Filipi 1
1
1Amo Pɔɔl mo popone tɔnɔ konto ye Timoti wo amo tei ne. Debam ye Yezu Krista kabɛ mo. Dé popone se dé pa abam balo maama na wo Filipi ne ye á tɔge Yezu Krista ŋwaane á ye Wɛ nɔɔna to, ko woli de á kɔgɔ kom yiga tiina bam de ko wolim tiina bam de.#Kikia 16:12
2Dé Kwo Wɛ, de dé Teiru Yezu Krista wó pa abam zaane de yazura.
Pɔɔl na lwoori Wɛ tei to
3Maŋa maama amo na guli abam gula, a yeini a ke a Tu Wɛ lei mo abam ŋwaane. 4Maŋa maama amo na lwoori Wɛ a pa abam maama to, a yeini a di ywoni, 5de abam na tɔge á toŋe á woli-ne de Wɛ kwor-ywoŋa kam totoŋa yam, ko zege boboa ne ko ba ko yi zem to. 6Amo yei lanyerane we, Wɛ mo ye wolo wom na maŋe o bobo se o kwɛ abam bochara to, ye wonto wó yɔɔre o taa ke konto se ko vo ko ti dɛ dem Yezu Krista na wó jwoori o ba to. 7Amo tiini a jege abam swono a bochare ne. Konto ŋwaane ko maŋe se amo taa jege á boboŋa a yuu ne, kokuri abam maama tɔge á na Wɛ zaane dem, ne amo de na nɛ tei to. Leile konto, ko ná ye ba na vɔge-ne de chaponno ba ke peena diga ne to, naa maŋa kalo amo na kare a beeri jei maama a ŋɔɔne chega a pa Wɛ kwor-ywoŋa kam, maŋa maama mo Wɛ ke zaane o ke a yuu ne, ye abam de tɔge á na o zaane dem konto dwoŋi. 8Abam maama na jege fera amo tei ne to tɔge Yezu Krista tete na jege abam swono tei to mo. Wɛ wó zege amo kwaga ne we konto ye chega.
9Amo na lwoori Wɛ a pa abam tei to ye se abam swono kom mo fɔge ko puli dedɛ, ko woli de yeino, se á ta‑á wae á lɔre kolo maama na tɔge chega to. 10Konto mo á wó wane á kuri kolo na lamma chekke se á ke, ye Yezu Krista dɛ dem ná yia, se digiru yé taa wo á bochara ne, se á daare á na bora Wɛ yiga ne. 11Ko woli da, á kikia maama wó taa tɔge chwo-laao lanyerane, Yezu Krista na zeini abam to ŋwaane. Konto wó pa se Wɛ na zula de teem.
Yezu Krista dwoi woŋo maama
12A nu-bia bam, a lage se á lɔre we, yaara yalo na yi amo to nam pɛ se Wɛ kwor-ywoŋa kam jage ka yi yiga mo. 13Ko na ke amo tei to pɛ se soja tiina balo na nii pɛ wom sɔŋɔ kom to, de balo maama na wora to lɔre we, ko ye amo na tɔge Yezu Krista to ŋwaane mo ba vɔge-ne de chaponno ba ke peena diga ne.#Kikia 28:16, 30-31 14Ko woli da, amo na wo peena diga ne to pɛ se dé nu-bia bam dedɛ tiini ba dale dé Teiru wom, pa se ba tiini ba jege baare ba maa bere Wɛ kwora kam, ye ba ba kɔre foone.
15Ko ye chega mo we nɔɔna badaara tɔge wo-goo de ni-kantɔgɔ baŋa ne mo ba tɔɔle Yezu Krista kwora kam. Ko daare badaara nam bere-ka de ba boboŋ-laaro mo. 16Banto bere-ka de swono mo, kolo ŋwaane ba yei we Wɛ tiŋi-ne se a zege o kwor-ywoŋa kam kwaga ne mo. 17Badwonna bam nam bere Yezu kwora kam se ko pa ba tete mo kamunni, ye ba ba jege wo-pwoŋo. Ba nam boŋe we, ba wó wane ba chɔge amo yuu mo, amo na wo peena diga ne to ŋwaane. 18Ko nam ba chɔga. Amo ta jege wopwolo de ba maama na tɔɔle Yezu Krista kwora kam ba bere nɔɔna tei to. Ba ná bere-ka de boboŋ-laaro naa boboŋ-balwaaro de, ko ye Yezu taane dem mo ba bera.
Amo nam wó tiini a taa jege wopwolo, 19kolo ŋwaane a yei we, Wɛ wó jwoŋi-ne o yage, abam na lwoori‑o á pa-ne tei, de Yezu Krista Sin-laao kom na pa-ne zeinim tei to ŋwaane. 20Amo tiini a jege teena we, a bá zaŋe a ke kolokolo na wó pa a na a chaveera. Amo nam wó taa jege pu-dɛa se, a ta ná ŋwe naa a ná tega, se Yezu Krista na zula a kikia maama baŋa ne. 21Amo tei ne, a ŋwea ye Yezu Krista ŋwaane mo. A nam ná tega, ko wó taa ye nyɔɔre mo ko pa-ne. 22Amo nam ta ná jege ŋwea logo baŋa ne, a totoŋe dem wó wane de woli nɔɔna lanyerane. Konto to, a yeiri a na wó twori kolo se a daare kolo. 23Wonnu tento telei mo pae a boboŋa vugimi. Kolo na jege fera ko pa-ne to mo ye se a yage logo baŋa, ye a daare a vo Yezu Krista tei a taa wora. Konto wó tiini ko taa lana amo tei ne. 24Ko daare, amo ta ná wo logo baŋa ne, ko wó taa jege zeinim dedɛ ko pa abam. 25A yei we konto ye chega, ye ko pɛ a lɔre we, ko maŋe se a taa wo logo baŋa ne. Amo wó taa wo abam maama tei ne se ko pa á fɔge á tɔge Wɛ chega kam, ye á tiini á di ywoni ka ŋwaane. 26Konto to, amo ná jwoori a ba a wo abam tei ne, ko wó pa se á tiini á ta‑á zuli Yezu Krista de wopwolo amo ŋwaane.
27Kolo maama ná lage ko ke, se abam nii á kikia yam se á pa ya taa tɔge de Yezu Krista kwor-ywoŋa kam na bere tei to. Konto to, amo ná nɛ chwoŋa se a ba abam tei, naa a ná wo nɛ, amo ta wó lɔre we, abam zege lanyerane de boboŋe dedwe, ye á tɔge daane á kwaana á toŋa á pa chega kalo Wɛ kwor-ywoŋa kam na bere to. 28Amo daa ta wó lɔre we, abam dona bam wo nɛ chwoŋa se ba pa foone ja abam de fenfee de. Á na jege á tete tei to wó pa ba maane we, Wɛ wó ba o chɔge-ba ye o daare o jwoŋi abam o yage. Wɛ tete mo wó pa ko ke. 29Wɛ na zeini abam se á ta‑á tɔge‑o tei to, ko dae se á sɛ Yezu Krista de á wo-dedoa yerane, ko ye se á kwori á na yaara de mo o ŋwaane. 30Abam déem nɛ amo na toŋe a pa Wɛ ye a yaare tei to,#Kikia 16:19-24 ye á ta kwori á ni we, ko ye bedwe mo de zem. Abam laam tɔge á toŋe konto dwoŋi ye á yaara.
Currently Selected:
Filipi 1: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Filipi 1
1
1Amo Pɔɔl mo popone tɔnɔ konto ye Timoti wo amo tei ne. Debam ye Yezu Krista kabɛ mo. Dé popone se dé pa abam balo maama na wo Filipi ne ye á tɔge Yezu Krista ŋwaane á ye Wɛ nɔɔna to, ko woli de á kɔgɔ kom yiga tiina bam de ko wolim tiina bam de.#Kikia 16:12
2Dé Kwo Wɛ, de dé Teiru Yezu Krista wó pa abam zaane de yazura.
Pɔɔl na lwoori Wɛ tei to
3Maŋa maama amo na guli abam gula, a yeini a ke a Tu Wɛ lei mo abam ŋwaane. 4Maŋa maama amo na lwoori Wɛ a pa abam maama to, a yeini a di ywoni, 5de abam na tɔge á toŋe á woli-ne de Wɛ kwor-ywoŋa kam totoŋa yam, ko zege boboa ne ko ba ko yi zem to. 6Amo yei lanyerane we, Wɛ mo ye wolo wom na maŋe o bobo se o kwɛ abam bochara to, ye wonto wó yɔɔre o taa ke konto se ko vo ko ti dɛ dem Yezu Krista na wó jwoori o ba to. 7Amo tiini a jege abam swono a bochare ne. Konto ŋwaane ko maŋe se amo taa jege á boboŋa a yuu ne, kokuri abam maama tɔge á na Wɛ zaane dem, ne amo de na nɛ tei to. Leile konto, ko ná ye ba na vɔge-ne de chaponno ba ke peena diga ne to, naa maŋa kalo amo na kare a beeri jei maama a ŋɔɔne chega a pa Wɛ kwor-ywoŋa kam, maŋa maama mo Wɛ ke zaane o ke a yuu ne, ye abam de tɔge á na o zaane dem konto dwoŋi. 8Abam maama na jege fera amo tei ne to tɔge Yezu Krista tete na jege abam swono tei to mo. Wɛ wó zege amo kwaga ne we konto ye chega.
9Amo na lwoori Wɛ a pa abam tei to ye se abam swono kom mo fɔge ko puli dedɛ, ko woli de yeino, se á ta‑á wae á lɔre kolo maama na tɔge chega to. 10Konto mo á wó wane á kuri kolo na lamma chekke se á ke, ye Yezu Krista dɛ dem ná yia, se digiru yé taa wo á bochara ne, se á daare á na bora Wɛ yiga ne. 11Ko woli da, á kikia maama wó taa tɔge chwo-laao lanyerane, Yezu Krista na zeini abam to ŋwaane. Konto wó pa se Wɛ na zula de teem.
Yezu Krista dwoi woŋo maama
12A nu-bia bam, a lage se á lɔre we, yaara yalo na yi amo to nam pɛ se Wɛ kwor-ywoŋa kam jage ka yi yiga mo. 13Ko na ke amo tei to pɛ se soja tiina balo na nii pɛ wom sɔŋɔ kom to, de balo maama na wora to lɔre we, ko ye amo na tɔge Yezu Krista to ŋwaane mo ba vɔge-ne de chaponno ba ke peena diga ne.#Kikia 28:16, 30-31 14Ko woli da, amo na wo peena diga ne to pɛ se dé nu-bia bam dedɛ tiini ba dale dé Teiru wom, pa se ba tiini ba jege baare ba maa bere Wɛ kwora kam, ye ba ba kɔre foone.
15Ko ye chega mo we nɔɔna badaara tɔge wo-goo de ni-kantɔgɔ baŋa ne mo ba tɔɔle Yezu Krista kwora kam. Ko daare badaara nam bere-ka de ba boboŋ-laaro mo. 16Banto bere-ka de swono mo, kolo ŋwaane ba yei we Wɛ tiŋi-ne se a zege o kwor-ywoŋa kam kwaga ne mo. 17Badwonna bam nam bere Yezu kwora kam se ko pa ba tete mo kamunni, ye ba ba jege wo-pwoŋo. Ba nam boŋe we, ba wó wane ba chɔge amo yuu mo, amo na wo peena diga ne to ŋwaane. 18Ko nam ba chɔga. Amo ta jege wopwolo de ba maama na tɔɔle Yezu Krista kwora kam ba bere nɔɔna tei to. Ba ná bere-ka de boboŋ-laaro naa boboŋ-balwaaro de, ko ye Yezu taane dem mo ba bera.
Amo nam wó tiini a taa jege wopwolo, 19kolo ŋwaane a yei we, Wɛ wó jwoŋi-ne o yage, abam na lwoori‑o á pa-ne tei, de Yezu Krista Sin-laao kom na pa-ne zeinim tei to ŋwaane. 20Amo tiini a jege teena we, a bá zaŋe a ke kolokolo na wó pa a na a chaveera. Amo nam wó taa jege pu-dɛa se, a ta ná ŋwe naa a ná tega, se Yezu Krista na zula a kikia maama baŋa ne. 21Amo tei ne, a ŋwea ye Yezu Krista ŋwaane mo. A nam ná tega, ko wó taa ye nyɔɔre mo ko pa-ne. 22Amo nam ta ná jege ŋwea logo baŋa ne, a totoŋe dem wó wane de woli nɔɔna lanyerane. Konto to, a yeiri a na wó twori kolo se a daare kolo. 23Wonnu tento telei mo pae a boboŋa vugimi. Kolo na jege fera ko pa-ne to mo ye se a yage logo baŋa, ye a daare a vo Yezu Krista tei a taa wora. Konto wó tiini ko taa lana amo tei ne. 24Ko daare, amo ta ná wo logo baŋa ne, ko wó taa jege zeinim dedɛ ko pa abam. 25A yei we konto ye chega, ye ko pɛ a lɔre we, ko maŋe se a taa wo logo baŋa ne. Amo wó taa wo abam maama tei ne se ko pa á fɔge á tɔge Wɛ chega kam, ye á tiini á di ywoni ka ŋwaane. 26Konto to, amo ná jwoori a ba a wo abam tei ne, ko wó pa se á tiini á ta‑á zuli Yezu Krista de wopwolo amo ŋwaane.
27Kolo maama ná lage ko ke, se abam nii á kikia yam se á pa ya taa tɔge de Yezu Krista kwor-ywoŋa kam na bere tei to. Konto to, amo ná nɛ chwoŋa se a ba abam tei, naa a ná wo nɛ, amo ta wó lɔre we, abam zege lanyerane de boboŋe dedwe, ye á tɔge daane á kwaana á toŋa á pa chega kalo Wɛ kwor-ywoŋa kam na bere to. 28Amo daa ta wó lɔre we, abam dona bam wo nɛ chwoŋa se ba pa foone ja abam de fenfee de. Á na jege á tete tei to wó pa ba maane we, Wɛ wó ba o chɔge-ba ye o daare o jwoŋi abam o yage. Wɛ tete mo wó pa ko ke. 29Wɛ na zeini abam se á ta‑á tɔge‑o tei to, ko dae se á sɛ Yezu Krista de á wo-dedoa yerane, ko ye se á kwori á na yaara de mo o ŋwaane. 30Abam déem nɛ amo na toŋe a pa Wɛ ye a yaare tei to,#Kikia 16:19-24 ye á ta kwori á ni we, ko ye bedwe mo de zem. Abam laam tɔge á toŋe konto dwoŋi ye á yaara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)