IPEKULU 35
35
Sabbath Pimheye
1Moses no Israelmi qoaho kümtsü kukütsü no panoqo vilo pi, “Ampeu no nongu pelo shi penike azah tsü akeu ye hipaqo ke. 2Akümla ye atsala tsügho dolono mlani, ikemu atsala akütsüniu lo nongu ye iqüghai akulhoqhi keu Sabbath, Ampeu lau akimthe shini. Khukhumu tipau tsala lo kiukiu kümla mu shi aye pithiveni. 3Nongu ye Sabbath tsalani nongu kilo ami shimoni.”
Ampeu Phiki ghenguno Akümllagho
4Moses no Israelmi qoaho kümtsü vilo pi, “Hi ye Ampeu no azah tsükeu ke. 5Nongu dolono Ampeu lau akümllagho qhaphelo. Khukhumu tsükini mlo xapu aghi keu no Ampeu lau peighilo: ti ye ameshoyi, ghükayi, eno alazayi; 6atsüla, hughai eno akuhu yeho eno phepheike phi kipili; ane mhi, 7ambe yiko, ane yiko; acacia sü, 8akulu sala thazü, nukikishe thazü eno tsüngqüikeu ta ghenguno axokütsüngü, 9eno ephod ngo amlaküxa ghenguno onyx tu ngo akughupu tuqo.
10“Nongu dolo atshamgha shikithimi kümtsü ighi no Ampeu no azah tsükeu mlalo: 11Ampeu phiki, tipau nhakiqhi, akufuyi, axugha, akipesü, atsükucho, aboqhasü; 12puloshoqhi bohu gholo akipesüqo, akünha, tipau nhaqhiphi, 13akibepu, tipau kipesü ngo akhu-ajukhu jeliqo eno Alhou mllakeu sho; 14aküvü ghenguno akulu kibepu eno tile peitha keu jeli, akulu eno tipa ghenguno thazü, 15tsüngqüikeu xo kiptia, tipau kipesü, nukikishe thazü, axokütsüngü ta, ahukikha nhaqhiphi, Ampeu phiki hukikha; 16akipti kümllagho khache eno tipau lo alazayi khoje, akipesü, akhu-ajukhu jeli, chithakhu eno tipau ghokepu; 17akikhala lo nhaqhiphi, tipau tsükucho ngo aboqhaqo, eno akikhala khagho lo nhaqhiphi; 18Ampeu phiki lo pufu kepu akuhoyi eno tipa kighiqo; 19achinemi shi Akimthe-a lo mla akelo aphimini kivi pepu kepu, ti achineu Aaron sala akimthe phimini eno pa nuli ghenguno aphiminiqo.”
20Tithiu Israelmi qoaho kümtsü no Moses zülono wuve. 21Eno kümtsü no pütüta mlo no hakutho keu kiqi lono kuposhukulu phiki lo kümlapu ghenguno eno akimthe phimini ghenguno peitha penike Ampeu lau agho peighi. 22Ikehu kiptimi ghi totimi ghi ighie. Khunoqo no pulopinyi keu mlo xapu akeno panongu kümtsü no jidapu chekeu, akinikighi, jedapu nguthi, eno aumlo kükha, ameshoyi nhemgha qhoi pesü akümllagho shi Ampeu lau ikhiphe tsüve. 23Eno khunoqo no ayeho atsüla, hughai, eno huchuyi momu phepheike phi akivi, ane mhi, ambe yiko, ane yiko, aghi keno tipaqo pesü ighi. 24Khunoqo no ghükayi momu alazayi tsülu keno tipaqo pesü Ampeu tsüe. Eno khunoqo no acacia sü kiukiu lomu peitha lukepu aghi keno tipaqo pesü ighie. 25Totimi atshamgha shikithimi no pano u lono aphi gho eno kümtsü no ayeho atsüla, hughai, huchuyi eno phepheike phi kipili no aphi kiu gholu keno tipaqo peighi. 26Totimi khunoqo amlo no hakutholu keno kümtsü no pano tshamgha kümla kighithi peitha no ane mhi pesü aphi ghoe. 27Sakiphemi no ephod ngo amla küxa ghenguno onyx tu eno akughupu tuqo peighi, 28eno axokütsüngü ngo akulu ghenguno thazü, nukikishe thazü eno axokütsüngü kipti ishi peighie. 29Israelmi kiptimi totimi khunoqo Ampeu no Moses vilo shilopi azah tsükeu kümla ghenguno tsünishi kümsülu keno panongu no pulokini kümllagho shi pesü Ampeu lau ighie.
Ampeu Kungo Phiki Kümla
30Tishino Moses no Israelmi vilo pi, “Julo, Ampeu no Judah shiaye lo Hur nu, Uri nu Bezalel akivishi ithi anie; 31eno Alhou Ghungu pesü pa shepichhi tsü, tipau gholo kütshakügha, alokütsü, akighithi, eno atshamgha mlakithi kümtsü pesü pa tsüe, 32tishino kogheküghü kughuphe, ameshoyi, ghükayi eno alazayi kümla shi, 33atu chhutha, asü lo aye shisü eno atshamgha jeli shi peniye ke. 34Ampeu no pa eno Dan shiayemi Ahisamach nu Oholiab pama lau kütami shikalu peni keu tsüvae. 35Pa no ayi yetha kemi, aye shipuku kemi, eno ayeho atsüla, hughai, huchuyi, eno phepheike phi kipili pesü aphi lo aye shisü chekemi no shilu chekeu kighithi pesü pama shepichhivae.”
Currently Selected:
IPEKULU 35: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
IPEKULU 35
35
Sabbath Pimheye
1Moses no Israelmi qoaho kümtsü kukütsü no panoqo vilo pi, “Ampeu no nongu pelo shi penike azah tsü akeu ye hipaqo ke. 2Akümla ye atsala tsügho dolono mlani, ikemu atsala akütsüniu lo nongu ye iqüghai akulhoqhi keu Sabbath, Ampeu lau akimthe shini. Khukhumu tipau tsala lo kiukiu kümla mu shi aye pithiveni. 3Nongu ye Sabbath tsalani nongu kilo ami shimoni.”
Ampeu Phiki ghenguno Akümllagho
4Moses no Israelmi qoaho kümtsü vilo pi, “Hi ye Ampeu no azah tsükeu ke. 5Nongu dolono Ampeu lau akümllagho qhaphelo. Khukhumu tsükini mlo xapu aghi keu no Ampeu lau peighilo: ti ye ameshoyi, ghükayi, eno alazayi; 6atsüla, hughai eno akuhu yeho eno phepheike phi kipili; ane mhi, 7ambe yiko, ane yiko; acacia sü, 8akulu sala thazü, nukikishe thazü eno tsüngqüikeu ta ghenguno axokütsüngü, 9eno ephod ngo amlaküxa ghenguno onyx tu ngo akughupu tuqo.
10“Nongu dolo atshamgha shikithimi kümtsü ighi no Ampeu no azah tsükeu mlalo: 11Ampeu phiki, tipau nhakiqhi, akufuyi, axugha, akipesü, atsükucho, aboqhasü; 12puloshoqhi bohu gholo akipesüqo, akünha, tipau nhaqhiphi, 13akibepu, tipau kipesü ngo akhu-ajukhu jeliqo eno Alhou mllakeu sho; 14aküvü ghenguno akulu kibepu eno tile peitha keu jeli, akulu eno tipa ghenguno thazü, 15tsüngqüikeu xo kiptia, tipau kipesü, nukikishe thazü, axokütsüngü ta, ahukikha nhaqhiphi, Ampeu phiki hukikha; 16akipti kümllagho khache eno tipau lo alazayi khoje, akipesü, akhu-ajukhu jeli, chithakhu eno tipau ghokepu; 17akikhala lo nhaqhiphi, tipau tsükucho ngo aboqhaqo, eno akikhala khagho lo nhaqhiphi; 18Ampeu phiki lo pufu kepu akuhoyi eno tipa kighiqo; 19achinemi shi Akimthe-a lo mla akelo aphimini kivi pepu kepu, ti achineu Aaron sala akimthe phimini eno pa nuli ghenguno aphiminiqo.”
20Tithiu Israelmi qoaho kümtsü no Moses zülono wuve. 21Eno kümtsü no pütüta mlo no hakutho keu kiqi lono kuposhukulu phiki lo kümlapu ghenguno eno akimthe phimini ghenguno peitha penike Ampeu lau agho peighi. 22Ikehu kiptimi ghi totimi ghi ighie. Khunoqo no pulopinyi keu mlo xapu akeno panongu kümtsü no jidapu chekeu, akinikighi, jedapu nguthi, eno aumlo kükha, ameshoyi nhemgha qhoi pesü akümllagho shi Ampeu lau ikhiphe tsüve. 23Eno khunoqo no ayeho atsüla, hughai, eno huchuyi momu phepheike phi akivi, ane mhi, ambe yiko, ane yiko, aghi keno tipaqo pesü ighi. 24Khunoqo no ghükayi momu alazayi tsülu keno tipaqo pesü Ampeu tsüe. Eno khunoqo no acacia sü kiukiu lomu peitha lukepu aghi keno tipaqo pesü ighie. 25Totimi atshamgha shikithimi no pano u lono aphi gho eno kümtsü no ayeho atsüla, hughai, huchuyi eno phepheike phi kipili no aphi kiu gholu keno tipaqo peighi. 26Totimi khunoqo amlo no hakutholu keno kümtsü no pano tshamgha kümla kighithi peitha no ane mhi pesü aphi ghoe. 27Sakiphemi no ephod ngo amla küxa ghenguno onyx tu eno akughupu tuqo peighi, 28eno axokütsüngü ngo akulu ghenguno thazü, nukikishe thazü eno axokütsüngü kipti ishi peighie. 29Israelmi kiptimi totimi khunoqo Ampeu no Moses vilo shilopi azah tsükeu kümla ghenguno tsünishi kümsülu keno panongu no pulokini kümllagho shi pesü Ampeu lau ighie.
Ampeu Kungo Phiki Kümla
30Tishino Moses no Israelmi vilo pi, “Julo, Ampeu no Judah shiaye lo Hur nu, Uri nu Bezalel akivishi ithi anie; 31eno Alhou Ghungu pesü pa shepichhi tsü, tipau gholo kütshakügha, alokütsü, akighithi, eno atshamgha mlakithi kümtsü pesü pa tsüe, 32tishino kogheküghü kughuphe, ameshoyi, ghükayi eno alazayi kümla shi, 33atu chhutha, asü lo aye shisü eno atshamgha jeli shi peniye ke. 34Ampeu no pa eno Dan shiayemi Ahisamach nu Oholiab pama lau kütami shikalu peni keu tsüvae. 35Pa no ayi yetha kemi, aye shipuku kemi, eno ayeho atsüla, hughai, huchuyi, eno phepheike phi kipili pesü aphi lo aye shisü chekemi no shilu chekeu kighithi pesü pama shepichhivae.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More