Jeelim 5
5
Wɛ chullu tem digiru taane
1 Baŋa Wɛ déem tage de Moses o we, 2“Wolo maama ná jege jawe-chɛɔ na wae ko lɔgese nɔɔna to o yera ne, naa wolo yera na mo ná nwoŋi, naa wolo ná dwei too pa se o wo maŋe de chullu tem, se n pa Isarele tiina bam ni se ba le konto tu á na zoore jei selo ne to. 3Ko ná ye kaane naa baaro mo de, se á pa wolo maama na jege digiru Wɛ chullu tem seeni to nwoŋi o vo dáa, se kotu yé chɔge jei selo á na zoore ye amo wo á tetare ne to.” 4Isarele tiina bam ma sɛ Baŋa Wɛ ni dem konto ye ba pa ba maama nwoŋi ba vo dáa.
Tusim jene taane
5 Baŋa Wɛ daa ma ta de Moses o we:
6“Ta n bere Isarele tiina bam we: Baaro naa kaane wolo maama ná ywori Baŋa Wɛ kwaga ne ye o ke o chɔge o dwoŋi yiga, konto tu tusim dem wo o yuu ne mo. 7Wolo na tusi to mo jege se o chuli o tusim dem jaja, se o daare o ŋwe o na jaane kolo o chɔge to maama ni o jwoori o pa nɔɔno wom. O ta wó jeeli sabu kom popɔra dedoa senu maama wone o woli da o pa‑o. 8Nɔɔno wom nam ná tega ye o wo daare o yera nɔɔno se kotu jwoŋi tusim jene dem sabu kom konto, se á pa ko taa ye Baŋa Wɛ nyem. Wolo na tusi to wó ŋwe-ko o pa kaanem tu wom mo. O ta wó ja pi-bea o woli da o vo, se kaanem tu wom kwei-ka o ke kaanem se o le konto tu tusim dem Wɛ yiga ne o yage. 9Pɛɛra yalo maama Isarele tiina bam na yeini ba jaane ba tui wara-jei sem ne se ba ma zuli Baŋa Wɛ to wó taa ye kaanem tu wolo na jwoŋi-ya to nyem mo. 10Nɔɔno maama wae o kuri pɛɛra yalo o na wó pa Wɛ to. Kaanem tu maama nam wó taa tei pɛɛra yalo ba na kwei ba pa‑o to mo.”
Baara de kaana tetare laŋa taane
11 Baŋa Wɛ ta ma ta de Moses o we:
12-13“Nam ta de Isarele tiina bam we: Nɔɔno ná jege kaane, o kaane wom konto wae o chɔge o tete de baaro wodwoŋi. Keim dem konto ná seigi kan-baro wom yiga ne, ye nɔɔn-nɔɔno ná tera o na nɛ-de, 14baaro wom jege kazwe o zwe o kaane wom ŋwea de baara seeni, nenɛɛne o ná ywori o baro kwaga ne, naa o ná wo toŋe vwa de o baro wom. 15Ko ná ke konto dwoŋi, baaro wom wó ja o kaane wom mo o vo o yi kaanem tu wom tei. O ta wó kwei chaara#5:15 chaara = barley muni bwɛ selei#5:15 bwɛ selei = 1 kilo o kazwe sem ŋwaane, se pɛɛre dem konto pa chega kam nwoŋi pwooni ne. O nam yé lwo nuga muni dem wone o viiri, naa o daŋe talwoŋ-ywoŋa de baŋa ne. Kokuri to, muni dem ye pɛɛre delo baaro wom na jaane o ba o boboŋa daanem ŋwaane to mo, se ko pa o kaane wom tusim ba de lɔre jaja.
16Kaanem tu wom maa wó pa se kaane wom ba o zege Baŋa Wɛ yiga ne. 17O ta maa wó mɔ na balo na ye wose to o lwo o ke kasantana wone. O ta wó pɛ wara-jei sem tega kasolo ye o daare o yuŋi o viiri na bam wone. 18Kaanem tu wom wó pa se kaane wom zege da, ye o daare o bwoli kaane wom yu-kwala. O maa wó ke muni pɛɛre dem konto kaane wom jeŋa ne. Kaanem tu wom tete maa wó taa zei na-chɛɛra bam na lage ba ja waarem ba ba to o jeŋa ne. 19O laam maa wó pa se kaane wom pwooli o ni ye o ta we, ‘Nmo ná wo chɔge n tete de baaro wodwoŋi, Wɛ wó pa se sensɔle-balɔrɔ kolo na tɔge de na banto to yé ke‑m kolokolo. 20Ko daare, nmo na zoore de n baro to, n ná seene n nwoŋi o kwaga ne mo n vo n chɔge n tete de baaro wodwoŋi, 21-22Baŋa Wɛ wó pa se sensɔle-balɔrɔ taa tɔge‑m n dwi tiina bam wone, se n dwi tiina de sɔɔle lwarem ba yage n yera ne. Wɛ wó pa se, na banto ná zo n wo, se n yiga kam vɔ daane, se n puga kam de foose.’
Kaanem tu wom ná pɛ se kaane wom du duuri sensɔla kam ŋwaane, kaane wom de maa wó leiri we, ‘Ameena. Amo sɛ se ko ke konto.’
23Kaanem tu wom laam wó popone sensɔle-balɔrɔ kom konto o ke tɔnɔ wone. O maa wó seeri poponem dem o yage na-chɛɛra bam wone, 24se o laam kwei te maama o pa kaane wom se o nyɔ. Ko ma bere we sensɔle-balɔrɔ kolo na tɔge de na banto to zo o wone, se ko wane ko ke‑o zonne. 25Kaanem tu wom ta wó jwoŋi muni pɛɛre delo na wora kazwe ŋwaane to kaane wom jeŋa ne, se o zeiŋi-de wɛɛne o pa Baŋa Wɛ. O laam maa wó kwei-de o ja vo o twɛ kaanem dakaa kam. 26O wó zwɛ muni pɛɛre dem wone o ke o ja-bɔŋɔ ne. O laam maa wó zwɛ pɛɛre dem popɔra kanto dakaa kam baŋa ne se ko taa ye gulim pɛɛre ko pa Wɛ. Ko kwaga ne, o wó pa se kaane wom nyɔ na-chɛɛra bam. 27Kaane wom ná seene o chɔge o de o baro wom laŋa ne, ye na bam ná zo o wo, ba wó tiini ba ke‑o zonne mo, pa se ko taa jege‑o ko ni. O yiga kam wó vɔ daane, se o puga kam de foose. Kaane wom wó taa ye vɛɛsa mo o dwi tiina bam tei ne. 28O nam ná wo ke o chɔge ye o ba jege digiru Wɛ chullu tem seeni, kolokolo bá ke‑o. Chwoŋa ta wó taa wora se o lo bia.
29Á jege se á tɔge chwoŋa kam konto, nenɛɛne baaro ná jege o kaane ye o boboŋa ná daane‑o o kaane wom ŋwaane. Kaane wom ná seene o tusi mo, 30naa o baro wom boboŋa ná jege‑o ya daana konto dwoŋi, ye o yeiri chega kam o tia, á wó ke konto mo. Kaanem tu wom wó pa se kaane wom ba o zege Baŋa Wɛ yiga ne se o daare o ke chullu tem konto maama o yera ne. 31Ko ná tu we, kan-baro wom mo ba jege chega, se o kaane wom wo tole, ba ba jege se ba waare baaro wom ko ŋwaane. Kaane wom nam ná seene o tole mo, ba jege se ba waare‑o mo o tusim dem ŋwaane.”
Currently Selected:
Jeelim 5: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 5
5
Wɛ chullu tem digiru taane
1 Baŋa Wɛ déem tage de Moses o we, 2“Wolo maama ná jege jawe-chɛɔ na wae ko lɔgese nɔɔna to o yera ne, naa wolo yera na mo ná nwoŋi, naa wolo ná dwei too pa se o wo maŋe de chullu tem, se n pa Isarele tiina bam ni se ba le konto tu á na zoore jei selo ne to. 3Ko ná ye kaane naa baaro mo de, se á pa wolo maama na jege digiru Wɛ chullu tem seeni to nwoŋi o vo dáa, se kotu yé chɔge jei selo á na zoore ye amo wo á tetare ne to.” 4Isarele tiina bam ma sɛ Baŋa Wɛ ni dem konto ye ba pa ba maama nwoŋi ba vo dáa.
Tusim jene taane
5 Baŋa Wɛ daa ma ta de Moses o we:
6“Ta n bere Isarele tiina bam we: Baaro naa kaane wolo maama ná ywori Baŋa Wɛ kwaga ne ye o ke o chɔge o dwoŋi yiga, konto tu tusim dem wo o yuu ne mo. 7Wolo na tusi to mo jege se o chuli o tusim dem jaja, se o daare o ŋwe o na jaane kolo o chɔge to maama ni o jwoori o pa nɔɔno wom. O ta wó jeeli sabu kom popɔra dedoa senu maama wone o woli da o pa‑o. 8Nɔɔno wom nam ná tega ye o wo daare o yera nɔɔno se kotu jwoŋi tusim jene dem sabu kom konto, se á pa ko taa ye Baŋa Wɛ nyem. Wolo na tusi to wó ŋwe-ko o pa kaanem tu wom mo. O ta wó ja pi-bea o woli da o vo, se kaanem tu wom kwei-ka o ke kaanem se o le konto tu tusim dem Wɛ yiga ne o yage. 9Pɛɛra yalo maama Isarele tiina bam na yeini ba jaane ba tui wara-jei sem ne se ba ma zuli Baŋa Wɛ to wó taa ye kaanem tu wolo na jwoŋi-ya to nyem mo. 10Nɔɔno maama wae o kuri pɛɛra yalo o na wó pa Wɛ to. Kaanem tu maama nam wó taa tei pɛɛra yalo ba na kwei ba pa‑o to mo.”
Baara de kaana tetare laŋa taane
11 Baŋa Wɛ ta ma ta de Moses o we:
12-13“Nam ta de Isarele tiina bam we: Nɔɔno ná jege kaane, o kaane wom konto wae o chɔge o tete de baaro wodwoŋi. Keim dem konto ná seigi kan-baro wom yiga ne, ye nɔɔn-nɔɔno ná tera o na nɛ-de, 14baaro wom jege kazwe o zwe o kaane wom ŋwea de baara seeni, nenɛɛne o ná ywori o baro kwaga ne, naa o ná wo toŋe vwa de o baro wom. 15Ko ná ke konto dwoŋi, baaro wom wó ja o kaane wom mo o vo o yi kaanem tu wom tei. O ta wó kwei chaara#5:15 chaara = barley muni bwɛ selei#5:15 bwɛ selei = 1 kilo o kazwe sem ŋwaane, se pɛɛre dem konto pa chega kam nwoŋi pwooni ne. O nam yé lwo nuga muni dem wone o viiri, naa o daŋe talwoŋ-ywoŋa de baŋa ne. Kokuri to, muni dem ye pɛɛre delo baaro wom na jaane o ba o boboŋa daanem ŋwaane to mo, se ko pa o kaane wom tusim ba de lɔre jaja.
16Kaanem tu wom maa wó pa se kaane wom ba o zege Baŋa Wɛ yiga ne. 17O ta maa wó mɔ na balo na ye wose to o lwo o ke kasantana wone. O ta wó pɛ wara-jei sem tega kasolo ye o daare o yuŋi o viiri na bam wone. 18Kaanem tu wom wó pa se kaane wom zege da, ye o daare o bwoli kaane wom yu-kwala. O maa wó ke muni pɛɛre dem konto kaane wom jeŋa ne. Kaanem tu wom tete maa wó taa zei na-chɛɛra bam na lage ba ja waarem ba ba to o jeŋa ne. 19O laam maa wó pa se kaane wom pwooli o ni ye o ta we, ‘Nmo ná wo chɔge n tete de baaro wodwoŋi, Wɛ wó pa se sensɔle-balɔrɔ kolo na tɔge de na banto to yé ke‑m kolokolo. 20Ko daare, nmo na zoore de n baro to, n ná seene n nwoŋi o kwaga ne mo n vo n chɔge n tete de baaro wodwoŋi, 21-22Baŋa Wɛ wó pa se sensɔle-balɔrɔ taa tɔge‑m n dwi tiina bam wone, se n dwi tiina de sɔɔle lwarem ba yage n yera ne. Wɛ wó pa se, na banto ná zo n wo, se n yiga kam vɔ daane, se n puga kam de foose.’
Kaanem tu wom ná pɛ se kaane wom du duuri sensɔla kam ŋwaane, kaane wom de maa wó leiri we, ‘Ameena. Amo sɛ se ko ke konto.’
23Kaanem tu wom laam wó popone sensɔle-balɔrɔ kom konto o ke tɔnɔ wone. O maa wó seeri poponem dem o yage na-chɛɛra bam wone, 24se o laam kwei te maama o pa kaane wom se o nyɔ. Ko ma bere we sensɔle-balɔrɔ kolo na tɔge de na banto to zo o wone, se ko wane ko ke‑o zonne. 25Kaanem tu wom ta wó jwoŋi muni pɛɛre delo na wora kazwe ŋwaane to kaane wom jeŋa ne, se o zeiŋi-de wɛɛne o pa Baŋa Wɛ. O laam maa wó kwei-de o ja vo o twɛ kaanem dakaa kam. 26O wó zwɛ muni pɛɛre dem wone o ke o ja-bɔŋɔ ne. O laam maa wó zwɛ pɛɛre dem popɔra kanto dakaa kam baŋa ne se ko taa ye gulim pɛɛre ko pa Wɛ. Ko kwaga ne, o wó pa se kaane wom nyɔ na-chɛɛra bam. 27Kaane wom ná seene o chɔge o de o baro wom laŋa ne, ye na bam ná zo o wo, ba wó tiini ba ke‑o zonne mo, pa se ko taa jege‑o ko ni. O yiga kam wó vɔ daane, se o puga kam de foose. Kaane wom wó taa ye vɛɛsa mo o dwi tiina bam tei ne. 28O nam ná wo ke o chɔge ye o ba jege digiru Wɛ chullu tem seeni, kolokolo bá ke‑o. Chwoŋa ta wó taa wora se o lo bia.
29Á jege se á tɔge chwoŋa kam konto, nenɛɛne baaro ná jege o kaane ye o boboŋa ná daane‑o o kaane wom ŋwaane. Kaane wom ná seene o tusi mo, 30naa o baro wom boboŋa ná jege‑o ya daana konto dwoŋi, ye o yeiri chega kam o tia, á wó ke konto mo. Kaanem tu wom wó pa se kaane wom ba o zege Baŋa Wɛ yiga ne se o daare o ke chullu tem konto maama o yera ne. 31Ko ná tu we, kan-baro wom mo ba jege chega, se o kaane wom wo tole, ba ba jege se ba waare baaro wom ko ŋwaane. Kaane wom nam ná seene o tole mo, ba jege se ba waare‑o mo o tusim dem ŋwaane.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)