Jeelim 28
28
Isarele tiina bam kaanem chullu tem
Dɛ dɛ wone pɛɛra
Nwoŋim 29:38-43; Chullu 6:8-13
1 Baŋa Wɛ déem ma ta de Moses o we:
2“Kwei amo ni dem n pa Isarele tiina bam we: Ko ná yeini ko yi ka maŋa se á zuli-ne, se á ja wodiu pɛɛra yalo lwom dem na ywomma amo tei ne to á ja á ba á pa-ne.
3Ta ta de-ba we: Dɛ maama, á ná lage á kwei á wodiu pɛɛra á pa Baŋa Wɛ, se á ja pi-bale selei na ye bene bene ye se ba jege gɛɛ se yera ne to á ba á ma‑á ke dɛ dɛ zwɛɛm kaanem. 4Á nam wó kwei pei sem dedoa mo á kaane zezeŋa ne, se dedaan-ni maŋa ne, se á daa kaane kadwoŋi kam. 5Á ta wó lage mun-bwei bwɛ selei#28:5 bwɛ selei = 1 kilo mo na viiri dedaane Olivi nuga kalo na ye chekke to bɔŋa dedoa se ko taa ye wodiu pɛɛre ye á woli-de kaanem dem wone. 6Pɛɛre dento dwoŋi mo ye dɛ dɛ wone zwɛɛm kaanem dem ye de lwom dem ywomma de pae Baŋa Wɛ. Sinayi peo kom ne mo Baŋa Wɛ déem pɛ ni se ba bobo ba ke zwɛɛm kaanem dem konto. 7Á jege se á ke wo-nyɔɔro pɛɛre mo á woli pia maama kaanem wone. Kwei-na sana bɔŋa dedoa á ja á vo á lwo-ka wara-vwei dem wone á pa Baŋa Wɛ. 8Dedaan-ni maŋa ne, se á kaane pi-bala kadwoŋi kam. Á ta wó ke ka wodiu pɛɛre dem de ka wo-nyɔɔro pɛɛre dem á woli da se ko maŋe de á na ke tei zezeŋa ne to mo. Á ná yeini á ke zwɛɛm kaanem konto dwoŋi, de lwom dem ywomma de pae Baŋa Wɛ mo.
Wɛ siu dɛ pɛɛra
9Ko ná yeini ko ye Wɛ siu dɛ, á pɛɛra yam wó taa ye pi-bale selei na ye bene bene ye se ba jege gɛɛ se yera ne to, dedaane wo-nyɔɔro pɛɛre, de wodiu pɛɛre delo na ye mun-bwei bwɛ selei na viiri de nuga to. 10Siu dɛ maama ne mo á jege se á ke zwɛɛm kaanem konto dwoŋi á woli á dɛ dɛ zwɛɛm kaanem dem de de wo-nyɔɔro pɛɛre dem wone.
Chana maama pɛɛra yam
11Chana maama boboa dɛ ne se á yeini á ja na-bale selei, de pi-bea, de pi-bale serepɛ na ye bene bene to á ja á ba á ma‑á ke zwɛɛm kaanem á pa Baŋa Wɛ. Vara bam maama nam ba jege se ba taa jege gɛɛ ba yera ne. 12Na-bala maama kaanem ŋwaane se á kwei wodiu pɛɛre na ye mun-bwei bwɛ seredo na viiri dedaane nuga to á woli da. Ta kwei-na mun-bwei bwɛ sena na viiri de nuga to á ma‑á ke wodiu pɛɛre á woli pi-bea kam kaanem wone. 13Ko nam ná ye pi-bala maama kaanem mo, se á kwei wodiu pɛɛre na ye mun-bwei bwɛ selei na viiri de nuga to á woli da. Pɛɛra yanto maa ye zwɛɛm kaanem á na ke á pa Baŋa Wɛ ye de lwom dem ywomma de pa‑o to. 14Á ta wó kwei sana bwɛ selei mo á ma‑á ke wo-nyɔɔro pɛɛre á woli na-bala maama kaanem wone. Ko ta ná ye pi-bea kam kaanem, wo-nyɔɔro pɛɛre dem wó taa ye sana bɔŋa dedoa de chichworo. Wo-nyɔɔro pɛɛre delo á na wó woli pi-bala maama kaanem wone to wó taa ye sana bɔŋa dedoa. 15Chana maama boboa dɛ ne á ta jege se á beeri bo-bala mo á ma‑á ke wɛleera saarem kaanem á pa Baŋa Wɛ á woli dɛ dɛ zwɛɛm kaanem dem dedaane de wo-nyɔɔro pɛɛre dem wone.
Atɔgebabaŋa kuri dem pɛɛra
Chullu 23:4-8
16Bene maama wone boboa chana kam da fuga-yana dɛ dem ne mo á wó ke kaanem á pa Baŋa Wɛ Atɔgebabaŋa ŋwaane. 17Dɛ dem na saŋe to wone á wó bobo se á di kuri da yarepɛ. Ya da yam wone á wó ta‑á di bworobworo-memene selo sabɔle na tere ko wone to mo. 18Kuri dem dim boboa dɛ dem ne, se á yage á dɛ dɛ totoŋa yalo á na yeini á toŋa to, se á daare á jeeri daane á zuli Wɛ. 19Á jege se á ke zwɛɛm kaanem mo se de taa ye wodiu pɛɛre de pa Baŋa Wɛ. Á wó ja na-bale selei, de pi-bea dedoa, de pi-bale serepɛ na ye bene bene to á ma‑á ke zwɛɛm kaanem dem. Vara bam maama nam ba jege se ba taa jege gɛɛ ba yera ne. 20Na-bala kalo maama á na wó ma á ke kaanem to, se á kwei wodiu pɛɛre na ye mun-bwei bwɛ seredo ye á viiri dedaane nuga to á woli da. Ko ná ye pi-bea kam kaanem, wodiu pɛɛre dem wó taa ye mun-bwei bwɛ sena mo. 21Wodiu pɛɛre dem wó taa ye mun-bwei bwɛ selei pi-bala maama kaanem ŋwaane. 22Á ta wó kwei bo-bala dedoa mo á woli da se á ma‑á ke wɛleera saarem kaanem se á le nɔɔna bam wɛleera Wɛ yiga ne. 23Á jege se á kwei pɛɛra yam konto maama mo á ke kaanem á woli zezeŋa maama zwɛɛm kaanem dem wone. 24Kuri dem dim da yarepɛ yam maama wone mo á jege se á ke wodiu pɛɛra yam konto dwoŋi á zwɛ á pa Baŋa Wɛ se ya lwom dem taa ywomma de pa‑o. Á wó woli-ya dɛ dɛ zwɛɛm kaanem dem dedaane de wo-nyɔɔro pɛɛre dem wone mo. 25Kuri dem tiim dɛ dem ne, se á daa yage á dɛ dɛ totoŋa yalo á na yeini á toŋa to, se á daare á jeeri daane á zuli Wɛ.
Ga-kwea kuri dem pɛɛra
Nwoŋim 23:16; Chullu 23:15-21; Nia Gulim 16:9-12
26Ga-kwea kuri dem ná yeini de yi, ye á ná lage á ja á da-yiga wodiiru pɛɛra á ba á pa Baŋa Wɛ, dento dɛ dem ne á jege se á yage á dɛ dɛ totoŋa yalo á na yeini á toŋa to mo, se á jeeri daane á zuli Wɛ. 27Á nam wó kwei na-bale selei mo, de pi-bea dedoa, de pi-bale serepɛ na ye bene bene to á ma‑á ke zwɛɛm kaanem se de lwom dem taa ywomma de pae Baŋa Wɛ. Vara bam maama nam ba jege se ba taa jege gɛɛ ba yera ne. 28Na-bala maama kaanem ŋwaane se á kwei wodiu pɛɛre na ye mun-bwei bwɛ seredo na viiri dedaane nuga to á woli da. Ko ná ye pi-bea kam kaanem, wodiu pɛɛre dem wó taa ye mun-bwei bwɛ sena mo. 29Wodiu pɛɛre dem wó taa ye mun-bwei bwɛ selei pi-bala maama kaanem ŋwaane. 30Á ta wó kwei bo-bala dedoa mo á woli da se á ma‑á le á wɛleera Wɛ yiga ne. 31Pɛɛra yam konto maama dedaane ya wo-nyɔɔro pɛɛra yam á jege se á ma‑á ke kaanem á woli dɛ dɛ zwɛɛm kaanem dem dedaane de wodiu pɛɛre dem wone mo. Ta‑á yei-na se vara bam yé taa jege gɛɛ ba yera ne.
Currently Selected:
Jeelim 28: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 28
28
Isarele tiina bam kaanem chullu tem
Dɛ dɛ wone pɛɛra
Nwoŋim 29:38-43; Chullu 6:8-13
1 Baŋa Wɛ déem ma ta de Moses o we:
2“Kwei amo ni dem n pa Isarele tiina bam we: Ko ná yeini ko yi ka maŋa se á zuli-ne, se á ja wodiu pɛɛra yalo lwom dem na ywomma amo tei ne to á ja á ba á pa-ne.
3Ta ta de-ba we: Dɛ maama, á ná lage á kwei á wodiu pɛɛra á pa Baŋa Wɛ, se á ja pi-bale selei na ye bene bene ye se ba jege gɛɛ se yera ne to á ba á ma‑á ke dɛ dɛ zwɛɛm kaanem. 4Á nam wó kwei pei sem dedoa mo á kaane zezeŋa ne, se dedaan-ni maŋa ne, se á daa kaane kadwoŋi kam. 5Á ta wó lage mun-bwei bwɛ selei#28:5 bwɛ selei = 1 kilo mo na viiri dedaane Olivi nuga kalo na ye chekke to bɔŋa dedoa se ko taa ye wodiu pɛɛre ye á woli-de kaanem dem wone. 6Pɛɛre dento dwoŋi mo ye dɛ dɛ wone zwɛɛm kaanem dem ye de lwom dem ywomma de pae Baŋa Wɛ. Sinayi peo kom ne mo Baŋa Wɛ déem pɛ ni se ba bobo ba ke zwɛɛm kaanem dem konto. 7Á jege se á ke wo-nyɔɔro pɛɛre mo á woli pia maama kaanem wone. Kwei-na sana bɔŋa dedoa á ja á vo á lwo-ka wara-vwei dem wone á pa Baŋa Wɛ. 8Dedaan-ni maŋa ne, se á kaane pi-bala kadwoŋi kam. Á ta wó ke ka wodiu pɛɛre dem de ka wo-nyɔɔro pɛɛre dem á woli da se ko maŋe de á na ke tei zezeŋa ne to mo. Á ná yeini á ke zwɛɛm kaanem konto dwoŋi, de lwom dem ywomma de pae Baŋa Wɛ mo.
Wɛ siu dɛ pɛɛra
9Ko ná yeini ko ye Wɛ siu dɛ, á pɛɛra yam wó taa ye pi-bale selei na ye bene bene ye se ba jege gɛɛ se yera ne to, dedaane wo-nyɔɔro pɛɛre, de wodiu pɛɛre delo na ye mun-bwei bwɛ selei na viiri de nuga to. 10Siu dɛ maama ne mo á jege se á ke zwɛɛm kaanem konto dwoŋi á woli á dɛ dɛ zwɛɛm kaanem dem de de wo-nyɔɔro pɛɛre dem wone.
Chana maama pɛɛra yam
11Chana maama boboa dɛ ne se á yeini á ja na-bale selei, de pi-bea, de pi-bale serepɛ na ye bene bene to á ja á ba á ma‑á ke zwɛɛm kaanem á pa Baŋa Wɛ. Vara bam maama nam ba jege se ba taa jege gɛɛ ba yera ne. 12Na-bala maama kaanem ŋwaane se á kwei wodiu pɛɛre na ye mun-bwei bwɛ seredo na viiri dedaane nuga to á woli da. Ta kwei-na mun-bwei bwɛ sena na viiri de nuga to á ma‑á ke wodiu pɛɛre á woli pi-bea kam kaanem wone. 13Ko nam ná ye pi-bala maama kaanem mo, se á kwei wodiu pɛɛre na ye mun-bwei bwɛ selei na viiri de nuga to á woli da. Pɛɛra yanto maa ye zwɛɛm kaanem á na ke á pa Baŋa Wɛ ye de lwom dem ywomma de pa‑o to. 14Á ta wó kwei sana bwɛ selei mo á ma‑á ke wo-nyɔɔro pɛɛre á woli na-bala maama kaanem wone. Ko ta ná ye pi-bea kam kaanem, wo-nyɔɔro pɛɛre dem wó taa ye sana bɔŋa dedoa de chichworo. Wo-nyɔɔro pɛɛre delo á na wó woli pi-bala maama kaanem wone to wó taa ye sana bɔŋa dedoa. 15Chana maama boboa dɛ ne á ta jege se á beeri bo-bala mo á ma‑á ke wɛleera saarem kaanem á pa Baŋa Wɛ á woli dɛ dɛ zwɛɛm kaanem dem dedaane de wo-nyɔɔro pɛɛre dem wone.
Atɔgebabaŋa kuri dem pɛɛra
Chullu 23:4-8
16Bene maama wone boboa chana kam da fuga-yana dɛ dem ne mo á wó ke kaanem á pa Baŋa Wɛ Atɔgebabaŋa ŋwaane. 17Dɛ dem na saŋe to wone á wó bobo se á di kuri da yarepɛ. Ya da yam wone á wó ta‑á di bworobworo-memene selo sabɔle na tere ko wone to mo. 18Kuri dem dim boboa dɛ dem ne, se á yage á dɛ dɛ totoŋa yalo á na yeini á toŋa to, se á daare á jeeri daane á zuli Wɛ. 19Á jege se á ke zwɛɛm kaanem mo se de taa ye wodiu pɛɛre de pa Baŋa Wɛ. Á wó ja na-bale selei, de pi-bea dedoa, de pi-bale serepɛ na ye bene bene to á ma‑á ke zwɛɛm kaanem dem. Vara bam maama nam ba jege se ba taa jege gɛɛ ba yera ne. 20Na-bala kalo maama á na wó ma á ke kaanem to, se á kwei wodiu pɛɛre na ye mun-bwei bwɛ seredo ye á viiri dedaane nuga to á woli da. Ko ná ye pi-bea kam kaanem, wodiu pɛɛre dem wó taa ye mun-bwei bwɛ sena mo. 21Wodiu pɛɛre dem wó taa ye mun-bwei bwɛ selei pi-bala maama kaanem ŋwaane. 22Á ta wó kwei bo-bala dedoa mo á woli da se á ma‑á ke wɛleera saarem kaanem se á le nɔɔna bam wɛleera Wɛ yiga ne. 23Á jege se á kwei pɛɛra yam konto maama mo á ke kaanem á woli zezeŋa maama zwɛɛm kaanem dem wone. 24Kuri dem dim da yarepɛ yam maama wone mo á jege se á ke wodiu pɛɛra yam konto dwoŋi á zwɛ á pa Baŋa Wɛ se ya lwom dem taa ywomma de pa‑o. Á wó woli-ya dɛ dɛ zwɛɛm kaanem dem dedaane de wo-nyɔɔro pɛɛre dem wone mo. 25Kuri dem tiim dɛ dem ne, se á daa yage á dɛ dɛ totoŋa yalo á na yeini á toŋa to, se á daare á jeeri daane á zuli Wɛ.
Ga-kwea kuri dem pɛɛra
Nwoŋim 23:16; Chullu 23:15-21; Nia Gulim 16:9-12
26Ga-kwea kuri dem ná yeini de yi, ye á ná lage á ja á da-yiga wodiiru pɛɛra á ba á pa Baŋa Wɛ, dento dɛ dem ne á jege se á yage á dɛ dɛ totoŋa yalo á na yeini á toŋa to mo, se á jeeri daane á zuli Wɛ. 27Á nam wó kwei na-bale selei mo, de pi-bea dedoa, de pi-bale serepɛ na ye bene bene to á ma‑á ke zwɛɛm kaanem se de lwom dem taa ywomma de pae Baŋa Wɛ. Vara bam maama nam ba jege se ba taa jege gɛɛ ba yera ne. 28Na-bala maama kaanem ŋwaane se á kwei wodiu pɛɛre na ye mun-bwei bwɛ seredo na viiri dedaane nuga to á woli da. Ko ná ye pi-bea kam kaanem, wodiu pɛɛre dem wó taa ye mun-bwei bwɛ sena mo. 29Wodiu pɛɛre dem wó taa ye mun-bwei bwɛ selei pi-bala maama kaanem ŋwaane. 30Á ta wó kwei bo-bala dedoa mo á woli da se á ma‑á le á wɛleera Wɛ yiga ne. 31Pɛɛra yam konto maama dedaane ya wo-nyɔɔro pɛɛra yam á jege se á ma‑á ke kaanem á woli dɛ dɛ zwɛɛm kaanem dem dedaane de wodiu pɛɛre dem wone mo. Ta‑á yei-na se vara bam yé taa jege gɛɛ ba yera ne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)