2 MONYE 1
1
Masalamu
1Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi. 2Urehema na amani nazimuendreleyeni ha uwengi ha indzia ya umujua Mungu na Insa, Raɓi watru.
Namuyakinishe umuhirio na umutsahulio mwadjaãliwa
3Ushindzi wa shiungu wahe uriv̄a piya zalazimu uhusu uhayati na ĩɓada, ha urijudza Monyewe urihira ha utukufu na uwema wahe monyewe. 4Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.
5Ha siɓaɓu ya iyo kamwe, namufanye piya djitihadi zanyu ile muengedze uwema ju la uaminifu wanyu, na ju la uwema, ujuzi, 6ju la ujuzi, trongo ya udzizia, na ju la udzizia, ustahamilivu, ju la ustahamilivu, maendreleo ya ĩɓada, 7na ju la maendreleo ya ĩɓada, uv̄endza wa shiunanya, na ju la uv̄endza wa shiunanya, mahaɓa. 8Mana neka trongo zizo za moni hanyu, tsena zisuengedzeha, kazitsomulishani amba muke ɓila zitrendro wala mavuna hari mwa umujua Raɓi watru Insa-Kristi. 9Ɓadi uwo alio amba trongo zizo kazisi hahe, waye mufa-matso, kasuona mbali; waye uɗela amba arahatsiwa madhambi ya hale yahe.
10Ha izo wananyangu, namufanye djitihadi zaidi muyakinishe umuhirio na umutsahulio mwadjaãliwa. Mwamofanya izo, dahari kamutsopuliha. 11V̄av̄o ɗe mutsodjaãliwao ha unafasi umungilio hari mwa utawalizi wa daima wa Raɓi amma Muhuyifu watru Insa-Kristi.
12Iyo ɗe imana ata niliona inia ya umunahanidzani dahari trongo zini, ata iv̄o muzijuao, tsena mwahodarishiha hari mwa ikweli mulionayo av̄asa. 13Nisuona amba iyo haki ya wami, wakati raha nilio hari mwa inyumba ya haima#1:13 inyumba ya haima: Yaãni, umwili wahe. ini, nitsotse fahamu lanyu ha umunahanidzani trongo zizo, 14mana nisujua amba tsi hale nitsoilawia, mauri ɗe inamuna Raɓi watru Insa-Kristi anijudza. 15Na wami nitsofanya djitihadi amba neka tsilawa, mushindre munahane trongo zini kula wakati.
Rishuhudia ha yamatso utukufu wa Kristi
16Kweli amba tsi ha uɗunga mahadisi yatrungwa ɗe ramujudzani ushindzi na umujilio wa Raɓi watru Insa-Kristi, ɓadi rishuhudia ha matso yatru utukufu wahe. 17Mana apara ha Mungu Ɓaɓa hishima na utukufu, wakati liji lamujilia ulawa ha Mwendza Utukufu Muhu, amba: «Unu ɗe uMwana muv̄endzewa wangu, tsena wami ujiv̄iwa halisi na waye.»#1:17 Namuangaliye Mat 17:5; Mar 9:7; Luk 9:35. 18Na liji lilo, wasi rilikia ulawa mbinguni wakati raka v̄umoja na waye hari mwa umulima mutwaharifu.
19Na v̄anu risusika hodari zaidi urongozi washukidziwa, ulio amba mutsofanya ndjema mwamoustamia, mauri kombe liwalao v̄ahanu v̄wendza shidza, ata uku wamojosha na inyora ya alifadjiri iheye rohoni hanyu. 20Kaɓula ya kula trongo, namujuwe amba kav̄usi urongozi washukidziwa hari mwa uMuangishio amba mutru ujua aueledze waye monyewe. 21Kweli amba kav̄waparoka urongozi washukidziwa ulio amba ha yamav̄endzeleo ya mwanadamu, ɓadi ɗe ha uv̄ingwa na iRoho Ndzitwaharifu, ɗe wanadamu walagua urongozi walawa ha Mungu.
Currently Selected:
2 MONYE 1: swb
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
2 MONYE 1
1
Masalamu
1Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi. 2Urehema na amani nazimuendreleyeni ha uwengi ha indzia ya umujua Mungu na Insa, Raɓi watru.
Namuyakinishe umuhirio na umutsahulio mwadjaãliwa
3Ushindzi wa shiungu wahe uriv̄a piya zalazimu uhusu uhayati na ĩɓada, ha urijudza Monyewe urihira ha utukufu na uwema wahe monyewe. 4Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.
5Ha siɓaɓu ya iyo kamwe, namufanye piya djitihadi zanyu ile muengedze uwema ju la uaminifu wanyu, na ju la uwema, ujuzi, 6ju la ujuzi, trongo ya udzizia, na ju la udzizia, ustahamilivu, ju la ustahamilivu, maendreleo ya ĩɓada, 7na ju la maendreleo ya ĩɓada, uv̄endza wa shiunanya, na ju la uv̄endza wa shiunanya, mahaɓa. 8Mana neka trongo zizo za moni hanyu, tsena zisuengedzeha, kazitsomulishani amba muke ɓila zitrendro wala mavuna hari mwa umujua Raɓi watru Insa-Kristi. 9Ɓadi uwo alio amba trongo zizo kazisi hahe, waye mufa-matso, kasuona mbali; waye uɗela amba arahatsiwa madhambi ya hale yahe.
10Ha izo wananyangu, namufanye djitihadi zaidi muyakinishe umuhirio na umutsahulio mwadjaãliwa. Mwamofanya izo, dahari kamutsopuliha. 11V̄av̄o ɗe mutsodjaãliwao ha unafasi umungilio hari mwa utawalizi wa daima wa Raɓi amma Muhuyifu watru Insa-Kristi.
12Iyo ɗe imana ata niliona inia ya umunahanidzani dahari trongo zini, ata iv̄o muzijuao, tsena mwahodarishiha hari mwa ikweli mulionayo av̄asa. 13Nisuona amba iyo haki ya wami, wakati raha nilio hari mwa inyumba ya haima#1:13 inyumba ya haima: Yaãni, umwili wahe. ini, nitsotse fahamu lanyu ha umunahanidzani trongo zizo, 14mana nisujua amba tsi hale nitsoilawia, mauri ɗe inamuna Raɓi watru Insa-Kristi anijudza. 15Na wami nitsofanya djitihadi amba neka tsilawa, mushindre munahane trongo zini kula wakati.
Rishuhudia ha yamatso utukufu wa Kristi
16Kweli amba tsi ha uɗunga mahadisi yatrungwa ɗe ramujudzani ushindzi na umujilio wa Raɓi watru Insa-Kristi, ɓadi rishuhudia ha matso yatru utukufu wahe. 17Mana apara ha Mungu Ɓaɓa hishima na utukufu, wakati liji lamujilia ulawa ha Mwendza Utukufu Muhu, amba: «Unu ɗe uMwana muv̄endzewa wangu, tsena wami ujiv̄iwa halisi na waye.»#1:17 Namuangaliye Mat 17:5; Mar 9:7; Luk 9:35. 18Na liji lilo, wasi rilikia ulawa mbinguni wakati raka v̄umoja na waye hari mwa umulima mutwaharifu.
19Na v̄anu risusika hodari zaidi urongozi washukidziwa, ulio amba mutsofanya ndjema mwamoustamia, mauri kombe liwalao v̄ahanu v̄wendza shidza, ata uku wamojosha na inyora ya alifadjiri iheye rohoni hanyu. 20Kaɓula ya kula trongo, namujuwe amba kav̄usi urongozi washukidziwa hari mwa uMuangishio amba mutru ujua aueledze waye monyewe. 21Kweli amba kav̄waparoka urongozi washukidziwa ulio amba ha yamav̄endzeleo ya mwanadamu, ɓadi ɗe ha uv̄ingwa na iRoho Ndzitwaharifu, ɗe wanadamu walagua urongozi walawa ha Mungu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.