Memaŋa 2
2
1Amo bu, sɛ se n jwoŋi a bera yam.
Kwei nia yalo a na pɛ‑m to
n ke n bochare ne.
2Pore n zwa se n ja swa,
n daare n kwei n boboŋa maama
n pa yi-poro.
3Yɔɔre n beeri yi-poro,
se n daare n lwoori yeino
de kwor-dɛa.
4Chɛ se n beeri swa,
ne ya ye lu-nyenno
telo na seigi to mo.
5N ná ke konto, n wó lɔre Baŋa Wɛ kɔrɔ na ye tei chekke,
ye n daare n me ded‑o.
6Kokuri Baŋa Wɛ mo kwei swa
o pae nabiina.
O ta maa woli-ba de yeino de yi-poro.
7O maa jege swa chekke
se o kwei o pa nɔn-ŋona.
Ko ta ná ye balo na yɔɔre
ba tɔge chwoŋa to,
o kwoli-ba ne jara nantana mo tei.
8O nii ko baŋa ne mo
se chega taa toŋa,
ye o che balo na jege o chega to,
se cham yé yi-ba.
9Nmo ná sɛ se n jwoŋi swa,
n laam wó ba n lɔre kolo na lana
ye ko tɔge chwoŋa to.
N ta wó lɔre kolo na maŋe keim to,
se n wane n tɔge chwo-laao.
10N boboŋa maa wó ja swa,
ye yeino de pa n na wopwolo lanyerane.
11Nmo na lɔre lɔra tei to mo
wó taa kwoli‑m.
N boboŋ-ŋona maa wó taa yere‑m.
12Konto to, n bá‑n ta‑n tɔge
puseŋ-nyena chwei sem,
naa n to pipiri-nyena chwoŋa ne.
13Banto maŋe ba ywori chega chwoŋa kam ne mo,
ye ba vei lim wone.
14Ba ta swoi se ba taa toŋe lwarem mo,
ye ba wo de tiga de puseŋa kikia.
15Ba ye nɔn-ŋollo mo
ye ba kikia ba tɔge chwoŋa.
16Swa chekke wó che‑m de ka-tola,
de o ná maŋe o ŋɔɔne ni-som ŋɔŋa
se o ma soge‑m tei de.
17Kotu yage o baro wolo o na zo
o donne maŋa ne to,
pa se o yiri ni delo o na gwoni
Wɛ yiga ne to.
18Chwoŋa kalo na vei o sɔŋɔ kom ne to guri de toone mo.
Balo na tɔge da to maa zoore churu.
19Wolo maama ná vei o tei,
kotu daa ba jwoora.
O nam daa bá to
ŋwea chwoŋa kam wone.
20Nmo nam ná jwoŋi swa,
n laam wó ta‑n tɔge
nɔn-ŋona nɛ-bwora mo,
ye n vei chega tiina chwoŋa ne.
21Kokuri to, balo na yɔɔre
ba tɔge chwo-laao to mo
wó taa zoore dé tega kam wone.
22Ko daare puseŋ-nyena bam yere
wó saare tega kam baŋa ne.
Nɔn-ŋollo de maa wó jei ka wone.
Currently Selected:
Memaŋa 2: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)