MAV̄INGIZI-RISALA 26
26
1Sa ile Agripaso amuambia Ɓaulusu: «Utsojua ulaguwe udziwaniliye.»
Ɓas, Ɓaulusu adzua umuhono, adziwanilia namuna ini: 2«Mufalume Agripaso, nisudzipara na ɓahati iv̄o ileo ini nitsoshindrao nidziwaniliye mbeli zaho kinyume na piya mashitaka Mayahudi wanisingidziao, 3hususwani iv̄o ilio amba wawe mutaãlamu wa zimila za yaMayahudi na malaguzi yawo. Ha izo nisuhumia urenge suɓira ne univulishiye.
4iHeli nadziv̄inga rangu ushaɓaɓiju hangu piya Mayahudi wasuijua, ha iv̄o naẽshi rangu mwandroni v̄umoja na wananya wa inaswila yangu ɗagoni Yerusalemu. 5Ɓaanda wanijuao rangu shifundra, watsojua walawe ushahidi neka wasutsaha, amba tsiẽshi Mufarisayo atsimu, ha uɗunga ishama kali zaidi ya idini yatru. 6Na v̄anu nisuv̄itswa mahakama ha siɓaɓu ya itama nilionayo na uwahadi Mungu autolea maɓaɓatru, 7wahadi ulio amba zingudjama kumi na mbili zatru zimurumishiao Mungu ha djitihadi uku na mutsana wana tama wauone utsimidzihe. Amwesa Mufalume, ɗe ha siɓaɓu ya itama iyo ɗe nashitakiwa na Mayahudi. 8Ɓas, manatrini ata muonao amba tsi trongo mukinishiha Mungu uregeza hayi uwafu?
9V̄av̄o wami v̄angu tsifikiri amba inilazimu ha djitihadi nikanyuse lidzina la Insa wa Nazareti. 10Iyo ɗe itrongo naifanya Yerusalemu. Tsitria shiv̄ani watwaharifu wengi ha iruhusa naka naipara ha yaMatolezi Maɓole ya Masadaka|Mutolezi-Masadaka, na neka watrilwa hari mwa zifungo za wao uulawa, nakokuɓali. 11Wakati mwengi moni na piya ziNyumba za Uswali nakowav̄ondra, ile niwafarudhwishe wahare uaminifu wawo. Ha zihasera zakotupa mupaka zangu na wao, nakowatresa ata moni na yamalago ya v̄ondze.»
Ɓaulusu asueledza izo zamupara ndziani Damasko
(Mav̄ 9:1-19; 22:6-16)
12«Ɓasi ɗe ha isiɓaɓu iyo ɗe nandra Damasko ha ruhusa na ushindzi wa yaMatolezi Maɓole ya Masadaka. 13Ata mukaɓala wa mutsana-hari, Mufalume, ndziani naka tsiono heu yalawa mbinguni, yakowala rahana lijua, iniwalia wami na wanyangu wakosafiri na wami. 14Sa ile piyasi riwu v̄otsi, amwesa tsikia ji lakoniambia ha Shiheɓraniya: ‹Saulusu, Saulusu, manatrini unitresao? Ndziro hahoju wawe uwana kinyume na ishengwe.›
15Tsidzisa: ‹Wawe mbani, Raɓi?›
Ɓas Raɓi arongoa: ‹Wami Insa, uwo umutresao. 16V̄av̄o hima ulimbale, mana tsihuv̄enushia ile nihufanye murumishi na shahidi wa izo waona na izo nitsohuonesao. 17Nitsohukomboa na umati [wa Israila] na zinishani zangina nitsohuv̄elehao hazo, 18wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›
19Ha izo, Mufalume Agripaso, tsaharalia inida yalawa mbinguni. 20Ɓadi ha uandrisa na uwakazi wa Damasko, waɗunga wa Yerusalemu na piya iYudeya, iv̄o ha zinishani zangina, tsijudza amba walazimu wandre toɓa, wazinge ha Mungu, warendre zitrendro zastahiki watru wandra toɓa. 21Iyo ɗe imana Mayahudi wanisika moni na iNyumba Ndzitwaharifu, wakotsaha waniule. 22Ɓadi ha umusada wa Mungu ata upara ileo ini, tsami, nisutoa ushahidi mbeli za uwatiti na uwaɓole, wala tsi ya wami urongoa trongo zangina neka tsi ɗe zizo zarongolwa na yimitrume na Musa amba zitsohidjiri, 23ne ɗe amba uMutsahuliwa#26:23 uMutsahuliwa: Yaãni, Kristi. atsoondesheha, atsoka ɗe wa handra atsoregezewao hayi ha ulawa ufaju, amwesa amba atsotrangaza iheu ha umati [wa Israila], na ha zinishani zangina.»
24Ɓaanda akodziwanilia namuna ile, Festusi arongoa ha ji lendza nguvu: «Una masera Ɓaulusu! Ĩlimu nyengi zaho zizo zisuhutria masera.»
25Ɓadi Ɓaulusu arongoa: «Tsangia masera, mutukufu Festusi, nisurongoa marongozi ya kweli yendza mana. 26Mufalume asujua trongo zizo, amwesa nisumulaguliazo ha unafasi; tsina yakini amba hari mwa trongo zini kav̄u kaiji, mana kazav̄ira ha siri. 27Mufalume Agripaso, wawe uamini yimitrume? Nisujua amba wawe uyiamini.»
28Ɓas, Agripaso amuambia Ɓaulusu: «V̄uɓaki shashi tu wawe unigaudza mutru wa Kristi!»
29Ɓaulusu amudjiɓu: «Neka shashi au nyengi, nisumia Mungu ike amba tsi ɗe wawe tu, ɓadi na piya wao wanivulishiao leo ini mugauhe mauri ɗe wami, ila ɗe silisili zini.»
30Ɓas ɓaanda ya v̄ale, mufalume, dhwamana wa ɓavu, Ɓereniki na wasalia waka waketsi na wao wahimi 31wadzivuru. Wakoambiana: «Mutru unu kafanya ata trongo istahikio aulawe, au atrilwe shiv̄ani.»
32Sa ile Agripaso amuambia Festusi: «Mutru unu yatsokiri aɓuliwe na djeli kaka adayi amba ahukumulwe na Kaiswara.»
Currently Selected:
MAV̄INGIZI-RISALA 26: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
MAV̄INGIZI-RISALA 26
26
1Sa ile Agripaso amuambia Ɓaulusu: «Utsojua ulaguwe udziwaniliye.»
Ɓas, Ɓaulusu adzua umuhono, adziwanilia namuna ini: 2«Mufalume Agripaso, nisudzipara na ɓahati iv̄o ileo ini nitsoshindrao nidziwaniliye mbeli zaho kinyume na piya mashitaka Mayahudi wanisingidziao, 3hususwani iv̄o ilio amba wawe mutaãlamu wa zimila za yaMayahudi na malaguzi yawo. Ha izo nisuhumia urenge suɓira ne univulishiye.
4iHeli nadziv̄inga rangu ushaɓaɓiju hangu piya Mayahudi wasuijua, ha iv̄o naẽshi rangu mwandroni v̄umoja na wananya wa inaswila yangu ɗagoni Yerusalemu. 5Ɓaanda wanijuao rangu shifundra, watsojua walawe ushahidi neka wasutsaha, amba tsiẽshi Mufarisayo atsimu, ha uɗunga ishama kali zaidi ya idini yatru. 6Na v̄anu nisuv̄itswa mahakama ha siɓaɓu ya itama nilionayo na uwahadi Mungu autolea maɓaɓatru, 7wahadi ulio amba zingudjama kumi na mbili zatru zimurumishiao Mungu ha djitihadi uku na mutsana wana tama wauone utsimidzihe. Amwesa Mufalume, ɗe ha siɓaɓu ya itama iyo ɗe nashitakiwa na Mayahudi. 8Ɓas, manatrini ata muonao amba tsi trongo mukinishiha Mungu uregeza hayi uwafu?
9V̄av̄o wami v̄angu tsifikiri amba inilazimu ha djitihadi nikanyuse lidzina la Insa wa Nazareti. 10Iyo ɗe itrongo naifanya Yerusalemu. Tsitria shiv̄ani watwaharifu wengi ha iruhusa naka naipara ha yaMatolezi Maɓole ya Masadaka|Mutolezi-Masadaka, na neka watrilwa hari mwa zifungo za wao uulawa, nakokuɓali. 11Wakati mwengi moni na piya ziNyumba za Uswali nakowav̄ondra, ile niwafarudhwishe wahare uaminifu wawo. Ha zihasera zakotupa mupaka zangu na wao, nakowatresa ata moni na yamalago ya v̄ondze.»
Ɓaulusu asueledza izo zamupara ndziani Damasko
(Mav̄ 9:1-19; 22:6-16)
12«Ɓasi ɗe ha isiɓaɓu iyo ɗe nandra Damasko ha ruhusa na ushindzi wa yaMatolezi Maɓole ya Masadaka. 13Ata mukaɓala wa mutsana-hari, Mufalume, ndziani naka tsiono heu yalawa mbinguni, yakowala rahana lijua, iniwalia wami na wanyangu wakosafiri na wami. 14Sa ile piyasi riwu v̄otsi, amwesa tsikia ji lakoniambia ha Shiheɓraniya: ‹Saulusu, Saulusu, manatrini unitresao? Ndziro hahoju wawe uwana kinyume na ishengwe.›
15Tsidzisa: ‹Wawe mbani, Raɓi?›
Ɓas Raɓi arongoa: ‹Wami Insa, uwo umutresao. 16V̄av̄o hima ulimbale, mana tsihuv̄enushia ile nihufanye murumishi na shahidi wa izo waona na izo nitsohuonesao. 17Nitsohukomboa na umati [wa Israila] na zinishani zangina nitsohuv̄elehao hazo, 18wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›
19Ha izo, Mufalume Agripaso, tsaharalia inida yalawa mbinguni. 20Ɓadi ha uandrisa na uwakazi wa Damasko, waɗunga wa Yerusalemu na piya iYudeya, iv̄o ha zinishani zangina, tsijudza amba walazimu wandre toɓa, wazinge ha Mungu, warendre zitrendro zastahiki watru wandra toɓa. 21Iyo ɗe imana Mayahudi wanisika moni na iNyumba Ndzitwaharifu, wakotsaha waniule. 22Ɓadi ha umusada wa Mungu ata upara ileo ini, tsami, nisutoa ushahidi mbeli za uwatiti na uwaɓole, wala tsi ya wami urongoa trongo zangina neka tsi ɗe zizo zarongolwa na yimitrume na Musa amba zitsohidjiri, 23ne ɗe amba uMutsahuliwa#26:23 uMutsahuliwa: Yaãni, Kristi. atsoondesheha, atsoka ɗe wa handra atsoregezewao hayi ha ulawa ufaju, amwesa amba atsotrangaza iheu ha umati [wa Israila], na ha zinishani zangina.»
24Ɓaanda akodziwanilia namuna ile, Festusi arongoa ha ji lendza nguvu: «Una masera Ɓaulusu! Ĩlimu nyengi zaho zizo zisuhutria masera.»
25Ɓadi Ɓaulusu arongoa: «Tsangia masera, mutukufu Festusi, nisurongoa marongozi ya kweli yendza mana. 26Mufalume asujua trongo zizo, amwesa nisumulaguliazo ha unafasi; tsina yakini amba hari mwa trongo zini kav̄u kaiji, mana kazav̄ira ha siri. 27Mufalume Agripaso, wawe uamini yimitrume? Nisujua amba wawe uyiamini.»
28Ɓas, Agripaso amuambia Ɓaulusu: «V̄uɓaki shashi tu wawe unigaudza mutru wa Kristi!»
29Ɓaulusu amudjiɓu: «Neka shashi au nyengi, nisumia Mungu ike amba tsi ɗe wawe tu, ɓadi na piya wao wanivulishiao leo ini mugauhe mauri ɗe wami, ila ɗe silisili zini.»
30Ɓas ɓaanda ya v̄ale, mufalume, dhwamana wa ɓavu, Ɓereniki na wasalia waka waketsi na wao wahimi 31wadzivuru. Wakoambiana: «Mutru unu kafanya ata trongo istahikio aulawe, au atrilwe shiv̄ani.»
32Sa ile Agripaso amuambia Festusi: «Mutru unu yatsokiri aɓuliwe na djeli kaka adayi amba ahukumulwe na Kaiswara.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.