IPEKULU 27
27
Alazayi Kümlla Khache
1“Acacia sü pesü akümlla-khache mlalo, akushulau eno akijelau ghi auxakuchho kini no aulotikipshe tache shilo. Akümlla-khache ye kodibo shi mlalo, eno akiqhelau ye auxakuchho kini no aunhekipshe lakhi shilo. 2Acheku bidi lo akibo mlalo; akibo ye akümlla-khache leqhi lono mlalo, eno alazayi pesü tipau küzülo. 3Tipau lo ayevu mighelu kepu aliqo mlalo, sholepu, chithakhu, jilisa, eno küsaliqo mlape qhilo. Hipaqo kümtsü alazayi no mlani. 4Akhache qhou alazayi ghoküna pe akhoje mlalo, eno alazayi no mlakeu abocho bidi pesü akhoje ako bidi lo sülo. 5Akümlla-khache qhou akhoje qhilo tishianguno akhache tüxa kutolo nhasülu pelo. 6Akümlla-khache ghenguno acacia sü no kuhope kepu sü mlalo eno alazayi no tipaqo küzülo. 7Asü pesü abochoqo lo xisülo, tishianguno kughou akümlla-khache xapu wuni keno asü hula-hila xisü pesü wulu nani. 8Asüpa pesü tipau shilo eno kubokhu qhilo, ti ye naghuto lo I no o piyeve keu koghe kiqi lono shilo.
AMPEU Kungo Phiki Bokütha
(Ipe 38:9-20)
9“Ampeu kungo phiki bothasü lo. Apeu bokütha ye phepheike phi auxakuchho 40 pesü heqhilo. 10Tipau tsükucho 20 eno aghoghi muku ye alazayi no shilo, ikemu tipaqo lo akufupu eno akütsüghapu ye ghükayi no shilo. 11Tihutoi ahuu heqhikeu ye auxakuchho 40 qhilo, tipau tsükucho 20 eno aghoghi 20 ye alazayi no shilo, ikemu akufupu eno akütsüghapu ye ghükayi no shilo. 12Eno akijelau putukhasü keu kulola küdau akeu lo nhaqhiphi auxakuchho 22 shilo eno tilehi atsükucho 10 eno puqhe kepu-a 10 shilo. 13Agizüu putukhasü keu ye akijelau auxakuchho 22 shini. 14Khagho lo ako lakhi küdau nhaqhi keu ye auxakuchho 6 eno aunhekipshe 2 shilo, tipau lo atsükucho küthü eno puqhe kepu küthü shilo. 15Ako lakhiu küdau nhaqhiphi ye auxakuchho 6 eno aunhekipshe 2 shilo, tipau lo atsükucho küthü eno puqhe kepu küthü shilo. 16Putukhasü keu lo khagho ghenguno atsüla, hughai, akuhu, eno phepheike phi kipili gholo ayipu no aye shisü keu nhaqhiphi auxakuchho 9 mlalo. Atsükucho bidi gholo ghoqhe kepu bidi shini. 17Putukhasü keu lo atsükuchoqo kümtsü ghükayi no ladani. Tipaqo pufu kepu ye ghükayi no shilo eno ghoqhe kepu ye alazayi no shilo. 18Putukhasü keu ye akushulau auxakuchho 44, akijelau auxakuchho 22 eno akiqhelau auxakuchho 2 eno aulotikipshe 8 shilo. Nhaqhiphi ye phepheike phi kipili akivi no shilo eno ghoqhe keu ye alazayi no shilo. 19Ampeu kungo phiki lo peitha kepu jeli eno putusü keu jeli kümtsü alazayi pesü shilo.
Akulu lo Thazü
(Achi 24:1-4)
20“Akulu küqüpe qhikepu shi akimthe olive thazü peighi lopi Israelmi vilo azah tsülo, tishianguno akulu ye alhokuthu iqü apenie. 21Kuposhukulu phiki lo nhaqhiphi nguno khalau, ti ye ashepe akeu zülo, Aaron ngo pa nuli no Ampeu zülo avelau no inaqhe kutolo tipau jukutoni. Hi ye ayezah lakhi shi Israelmi no tiqheli kümtsü lo alholo ghenguno papeni.
Currently Selected:
IPEKULU 27: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
IPEKULU 27
27
Alazayi Kümlla Khache
1“Acacia sü pesü akümlla-khache mlalo, akushulau eno akijelau ghi auxakuchho kini no aulotikipshe tache shilo. Akümlla-khache ye kodibo shi mlalo, eno akiqhelau ye auxakuchho kini no aunhekipshe lakhi shilo. 2Acheku bidi lo akibo mlalo; akibo ye akümlla-khache leqhi lono mlalo, eno alazayi pesü tipau küzülo. 3Tipau lo ayevu mighelu kepu aliqo mlalo, sholepu, chithakhu, jilisa, eno küsaliqo mlape qhilo. Hipaqo kümtsü alazayi no mlani. 4Akhache qhou alazayi ghoküna pe akhoje mlalo, eno alazayi no mlakeu abocho bidi pesü akhoje ako bidi lo sülo. 5Akümlla-khache qhou akhoje qhilo tishianguno akhache tüxa kutolo nhasülu pelo. 6Akümlla-khache ghenguno acacia sü no kuhope kepu sü mlalo eno alazayi no tipaqo küzülo. 7Asü pesü abochoqo lo xisülo, tishianguno kughou akümlla-khache xapu wuni keno asü hula-hila xisü pesü wulu nani. 8Asüpa pesü tipau shilo eno kubokhu qhilo, ti ye naghuto lo I no o piyeve keu koghe kiqi lono shilo.
AMPEU Kungo Phiki Bokütha
(Ipe 38:9-20)
9“Ampeu kungo phiki bothasü lo. Apeu bokütha ye phepheike phi auxakuchho 40 pesü heqhilo. 10Tipau tsükucho 20 eno aghoghi muku ye alazayi no shilo, ikemu tipaqo lo akufupu eno akütsüghapu ye ghükayi no shilo. 11Tihutoi ahuu heqhikeu ye auxakuchho 40 qhilo, tipau tsükucho 20 eno aghoghi 20 ye alazayi no shilo, ikemu akufupu eno akütsüghapu ye ghükayi no shilo. 12Eno akijelau putukhasü keu kulola küdau akeu lo nhaqhiphi auxakuchho 22 shilo eno tilehi atsükucho 10 eno puqhe kepu-a 10 shilo. 13Agizüu putukhasü keu ye akijelau auxakuchho 22 shini. 14Khagho lo ako lakhi küdau nhaqhi keu ye auxakuchho 6 eno aunhekipshe 2 shilo, tipau lo atsükucho küthü eno puqhe kepu küthü shilo. 15Ako lakhiu küdau nhaqhiphi ye auxakuchho 6 eno aunhekipshe 2 shilo, tipau lo atsükucho küthü eno puqhe kepu küthü shilo. 16Putukhasü keu lo khagho ghenguno atsüla, hughai, akuhu, eno phepheike phi kipili gholo ayipu no aye shisü keu nhaqhiphi auxakuchho 9 mlalo. Atsükucho bidi gholo ghoqhe kepu bidi shini. 17Putukhasü keu lo atsükuchoqo kümtsü ghükayi no ladani. Tipaqo pufu kepu ye ghükayi no shilo eno ghoqhe kepu ye alazayi no shilo. 18Putukhasü keu ye akushulau auxakuchho 44, akijelau auxakuchho 22 eno akiqhelau auxakuchho 2 eno aulotikipshe 8 shilo. Nhaqhiphi ye phepheike phi kipili akivi no shilo eno ghoqhe keu ye alazayi no shilo. 19Ampeu kungo phiki lo peitha kepu jeli eno putusü keu jeli kümtsü alazayi pesü shilo.
Akulu lo Thazü
(Achi 24:1-4)
20“Akulu küqüpe qhikepu shi akimthe olive thazü peighi lopi Israelmi vilo azah tsülo, tishianguno akulu ye alhokuthu iqü apenie. 21Kuposhukulu phiki lo nhaqhiphi nguno khalau, ti ye ashepe akeu zülo, Aaron ngo pa nuli no Ampeu zülo avelau no inaqhe kutolo tipau jukutoni. Hi ye ayezah lakhi shi Israelmi no tiqheli kümtsü lo alholo ghenguno papeni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More