1 MATESALONIKA 1

1Wami Ɓaulusu, v̄umoja na Silvanus#1:1 Silvanus: Dzina langina lahe Silasi. na Timutausu, ha iDjama Ndziwaminifu ya Matesalonika ilio hari mwa uv̄umoja na Mungu amma Ɓaɓa na Raɓi Insa-Kristi: Urehema na amani nazimuendreleyeni.

Himida ha siɓaɓu ya uaminifu wa yaMatesalonika

2Dahari wasi umuhimidia Mungu ha siɓaɓu ya wanyu piyanyu, na umurongoani hari mwa mamilio yatru. 3Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

4Risujua wananya wa shi uaminifu wav̄endzewa wa Mungu amba wanyu mutsahuliwa na waye. 5Mana iIndjili ramujudzaniyo kayamujiliani amba ha marongozi tu, ɓadi tsena ha ushindzi, ha iRoho Ndzitwaharifu, v̄umoja na yakini yaswafishiha. Mana kweli amba musujua namuna jeje rakoka na wanyu, ha tanafu yanyu. 6Na wanyu mufanyiha watiɓizi watru, tsena wa Raɓi, ha ukuɓali Urongozi wa Mungu hari-hari na matreso ha uwengi, tsena v̄umoja na ifuraha ya iRoho Ndzitwaharifu. 7Ha izo muja murendreha mufano ha piya uwaaminifu wa Makadoniya na Akaya. 8Kweli amba Urongozi wa Raɓi ukilihana ulawa hanyu, wala tsi amba hari mwa iMakadoniya na iAkaya tu ɓasi, ɓadi uaminifu wanyu na Mungu ujulihana kula v̄ahanu, ha namuna amba tsi paka rirongowe itsokao yotsi hari mwawo. 9Mana watru wasurongoa husuana na wasi namuna jeje mwarirenga hanyu, na namuna jeje mwaɓuza ha Mungu ha udziɓausa na masanamwe, ile mumurumishiye Mungu alio hayi, tsena wa kweli, 10na ulindra ulawa mbinguni uMwana wahe amuregeza hayi ulawa ha uwafu, ne ɗe Insa alio amba asurikomboa na zihadhaɓu zijao.

Currently Selected:

1 MATESALONIKA 1: swb

Highlight

Copy