MAHEƁRANIYA 8
8
Insa ɗe uMutolezi-Masadaka Muɓole wa umukataɓa muv̄ia
1iMahususu ya izo rarongoa ɗe ini: Rina Mutolezi-Masadaka Muɓole|Muɓole wa Matolezi-Masadaka namuna iyo, aketsi humeni mwa ishiri ya yezi ya Monyewe Ufalume pev̄oni. 2Waye a murumishi hari mwa liPa Dzitwaharifu rahana Dzitwaharifu|Pa Dzitwaharifu rahana Dzitwaharifu, amma ɗe iNyumba ya Haima|Nyumba Ndzitwaharifu ya Haima ya kweli yamidzwa na Mola, ɓadi tsi na mwanadamu.
3Kula Mutolezi-Masadaka Muɓole uhetsiwa atoleye masadaka na makafara. Iyo ɗe imana ata yalazimu amba waye wajau akane ya utoa. 4Ne ɗe na djeli Kristi aka shiv̄andreju mwa tsi, katsoka Mutolezi-Masadaka, mana v̄wa wangina watoleao masadaka ha uɗunga iSharia. 5Wao ufanya ĩɓada ha namuna ilio mufano na shivuli ya izo zilio pev̄oni. Mauri ɗe Musa udzitayarisha yahe afanye iNyumba ya Haima, aambilwa na Mungu: «Fahamu amba kula shitru iɗunge umufano waonesewawo mulimaju.»#8:5 Namuangaliye Mulawiyo 25:40. 6Ɓadi leo v̄anu Kristi waye apara urumishi wazidi uhu, iv̄o alio muparanisa wamukataɓa mwema zaidi, wahetsiwa hari mwa nguwahadi ndjema zaidi.
7Mana na djeli umukataɓa wa handra ule kawakana tuhuma, kav̄watsoka ɓandza la mukataɓa wa v̄ili. 8Ɓadi ɗe ha lawama ɗe Mungu arongoa:
«V̄usuja suku, Mola ɗe arongoao,
zilio amba nitsofunga mukataɓa muv̄ia v̄umoja na umuraɓa
waIsraila, na umuraɓa wa Yuda.
9Kautsoka mauri ɗe umukataɓa naufunga na wadzaɗe wawo
isuku nawasika ha umuhono,
ile niwatowe hari mwa itsi ya Miswiri.
Iv̄o wao wenyewe kawaɓaki hari mwa umukataɓa wangu,
wami ne tsasongeha na wao, asurongoa Mola.
10Ne ɗe tsunu umukataɓa nitsoufungao na umuraɓa wa Israila
ɓaanda ya suku zizo, asurongoa Mola.
Nitsotria Sharia zangu fikirani hawo,
nitsoziangiha rohoni hawo.
Nitsoka Mungu wawo, amwesa watsoka umati wangu.
11Kav̄utsoka tsena atsosomedzao munyahe,
wala mutru mwananyahe ha urongoa:
‹Mujuwe Mola›, mana piyawo watsonijua,
rangu umutiti ata umuɓole hari mwawo.
12Nitsowaswamihi mahosa yawo,
amwesa tsitsonahana tsena madhambi yawo.»#8:12 Namuangaliye Yeremiya 31:31-34.
13Ha uuhira amba mukataɓa muv̄ia, v̄av̄o wa handra ule aufanya amba wa hale. Na ilio amba ya hale tsena iɗuhwa, iyo isuja izimihe.
Currently Selected:
MAHEƁRANIYA 8: swb
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
