2 MATESALONIKA 2
2
uMovu atsojao kaɓula ya umuregeo wa Insa
1Risumumiani wananyatru, yahusu umuregeo wa Raɓi watru Insa-Kristi na umungulidzano watru na waye, 2musudzilishe mwaɓaɓanyisiwa ha upesi zifikira, wala mwahafilishiwa, neka ha marongozi ya shi mutrume yashukidziwa, au ha kalima, au ha ɓarua lirengwao mauri lilawa hatru, amba isuku ya umuregeo wa Raɓi iwaswili. 3V̄usuke ata mutru amudanganyani ha namuna itsokao yotsi, mana ilazimu iKufuru ije raɓuzi, na uMovu av̄enuhe, uwo ahetsiwa amba aangamidziwe. 4Uwo ɗe uMukanyusha adzihedzao uju na kula ihiriwao mungu, kula iãɓuduwao, tsena andrao ata aketsi moni mwa iNyumba Ndzitwaharifu ya Mungu, amwesa adzielehe amba ɗe Mungu.
5Hali kamusufahamu amba nakomuambiani trongo zini wakati raha naka hanyu? 6Na wanyu musujua iyo imuziao av̄asa, ile av̄enuhe wakati wahe wahetsiwa. 7Mana iãdjaɓu ya uovu madza isurendreha; ilazimu tu amba uwo aiziao av̄asa, asuke. 8V̄av̄o iv̄o, uMovu atsov̄enuha, alio amba Raɓi Insa atsomuangamidza ha pumu za ihanyo yahe, atsomuzima hatwi ha umuwalio wa umujilio wahe. 9uMuv̄enulio wa uMovu uwo utsorendreha ha zitrendro za Shetwani, v̄umoja na kula namuna ya midjuza, ãlama za ãdjaɓu, na ãdjaɓu ndzinafiki, 10v̄umoja na kula namuna ya udangamanyifu movu wa wao wandroangamiao. Watsoangamia mana kawakuɓali iuv̄endza ya ukweli pare wahuyiwe. 11Iyo ɗe imana amba Mungu asuwav̄eleshea udjandja wendza nguvu, pare waamini itrambo, 12ile piya wao kawaamini ukweli, ɓadi wajiv̄iwa na uovu, wahukumulwe.
Wanyu mwatsahulwa na Mungu, namudzihodarishe
13Hatruju wasi, risulazimu rimuhimidiye Mungu ha daima ha siɓaɓu ya wanyu wananya wa shi uaminifu wav̄endzewa wa Raɓi, mana Mungu amutsahuani rangu mwandro#2:13 mwandro: V̄wa zio za Shigiriki zirongoao v̄anu: amutsahuani muke yamavuna ya handra yatsokombolwao. mupare ukombofu ha iRoho itwaharishao na ha uaminifu wa ukweli. 14Ɗe ha izo tsena ɗe amuhirani ha indzia ya Indjili yatru, ile mupare utukufu wa Raɓi watru Insa-Kristi. 15Ɓasi ha izo wananya wa shi uaminifu, namuke watru wasika, musike hodari yimisomo ramuv̄aniyo, neka ha hanyo, au ha ɓarua.
16Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema, 17nawatriye ɓari ziroho zanyu, na umuhodarishani hari mwa kula shitrendro ndjema na urongozi mwema.
Currently Selected:
2 MATESALONIKA 2: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
2 MATESALONIKA 2
2
uMovu atsojao kaɓula ya umuregeo wa Insa
1Risumumiani wananyatru, yahusu umuregeo wa Raɓi watru Insa-Kristi na umungulidzano watru na waye, 2musudzilishe mwaɓaɓanyisiwa ha upesi zifikira, wala mwahafilishiwa, neka ha marongozi ya shi mutrume yashukidziwa, au ha kalima, au ha ɓarua lirengwao mauri lilawa hatru, amba isuku ya umuregeo wa Raɓi iwaswili. 3V̄usuke ata mutru amudanganyani ha namuna itsokao yotsi, mana ilazimu iKufuru ije raɓuzi, na uMovu av̄enuhe, uwo ahetsiwa amba aangamidziwe. 4Uwo ɗe uMukanyusha adzihedzao uju na kula ihiriwao mungu, kula iãɓuduwao, tsena andrao ata aketsi moni mwa iNyumba Ndzitwaharifu ya Mungu, amwesa adzielehe amba ɗe Mungu.
5Hali kamusufahamu amba nakomuambiani trongo zini wakati raha naka hanyu? 6Na wanyu musujua iyo imuziao av̄asa, ile av̄enuhe wakati wahe wahetsiwa. 7Mana iãdjaɓu ya uovu madza isurendreha; ilazimu tu amba uwo aiziao av̄asa, asuke. 8V̄av̄o iv̄o, uMovu atsov̄enuha, alio amba Raɓi Insa atsomuangamidza ha pumu za ihanyo yahe, atsomuzima hatwi ha umuwalio wa umujilio wahe. 9uMuv̄enulio wa uMovu uwo utsorendreha ha zitrendro za Shetwani, v̄umoja na kula namuna ya midjuza, ãlama za ãdjaɓu, na ãdjaɓu ndzinafiki, 10v̄umoja na kula namuna ya udangamanyifu movu wa wao wandroangamiao. Watsoangamia mana kawakuɓali iuv̄endza ya ukweli pare wahuyiwe. 11Iyo ɗe imana amba Mungu asuwav̄eleshea udjandja wendza nguvu, pare waamini itrambo, 12ile piya wao kawaamini ukweli, ɓadi wajiv̄iwa na uovu, wahukumulwe.
Wanyu mwatsahulwa na Mungu, namudzihodarishe
13Hatruju wasi, risulazimu rimuhimidiye Mungu ha daima ha siɓaɓu ya wanyu wananya wa shi uaminifu wav̄endzewa wa Raɓi, mana Mungu amutsahuani rangu mwandro#2:13 mwandro: V̄wa zio za Shigiriki zirongoao v̄anu: amutsahuani muke yamavuna ya handra yatsokombolwao. mupare ukombofu ha iRoho itwaharishao na ha uaminifu wa ukweli. 14Ɗe ha izo tsena ɗe amuhirani ha indzia ya Indjili yatru, ile mupare utukufu wa Raɓi watru Insa-Kristi. 15Ɓasi ha izo wananya wa shi uaminifu, namuke watru wasika, musike hodari yimisomo ramuv̄aniyo, neka ha hanyo, au ha ɓarua.
16Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema, 17nawatriye ɓari ziroho zanyu, na umuhodarishani hari mwa kula shitrendro ndjema na urongozi mwema.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.