Jeelim 19
19
Wɛleera saarem chullu tem
1 Baŋa Wɛ déem ma ta de Moses de Aron o we:
2“Amo Baŋa Wɛ tiŋi a ni dento mo se á ta‑á tɔge-de. Ta-na á bere Isarele tiina bam we: Ba jege se ba ja na-chwɛ-soŋo kolo na ba jege gɛɛ ko yera ne ye ba ta wo kwei-ko ba ma toŋe to mo ba ba ba pa abam. 3Á wó kwei-ko á pa kaanem tu Eleaza. O de maa wó ja-ko o nwoŋi o vo dáa, pa se ba go-ko ye o zege o nia. 4Eleaza ta wó de o noa na-chwɛ dem jana wone, ye o laam pipiri o jeeri wara-jei sem yiga seeni o miisi jana bam kuni berepɛ. 5Ko daare naao kom tete, de ko tɔnɔ kom, de ko nɔna yam, de ko jana bam, de ko wo-zela yam maama ye se ba zwɛ mo kula ye kaanem tu wom zege o nia. 6Na-chwɛ dem na jege de zwɛ konto to, kaanem tu wom laam wó kwei Sedare daa dedoa, de Husopa tio vɔɔro, de gare-ŋon-seŋa, o dole-te o de mini dem wone. 7Konto kwaga ne se kaanem tu wom swɛ o yera o daare o zare o gwaaro. O laam jege chwoŋa se o jwoori o taa zoore Isarele tiina kɔgɔ kom wone. O laam maa wó digiri chullu tem seeni se ko yi dedaan-ni maŋa. 8Nɔɔno wolo de na zwɛ na-chwɛ dem to de wó zare o gwaaro mo ye o daare o swɛ o yera. Wonto de wó digiri chullu tem seeni mo se ko yi dedaan-ni maŋa.
9Wolo na maŋe de chullu tem to maa wó pɛ na-chwɛ dem tentwarem dem, ye o ke-de pwola kalo ba na kwɛ Wɛ ŋwaane to ne. Jeiga kam konto nam wó taa ye dáa dáa mo de á na zoore mɛ to. Ba ta wó yeini ba viiri tentwarem dem na wone se Isarele tiina bam ma ba kwɛ ba tete de chullu tem wɛleera saarem ŋwaane. 10Wolo na pɛ tentwarem dem to de wó zare o gwaaro mo. O de wó digiri chullu tem seeni se ko yi dedaan-ni maŋa mo. Abam Isarele tiina bam de veira balo na zoore á wone to jege se á tɔge ni dento mo se ko taa vei wuu.
11Wolo ná dwei too, konto tu digiri chullu tem seeni mo se ko taa vei da yarepɛ. 12O jege se o kwei chullu kwɛɛm na bam mo o ma o kwɛ o tete de chullu tem. O wó ke konto da yatɔ dɛ dem ne, dedaane da yarepɛ dɛ dem ne mo, se o laam maŋe de chullu tem. O ná wo kwɛ o tete da yam konto ne, o yɔɔre o ta wo maŋe de chullu tem mo. 13Nɔɔno nam ná dwei too, ye o ve se o kwɛ o tete chullu tem ŋwaane, kotu chɔge Baŋa Wɛ wara-jei sem mo. Ba le‑o se o daa yé woli Isarele tiina bam wone. O ta digiri chullu tem seeni mo, ba na wo kwei chullu kwɛɛm na bam ba miisi o yera ne to ŋwaane.
14Nɔɔno ná wo vwei ne ye o te, chullu tem bere we wolo maama na wora ye kotu te, de wolo na zo da o maŋe de o toone dem to maama digiri mo chullu tem seeni se ko taa vei da yarepɛ. 15Kambia naa kɔɔro naa zoŋa kalo ná wo vwei dem wone ye ka ni wo pugi, ka de wo maŋe de chullu tem.
16Nɔɔno wolo ná wo pwooni yiga ne pa se o dwei too, kotu wó digiri chullu tem seeni se ko taa vei da yarepɛ. Ko ná ye wolo na tega jara-keim baŋa ne to, naa wolo na tege o tete toone to mo kotu dwei, ko ta ye bedwe mo. O ta ná dwei too kua, naa o dwei yibeeli, kotu digiri mo se ko taa vei da yarepɛ maŋa ne.
17Á ná lage á kwɛ wolo na digiri chullu tem seeni to, á wó kwei na-chwɛ delo ba na zwɛ wɛleera saarem ŋwaane to tentwarem mo á ke kikeira wone á daare á lwo na-doora á woli da. 18Nɔɔno na maŋe de chullu tem to laam wó kwei Husopa tio vɔɔro o de na bam wone o daare o miisi vwei dem, de de wo-zela yam, de nɔɔna balo na wo de wone ye nɔɔno wom te to. Ko ta ye bedwe mo de wolo ná dwei too, naa too kua, naa yibeeli. Ba jege se ba miisi kotu de chullu kwɛɛm na bam mo. 19Á wó miisi wolo na digiri to da yatɔ dɛ dem ne, dedaane da yarepɛ dɛ dem ne, se o laam maŋe de chullu tem. Nɔɔno wom wó zare o gwaaro mo o daare o swɛ o yera. Dedaan-ni maŋa ná yia, o wó maŋe de chullu tem. 20Nɔɔno ná digiri chullu tem seeni, ye o ve se o kwɛ o tete de chullu tem, ba jege se ba le kotu se o daa yé woli Isarele tiina kɔgɔ kom wone mo, o na chɔge Baŋa Wɛ wara-jei sem to ŋwaane. O ta digiri mo chullu tem seeni, ba na wo kwei chullu kwɛɛm na bam ba miisi o yera ne to ŋwaane. 21Nia yanto nam wó taa wora taa wuu ya pa abam.
Wolo na kwei chullu kwɛɛm na bam o miisi nɔɔna to de jege se o zare o gwaaro mo. Wolo maama de ná dwei na bam konto, kotu wó digiri chullu tem seeni, se ko taa nii dedaan-ni maŋa. 22Wolo na digiri chullu tem seeni to ná dwei woŋo kolo maama, woŋo kom konto de digiri mo. Wolo de nam ná dwei woŋo kom, o de wó digiri o tete se ko taa nii dedaan-ni maŋa mo.”
Currently Selected:
Jeelim 19: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 19
19
Wɛleera saarem chullu tem
1 Baŋa Wɛ déem ma ta de Moses de Aron o we:
2“Amo Baŋa Wɛ tiŋi a ni dento mo se á ta‑á tɔge-de. Ta-na á bere Isarele tiina bam we: Ba jege se ba ja na-chwɛ-soŋo kolo na ba jege gɛɛ ko yera ne ye ba ta wo kwei-ko ba ma toŋe to mo ba ba ba pa abam. 3Á wó kwei-ko á pa kaanem tu Eleaza. O de maa wó ja-ko o nwoŋi o vo dáa, pa se ba go-ko ye o zege o nia. 4Eleaza ta wó de o noa na-chwɛ dem jana wone, ye o laam pipiri o jeeri wara-jei sem yiga seeni o miisi jana bam kuni berepɛ. 5Ko daare naao kom tete, de ko tɔnɔ kom, de ko nɔna yam, de ko jana bam, de ko wo-zela yam maama ye se ba zwɛ mo kula ye kaanem tu wom zege o nia. 6Na-chwɛ dem na jege de zwɛ konto to, kaanem tu wom laam wó kwei Sedare daa dedoa, de Husopa tio vɔɔro, de gare-ŋon-seŋa, o dole-te o de mini dem wone. 7Konto kwaga ne se kaanem tu wom swɛ o yera o daare o zare o gwaaro. O laam jege chwoŋa se o jwoori o taa zoore Isarele tiina kɔgɔ kom wone. O laam maa wó digiri chullu tem seeni se ko yi dedaan-ni maŋa. 8Nɔɔno wolo de na zwɛ na-chwɛ dem to de wó zare o gwaaro mo ye o daare o swɛ o yera. Wonto de wó digiri chullu tem seeni mo se ko yi dedaan-ni maŋa.
9Wolo na maŋe de chullu tem to maa wó pɛ na-chwɛ dem tentwarem dem, ye o ke-de pwola kalo ba na kwɛ Wɛ ŋwaane to ne. Jeiga kam konto nam wó taa ye dáa dáa mo de á na zoore mɛ to. Ba ta wó yeini ba viiri tentwarem dem na wone se Isarele tiina bam ma ba kwɛ ba tete de chullu tem wɛleera saarem ŋwaane. 10Wolo na pɛ tentwarem dem to de wó zare o gwaaro mo. O de wó digiri chullu tem seeni se ko yi dedaan-ni maŋa mo. Abam Isarele tiina bam de veira balo na zoore á wone to jege se á tɔge ni dento mo se ko taa vei wuu.
11Wolo ná dwei too, konto tu digiri chullu tem seeni mo se ko taa vei da yarepɛ. 12O jege se o kwei chullu kwɛɛm na bam mo o ma o kwɛ o tete de chullu tem. O wó ke konto da yatɔ dɛ dem ne, dedaane da yarepɛ dɛ dem ne mo, se o laam maŋe de chullu tem. O ná wo kwɛ o tete da yam konto ne, o yɔɔre o ta wo maŋe de chullu tem mo. 13Nɔɔno nam ná dwei too, ye o ve se o kwɛ o tete chullu tem ŋwaane, kotu chɔge Baŋa Wɛ wara-jei sem mo. Ba le‑o se o daa yé woli Isarele tiina bam wone. O ta digiri chullu tem seeni mo, ba na wo kwei chullu kwɛɛm na bam ba miisi o yera ne to ŋwaane.
14Nɔɔno ná wo vwei ne ye o te, chullu tem bere we wolo maama na wora ye kotu te, de wolo na zo da o maŋe de o toone dem to maama digiri mo chullu tem seeni se ko taa vei da yarepɛ. 15Kambia naa kɔɔro naa zoŋa kalo ná wo vwei dem wone ye ka ni wo pugi, ka de wo maŋe de chullu tem.
16Nɔɔno wolo ná wo pwooni yiga ne pa se o dwei too, kotu wó digiri chullu tem seeni se ko taa vei da yarepɛ. Ko ná ye wolo na tega jara-keim baŋa ne to, naa wolo na tege o tete toone to mo kotu dwei, ko ta ye bedwe mo. O ta ná dwei too kua, naa o dwei yibeeli, kotu digiri mo se ko taa vei da yarepɛ maŋa ne.
17Á ná lage á kwɛ wolo na digiri chullu tem seeni to, á wó kwei na-chwɛ delo ba na zwɛ wɛleera saarem ŋwaane to tentwarem mo á ke kikeira wone á daare á lwo na-doora á woli da. 18Nɔɔno na maŋe de chullu tem to laam wó kwei Husopa tio vɔɔro o de na bam wone o daare o miisi vwei dem, de de wo-zela yam, de nɔɔna balo na wo de wone ye nɔɔno wom te to. Ko ta ye bedwe mo de wolo ná dwei too, naa too kua, naa yibeeli. Ba jege se ba miisi kotu de chullu kwɛɛm na bam mo. 19Á wó miisi wolo na digiri to da yatɔ dɛ dem ne, dedaane da yarepɛ dɛ dem ne, se o laam maŋe de chullu tem. Nɔɔno wom wó zare o gwaaro mo o daare o swɛ o yera. Dedaan-ni maŋa ná yia, o wó maŋe de chullu tem. 20Nɔɔno ná digiri chullu tem seeni, ye o ve se o kwɛ o tete de chullu tem, ba jege se ba le kotu se o daa yé woli Isarele tiina kɔgɔ kom wone mo, o na chɔge Baŋa Wɛ wara-jei sem to ŋwaane. O ta digiri mo chullu tem seeni, ba na wo kwei chullu kwɛɛm na bam ba miisi o yera ne to ŋwaane. 21Nia yanto nam wó taa wora taa wuu ya pa abam.
Wolo na kwei chullu kwɛɛm na bam o miisi nɔɔna to de jege se o zare o gwaaro mo. Wolo maama de ná dwei na bam konto, kotu wó digiri chullu tem seeni, se ko taa nii dedaan-ni maŋa. 22Wolo na digiri chullu tem seeni to ná dwei woŋo kolo maama, woŋo kom konto de digiri mo. Wolo de nam ná dwei woŋo kom, o de wó digiri o tete se ko taa nii dedaan-ni maŋa mo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)