄o asuãswi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.