1 MATESALONIKA 2
2
Urumishi wa Ɓaulusu ɗagoni Tesalonika
1Wananyatru, kweli amba wanyu-wanyu musujua amba mujilio watru hanyu kawaka ɓila mavuna. 2Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole. 3Mana mujudzio watru kawaketsi hari mwa kosa, ɓila nia kayarahara, wala udjandja. 4Ɓadi iv̄o ilio amba Mungu ɗe arikuɓali aridjukumise iIndjili, wasi risulagua tsi amba rijiv̄idze wanadamu, ɓadi rimujiv̄idze ɗe Mungu atundao zilio rohoni hatru. 5Kweli amba mauri ɗe inamuna mujuao, karaparokana nia ya umujiv̄idzani ha marongozi ya sifa, wala nia yadzama ya udziparia, Mungu a shahidi. 6Karakotsaha sifa zalawa ha wanadamu, tsi ha wanyu, wala tsi ha wangina.
7Na v̄av̄o, ɓaanda rilio Mav̄ingizi-Risala ya Kristi, ratsoshindra rike mudzo hanyu, ɓadi rika rijaya uwema mbeli zanyu, mauri mulezi alelao wana wahe. 8Ha uv̄endza rilionayo na wanyu, rakojiv̄iwa rimuv̄eni tsi tu amba iHaɓari Ndjema ya Mungu, ɓadi tsena ata ziroho zatru, ha ikiasi mwaka mwafanyiha wav̄endzewa hatruju. 9Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.
10Wanyu mazahidi, na Mungu wajau, amba maendreleo yatru mbeli zanyu wanyu muaminio, yaka twahara, yendza haki, tsena ɓila tuhuma. 11Mana musujua amba rika ha kula moja hari mwanyu mauri ɓaɓa ha wana wahe; 12rimutriani ɓari, rimutrulidzani, rimusariɓiani ha kusudi mudziv̄inge ha namuna yamustahiki Mungu alio amba asumuhirani murenge fuvu hari mwa utawalizi wahe na utukufu wahe.
13iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio. 14Kweli amba wanyu wananya wa shi uaminifu mufanyiha wanyawe#2:14 wanyawe: iShigiriki isurongoa watiɓizi. Yaãni, wakotreswa mauri ɗe wanyawo wale. na ziNgudjama Ndziwaminifu za Mungu ziliona uv̄umoja na Kristi-Insa oho Yudeya. Mana muondesheha mihononi ha wanyanyu wa tsi moja, trongo ilio ɗe wiyo-wiyo ha wao waondesheha mihononi ha wanyawo Mayahudi. 15Wao ɗe wamuula Raɓi Insa na yimitrume, wao ɗe waritresa. Kawasumujiv̄ia Mungu, amwesa wa kinyume na piya wanadamu. 16Wasuritaãɓisha ulagua na watru wa zinishani zangina pare wahuyiwe. V̄av̄o wasuendrelea ukamilisha ishiv̄imo ya madhambi yawo. Ɓadi ihadhaɓu ya Mungu ija iwapara mwisoni.
Ushauku wa Ɓaulusu uona Matesalonika ha mara yangina
17Wananyangu, wasi hatruju ɓaanda raka ratsapushiana na wanyu hari mwa mwana muda, ha yamatso ɓadi tsi hari mwa ziroho, ɗe v̄umoja na djitihadi ɓole zaidi ɗe razunguha ndzia ya uja rimuoneni ha sura, ulawana na ushauku muɓole rakanawo. 18Mana rakotsaha riregeye hanyu, ata wami Ɓaulusu ne, wala tsi mara moja tu, ɓadi Shetwani arizia. 19Mana ha yakini mbani ɗe tama yatru, furaha yatru, na hishima ritsodziɓuao nayo mbeli za Raɓi watru Insa wakati wa mujilio wahe? Hali tsi ɗe wanyu? 20Naam, wanyu ɗe mulio utukufu watru, tsena furaha yatru.
Currently Selected:
1 MATESALONIKA 2: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
1 MATESALONIKA 2
2
Urumishi wa Ɓaulusu ɗagoni Tesalonika
1Wananyatru, kweli amba wanyu-wanyu musujua amba mujilio watru hanyu kawaka ɓila mavuna. 2Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole. 3Mana mujudzio watru kawaketsi hari mwa kosa, ɓila nia kayarahara, wala udjandja. 4Ɓadi iv̄o ilio amba Mungu ɗe arikuɓali aridjukumise iIndjili, wasi risulagua tsi amba rijiv̄idze wanadamu, ɓadi rimujiv̄idze ɗe Mungu atundao zilio rohoni hatru. 5Kweli amba mauri ɗe inamuna mujuao, karaparokana nia ya umujiv̄idzani ha marongozi ya sifa, wala nia yadzama ya udziparia, Mungu a shahidi. 6Karakotsaha sifa zalawa ha wanadamu, tsi ha wanyu, wala tsi ha wangina.
7Na v̄av̄o, ɓaanda rilio Mav̄ingizi-Risala ya Kristi, ratsoshindra rike mudzo hanyu, ɓadi rika rijaya uwema mbeli zanyu, mauri mulezi alelao wana wahe. 8Ha uv̄endza rilionayo na wanyu, rakojiv̄iwa rimuv̄eni tsi tu amba iHaɓari Ndjema ya Mungu, ɓadi tsena ata ziroho zatru, ha ikiasi mwaka mwafanyiha wav̄endzewa hatruju. 9Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.
10Wanyu mazahidi, na Mungu wajau, amba maendreleo yatru mbeli zanyu wanyu muaminio, yaka twahara, yendza haki, tsena ɓila tuhuma. 11Mana musujua amba rika ha kula moja hari mwanyu mauri ɓaɓa ha wana wahe; 12rimutriani ɓari, rimutrulidzani, rimusariɓiani ha kusudi mudziv̄inge ha namuna yamustahiki Mungu alio amba asumuhirani murenge fuvu hari mwa utawalizi wahe na utukufu wahe.
13iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio. 14Kweli amba wanyu wananya wa shi uaminifu mufanyiha wanyawe#2:14 wanyawe: iShigiriki isurongoa watiɓizi. Yaãni, wakotreswa mauri ɗe wanyawo wale. na ziNgudjama Ndziwaminifu za Mungu ziliona uv̄umoja na Kristi-Insa oho Yudeya. Mana muondesheha mihononi ha wanyanyu wa tsi moja, trongo ilio ɗe wiyo-wiyo ha wao waondesheha mihononi ha wanyawo Mayahudi. 15Wao ɗe wamuula Raɓi Insa na yimitrume, wao ɗe waritresa. Kawasumujiv̄ia Mungu, amwesa wa kinyume na piya wanadamu. 16Wasuritaãɓisha ulagua na watru wa zinishani zangina pare wahuyiwe. V̄av̄o wasuendrelea ukamilisha ishiv̄imo ya madhambi yawo. Ɓadi ihadhaɓu ya Mungu ija iwapara mwisoni.
Ushauku wa Ɓaulusu uona Matesalonika ha mara yangina
17Wananyangu, wasi hatruju ɓaanda raka ratsapushiana na wanyu hari mwa mwana muda, ha yamatso ɓadi tsi hari mwa ziroho, ɗe v̄umoja na djitihadi ɓole zaidi ɗe razunguha ndzia ya uja rimuoneni ha sura, ulawana na ushauku muɓole rakanawo. 18Mana rakotsaha riregeye hanyu, ata wami Ɓaulusu ne, wala tsi mara moja tu, ɓadi Shetwani arizia. 19Mana ha yakini mbani ɗe tama yatru, furaha yatru, na hishima ritsodziɓuao nayo mbeli za Raɓi watru Insa wakati wa mujilio wahe? Hali tsi ɗe wanyu? 20Naam, wanyu ɗe mulio utukufu watru, tsena furaha yatru.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.