Jeelim 8
8
Wara-vwei dem min-zwonnu tem
1 Baŋa Wɛ déem ma ta de Moses o we, 2“Ta de Aron se o zege min-zwonnu terepɛ tem min-zwon-zego kom baŋa ne, se te taa nyeene te pwooni te jeeri ko yiga kam seeni.”
3Aron ma sɛ ye o zege min-zwonnu tem pa te pwooni nyeene te jeeri ko yiga kam seeni, ne Baŋa Wɛ na pɛ Moses ni se o ke tei to. 4Ba déem ya kwei sabu-seŋa mo ba mage ba gɔgere min-zwon-zego kom maama, se ko zege ko kuri dem ne ko yi pun-kogela yam na wo ko baŋa seeni to. Ko maa ye Baŋa Wɛ déem na pɛ Moses ni se ba ke-ko tei to mo chekke.
Ba na pɔɔre Levi tiina bam ba totoŋa ŋwaane tei to
5 Baŋa Wɛ ta ma ta de Moses o we:
6“Nmo jege se n pɔɔre Levi tiina bam mo se ba taa ye ba yera de Isarele tiina bam maama, se n daare n kwɛ-ba de chullu tem. 7Nmo nam na wó kwɛ-ba tei to ye se n misi na mo ba yera ne wɛleera saarem ŋwaane. Ta pa se ba fane ba yera yam jei maama koro ba yage, se ba daare ba zare ba gwaaro. Keim dem konto wó kwɛ-ba. 8Ba laam maa wó ja na-bala, dedaane wodiu pɛɛre delo na maŋe to ba ba. Wodiu pɛɛre dem maa ye mun-bwei na viiri de nuga to mo. Nmo de maa wó ja na-bala kadwoŋi n ba se n ma‑n ke wɛleera saarem kaanem. 9Pa se Levi tiina bam ba ba zege wara-jei sem ni ne, se Isarele tiina kɔgɔ kom maama de ba ba jeeri da. 10Nmo ta wó pa se Levi tiina bam ba amo Baŋa Wɛ yiga ne, se Isarele tiina bam de kwei ba je ba daŋe ba baŋa ne. 11Aron maa wó kwei Levi tiina bam o ke amo jeŋa ne, ne o zeiŋi-ba amo yiga ne mo tei to. Ba ye Isarele tiina bam maama pɛɛre mo ba na kwei se ba taa toŋe ba pa-ne. 12Levi tiina bam laam wó daŋe ba je nabɛ selei sem yuni ne.#Chullu 1:4 Nabea dedoa ye se ba kwei-ka ba ke wɛleera saarem kaanem, se ba kwei kadwoŋi kam ba ke zwɛɛm pɛɛre kaanem delo na wó le Levi tiina bam wɛleera amo yiga ne to. 13Ta daare n pa se Levi tiina bam zege Aron de o bia bam yiga ne, ye n ke se ko taa nye de n zeiŋi-ba mo amo Baŋa Wɛ yiga ne.
14Nam ke konto se n ma‑n pɔɔre Levi tiina bam, se ba taa ye ba yera Isarele tiina bam maama wone. Levi tiina bam wó taa ye amo nyem. 15Nmo ná pɛ se ba kwɛ ba tete de chullu tem konto, ye n daare n kwei-ba n ke amo jeŋa ne, ba laam jege chwoŋa se ba taa toŋe wara-jei sem totoŋa. 16Banto mo wó leiri Isarele tiina bakeiri-kwe selo maama abam na wó lo to yuu ne. Amo mo kuri-ba se ba yɔɔre ba taa ye amo nyem. 17Kokuri to, Isarele tiina bam wone, de ba vara wone wo-kwe selo na ye baara to maama ye amo nyem mo. Amo déem na go Ejipti tiina bakeiri-kwe sem to, mo a kuri se Isarele tiina bakeiri-kwe sem taa ye a nyem.#Nwoŋim 12:29; 13:2 18A laam nam kwei Levi tiina bam mo se ba leiri Isarele tiina bakeiri-kwe sem yuu ne. 19A ma yɔɔre a kuri-ba Isarele tiina bam maama wone a pa Aron de o bia bam, se ba taa toŋe wara-jei sem totoŋa. Ba jege se ba fɔge ba kwɛ Isarele tiina bam tusim mo amo yiga ne, se ba yé na chɔgem de ba na tiini ba fɔɔre ba yi amo wara-vwei dem seeni to ŋwaane.”
20Moses, de Aron, de Isarele tiina kɔ-fɔrɔ kom maama ma nii ko baŋa ne pa se Levi tiina bam ke kolo maama Baŋa Wɛ na pɛ ni se ba ke to. 21Levi tiina bam ma kwɛ ba tete de chullu tem, ye ba daare ba zare ba gwaaro. Aron de ma ke se ko bere we o zeiŋi-ba o ke Baŋa Wɛ jeŋa ne. O ta ma ke chullu telo na le ba wɛleera Wɛ yiga ne to, pa se ba fɔge ba kwɛ ba tete Wɛ ŋwaane. 22Ko kwaga ne, Levi tiina bam déem ma bobo ba totoŋa wara-jei sem ne, ye Aron de o bia bam nii ba baŋa ne. Konto to, Isarele tiina bam déem pɛ se Levi tiina bam ke kolo maama Baŋa Wɛ na pɛ Moses ni se ba ke to.
23 Baŋa Wɛ ta ma ta de Moses o we, 24“Ko ná ye Levi tiina bam, ba baara balo na yi bena finlei-yanu ba daŋe to mo jege se ba ba ba toŋe wara-jei sem totoŋa. 25Ba nam ná tu ba yi bena finnu, se ba yage wara-jei totoŋa yam, ba daare ba jeini ba sii. 26Ba nam jege chwoŋa se ba woli ba dwonna Levi tiina se ba toŋe ba totoŋa wara-jei sem ne, se banto daa bá taa jege ba tete totoŋe. Nmo wó tɔge chwoŋa kam konto mo n pa se Levi tiina bam taa toŋe ba totoŋa.”
Currently Selected:
Jeelim 8: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 8
8
Wara-vwei dem min-zwonnu tem
1 Baŋa Wɛ déem ma ta de Moses o we, 2“Ta de Aron se o zege min-zwonnu terepɛ tem min-zwon-zego kom baŋa ne, se te taa nyeene te pwooni te jeeri ko yiga kam seeni.”
3Aron ma sɛ ye o zege min-zwonnu tem pa te pwooni nyeene te jeeri ko yiga kam seeni, ne Baŋa Wɛ na pɛ Moses ni se o ke tei to. 4Ba déem ya kwei sabu-seŋa mo ba mage ba gɔgere min-zwon-zego kom maama, se ko zege ko kuri dem ne ko yi pun-kogela yam na wo ko baŋa seeni to. Ko maa ye Baŋa Wɛ déem na pɛ Moses ni se ba ke-ko tei to mo chekke.
Ba na pɔɔre Levi tiina bam ba totoŋa ŋwaane tei to
5 Baŋa Wɛ ta ma ta de Moses o we:
6“Nmo jege se n pɔɔre Levi tiina bam mo se ba taa ye ba yera de Isarele tiina bam maama, se n daare n kwɛ-ba de chullu tem. 7Nmo nam na wó kwɛ-ba tei to ye se n misi na mo ba yera ne wɛleera saarem ŋwaane. Ta pa se ba fane ba yera yam jei maama koro ba yage, se ba daare ba zare ba gwaaro. Keim dem konto wó kwɛ-ba. 8Ba laam maa wó ja na-bala, dedaane wodiu pɛɛre delo na maŋe to ba ba. Wodiu pɛɛre dem maa ye mun-bwei na viiri de nuga to mo. Nmo de maa wó ja na-bala kadwoŋi n ba se n ma‑n ke wɛleera saarem kaanem. 9Pa se Levi tiina bam ba ba zege wara-jei sem ni ne, se Isarele tiina kɔgɔ kom maama de ba ba jeeri da. 10Nmo ta wó pa se Levi tiina bam ba amo Baŋa Wɛ yiga ne, se Isarele tiina bam de kwei ba je ba daŋe ba baŋa ne. 11Aron maa wó kwei Levi tiina bam o ke amo jeŋa ne, ne o zeiŋi-ba amo yiga ne mo tei to. Ba ye Isarele tiina bam maama pɛɛre mo ba na kwei se ba taa toŋe ba pa-ne. 12Levi tiina bam laam wó daŋe ba je nabɛ selei sem yuni ne.#Chullu 1:4 Nabea dedoa ye se ba kwei-ka ba ke wɛleera saarem kaanem, se ba kwei kadwoŋi kam ba ke zwɛɛm pɛɛre kaanem delo na wó le Levi tiina bam wɛleera amo yiga ne to. 13Ta daare n pa se Levi tiina bam zege Aron de o bia bam yiga ne, ye n ke se ko taa nye de n zeiŋi-ba mo amo Baŋa Wɛ yiga ne.
14Nam ke konto se n ma‑n pɔɔre Levi tiina bam, se ba taa ye ba yera Isarele tiina bam maama wone. Levi tiina bam wó taa ye amo nyem. 15Nmo ná pɛ se ba kwɛ ba tete de chullu tem konto, ye n daare n kwei-ba n ke amo jeŋa ne, ba laam jege chwoŋa se ba taa toŋe wara-jei sem totoŋa. 16Banto mo wó leiri Isarele tiina bakeiri-kwe selo maama abam na wó lo to yuu ne. Amo mo kuri-ba se ba yɔɔre ba taa ye amo nyem. 17Kokuri to, Isarele tiina bam wone, de ba vara wone wo-kwe selo na ye baara to maama ye amo nyem mo. Amo déem na go Ejipti tiina bakeiri-kwe sem to, mo a kuri se Isarele tiina bakeiri-kwe sem taa ye a nyem.#Nwoŋim 12:29; 13:2 18A laam nam kwei Levi tiina bam mo se ba leiri Isarele tiina bakeiri-kwe sem yuu ne. 19A ma yɔɔre a kuri-ba Isarele tiina bam maama wone a pa Aron de o bia bam, se ba taa toŋe wara-jei sem totoŋa. Ba jege se ba fɔge ba kwɛ Isarele tiina bam tusim mo amo yiga ne, se ba yé na chɔgem de ba na tiini ba fɔɔre ba yi amo wara-vwei dem seeni to ŋwaane.”
20Moses, de Aron, de Isarele tiina kɔ-fɔrɔ kom maama ma nii ko baŋa ne pa se Levi tiina bam ke kolo maama Baŋa Wɛ na pɛ ni se ba ke to. 21Levi tiina bam ma kwɛ ba tete de chullu tem, ye ba daare ba zare ba gwaaro. Aron de ma ke se ko bere we o zeiŋi-ba o ke Baŋa Wɛ jeŋa ne. O ta ma ke chullu telo na le ba wɛleera Wɛ yiga ne to, pa se ba fɔge ba kwɛ ba tete Wɛ ŋwaane. 22Ko kwaga ne, Levi tiina bam déem ma bobo ba totoŋa wara-jei sem ne, ye Aron de o bia bam nii ba baŋa ne. Konto to, Isarele tiina bam déem pɛ se Levi tiina bam ke kolo maama Baŋa Wɛ na pɛ Moses ni se ba ke to.
23 Baŋa Wɛ ta ma ta de Moses o we, 24“Ko ná ye Levi tiina bam, ba baara balo na yi bena finlei-yanu ba daŋe to mo jege se ba ba ba toŋe wara-jei sem totoŋa. 25Ba nam ná tu ba yi bena finnu, se ba yage wara-jei totoŋa yam, ba daare ba jeini ba sii. 26Ba nam jege chwoŋa se ba woli ba dwonna Levi tiina se ba toŋe ba totoŋa wara-jei sem ne, se banto daa bá taa jege ba tete totoŋe. Nmo wó tɔge chwoŋa kam konto mo n pa se Levi tiina bam taa toŋe ba totoŋa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)