MAGALATWIYA 2
2
Uv̄ingizi-Risala wa Ɓaulusu ukuɓaliwa na wanyahe
1Maha kumi na minne uv̄ira yayo, tsihea raha Yerusalemu v̄umoja na Ɓarnaɓasi, tsena tsimuv̄ingi Titusa na wami. 2Tsihea ɓaanda napara muv̄enulio. Tsiwaeledza iIndjili niijudzao ha watru wa zinishani zangina kazimuji Mungu; tsiieledza ha faraha ha wao wakoonehana amba makizi-mbeli, ha uria amba mbio niziremao au nazirema, zasuke za ɓanaraju. 3Ɓasi ata Titusa aka na wami alio amba aka Mugiriki, ne kalazimishiwa utahiriwa|utahiri. 4Piya zile ha siɓaɓu ya watru wadzifanyao wananya wa shi uaminifu wadziseledza hari mwa wasi, ile watunde unafasi rilionawo hari mwa uv̄umoja watru na Kristi-Insa|Kristi, pare warifanye warumwa. 5Ɓadi karawakuɓalia ata mwanapav̄i, pare ukweli wa iIndjili umuɓakiyeni.
6Hari mwa wale wakorengwa amba waɓole, (ihali yawo waka kaisunidhuru, mana Mungu katsungua ha sura), ɓasi ha uɓole wawo kawaniengedzea itsokao yotsi. 7Ɗe ha kinyume, waono amba tsidhwaminishiwa umujudzio wa iIndjili ha watru tsi Mayahudi#2:7 tsi Mayahudi: iShigiriki isurongoa watru kawatahiriwa., mauri Monye ha yaMayahudi#2:7 Mayahudi: iShigiriki isurongoa watru watahiriwa.. 8Mana Uwo atsonga amba Monye ake Muv̄ingizi-Risala ha yaMayahudi, ɗe anitsongesha wajau nike ha wale tsi Mayahudi. 9Na ɓaanda wafahamu ineema nadjaãliwayo, Yakoɓu, Monye na Yuhani, wakorengwa amba ɗe zingidzo za iDjama Ndziwaminifu, wariv̄a umuhono wa hume wami na Ɓarnaɓasi ha ãlama ya uv̄umoja, amba wasi ritsendra ha watru tsi Mayahudi, na wao ha yaMayahudi. 10Ɓadi rinahane zimasikini, trongo madza nakanayo, tsena ha djitihadi.
Ɓaulusu asumukanyusha Monye
11Ɓadi wakati Monye awaswili Antiyokiya, maswa ha maswa tsamukuɓalia, mana aka akoso. 12Mana kaɓula ya ɓaãdhwi ya watru waka walawa ha Yakoɓu uwaswili, Monye akoɗya na watru tsi Mayahudi. Ɓadi uwaswili yawo v̄ale, adzivuru, adzitenge, ha trisidzo la wale wakana zimila za shi Uyahudi. 13Mayahudi yangina tsena wadzitria moni na trongo ya unafiki ile, ha namuna amba Ɓarnaɓasi waye-waye, ne adzilishi agogorwe hari mwa unafiki wawo ule.
14Uona yangu amba kawakoɗunga ndzia yaondzoha yalingana na ukweli wa iIndjili, tsimuambia Monye mbeli za idjama piya: «Neka wawe ulio Muyahudi usuẽshi ha inamuna ya watru tsi Mayahudi, ɓadi tsi mauri Muyahudi, ha namuna jeje ushindrao ulazimishe wale tsi Mayahudi waɗunge mila za shi Uyahudi?»
Mayahudi ata tsi Mayahudi, wao uhuyiwa ha uaminifu na Kristi
15Wasi Mayahudi ha naswila, karalawa ha maãswifu nishani zangina wale. 16Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.
17Ɓadi neka ha wasi utsaha ike amba rihakishihe na Mungu ha uv̄umoja watru na Kristi, riparihana maãswifu wasi wajau, amba v̄av̄o Kristi afanyiha murumishi wa dhambi? Ata hata! 18Neka nisurudi niundre izo nakomoa, v̄av̄o nisuv̄enua amba tsa mukosefu. 19Kweli amba ha iSharia wami-wami tsifu mbeli za iSharia, ile niẽshi amba wa Mungu. Tsiremwa mizumari hari mwa muri wa pawa v̄umoja na Kristi; 20v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami. 21Tsisuhara irehema ya Mungu; mana na djeli umuhakisho mbeli za Mungu uka ha iSharia, itsoka amba Kristi afu ɓila mana itsokao yotsi.
Currently Selected:
MAGALATWIYA 2: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
MAGALATWIYA 2
2
Uv̄ingizi-Risala wa Ɓaulusu ukuɓaliwa na wanyahe
1Maha kumi na minne uv̄ira yayo, tsihea raha Yerusalemu v̄umoja na Ɓarnaɓasi, tsena tsimuv̄ingi Titusa na wami. 2Tsihea ɓaanda napara muv̄enulio. Tsiwaeledza iIndjili niijudzao ha watru wa zinishani zangina kazimuji Mungu; tsiieledza ha faraha ha wao wakoonehana amba makizi-mbeli, ha uria amba mbio niziremao au nazirema, zasuke za ɓanaraju. 3Ɓasi ata Titusa aka na wami alio amba aka Mugiriki, ne kalazimishiwa utahiriwa|utahiri. 4Piya zile ha siɓaɓu ya watru wadzifanyao wananya wa shi uaminifu wadziseledza hari mwa wasi, ile watunde unafasi rilionawo hari mwa uv̄umoja watru na Kristi-Insa|Kristi, pare warifanye warumwa. 5Ɓadi karawakuɓalia ata mwanapav̄i, pare ukweli wa iIndjili umuɓakiyeni.
6Hari mwa wale wakorengwa amba waɓole, (ihali yawo waka kaisunidhuru, mana Mungu katsungua ha sura), ɓasi ha uɓole wawo kawaniengedzea itsokao yotsi. 7Ɗe ha kinyume, waono amba tsidhwaminishiwa umujudzio wa iIndjili ha watru tsi Mayahudi#2:7 tsi Mayahudi: iShigiriki isurongoa watru kawatahiriwa., mauri Monye ha yaMayahudi#2:7 Mayahudi: iShigiriki isurongoa watru watahiriwa.. 8Mana Uwo atsonga amba Monye ake Muv̄ingizi-Risala ha yaMayahudi, ɗe anitsongesha wajau nike ha wale tsi Mayahudi. 9Na ɓaanda wafahamu ineema nadjaãliwayo, Yakoɓu, Monye na Yuhani, wakorengwa amba ɗe zingidzo za iDjama Ndziwaminifu, wariv̄a umuhono wa hume wami na Ɓarnaɓasi ha ãlama ya uv̄umoja, amba wasi ritsendra ha watru tsi Mayahudi, na wao ha yaMayahudi. 10Ɓadi rinahane zimasikini, trongo madza nakanayo, tsena ha djitihadi.
Ɓaulusu asumukanyusha Monye
11Ɓadi wakati Monye awaswili Antiyokiya, maswa ha maswa tsamukuɓalia, mana aka akoso. 12Mana kaɓula ya ɓaãdhwi ya watru waka walawa ha Yakoɓu uwaswili, Monye akoɗya na watru tsi Mayahudi. Ɓadi uwaswili yawo v̄ale, adzivuru, adzitenge, ha trisidzo la wale wakana zimila za shi Uyahudi. 13Mayahudi yangina tsena wadzitria moni na trongo ya unafiki ile, ha namuna amba Ɓarnaɓasi waye-waye, ne adzilishi agogorwe hari mwa unafiki wawo ule.
14Uona yangu amba kawakoɗunga ndzia yaondzoha yalingana na ukweli wa iIndjili, tsimuambia Monye mbeli za idjama piya: «Neka wawe ulio Muyahudi usuẽshi ha inamuna ya watru tsi Mayahudi, ɓadi tsi mauri Muyahudi, ha namuna jeje ushindrao ulazimishe wale tsi Mayahudi waɗunge mila za shi Uyahudi?»
Mayahudi ata tsi Mayahudi, wao uhuyiwa ha uaminifu na Kristi
15Wasi Mayahudi ha naswila, karalawa ha maãswifu nishani zangina wale. 16Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.
17Ɓadi neka ha wasi utsaha ike amba rihakishihe na Mungu ha uv̄umoja watru na Kristi, riparihana maãswifu wasi wajau, amba v̄av̄o Kristi afanyiha murumishi wa dhambi? Ata hata! 18Neka nisurudi niundre izo nakomoa, v̄av̄o nisuv̄enua amba tsa mukosefu. 19Kweli amba ha iSharia wami-wami tsifu mbeli za iSharia, ile niẽshi amba wa Mungu. Tsiremwa mizumari hari mwa muri wa pawa v̄umoja na Kristi; 20v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami. 21Tsisuhara irehema ya Mungu; mana na djeli umuhakisho mbeli za Mungu uka ha iSharia, itsoka amba Kristi afu ɓila mana itsokao yotsi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.