IPEKULU 31
31
Oholiab ngo Bezalel
1 Ampeu no Moses vilo pi, 2“Julo, I no aje ku ghi Judah shiaye lo Hur nu, Uri nu Bezalel kisheluvae, 3eno I no mlakulupu küka, alokütsü, akighithi, eno kütshakügha gholo Alhou Ghungu pesü pa shepichhivae, 4kogheküghü hila shilu, ameshoyi, ghükayi eno alazayi kümla shilu, 5eno atu hethape kithilu, asü pesü aye shilu, eno kogheküghü jeli kümtsü mlalu penike Alhou Ghungu pa lolo süve tsüae. 6Julo, pa gholo mla penike I no Dan shiayemi Ahisamach nu Oholiab süküsü shivae. Eno mlaluni kemi kümtsü lau I no mlakulupu küka tsüvae, tishino panongu pelo I no azah tsükeqo kümtsü shilu peni: 7kuposhukulu phiki, puloshoqhi bohu shepe, tipau shou akünha, aphiki lo thime, 8akibepu eno tipau lo tinhemgha, ameshoyi kimthe kulu kibepu eno tipau lo tinhemghaqo, axokütsüngü kiptia, 9akipti kümlla khache gholo tipau lo tinhemghaqo, chithakhu ngo tipau kibepu, 10akivishi ghokeu phimini, achineu Aaronw akimthe phimini, achinemi kümla ghenguno pa nuli phimini, 11nukikishe thazü, eno Akimthe-a ghenguno axokütsüngü. I no azah o tsü keu kiqi lono panongu no mlani.”
Sabbath
12 Ampeu no Moses vilo pi, 13“No ye Israelmi pütsa no pilo, ‘Kümtsü nguno alau Iw Sabbath ikhiluni, kughengu hi ye Ni eno nongu dolo tiqheli kümtsü lo amchipu lakhi ke, tishianguno nongu no Ni, Ampeu no nongu shikimthelu kepi ithi penie. 14Nongu ye Sabbath ikhilu lo, kughengu ti ye nongu ghenguno akimthe ke. Khukhumu ti shikitiqeve keu ye pithiveni. Khukhumu tipani no mlakeu ye paw timiqo gholono hapheveni. 15Atsala tsügho no akümla shini, ikemu atsala akütsüniu ye Sabbath, akulho kiqhi Ampeu lau akimthe tsala ke. 16Tighenguno Israelmi kümtsü no Sabbath ikhiluni, alholo puloshoqhi shi tiqheli kupuju lo Sabbath ikhiluni. 17Hi ye Ni eno Israelmi dolo alholo amchipu ake, kughengu atsala tsügho lono Ampeu no atsütsü ngo ayeghi lhoke, eno atsala akütsüniu lo Pa no akulhoqhi eno aghüthi püxü kithelu ke.’”
18Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.
Currently Selected:
IPEKULU 31: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
IPEKULU 31
31
Oholiab ngo Bezalel
1 Ampeu no Moses vilo pi, 2“Julo, I no aje ku ghi Judah shiaye lo Hur nu, Uri nu Bezalel kisheluvae, 3eno I no mlakulupu küka, alokütsü, akighithi, eno kütshakügha gholo Alhou Ghungu pesü pa shepichhivae, 4kogheküghü hila shilu, ameshoyi, ghükayi eno alazayi kümla shilu, 5eno atu hethape kithilu, asü pesü aye shilu, eno kogheküghü jeli kümtsü mlalu penike Alhou Ghungu pa lolo süve tsüae. 6Julo, pa gholo mla penike I no Dan shiayemi Ahisamach nu Oholiab süküsü shivae. Eno mlaluni kemi kümtsü lau I no mlakulupu küka tsüvae, tishino panongu pelo I no azah tsükeqo kümtsü shilu peni: 7kuposhukulu phiki, puloshoqhi bohu shepe, tipau shou akünha, aphiki lo thime, 8akibepu eno tipau lo tinhemgha, ameshoyi kimthe kulu kibepu eno tipau lo tinhemghaqo, axokütsüngü kiptia, 9akipti kümlla khache gholo tipau lo tinhemghaqo, chithakhu ngo tipau kibepu, 10akivishi ghokeu phimini, achineu Aaronw akimthe phimini, achinemi kümla ghenguno pa nuli phimini, 11nukikishe thazü, eno Akimthe-a ghenguno axokütsüngü. I no azah o tsü keu kiqi lono panongu no mlani.”
Sabbath
12 Ampeu no Moses vilo pi, 13“No ye Israelmi pütsa no pilo, ‘Kümtsü nguno alau Iw Sabbath ikhiluni, kughengu hi ye Ni eno nongu dolo tiqheli kümtsü lo amchipu lakhi ke, tishianguno nongu no Ni, Ampeu no nongu shikimthelu kepi ithi penie. 14Nongu ye Sabbath ikhilu lo, kughengu ti ye nongu ghenguno akimthe ke. Khukhumu ti shikitiqeve keu ye pithiveni. Khukhumu tipani no mlakeu ye paw timiqo gholono hapheveni. 15Atsala tsügho no akümla shini, ikemu atsala akütsüniu ye Sabbath, akulho kiqhi Ampeu lau akimthe tsala ke. 16Tighenguno Israelmi kümtsü no Sabbath ikhiluni, alholo puloshoqhi shi tiqheli kupuju lo Sabbath ikhiluni. 17Hi ye Ni eno Israelmi dolo alholo amchipu ake, kughengu atsala tsügho lono Ampeu no atsütsü ngo ayeghi lhoke, eno atsala akütsüniu lo Pa no akulhoqhi eno aghüthi püxü kithelu ke.’”
18Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More