MAEFESO 5
5
1V̄av̄o namuke watiɓizi wa Mungu, iv̄o mulio wana wav̄endzewa wahe. 2Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.
3Trongo ya zina, utshafi wa kula namuna, au uv̄endza-upara, zasurongoleshehe ata hata hari mwanyu, mauri ɗe inamuna yastahiki ha watwaharifu. 4V̄usuke marongozi yendza aĩɓu, ya shi ugedze, wala mayi; izo tsi ndzuzuri. Ɓadi ha kinyume, namukane marongozi yendza himida. 5Mana namujuwe ha uzuri trongo ini amba: kav̄usi mwendza taɓia mbovu za shahawa, zendza utshafi, au za uv̄endza-upara, trongo ilio sawa na uãɓudu masanamwe, atsokao na fungu hari mwa umwaratha wa Utawalizi wa Kristi na Mungu.
Uẽshi hari mwa heu
6V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ. 7Ɓasi mwasushangiriane na wao.
8Kweli amba hale hule muka shidza, ɓadi av̄asa, mwa heu ha uv̄umoja wanyu na Raɓi. Ha izo namuẽshi shi watru wa heu, 9mana mavuna ya heu ɗe kula uwema, uhaki na ukweli. 10Namutsahe mujuwe zimujiv̄iao Raɓi; 11musurenge fuvu hari mwa zitrendrwa za shidza zilio amba kazina faida, ɓadi ha kinyume namuziv̄enuwe. 12Mana izo wafanyao ha siri, ata ya uzirongoa ne aĩɓu. 13Ɓadi piya izo zamov̄enulwa, uonehana hari mwa iheu, 14mana kula yav̄enulwa ufanyiha heu. Iyo ɗe imana ata v̄urongolwao:
«Hima, wawe wasindzia,
dzimidze hari mwa uwafu,
na Kristi atsohuwalia.»
15Namutunde ha uzuri ɓasi maendreleo yanyu: yasuke mauri ya magedze, ɓadi yake mauri ya wendza hikima. 16Namurumiye ha uzuri uwakati mulionawo, mana zisuku za mbovu. 17Ɓasi v̄av̄o, mwasuke ɓila ãkili, ɓadi namuelewe amba mav̄endzeleo ya Mola ɗe yav̄i. 18Mwasudzileze na ushi: uwo uv̄inga hari mwa uangamifu; ɓadi ha kinyume, namujaye na iRoho. 19Namulaguliane ha ngutende, na madjimbo ya sifa, na himbo za shiroho. Namuhimbe na umusifu Mola ha piya ziroho zanyu. 20Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.
21Kula moja hari mwanyu nadzihetsi tayari ya utuĩ munyahe ha mastaha mulionawo na Kristi.
Maendreleo hari mwa ndrolo
22Watruwashe, namudzihetsi watuĩvu ha waume wanyu, mauri ɗe inamuna mulio ha Raɓi. 23Mana mutrumume waye ɗe shitswa wa umutrumushe, mauri ɗe Kristi alio shitswa wa iDjama Ndziwaminifu ilio mwili wahe, waye alio uMuhuyifu wayo. 24Ɓasi mauri ɗe iDjama Ndziwaminifu iv̄o idzihetsio tayari ya umutuĩ Kristi, watruwashe nawake tayari ya utuĩ waume wawo hari mwa piya.
25Na watruwaume, kula moja nav̄endze mushe wahe, mauri Kristi namuna av̄endza iDjama Ndziwaminifu, adzitoa fidia ha siɓaɓu ya wiyo, 26ile aitwaharishe ɓaanda airahatsa na maji ha Urongozi, 27pare adzielesheye waye monyewe iDjama Ndziwaminifu ndzitukufu iyo kaina pandra ɓila mufiro, wala itsokao yotsi mufano wazo, ɓadi ndzitwaharifu kaina kosa. 28Ɓasi ha namuna iyo ɗe watruwaume walazimu kula moja av̄endze mushe wahe, mauri ɗe umwili wahe monyewe. Uwo av̄endzao mushe wahe, asudziv̄endza monyewe. 29Mana kav̄waparoka mutru aenga mwili wahe monyewe; ɓadi ha kinyume, waye uulisa na uuangalia ha uzuri, mauri ɗe Kristi namuna aifanyao ha iDjama Ndziwaminifu, 30mana wasi ziga za umwili wahe. 31«Ɗe imana ata mutruɓaɓa atsolawao ha ɓaɓahe na mayahe ile adzifungamanise na umutrumushe wahe, na wao waili watsofanyiha mwili moja.»#5:31 Namuangaliye Mwandro 2:24. 32V̄av̄o v̄wa ãdjaɓu ɓole, na wami yangu nisurongoa amba isumuhusu Kristi na iDjama Ndziwaminifu. 33Ɓadi namuna yotsi itsokao, kula moja mengoni mwanyu nav̄endze mushe wahe mauri ɗe waye monyewe, na mutrumushe astehi mume wahe.
Currently Selected:
MAEFESO 5: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
MAEFESO 5
5
1V̄av̄o namuke watiɓizi wa Mungu, iv̄o mulio wana wav̄endzewa wahe. 2Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.
3Trongo ya zina, utshafi wa kula namuna, au uv̄endza-upara, zasurongoleshehe ata hata hari mwanyu, mauri ɗe inamuna yastahiki ha watwaharifu. 4V̄usuke marongozi yendza aĩɓu, ya shi ugedze, wala mayi; izo tsi ndzuzuri. Ɓadi ha kinyume, namukane marongozi yendza himida. 5Mana namujuwe ha uzuri trongo ini amba: kav̄usi mwendza taɓia mbovu za shahawa, zendza utshafi, au za uv̄endza-upara, trongo ilio sawa na uãɓudu masanamwe, atsokao na fungu hari mwa umwaratha wa Utawalizi wa Kristi na Mungu.
Uẽshi hari mwa heu
6V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ. 7Ɓasi mwasushangiriane na wao.
8Kweli amba hale hule muka shidza, ɓadi av̄asa, mwa heu ha uv̄umoja wanyu na Raɓi. Ha izo namuẽshi shi watru wa heu, 9mana mavuna ya heu ɗe kula uwema, uhaki na ukweli. 10Namutsahe mujuwe zimujiv̄iao Raɓi; 11musurenge fuvu hari mwa zitrendrwa za shidza zilio amba kazina faida, ɓadi ha kinyume namuziv̄enuwe. 12Mana izo wafanyao ha siri, ata ya uzirongoa ne aĩɓu. 13Ɓadi piya izo zamov̄enulwa, uonehana hari mwa iheu, 14mana kula yav̄enulwa ufanyiha heu. Iyo ɗe imana ata v̄urongolwao:
«Hima, wawe wasindzia,
dzimidze hari mwa uwafu,
na Kristi atsohuwalia.»
15Namutunde ha uzuri ɓasi maendreleo yanyu: yasuke mauri ya magedze, ɓadi yake mauri ya wendza hikima. 16Namurumiye ha uzuri uwakati mulionawo, mana zisuku za mbovu. 17Ɓasi v̄av̄o, mwasuke ɓila ãkili, ɓadi namuelewe amba mav̄endzeleo ya Mola ɗe yav̄i. 18Mwasudzileze na ushi: uwo uv̄inga hari mwa uangamifu; ɓadi ha kinyume, namujaye na iRoho. 19Namulaguliane ha ngutende, na madjimbo ya sifa, na himbo za shiroho. Namuhimbe na umusifu Mola ha piya ziroho zanyu. 20Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.
21Kula moja hari mwanyu nadzihetsi tayari ya utuĩ munyahe ha mastaha mulionawo na Kristi.
Maendreleo hari mwa ndrolo
22Watruwashe, namudzihetsi watuĩvu ha waume wanyu, mauri ɗe inamuna mulio ha Raɓi. 23Mana mutrumume waye ɗe shitswa wa umutrumushe, mauri ɗe Kristi alio shitswa wa iDjama Ndziwaminifu ilio mwili wahe, waye alio uMuhuyifu wayo. 24Ɓasi mauri ɗe iDjama Ndziwaminifu iv̄o idzihetsio tayari ya umutuĩ Kristi, watruwashe nawake tayari ya utuĩ waume wawo hari mwa piya.
25Na watruwaume, kula moja nav̄endze mushe wahe, mauri Kristi namuna av̄endza iDjama Ndziwaminifu, adzitoa fidia ha siɓaɓu ya wiyo, 26ile aitwaharishe ɓaanda airahatsa na maji ha Urongozi, 27pare adzielesheye waye monyewe iDjama Ndziwaminifu ndzitukufu iyo kaina pandra ɓila mufiro, wala itsokao yotsi mufano wazo, ɓadi ndzitwaharifu kaina kosa. 28Ɓasi ha namuna iyo ɗe watruwaume walazimu kula moja av̄endze mushe wahe, mauri ɗe umwili wahe monyewe. Uwo av̄endzao mushe wahe, asudziv̄endza monyewe. 29Mana kav̄waparoka mutru aenga mwili wahe monyewe; ɓadi ha kinyume, waye uulisa na uuangalia ha uzuri, mauri ɗe Kristi namuna aifanyao ha iDjama Ndziwaminifu, 30mana wasi ziga za umwili wahe. 31«Ɗe imana ata mutruɓaɓa atsolawao ha ɓaɓahe na mayahe ile adzifungamanise na umutrumushe wahe, na wao waili watsofanyiha mwili moja.»#5:31 Namuangaliye Mwandro 2:24. 32V̄av̄o v̄wa ãdjaɓu ɓole, na wami yangu nisurongoa amba isumuhusu Kristi na iDjama Ndziwaminifu. 33Ɓadi namuna yotsi itsokao, kula moja mengoni mwanyu nav̄endze mushe wahe mauri ɗe waye monyewe, na mutrumushe astehi mume wahe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.