YAKOƁU 1
1
1Wami Yakoɓu, murumishi wa Mungu amma wa Raɓi Insa-Kristi, ha zingudjama#1:1 zingudjama: Kauli lini lisurongoa ɗe uwatru waaminio watsambadziha hari mwa ulemengu. kumi na mbili zatsambadziwa ulemenguni. Salamu ju lanyu.
Midjereɓio uv̄inga ustahamilivu
2Wananyangu, namuone mauri ndzia imuv̄ingiaoni furaha ya kusudi mwamoparwa na midjereɓio ya namuna ha namuna, 3ha ujua amba umudjereɓio wa uaminifu wanyu umudzaliani ustahamilivu. 4Ɓasi ustahamilivu nautsimidze hazi zawo, ile muke watru watsimu, tsena mukamilishihe hari mwa piya yimikaɓala, mwasukosewe na itsokao yotsi. 5Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo. 6Ɓadi naitsahe ha uaminifu, wala taradudu itsokao yotsi; mana mwendza taradudu, uwo sawa na ɗuja la ɓaharini ligudzusiwao na uv̄ingwa na pev̄o. 7Mutru mauri ɗe uwo, asudzifikiriye amba atsopara shitru ha Mola. 8Uwo mutru mwendza roho yaãnisiha, kakana yakini hari mwa piya izo azifanyao.
liMaskini na litadjiri
9uMwananya wa shi uaminifu mwendza daradja ya shi utsini, nadzifaharishe na muhudzio wahe mbeli za Mungu. 10Na tadjiri waye, ɗe ha umushukidzio wahe, mana atsov̄ira mauri ga la ɗavu. 11Jua lilo uhea na uhali walo, livudzu ɗavu lile, na ga lalo upuliha, tsena uzuri walo ulawa. Ɓasi ɗe namuna iyo ɗe litadjiri litsonyayao hari mwa zingushahilifu zahe.
Madjereɓio ya uzainiwa
12Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.
13V̄usuke ata mutru amodjereɓulwa uzainiwa, arongoa amba Mungu ɗe amudjereɓuo. Mana Mungu kashindri udjereɓulwa na uovu, na waye-waye kadjereɓu uzaini ata mutru. 14Ɓadi kula mutru udjereɓulwa ha ngushauku zahe monyewe zimuvurao na umuv̄inga. 15Amwesa ushauku wamomirwa, uwo udza dhambi; na lidhambi lamotsimu, udza ufa.
16Wananya wa shi uaminifu wav̄endzewa wangu, mwasulaɓihe! 17Kula neema ndzuzuri, kula zawadi ndzikamilifu, izo uja ulawa uju oho ha Ɓaɓa Monyewe uumba zinuru ya shimbinguni, alio amba haheju kav̄u mugaudzio, wala mungio shidza. 18Ha inia yahe monyewe, aridza ha urongozi wa kweli, ile rike ha shi urongozi, madzazi ya handra ya ziumbe zahe.
Ukia na urendra
19Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha, 20mana hasera ya mwanadamu kairendre iyo Mungu aonao amba haki. 21Ɓasi v̄av̄o namudziɓause na kula tsama, na kula uyi watupa mupaka, murenge ha utaratiɓu uUrongozi ulio amba utaɓilwa moni hanyu, tsena ushindrao uhuyi roho zanyu.
22Namutriye ndziani uUrongozi, ɓadi isuke amba musuuvulishia tu ɓasi, ha udzilaɓa wanyu wenyewe. 23Mana neka mutru asuvulishia Urongozi amwesa kasuutria ndziani, waye ufana na mutru aangaliao sura yahe hari mwa shiɗo, 24ata amohisodziangalia, waye uɗela kamwe v̄ale namuna alio. 25Ɓadi mutru aangaliao ha makini iSharia yendza ukamilifu iv̄ingiao unafasi, amwesa aendreleao nayo, tsi amba ha uivulishia na uiɗela, ɓadi ha uitria ndziani, mutru uwo atsoɓarikishiha hari mwa izo atsofanyao.
26Neka mutru asudziona amba mutru wa dini, wala kasuzia ulimi wahe, ɓadi asudzilaɓa monyewe, v̄av̄o dini yahe ya truv̄u. 27iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.
Currently Selected:
YAKOƁU 1: swb
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
YAKOƁU 1
1
1Wami Yakoɓu, murumishi wa Mungu amma wa Raɓi Insa-Kristi, ha zingudjama#1:1 zingudjama: Kauli lini lisurongoa ɗe uwatru waaminio watsambadziha hari mwa ulemengu. kumi na mbili zatsambadziwa ulemenguni. Salamu ju lanyu.
Midjereɓio uv̄inga ustahamilivu
2Wananyangu, namuone mauri ndzia imuv̄ingiaoni furaha ya kusudi mwamoparwa na midjereɓio ya namuna ha namuna, 3ha ujua amba umudjereɓio wa uaminifu wanyu umudzaliani ustahamilivu. 4Ɓasi ustahamilivu nautsimidze hazi zawo, ile muke watru watsimu, tsena mukamilishihe hari mwa piya yimikaɓala, mwasukosewe na itsokao yotsi. 5Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo. 6Ɓadi naitsahe ha uaminifu, wala taradudu itsokao yotsi; mana mwendza taradudu, uwo sawa na ɗuja la ɓaharini ligudzusiwao na uv̄ingwa na pev̄o. 7Mutru mauri ɗe uwo, asudzifikiriye amba atsopara shitru ha Mola. 8Uwo mutru mwendza roho yaãnisiha, kakana yakini hari mwa piya izo azifanyao.
liMaskini na litadjiri
9uMwananya wa shi uaminifu mwendza daradja ya shi utsini, nadzifaharishe na muhudzio wahe mbeli za Mungu. 10Na tadjiri waye, ɗe ha umushukidzio wahe, mana atsov̄ira mauri ga la ɗavu. 11Jua lilo uhea na uhali walo, livudzu ɗavu lile, na ga lalo upuliha, tsena uzuri walo ulawa. Ɓasi ɗe namuna iyo ɗe litadjiri litsonyayao hari mwa zingushahilifu zahe.
Madjereɓio ya uzainiwa
12Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.
13V̄usuke ata mutru amodjereɓulwa uzainiwa, arongoa amba Mungu ɗe amudjereɓuo. Mana Mungu kashindri udjereɓulwa na uovu, na waye-waye kadjereɓu uzaini ata mutru. 14Ɓadi kula mutru udjereɓulwa ha ngushauku zahe monyewe zimuvurao na umuv̄inga. 15Amwesa ushauku wamomirwa, uwo udza dhambi; na lidhambi lamotsimu, udza ufa.
16Wananya wa shi uaminifu wav̄endzewa wangu, mwasulaɓihe! 17Kula neema ndzuzuri, kula zawadi ndzikamilifu, izo uja ulawa uju oho ha Ɓaɓa Monyewe uumba zinuru ya shimbinguni, alio amba haheju kav̄u mugaudzio, wala mungio shidza. 18Ha inia yahe monyewe, aridza ha urongozi wa kweli, ile rike ha shi urongozi, madzazi ya handra ya ziumbe zahe.
Ukia na urendra
19Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha, 20mana hasera ya mwanadamu kairendre iyo Mungu aonao amba haki. 21Ɓasi v̄av̄o namudziɓause na kula tsama, na kula uyi watupa mupaka, murenge ha utaratiɓu uUrongozi ulio amba utaɓilwa moni hanyu, tsena ushindrao uhuyi roho zanyu.
22Namutriye ndziani uUrongozi, ɓadi isuke amba musuuvulishia tu ɓasi, ha udzilaɓa wanyu wenyewe. 23Mana neka mutru asuvulishia Urongozi amwesa kasuutria ndziani, waye ufana na mutru aangaliao sura yahe hari mwa shiɗo, 24ata amohisodziangalia, waye uɗela kamwe v̄ale namuna alio. 25Ɓadi mutru aangaliao ha makini iSharia yendza ukamilifu iv̄ingiao unafasi, amwesa aendreleao nayo, tsi amba ha uivulishia na uiɗela, ɓadi ha uitria ndziani, mutru uwo atsoɓarikishiha hari mwa izo atsofanyao.
26Neka mutru asudziona amba mutru wa dini, wala kasuzia ulimi wahe, ɓadi asudzilaɓa monyewe, v̄av̄o dini yahe ya truv̄u. 27iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.