IPEKULU 29
29
Achinemi Kishekimthe
1“Panoqo kishekimthe nike no ye hi shilo, tishianguno panongu pelo achinemi shi I qe peni. Tukutiye küha keu mishitsü lakhi eno ambetsü kini, 2kholaqhi sümokeu sho, thazü pesü kholaqhi sümokeu sho gholo nudave keu, eno kholaqhi sümono thazü pesü nudave keu zümzümüi keu sho ishi peighilo. Tipaqo ye ashothi akivi no shilo. 3Tipaqo pesü ashoghi lo süve no amshitsü ngo ambetsü kini gholono süghilo. 4Aaron ngo pa nuliqo sasü kuposhukulu phiki kulaghi lo saghilo eno azü pesü panoqo qhukimthe lo. 5Tithiu nono aphimini ikhiluni, eno aphiküzü ngo ephod phi, ephod, eno amlaküxa pesü Aaron pipeni eno ephod kighi akivishi ghokeu pesü pa pokha shi tsüni. 6Akütsü küzüphi pesü pa kütsü lo sütsülo eno akimthe kütsükuqho pesü akütsü küküzü shou betsülo. 7Nukikishe thazü pesü pa kütsü lono leqhi no pa nukishe lo. 8Tishino pa nuliqo saighi no aphiküzü panoqo pipelo, 9eno heqhiphi pesü Aaron ngo pa nuliqo pokha tsügha tsülo eno akütsükuqho panoqo pipelo. Tishino achine kümlapu ye ayezah vecheo alholo panoqow shini. Hitoi shi Aaron ngo pa nuliqo kishekimthe lo.
10“Kuposhukulu phiki zülo amshitsü saghilo. Aaron ngo pa nuliqo no amshitsü kütsü shou panoqo u beni. 11Tishino kuposhukulu phiki kulaghi lo Ampeu zülono amshitsü ghiqhilo, 12eno amshitsü ji kitila pesü akiptia lo akiboqo lo küzüte pukulo, eno achili pesü akiptia boqha lo leqhive lo. 13Amxu eno aloshi leqhi ngo amchi lothi kini ishi atha gholono pesü akiptia lono pitive lo. 14Ikemu ashicho ngo ayiko eno tipau tübatüzü ye aghazü nguno khalau no ami no pitive lo; ti ye axine kümllagho ke.
15“Tishino ambetsü lakhi süghi no Aaron ngo pa nuliqo pelo tipau kütsü lo au bepelo, 16eno ambetsü ghiqhi no tipau ji pesü akiptia lo ako kümtsü lo lepuku lo. 17Tithiu ambetsü aleqhi shi ghethalo, eno kighinoli ngo apukhuqo qhukimthe no ashileqhi ngo akütsü gholo süküqha lo, 18eno ambetsü kuchopu akiptia lono pitive lo. Hi ye Ampeu lau akipti kümllagho lakhi, Ampeu lopu xokütsüngü achuqupu kümllagho ke.
19“Ambetsü lakhi saighi no Aaron ngo pa nuliqo no tipau kütsü lo au beni, 20eno nono ambetsü ghiqhi no tipau ji pesü Aaron ngo pa nuliqo kini ajeu, auloqu ajeu, apukhuloqu ajeu nutsü lo, eno achili no akiptia ako hula-hila leqhive lo. 21Tithiu aji hami akümlla-khache shou akeu eno nukikishe thazü pesü Aaron ngo pa nuli eno panoqo phimini shou küzüte pukulo. Pa eno pa nuli phimini ye akimthe shive nani.
22“Ambetsü tha, ashomhi lo akeu tha, amxu, aloshi eno amchi lothi kini eno tipau lo atha akeu ngo aluko ajeu ikhilu lo (kughengu ambetsü tipau ye kishekimthe keu vehulo peithani keu ke), 23eno ashopa lakhi, thazü pesü asho kümtsha mlakeu, eno kholaqhi sümokeu sho zümzümüi keu khikhi Ampeu zülo püani keno tipaqo lulo. 24Tipaqo pesü Aaron ngo pa nuli u lo sütsülo, eno paküta keu kümllagho shi Ampeu zülo tsü pelo. 25Tithiu panoqo u lono tipaqo ikhilu no akümlla-khache shou no akipti kümllagho shi pitive lo, ti ye Ampeu lopu xokütsüngü, Ampeu lau achuqupu kümllagho lakhi ke.
26“Aaron ghenguno kimkhi keu ambetsü lono amlashi ikhilu lo, Ampeu zülo paküta keu kümllagho shilo, eno tipau no o saje shini. 27Amlashi khikhi paküta keu kümllagho shive akeno, eno ikhiphekütsü mbetsü Aaron ngo pa nuliqo saje lono achinemi saje aluko ikhiphe tsülo. 28Tipau ye Israelmi launo alholo Aaron ngo pa nuliqo saje shini, kughengu ti ye qhaphelu keu lakhi ke. Ti ye Israelmi no Ampeu lau panoqow külakishi kümllagho tsükeu lono qhaphe keu shini.
29“Aaronw akimthe phimini ye pa nuliqow shini; panoqo ye tipau pepu no nukishe nani eno kimkhi nani. 30Anu khuu no Aaron thisülu no achine kümla shinike kuposhukulu phiki Akimthe-a lo ighini keno, pa no atsala tsüni tipaqo pepuni.
31“Ikhiphekütsü mbetsü saghi no akimthe-a lono tipau shi lhove lo. 32Eno Aaron ngo pa nuliqo no kuposhukulu phiki kulaghi lono ambetsü shi eno asho ashoghi lo akeu chuni. 33Panoqo pesü akimthepu shikelo axine pevekütsü chini keu lo kiu peitha keno tipau panongu no chuni, ikemu kütami ye tipau chumoni kughengu tipaqo ye akimthe ke. 34Eno tsala thoghiu kutolo ikhiphekütsü shi momu asho achili aghi aye, ami lono pitiveni. Ti ye chumoni kughengu ti ye akimthe ke.
35“Aaron ngo pa nuli lau I no azah o tsü keqo kiqi lono shilo. Atsala tsüni kupuju nono panoqo kimkhilo, 36eno axine pevekütsü ghenguno tsalakipe amshitsü lakhi pesü mlla lo. Kughou nono axine pevekütsü ghenguno tishini keno, akümlla-khache ghi shikimthe lo, eno tipau kishekimthe lo. 37Akümlla-khache ghenguno atsala tsüni axine pevekütsü shini, eno akümlla-khache ye ighono akimthe shini. Kiu kiumu akümlla-khache dilu keu ye akimthe shive nani.
38“Akümlla-khache lo nono mllani keu ye hike: tsala kipetsü ampe lakhi mbeti kini. 39Ambeti lakhi no inaqhe no eno lakhiu no avelau no mllani. 40Ambeti atüghüu gholono asho kukubo ahu lakhi pesü kiumu kitemo keu olive thazü ahu lakhi lo kunuve no mllani. Atsaizü liter lakhi pesü akümllagho shikeu lo leqhilo. 41Inaqhe kümllagho, Ampeu lopu xokütsüngü, achuqupu kümllagho tsü ketoi, ambeti akiniu avelau no athi kümllagho ngo atsaizü kümllagho gholono pesü mllani. 42Tipau ye tamono akipti kümllagho shi nongu tiqheli kupuju lo Ampeu zülo kuposhukulu phiki kulaghi lono mllani, I no tileno o sasü kusho no o pütsa nani. 43Tileno I no Israelmi sasü kusho nani, eno tipau ye I juküvü no shikimtheve nani. 44I no kuposhukulu phiki ngo akümlla-khache kishekimthe nani. Achinemi shi I qe penike I no Aaron ngo pa nuli kishekimthe nani. 45I no Israelmi gholo anani eno panoqo Lhou shi nani. 46Eno panongu no Ni ye Ampeu panongu Lhou, khuu Egypt yeghi lono panongu saipeghi keno, Pa kepi ithi nani, tishianguno I no panoqo gholo anani. Ni ye Ampeu panongu Lhou ke.
Currently Selected:
IPEKULU 29: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
IPEKULU 29
29
Achinemi Kishekimthe
1“Panoqo kishekimthe nike no ye hi shilo, tishianguno panongu pelo achinemi shi I qe peni. Tukutiye küha keu mishitsü lakhi eno ambetsü kini, 2kholaqhi sümokeu sho, thazü pesü kholaqhi sümokeu sho gholo nudave keu, eno kholaqhi sümono thazü pesü nudave keu zümzümüi keu sho ishi peighilo. Tipaqo ye ashothi akivi no shilo. 3Tipaqo pesü ashoghi lo süve no amshitsü ngo ambetsü kini gholono süghilo. 4Aaron ngo pa nuliqo sasü kuposhukulu phiki kulaghi lo saghilo eno azü pesü panoqo qhukimthe lo. 5Tithiu nono aphimini ikhiluni, eno aphiküzü ngo ephod phi, ephod, eno amlaküxa pesü Aaron pipeni eno ephod kighi akivishi ghokeu pesü pa pokha shi tsüni. 6Akütsü küzüphi pesü pa kütsü lo sütsülo eno akimthe kütsükuqho pesü akütsü küküzü shou betsülo. 7Nukikishe thazü pesü pa kütsü lono leqhi no pa nukishe lo. 8Tishino pa nuliqo saighi no aphiküzü panoqo pipelo, 9eno heqhiphi pesü Aaron ngo pa nuliqo pokha tsügha tsülo eno akütsükuqho panoqo pipelo. Tishino achine kümlapu ye ayezah vecheo alholo panoqow shini. Hitoi shi Aaron ngo pa nuliqo kishekimthe lo.
10“Kuposhukulu phiki zülo amshitsü saghilo. Aaron ngo pa nuliqo no amshitsü kütsü shou panoqo u beni. 11Tishino kuposhukulu phiki kulaghi lo Ampeu zülono amshitsü ghiqhilo, 12eno amshitsü ji kitila pesü akiptia lo akiboqo lo küzüte pukulo, eno achili pesü akiptia boqha lo leqhive lo. 13Amxu eno aloshi leqhi ngo amchi lothi kini ishi atha gholono pesü akiptia lono pitive lo. 14Ikemu ashicho ngo ayiko eno tipau tübatüzü ye aghazü nguno khalau no ami no pitive lo; ti ye axine kümllagho ke.
15“Tishino ambetsü lakhi süghi no Aaron ngo pa nuliqo pelo tipau kütsü lo au bepelo, 16eno ambetsü ghiqhi no tipau ji pesü akiptia lo ako kümtsü lo lepuku lo. 17Tithiu ambetsü aleqhi shi ghethalo, eno kighinoli ngo apukhuqo qhukimthe no ashileqhi ngo akütsü gholo süküqha lo, 18eno ambetsü kuchopu akiptia lono pitive lo. Hi ye Ampeu lau akipti kümllagho lakhi, Ampeu lopu xokütsüngü achuqupu kümllagho ke.
19“Ambetsü lakhi saighi no Aaron ngo pa nuliqo no tipau kütsü lo au beni, 20eno nono ambetsü ghiqhi no tipau ji pesü Aaron ngo pa nuliqo kini ajeu, auloqu ajeu, apukhuloqu ajeu nutsü lo, eno achili no akiptia ako hula-hila leqhive lo. 21Tithiu aji hami akümlla-khache shou akeu eno nukikishe thazü pesü Aaron ngo pa nuli eno panoqo phimini shou küzüte pukulo. Pa eno pa nuli phimini ye akimthe shive nani.
22“Ambetsü tha, ashomhi lo akeu tha, amxu, aloshi eno amchi lothi kini eno tipau lo atha akeu ngo aluko ajeu ikhilu lo (kughengu ambetsü tipau ye kishekimthe keu vehulo peithani keu ke), 23eno ashopa lakhi, thazü pesü asho kümtsha mlakeu, eno kholaqhi sümokeu sho zümzümüi keu khikhi Ampeu zülo püani keno tipaqo lulo. 24Tipaqo pesü Aaron ngo pa nuli u lo sütsülo, eno paküta keu kümllagho shi Ampeu zülo tsü pelo. 25Tithiu panoqo u lono tipaqo ikhilu no akümlla-khache shou no akipti kümllagho shi pitive lo, ti ye Ampeu lopu xokütsüngü, Ampeu lau achuqupu kümllagho lakhi ke.
26“Aaron ghenguno kimkhi keu ambetsü lono amlashi ikhilu lo, Ampeu zülo paküta keu kümllagho shilo, eno tipau no o saje shini. 27Amlashi khikhi paküta keu kümllagho shive akeno, eno ikhiphekütsü mbetsü Aaron ngo pa nuliqo saje lono achinemi saje aluko ikhiphe tsülo. 28Tipau ye Israelmi launo alholo Aaron ngo pa nuliqo saje shini, kughengu ti ye qhaphelu keu lakhi ke. Ti ye Israelmi no Ampeu lau panoqow külakishi kümllagho tsükeu lono qhaphe keu shini.
29“Aaronw akimthe phimini ye pa nuliqow shini; panoqo ye tipau pepu no nukishe nani eno kimkhi nani. 30Anu khuu no Aaron thisülu no achine kümla shinike kuposhukulu phiki Akimthe-a lo ighini keno, pa no atsala tsüni tipaqo pepuni.
31“Ikhiphekütsü mbetsü saghi no akimthe-a lono tipau shi lhove lo. 32Eno Aaron ngo pa nuliqo no kuposhukulu phiki kulaghi lono ambetsü shi eno asho ashoghi lo akeu chuni. 33Panoqo pesü akimthepu shikelo axine pevekütsü chini keu lo kiu peitha keno tipau panongu no chuni, ikemu kütami ye tipau chumoni kughengu tipaqo ye akimthe ke. 34Eno tsala thoghiu kutolo ikhiphekütsü shi momu asho achili aghi aye, ami lono pitiveni. Ti ye chumoni kughengu ti ye akimthe ke.
35“Aaron ngo pa nuli lau I no azah o tsü keqo kiqi lono shilo. Atsala tsüni kupuju nono panoqo kimkhilo, 36eno axine pevekütsü ghenguno tsalakipe amshitsü lakhi pesü mlla lo. Kughou nono axine pevekütsü ghenguno tishini keno, akümlla-khache ghi shikimthe lo, eno tipau kishekimthe lo. 37Akümlla-khache ghenguno atsala tsüni axine pevekütsü shini, eno akümlla-khache ye ighono akimthe shini. Kiu kiumu akümlla-khache dilu keu ye akimthe shive nani.
38“Akümlla-khache lo nono mllani keu ye hike: tsala kipetsü ampe lakhi mbeti kini. 39Ambeti lakhi no inaqhe no eno lakhiu no avelau no mllani. 40Ambeti atüghüu gholono asho kukubo ahu lakhi pesü kiumu kitemo keu olive thazü ahu lakhi lo kunuve no mllani. Atsaizü liter lakhi pesü akümllagho shikeu lo leqhilo. 41Inaqhe kümllagho, Ampeu lopu xokütsüngü, achuqupu kümllagho tsü ketoi, ambeti akiniu avelau no athi kümllagho ngo atsaizü kümllagho gholono pesü mllani. 42Tipau ye tamono akipti kümllagho shi nongu tiqheli kupuju lo Ampeu zülo kuposhukulu phiki kulaghi lono mllani, I no tileno o sasü kusho no o pütsa nani. 43Tileno I no Israelmi sasü kusho nani, eno tipau ye I juküvü no shikimtheve nani. 44I no kuposhukulu phiki ngo akümlla-khache kishekimthe nani. Achinemi shi I qe penike I no Aaron ngo pa nuli kishekimthe nani. 45I no Israelmi gholo anani eno panoqo Lhou shi nani. 46Eno panongu no Ni ye Ampeu panongu Lhou, khuu Egypt yeghi lono panongu saipeghi keno, Pa kepi ithi nani, tishianguno I no panoqo gholo anani. Ni ye Ampeu panongu Lhou ke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More