Filipi 3
3
Chwo-laao tɔgem
1A nu-bia bam, a jege kolo fenfee na daare to se a ta a woli da. Wɛ wó pa á ta‑á jege wopwolo dé Teiru wom ŋwaane. Amo na maŋe a popone kolo a ma bere abam to, ko bá taa chamma se a jwoori a bere-te abam, se ko wane ko che abam wo-lwanno wone. 2Fɔge-na á che á tete de wo-lwan-keira balo na kwaane se ba taa gwoni nɔɔna yera ba yage to. Banto ye vara mo. 3Debam nam mo ye Wɛ nɔɔna chekke, ye ko dae dé na gwoni dé peina to ŋwaane, ne banto na bere tei to. Debam tɔge Wɛ Sin-laao kom ŋwaane mo dé zuli Wɛ. Yezu Krista mo ye wolo dé na maa teere to, ye dé bá ke dé boboŋa de chullu telo na bere we nɔɔna yera gwonim jege kuri ko pa Wɛ. 4Ko ya ná ye we logo baŋa chullu tem jege kuri, amo tete ya wó na chwoŋa lanyerane se a ke a teena te wone. Nɔɔno wolo ná boŋe se o tɔge logo baŋa chullu tem, kotu taa yei we, amo mo dwoni nɔɔna maama chullu tem tɔgem seeni. 5Amo déem na nɛ da nana to mo ba gwoni a peini, ne Juu tiina chullu tem na bere tei to. Ba na loge-ne to, a ye Isarele tu mo, ye a nwoŋi Benjamin dwi tiina bam wone. Amo yɔɔre a ye Hiburu dwi tu chekke mo. Ko ná ye Wɛ nia yam tɔgem, amo déem wo Farisi tiina kɔgɔ kom wone mo.#3:5 Farisi tiina bam déem tiini ba toŋe ba tɔge Wɛ ni-dwoori chullu tem mo. 6Amo na toŋe de yi-seena a pa Wɛ tei to, a tiini a bɛɛse Yezu kɔgɔ kom nɔɔna. Ko ta ná ye Wɛ ni-kaana yam sɛɛm, amo déem tɔge chwoŋa chekke ye tusim tera.
7Amo déem pɛ wonnu tem konto maama jege nyɔɔre te pa-ne, ye a laam boŋe a lɔre we, te ye kafɛ mo amo yiga ne, a na sɛ Yezu Krista to ŋwaane. 8Chega ŋwaane to, woŋo kolo maama amo na jege to, a pa ko ye kafɛ mo a yiga ne, amo laam na tu a me de Yezu Krista wolo na ye amo Teiru to ŋwaane. Konto tiini ko jege kuri ko pa-ne ko dwoi woŋo maama. Wonto ŋwaane mo a kwei a woŋo maama a yage dáa ne. A pa te maama ye weero mo a yiga ne, se a wane a jwoŋi Yezu Krista a ke a bochare ne, 9se ko pa a ji o nyem. Konto to, amo wó taa jege chega Wɛ tei ne, a na ke a wo-dedoa de Yezu Krista to ŋwaane. Ko bá taa ye amo tete kikia de a na tɔge Wɛ nia yam tei to ŋwaane. Ko nam ye Wɛ tete mo pae a jege chega o tei ne, ye ko zege amo na ke a wo-dedoa de Yezu to ŋwaane. 10Woŋo kolo amo na tiini a lage to ye se a me de Yezu Krista mo, se a kwori a lɔre dam-fɔrɔ kolo Wɛ na mɛ o bi‑o toone wone to. Amo ta lage se a tɔge a na o yaara yam dwoŋi, se a daare a taa nye ded‑o de o na sɛ o te nabiina ŋwaane to. 11Konto to, amo wó wane a maŋe se Wɛ bi amo de toone wone.
Wɛ chwoŋa tɔgem taane
12Ko nam dae we amo maŋe a yi Wɛ chega kam maama. Ko ta dae we a bochare kwɛ de ti maama, ye lwarem daa tera. Amo nam na ke tei to, a kwaane mo a yigi se a vo yiga, se a laam wane a jwoŋi nyɔɔre Yezu Krista tei ne a ke a jeŋa ne. Kokuri ko ye nyɔɔre dem konto ŋwaane mo o déem jwoŋi-ne o ke o tete jeŋa ne. 13A nu-bia bam, amo na boŋe tei to, ko dae we a maŋe a yi se a jwoŋi-de a ke a jeŋa ne. Amo nam na ke kolo to, a yeini a le wonnu telo na maŋe te kɛ to a boboŋa ne, se a daare a yigi a vo a yi wonnu telo na wo a yiga ne to. 14Amo na tɔge Wɛ chwoŋa tei to, a yɔɔre a kwaana se a duri a vo yiga mo se a laam vo a yi kweelim jeiga kam. Amo na me de Yezu Krista to, a laam wó vo a na ŋwea Wɛ tei ne. Ŋwea kam kanto ye pɛɛre delo Wɛ na bwoŋi-ne se a ba o tei a jwoŋi to mo.
15Ko ná ye debam balo boboŋa na kweere de Wɛ chwoŋa tɔgem to, ko maŋe se debam maama sɛ we, amo na tage tei to ye chega mo. Abam badaara boboŋa nam ná ba tɔge konto dwoŋi, Wɛ wó pa á lɔre woŋo kolo na ye chega to. 16De konto de, ko maŋe se dé yɔɔre dé taa tɔge chwoŋa kalo dé na maŋe dé lɔre we ka ye chega to mo.
17A nu-bia bam, ko maŋe se á ta‑á lwoni amo kikia yam mo, se á maane á nii balo na tɔge chwo-laao, nenɛɛne dé na bere abam se á ta‑á tɔge tei to.#1 Korinti 11:1 18Amo lage se a jwoori a bere abam wonnu telo a na maŋe a ta kuni dedɛ to mo. Ko maa pae a kane yi-na de lwia yalo amo na jege abam ŋwaane to. Ko ye we nɔɔna dedɛ wo á wone ba kikia na bere we ba chuli Yezu Krista dagara kam toone dem. 19Ko kweelim jei ne Wɛ wó chɔge banto de ba dwi maama. Ba yeini ba zuli wonnu telo fera na jege-ba to ko dwoi Wɛ. Ba maa jege teera de kolo na maŋe de ba chaveera to, ye logo baŋa wo-yɔɔro boboŋa jege-ba. 20Ko nam ná ye debam, dé kugu jei wo Wɛ telaao woro kom ne mo. Konto ŋwaane, dé cheigi dé Vereno wom se o nwoŋi dáane mo o ba. Debam Teiru Yezu Krista mo konto. 21O ná tua, o laam wó kwei dé logo baŋa yera yam o pa ya leiri ya taa nye de o tete yera yam na tiini ya jege nenɔŋ-fɔrɔ to. O wó ma o dam-fɔrɔ kolo na pae o wae woŋo maama o taa tei to o ke konto.
Currently Selected:
Filipi 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Filipi 3
3
Chwo-laao tɔgem
1A nu-bia bam, a jege kolo fenfee na daare to se a ta a woli da. Wɛ wó pa á ta‑á jege wopwolo dé Teiru wom ŋwaane. Amo na maŋe a popone kolo a ma bere abam to, ko bá taa chamma se a jwoori a bere-te abam, se ko wane ko che abam wo-lwanno wone. 2Fɔge-na á che á tete de wo-lwan-keira balo na kwaane se ba taa gwoni nɔɔna yera ba yage to. Banto ye vara mo. 3Debam nam mo ye Wɛ nɔɔna chekke, ye ko dae dé na gwoni dé peina to ŋwaane, ne banto na bere tei to. Debam tɔge Wɛ Sin-laao kom ŋwaane mo dé zuli Wɛ. Yezu Krista mo ye wolo dé na maa teere to, ye dé bá ke dé boboŋa de chullu telo na bere we nɔɔna yera gwonim jege kuri ko pa Wɛ. 4Ko ya ná ye we logo baŋa chullu tem jege kuri, amo tete ya wó na chwoŋa lanyerane se a ke a teena te wone. Nɔɔno wolo ná boŋe se o tɔge logo baŋa chullu tem, kotu taa yei we, amo mo dwoni nɔɔna maama chullu tem tɔgem seeni. 5Amo déem na nɛ da nana to mo ba gwoni a peini, ne Juu tiina chullu tem na bere tei to. Ba na loge-ne to, a ye Isarele tu mo, ye a nwoŋi Benjamin dwi tiina bam wone. Amo yɔɔre a ye Hiburu dwi tu chekke mo. Ko ná ye Wɛ nia yam tɔgem, amo déem wo Farisi tiina kɔgɔ kom wone mo.#3:5 Farisi tiina bam déem tiini ba toŋe ba tɔge Wɛ ni-dwoori chullu tem mo. 6Amo na toŋe de yi-seena a pa Wɛ tei to, a tiini a bɛɛse Yezu kɔgɔ kom nɔɔna. Ko ta ná ye Wɛ ni-kaana yam sɛɛm, amo déem tɔge chwoŋa chekke ye tusim tera.
7Amo déem pɛ wonnu tem konto maama jege nyɔɔre te pa-ne, ye a laam boŋe a lɔre we, te ye kafɛ mo amo yiga ne, a na sɛ Yezu Krista to ŋwaane. 8Chega ŋwaane to, woŋo kolo maama amo na jege to, a pa ko ye kafɛ mo a yiga ne, amo laam na tu a me de Yezu Krista wolo na ye amo Teiru to ŋwaane. Konto tiini ko jege kuri ko pa-ne ko dwoi woŋo maama. Wonto ŋwaane mo a kwei a woŋo maama a yage dáa ne. A pa te maama ye weero mo a yiga ne, se a wane a jwoŋi Yezu Krista a ke a bochare ne, 9se ko pa a ji o nyem. Konto to, amo wó taa jege chega Wɛ tei ne, a na ke a wo-dedoa de Yezu Krista to ŋwaane. Ko bá taa ye amo tete kikia de a na tɔge Wɛ nia yam tei to ŋwaane. Ko nam ye Wɛ tete mo pae a jege chega o tei ne, ye ko zege amo na ke a wo-dedoa de Yezu to ŋwaane. 10Woŋo kolo amo na tiini a lage to ye se a me de Yezu Krista mo, se a kwori a lɔre dam-fɔrɔ kolo Wɛ na mɛ o bi‑o toone wone to. Amo ta lage se a tɔge a na o yaara yam dwoŋi, se a daare a taa nye ded‑o de o na sɛ o te nabiina ŋwaane to. 11Konto to, amo wó wane a maŋe se Wɛ bi amo de toone wone.
Wɛ chwoŋa tɔgem taane
12Ko nam dae we amo maŋe a yi Wɛ chega kam maama. Ko ta dae we a bochare kwɛ de ti maama, ye lwarem daa tera. Amo nam na ke tei to, a kwaane mo a yigi se a vo yiga, se a laam wane a jwoŋi nyɔɔre Yezu Krista tei ne a ke a jeŋa ne. Kokuri ko ye nyɔɔre dem konto ŋwaane mo o déem jwoŋi-ne o ke o tete jeŋa ne. 13A nu-bia bam, amo na boŋe tei to, ko dae we a maŋe a yi se a jwoŋi-de a ke a jeŋa ne. Amo nam na ke kolo to, a yeini a le wonnu telo na maŋe te kɛ to a boboŋa ne, se a daare a yigi a vo a yi wonnu telo na wo a yiga ne to. 14Amo na tɔge Wɛ chwoŋa tei to, a yɔɔre a kwaana se a duri a vo yiga mo se a laam vo a yi kweelim jeiga kam. Amo na me de Yezu Krista to, a laam wó vo a na ŋwea Wɛ tei ne. Ŋwea kam kanto ye pɛɛre delo Wɛ na bwoŋi-ne se a ba o tei a jwoŋi to mo.
15Ko ná ye debam balo boboŋa na kweere de Wɛ chwoŋa tɔgem to, ko maŋe se debam maama sɛ we, amo na tage tei to ye chega mo. Abam badaara boboŋa nam ná ba tɔge konto dwoŋi, Wɛ wó pa á lɔre woŋo kolo na ye chega to. 16De konto de, ko maŋe se dé yɔɔre dé taa tɔge chwoŋa kalo dé na maŋe dé lɔre we ka ye chega to mo.
17A nu-bia bam, ko maŋe se á ta‑á lwoni amo kikia yam mo, se á maane á nii balo na tɔge chwo-laao, nenɛɛne dé na bere abam se á ta‑á tɔge tei to.#1 Korinti 11:1 18Amo lage se a jwoori a bere abam wonnu telo a na maŋe a ta kuni dedɛ to mo. Ko maa pae a kane yi-na de lwia yalo amo na jege abam ŋwaane to. Ko ye we nɔɔna dedɛ wo á wone ba kikia na bere we ba chuli Yezu Krista dagara kam toone dem. 19Ko kweelim jei ne Wɛ wó chɔge banto de ba dwi maama. Ba yeini ba zuli wonnu telo fera na jege-ba to ko dwoi Wɛ. Ba maa jege teera de kolo na maŋe de ba chaveera to, ye logo baŋa wo-yɔɔro boboŋa jege-ba. 20Ko nam ná ye debam, dé kugu jei wo Wɛ telaao woro kom ne mo. Konto ŋwaane, dé cheigi dé Vereno wom se o nwoŋi dáane mo o ba. Debam Teiru Yezu Krista mo konto. 21O ná tua, o laam wó kwei dé logo baŋa yera yam o pa ya leiri ya taa nye de o tete yera yam na tiini ya jege nenɔŋ-fɔrɔ to. O wó ma o dam-fɔrɔ kolo na pae o wae woŋo maama o taa tei to o ke konto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)