Jeelim 23
23
Balaam boboa taane dem
1Balaam ma ta de Balaki o we, “Pa se ba ke kaanem bimbina yarepɛ jei sem konto ne, se n daare n ja na-bale serepɛ dedaane pi-bɛ serepɛ n ba n pa-ne.” 2Balaki ma seene o ke konto. Ba balei ma kwei na-bala de pi-bea ba ma ke kaanem bimbini maama baŋa ne.
3Balaam laam ma ta de Balaki o we, “Ta‑n zege n zwɛɛm pɛɛra yam teiŋa ne konto. Amo wó fɔɔre a vo dáa se a nii Baŋa Wɛ wó jeeri-ne na? O ná veere kolo maama de amo, amo de wó ba a ta a bere‑m.” O laam ma vo o di peo yuu mɛ teeni na tera to.
4Wɛ ma ba o tei. Balaam ma ta o we, “Amo ke bimbina yarepɛ mo, ye a kaane na-bala de pi-bea bimbini maama baŋa ne.” 5Baŋa Wɛ ma kwei o kwora o pa Balaam ye o ta ded‑o we, “Nam jwoori Balaki tei, se n ta amo kwora kam n bere‑o.”
6Balaam ma jwoori Balaki tei, dedaane o ta zege o zwɛɛm pɛɛra yam teiŋa ne mo. Moaba dedɛɛra bam de maa wo o tei ne. 7Balaam ma bobo se o tole taane dem ye o we:
“Moaba teo pɛ Balaki mo jaane amo
o pa a nwoŋi Aram#23:7 Aram ye Siria teo yere dedwoŋi. peero tem na wo wɛ-puli seeni to ne
a ba ywo-seeni.
O maa boŋe se a sɔɔle lwarem
a daŋe Isarele tiina bam yuu ne
se ko chɔge-ba.
8Wɛ nam na wo sɔɔle lwarem o pa Isarele tiina bam to ŋwaane,
amo wó ke tɛ mo a sɔɔle lwarem a daŋe ba yuu ne?
Amo wó na chwoŋa yein-seeni mo se a bwɛ-ba,
ye Baŋa Wɛ wo bwɛ-ba?
9Amo na zege peero tem yuu ne to,
a yɔɔre a na-ba mo.
Isarele dwi tiina ye balo na pɔɔre ba tete
se ba yé tɔge ba taa wo dwi-gɛ tiina bam wone to mo.
10Isarele tiina bam kɔgɔ daga dedɛ
ne kasol-bia na ye tei to mo.
Nɔɔn-nɔɔno ware-ba se o ga o ti.
Amo ná lage a te,
Wɛ wó pa se a toone taa nye de nɔn-ŋona toone na ye tei to mo,
pa se a ŋwea kweeli de bochare-zuru.”
11Balaam na tole taane dem o ti to, mo Balaki tage ded‑o o we, “Bɛ mo konto n jege n ke a yera ne? A bwoŋi‑m se n ba n sɔɔle lwarem mo n yage a dona baŋa ne. Nmo daa‑n ma‑n zege n sɔɔle Wɛ swolim n pa-ba.” 12Balaam ma leiri‑o o we, “Baŋa Wɛ nam ná we a ta kolo, ko dae se a ta konto yerane mo na?”
Balaam taane belei tu
13Balaki daa ma ta‑o o we, “Ba se dé vo jeiga kadwoŋi. Nmo wó na Isarele tiina bam badwonna da, ye ko dae ba maama. Nmo laam ma‑n wó zege dáane n sɔɔle lwarem n yage ba baŋa ne.” 14O ma ja Balaam o vo o di Pisiga peo kom yuu o zege Zofim te-kampare jei sem ne. Balaam daa ma lɔ kaanem bimbina yarepɛ. O ta ma kwei na-bala de pi-bea o daŋe kaanem bimbini maama baŋa ne. 15Balaam ma ta de Balaki o we, “Ta‑n zege n zwɛɛm pɛɛra yam teiŋa ne konto. Amo wó fɔɔre a vo dáa se a jeeri de Baŋa Wɛ.”
16 Baŋa Wɛ daa maa jeeri‑o, ye o daare o kwei o kwora o pa Balaam ye o we, “Jwoori Balaki tei se n ta amo kwora kam n bere‑o.”
17Balaam ta na jwoori Balaki tei to, dedaane o ta zege o zwɛɛm pɛɛra yam teiŋa ne mo. Moaba dedɛɛra bam ta maa wo o tei ne. Balaki ma bwei Balaam o we, “Baŋa Wɛ wom tage o we bɛ mo?”
18Balaam ma bobo se o tole taane dem ye o we:
“Zipore bu Balaki, ba n cheigi a taane dem!
Fɔge n cheigi se n ni ko kuri chekke.
19Wɛ dae nabiinu,
se o taa kare o fɔe vwa,
naa se o taa jege ni-zɛ ni-zɛ.
O ná yeini o gwoni o ni,
o seene o ke o tɔge o na tage tei to mo.#1 Samuwel 15:29
20Wɛ pɛ-ne ni se a sɔɔle swolim mo
a daŋe nɔɔna banto yuu ne.
Wonto nam ná swɛ wolo swolim,
ko daa ware ko kwane.
21Amo nii a na Isarele tiina bam
na ye tei to.
Cham de wo-chechɔgɔ bá yi-ba.
Ba Tu Baŋa Wɛ wom mo wo ba tei ne.
Ba maa zeiŋi o yere we,
o ye ba Pɛ.
22 Baŋa Wɛ mo jaane-ba o nwoŋi Ejipti wone.
O na jaŋe tei o pa-ba to
nye de nabea kalo na ware ka ja to mo.
23Liri tera se na wó wane Isarele dwi tiina bam se chɔge.
Yi-nɛɛre de ba toŋa ba yera ne pa se ko bwei-ba.
Nɔɔna wó taa tɛ Jakob#23:23 Jakob de Isarele ye bedwe. bia bam taane ba we,
‘Nii-na Wɛ na ke kolo o pa-ba to.’
24Nii-na! Ba kɔgɔ kom nye de nywoŋo!
Ko lage ko zaŋe ko zi varem mo ko di.
Ko daa bá peini ko sii,
ye ko wo done nɔna yam maama ko su,
ko daare ko nyɔ vara bam jana ko ti.”
25Balaam na tole taane dem o ti to, mo Balaki bage‑o ye o we, “Yage! Nmo ná ware n sɔɔle lwarem n ke ba yera ne, nam yé sɔɔle lam n ke ba yuu ne!” 26Balaam ma leiri‑o o we, “Amo maŋe a pa se n maane we kolo Baŋa Wɛ na tage de amo to yerane mo a jege se a ta.”
Balaam taane betɔ tu
27Balaki daa ma ta de Balaam o we, “Pa se dé daa leiri jeiga, se dɛ delo Wɛ wó pa‑m chwoŋa dáane se n sɔɔle lwarem n daŋe Isarele tiina bam baŋa ne n pa-ne.” 28O ma ja Balaam o vo o di Peora peo kom yuu ne. Jeiga kam konto tole ka nii kagoa kam mo.
29Balaam ma ta de Balaki o we, “Nam lɔ kaanem bimbina yarepɛ ywo-seeni, se n daare n ja na-bale serepɛ de pi-bɛ serepɛ n ba n pa-ne.” 30Balaki ma ke konto, pa se Balaam kwei na-bala de pi-bea o kaane bimbini maama baŋa ne.
Currently Selected:
Jeelim 23: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 23
23
Balaam boboa taane dem
1Balaam ma ta de Balaki o we, “Pa se ba ke kaanem bimbina yarepɛ jei sem konto ne, se n daare n ja na-bale serepɛ dedaane pi-bɛ serepɛ n ba n pa-ne.” 2Balaki ma seene o ke konto. Ba balei ma kwei na-bala de pi-bea ba ma ke kaanem bimbini maama baŋa ne.
3Balaam laam ma ta de Balaki o we, “Ta‑n zege n zwɛɛm pɛɛra yam teiŋa ne konto. Amo wó fɔɔre a vo dáa se a nii Baŋa Wɛ wó jeeri-ne na? O ná veere kolo maama de amo, amo de wó ba a ta a bere‑m.” O laam ma vo o di peo yuu mɛ teeni na tera to.
4Wɛ ma ba o tei. Balaam ma ta o we, “Amo ke bimbina yarepɛ mo, ye a kaane na-bala de pi-bea bimbini maama baŋa ne.” 5Baŋa Wɛ ma kwei o kwora o pa Balaam ye o ta ded‑o we, “Nam jwoori Balaki tei, se n ta amo kwora kam n bere‑o.”
6Balaam ma jwoori Balaki tei, dedaane o ta zege o zwɛɛm pɛɛra yam teiŋa ne mo. Moaba dedɛɛra bam de maa wo o tei ne. 7Balaam ma bobo se o tole taane dem ye o we:
“Moaba teo pɛ Balaki mo jaane amo
o pa a nwoŋi Aram#23:7 Aram ye Siria teo yere dedwoŋi. peero tem na wo wɛ-puli seeni to ne
a ba ywo-seeni.
O maa boŋe se a sɔɔle lwarem
a daŋe Isarele tiina bam yuu ne
se ko chɔge-ba.
8Wɛ nam na wo sɔɔle lwarem o pa Isarele tiina bam to ŋwaane,
amo wó ke tɛ mo a sɔɔle lwarem a daŋe ba yuu ne?
Amo wó na chwoŋa yein-seeni mo se a bwɛ-ba,
ye Baŋa Wɛ wo bwɛ-ba?
9Amo na zege peero tem yuu ne to,
a yɔɔre a na-ba mo.
Isarele dwi tiina ye balo na pɔɔre ba tete
se ba yé tɔge ba taa wo dwi-gɛ tiina bam wone to mo.
10Isarele tiina bam kɔgɔ daga dedɛ
ne kasol-bia na ye tei to mo.
Nɔɔn-nɔɔno ware-ba se o ga o ti.
Amo ná lage a te,
Wɛ wó pa se a toone taa nye de nɔn-ŋona toone na ye tei to mo,
pa se a ŋwea kweeli de bochare-zuru.”
11Balaam na tole taane dem o ti to, mo Balaki tage ded‑o o we, “Bɛ mo konto n jege n ke a yera ne? A bwoŋi‑m se n ba n sɔɔle lwarem mo n yage a dona baŋa ne. Nmo daa‑n ma‑n zege n sɔɔle Wɛ swolim n pa-ba.” 12Balaam ma leiri‑o o we, “Baŋa Wɛ nam ná we a ta kolo, ko dae se a ta konto yerane mo na?”
Balaam taane belei tu
13Balaki daa ma ta‑o o we, “Ba se dé vo jeiga kadwoŋi. Nmo wó na Isarele tiina bam badwonna da, ye ko dae ba maama. Nmo laam ma‑n wó zege dáane n sɔɔle lwarem n yage ba baŋa ne.” 14O ma ja Balaam o vo o di Pisiga peo kom yuu o zege Zofim te-kampare jei sem ne. Balaam daa ma lɔ kaanem bimbina yarepɛ. O ta ma kwei na-bala de pi-bea o daŋe kaanem bimbini maama baŋa ne. 15Balaam ma ta de Balaki o we, “Ta‑n zege n zwɛɛm pɛɛra yam teiŋa ne konto. Amo wó fɔɔre a vo dáa se a jeeri de Baŋa Wɛ.”
16 Baŋa Wɛ daa maa jeeri‑o, ye o daare o kwei o kwora o pa Balaam ye o we, “Jwoori Balaki tei se n ta amo kwora kam n bere‑o.”
17Balaam ta na jwoori Balaki tei to, dedaane o ta zege o zwɛɛm pɛɛra yam teiŋa ne mo. Moaba dedɛɛra bam ta maa wo o tei ne. Balaki ma bwei Balaam o we, “Baŋa Wɛ wom tage o we bɛ mo?”
18Balaam ma bobo se o tole taane dem ye o we:
“Zipore bu Balaki, ba n cheigi a taane dem!
Fɔge n cheigi se n ni ko kuri chekke.
19Wɛ dae nabiinu,
se o taa kare o fɔe vwa,
naa se o taa jege ni-zɛ ni-zɛ.
O ná yeini o gwoni o ni,
o seene o ke o tɔge o na tage tei to mo.#1 Samuwel 15:29
20Wɛ pɛ-ne ni se a sɔɔle swolim mo
a daŋe nɔɔna banto yuu ne.
Wonto nam ná swɛ wolo swolim,
ko daa ware ko kwane.
21Amo nii a na Isarele tiina bam
na ye tei to.
Cham de wo-chechɔgɔ bá yi-ba.
Ba Tu Baŋa Wɛ wom mo wo ba tei ne.
Ba maa zeiŋi o yere we,
o ye ba Pɛ.
22 Baŋa Wɛ mo jaane-ba o nwoŋi Ejipti wone.
O na jaŋe tei o pa-ba to
nye de nabea kalo na ware ka ja to mo.
23Liri tera se na wó wane Isarele dwi tiina bam se chɔge.
Yi-nɛɛre de ba toŋa ba yera ne pa se ko bwei-ba.
Nɔɔna wó taa tɛ Jakob#23:23 Jakob de Isarele ye bedwe. bia bam taane ba we,
‘Nii-na Wɛ na ke kolo o pa-ba to.’
24Nii-na! Ba kɔgɔ kom nye de nywoŋo!
Ko lage ko zaŋe ko zi varem mo ko di.
Ko daa bá peini ko sii,
ye ko wo done nɔna yam maama ko su,
ko daare ko nyɔ vara bam jana ko ti.”
25Balaam na tole taane dem o ti to, mo Balaki bage‑o ye o we, “Yage! Nmo ná ware n sɔɔle lwarem n ke ba yera ne, nam yé sɔɔle lam n ke ba yuu ne!” 26Balaam ma leiri‑o o we, “Amo maŋe a pa se n maane we kolo Baŋa Wɛ na tage de amo to yerane mo a jege se a ta.”
Balaam taane betɔ tu
27Balaki daa ma ta de Balaam o we, “Pa se dé daa leiri jeiga, se dɛ delo Wɛ wó pa‑m chwoŋa dáane se n sɔɔle lwarem n daŋe Isarele tiina bam baŋa ne n pa-ne.” 28O ma ja Balaam o vo o di Peora peo kom yuu ne. Jeiga kam konto tole ka nii kagoa kam mo.
29Balaam ma ta de Balaki o we, “Nam lɔ kaanem bimbina yarepɛ ywo-seeni, se n daare n ja na-bale serepɛ de pi-bɛ serepɛ n ba n pa-ne.” 30Balaki ma ke konto, pa se Balaam kwei na-bala de pi-bea o kaane bimbini maama baŋa ne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)