Chullu 8
8
Wɛ kaanem tiina kwɛɛm taane
Nwoŋim 29:1-37
1 Baŋa Wɛ daa ta ma ta Moses o we:
2-3“Pa se Aron de o bu-baara bam ba ba jeeri wara-vwei dem manchwo-peena ni dem ne. Nam ta ja ba kaanem gare-laaro tem, de Wɛ swolim nuga kam, de tetɔgɔ kolo na jege bworobworo-memene sem#8:2-3 Bworobworo-memene = bworobworo kolo na ba jege sabɔle ko wone to ko wone to n woli da n ja n ba. Kwei wɛleere saarem kaanem nabea kam, de pi-bɛ selei sem n ja n ba. Nam ta de Isarele kɔ-fɔrɔ kom maama se ba de da ba jeeri dáane.”
4Moses ma seene o ke kolo Baŋa Wɛ na tage to, pa se Isarele tiina bam jeeri wara-vwei dem ni ne. 5O ma ta de nɔn-kɔgɔ kom o we, “Baŋa Wɛ na pɛ ni delo se de ke to mo tento.”
6Moses ma pa se Aron de o bia bam nwoŋi ba zege, ye o daare o pa ba swɛ ba yera ba kwɛ ba tete Wɛ ŋwaane. 7O laam ma kwei kaanem gare-dedɔrɔ kom o zo Aron. O ma kwei vovoa kam o vɔ Aron teiŋa ne, ye o daare o pa o zo gare-bwora kam. O ma kwei gare-wogo kom o zo‑o ye o ta kwei ko teiŋa vovoa kam o vɔ o ke da. 8O ta ma kwei nyɔɔne gare-pale dem o zo‑o ye o daare o ke Yurim de Tumim kandwa yam de gare-fɛɛla wone. 9O déem ta kwei yuu gare-yi dem mo o ba o yuu ne. O ma daare o kwei sabu-seŋa wo-pelɔgɔ kolo na bere we kaanem tu wom ye Wɛ nyem to o lei vovoa kam o tiri dem seeni, se ko tɔge ni delo Baŋa Wɛ ya na pɛ Moses se o ke to.#Nwoŋim 28:1-43
10Moses déem ma kwei Wɛ swolim nuga kam o lwo o yage Wɛ wara-vwei dem maama de wonnu telo maama na wo de wone to yera ne, se te taa ye te yera Baŋa Wɛ ŋwaane. 11O ta ma kwei nuga kam o miisi kaanem dakaa kam yera ne kuni berepɛ, ye o daare o miisi ka yera zela yam, de channa ware-zoŋa kam dedaane ka na zege woŋo kolo baŋa ne to, se te maama taa ye te yera Baŋa Wɛ ŋwaane. 12Ko ta ná ye Aron, Moses déem lwogi Wɛ swolim nuga kam wonto yuu ne mo o tiŋi‑o Wɛ kaanem totoŋa ŋwaane, se o de taa ye Wɛ nyem. 13Moses laam ma pa se Aron bia bam de nwoŋi ba zege o yiga ne. O ma kwei kaanem gare-dedwaaro o zo ba maama. O ma vɔ vovwe ba tei ne ye o daare o kwei ba yipwi o pu ba yuni ne. O déem ke Baŋa Wɛ ya na bere‑o se o ke tei to mo.
14Moses ma ja nabea kam ba na wó kwei ba ke wɛleere saarem kaanem dem to o ja o nwoŋi. Aron de o bia bam de ma daŋe ba je ka yuu ne. 15Moses ma gwoni ka ba. O ma lwoori ka jana bam badwonna o daare o ma o noa o laŋe-ba o ma o taare kaanem dakaa kam ka nyea yana yam seeni se o kwɛ-ka Wɛ ŋwaane. O laam ma lwo jana balo na daare to kaanem dakaa kam teiŋa ne. O na ke tei maama to pɛ se kaanem dakaa kam ye wose mo, pa se ka maŋe de wɛleere saarem totoŋa. 16Moses ta ma lɔɔne nabea kam lara kalo na meeli ka wo-zela yam yera ne to, o woli de ka chwɛ dem kuri seeni dem, de ka tapwale-bia bam de lara kalo na meeli da to maama. O déem ma zwɛ te maama kaanem dakaa kam baŋa ne. 17Ko ná ye nabea kam tankɔlɔ kom, de ka nɔna yam, de ka wo-zela yalo na daare to, o jaane-te o nwoŋi dáa ne mo, ye o zwɛ-te se ko tɔge ni delo Baŋa Wɛ ya na pɛ‑o se o ke to.
18Moses ta ma ja pi-bea kalo ba na wó ma ba ke zwɛɛm pɛɛre kaanem dem to o nwoŋi o zege. Aron de o bu-baara bam de ma kwei ba je ba daŋe ka yuu ne. 19O laam ma gwoni ka ba. Moses ma lwoori ka jana bam o dole dole kaanem dakaa kam sɛ sena sem maama ne. 20O ta ma gwoni pia kam nɔna yam yera muga-muga. O laam ma kwei ka nɔna yam, de ka yuu kom, de ka lara kam o zwɛ. 21O ma zare ka wo-zela yam de ka nɛ sem yiga se o laam zwɛ te maama kula kaanem dakaa kam baŋa ne se ko tɔge ni delo Baŋa Wɛ ya na pɛ‑o se o ke tei to. Zwɛɛm kaanem dem konto maa ye wodiu pɛɛre de pa Baŋa Wɛ. De lwom maa ywomma de pa‑o.
22Moses daa ma ja pi-bea kadwoŋi kam na wora kaanem tiina kwɛɛm ŋwaane to o ja o nwoŋi. Aron de o bia bam de ma kwei ba je ba daŋe ka yuu ne. 23O ma gwoni ka ba. Moses ma daare o lwoori ka jana bam badwonna o taŋe Aron jazem zwɛ dem ne, de o jazem no-kweo kom, dedaane o jazem namimbu-kweo kom. 24Moses ta ma pa se Aron bia bam nwoŋi ye o kwei pia kam jana o taŋe ba dedoa dedoa jazem zwa yam, de ba jazem no-kweero tem, ko woli de ba jazem namimbi-kweero tem. O laam ma daare o kwei jana balo na daare to o dole dole o yage kaanem dakaa kam sɛ sena sem ne. 25Moses ma lɔɔne pia kam lara kam maama, de ka nabili-bwogo kom, de lara kalo na meeli o wo-zela yam yera ne to, o ta woli chwɛ dem kuri seeni dedaane tapwale-bia balei bam de lara kalo na meeli da to. O déem ta kwei ka jazem chwei dem mo o woli da. 26O laam ma kwei tetɔgɔ kom de ko bworobworo-memene selo na ye Baŋa Wɛ nyem to o le bworobworo dwia yatɔ yam wone dedoa dedoa, ye sabɔle tere te wone. O laam ma kwei te maama o daŋe lara kam de pia kam jazem chwei dem baŋa ne. 27O ma kwei wonnu tem konto maama o ke Aron de o bia bam je sem ne se ba zeiŋi-te wɛɛne se te taa ye pɛɛre te pa Baŋa Wɛ. 28Konto kwaga ne mo Moses jwoŋi-te ba jeŋa ne o daare o daŋe-te zwɛɛm kaanem varem wolo na wo kaanem dakaa kam baŋa ne to o zwɛ, se ko taa ye kaanem tiina kwɛɛm kaanem. Kaanem dem konto ye wodiu pɛɛre mo ko pae Baŋa Wɛ. De lwom maa ywomma de pa‑o. 29Moses laam ma kwei pi-bea kam nyɔɔne dem o zeiŋi wɛɛne se de taa ye pɛɛre de pae Baŋa Wɛ. Wonto tete popɔra mo konto o na jege chwoŋa se o le-ka kaanem tiina kwɛɛm pi-bea kam wone, ne Baŋa Wɛ ya na pɛ‑o ni se o ke tei to.
30Konto na ti to, mo Moses kwei Wɛ swolim nuga kam dedaane jana balo na wo kaanem dakaa kam baŋa ne to badwonna o miisi Aron de o gwaaro tem yera ne. O ta ma miisi-te Aron bia bam de ba de gwaaro tem yera ne. Keim dem konto déem pɛ se Aron de o bia bam dedaane ba gwaaro tem maama ye te yera mo Baŋa Wɛ ŋwaane.
31Moses laam ma ta Aron de o bu-baara bam o we, “Kwei-na kaanem dem nɔna yalo na daare to á vo á saŋe wara-vwei dem ni ne, se á maŋe dáane á di-ya de bworobworo kolo amo na le tetɔgɔ kom wone to, nenɛɛne Wɛ na pɛ ni we, Aron de o bia bam jege chwoŋa se ba di-ya tei to. 32Ko ná ye nɔna yalo de bworobworo kolo á na wó di á daare to, se á zwɛ-te. 33Nam maŋe-na wara-vwei dem ni ne da yarepɛ, se chulu kolo na ye abam kwɛɛm ŋwaane to ná ti, se á nwoŋi pwooni. 34Baŋa Wɛ déem pɛ ni we dé ke tento mo se dé wane dé le abam lwarem dem o yiga ne. 35Abam jege se á maŋe wara-vwei dem ni ne da yarepɛ, wea de tete maama, ko na ye Wɛ ni dem to ŋwaane. Wolo nam ná ve ye o nwoŋi pwooni, kotu jege se o te mo. Mo ni delo Baŋa Wɛ na pɛ amo to.”
36Aron de o bu-baara bam de déem ma ke kolo maama Baŋa Wɛ na pɛ Moses ni se ba ke to.
Currently Selected:
Chullu 8: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Chullu 8
8
Wɛ kaanem tiina kwɛɛm taane
Nwoŋim 29:1-37
1 Baŋa Wɛ daa ta ma ta Moses o we:
2-3“Pa se Aron de o bu-baara bam ba ba jeeri wara-vwei dem manchwo-peena ni dem ne. Nam ta ja ba kaanem gare-laaro tem, de Wɛ swolim nuga kam, de tetɔgɔ kolo na jege bworobworo-memene sem#8:2-3 Bworobworo-memene = bworobworo kolo na ba jege sabɔle ko wone to ko wone to n woli da n ja n ba. Kwei wɛleere saarem kaanem nabea kam, de pi-bɛ selei sem n ja n ba. Nam ta de Isarele kɔ-fɔrɔ kom maama se ba de da ba jeeri dáane.”
4Moses ma seene o ke kolo Baŋa Wɛ na tage to, pa se Isarele tiina bam jeeri wara-vwei dem ni ne. 5O ma ta de nɔn-kɔgɔ kom o we, “Baŋa Wɛ na pɛ ni delo se de ke to mo tento.”
6Moses ma pa se Aron de o bia bam nwoŋi ba zege, ye o daare o pa ba swɛ ba yera ba kwɛ ba tete Wɛ ŋwaane. 7O laam ma kwei kaanem gare-dedɔrɔ kom o zo Aron. O ma kwei vovoa kam o vɔ Aron teiŋa ne, ye o daare o pa o zo gare-bwora kam. O ma kwei gare-wogo kom o zo‑o ye o ta kwei ko teiŋa vovoa kam o vɔ o ke da. 8O ta ma kwei nyɔɔne gare-pale dem o zo‑o ye o daare o ke Yurim de Tumim kandwa yam de gare-fɛɛla wone. 9O déem ta kwei yuu gare-yi dem mo o ba o yuu ne. O ma daare o kwei sabu-seŋa wo-pelɔgɔ kolo na bere we kaanem tu wom ye Wɛ nyem to o lei vovoa kam o tiri dem seeni, se ko tɔge ni delo Baŋa Wɛ ya na pɛ Moses se o ke to.#Nwoŋim 28:1-43
10Moses déem ma kwei Wɛ swolim nuga kam o lwo o yage Wɛ wara-vwei dem maama de wonnu telo maama na wo de wone to yera ne, se te taa ye te yera Baŋa Wɛ ŋwaane. 11O ta ma kwei nuga kam o miisi kaanem dakaa kam yera ne kuni berepɛ, ye o daare o miisi ka yera zela yam, de channa ware-zoŋa kam dedaane ka na zege woŋo kolo baŋa ne to, se te maama taa ye te yera Baŋa Wɛ ŋwaane. 12Ko ta ná ye Aron, Moses déem lwogi Wɛ swolim nuga kam wonto yuu ne mo o tiŋi‑o Wɛ kaanem totoŋa ŋwaane, se o de taa ye Wɛ nyem. 13Moses laam ma pa se Aron bia bam de nwoŋi ba zege o yiga ne. O ma kwei kaanem gare-dedwaaro o zo ba maama. O ma vɔ vovwe ba tei ne ye o daare o kwei ba yipwi o pu ba yuni ne. O déem ke Baŋa Wɛ ya na bere‑o se o ke tei to mo.
14Moses ma ja nabea kam ba na wó kwei ba ke wɛleere saarem kaanem dem to o ja o nwoŋi. Aron de o bia bam de ma daŋe ba je ka yuu ne. 15Moses ma gwoni ka ba. O ma lwoori ka jana bam badwonna o daare o ma o noa o laŋe-ba o ma o taare kaanem dakaa kam ka nyea yana yam seeni se o kwɛ-ka Wɛ ŋwaane. O laam ma lwo jana balo na daare to kaanem dakaa kam teiŋa ne. O na ke tei maama to pɛ se kaanem dakaa kam ye wose mo, pa se ka maŋe de wɛleere saarem totoŋa. 16Moses ta ma lɔɔne nabea kam lara kalo na meeli ka wo-zela yam yera ne to, o woli de ka chwɛ dem kuri seeni dem, de ka tapwale-bia bam de lara kalo na meeli da to maama. O déem ma zwɛ te maama kaanem dakaa kam baŋa ne. 17Ko ná ye nabea kam tankɔlɔ kom, de ka nɔna yam, de ka wo-zela yalo na daare to, o jaane-te o nwoŋi dáa ne mo, ye o zwɛ-te se ko tɔge ni delo Baŋa Wɛ ya na pɛ‑o se o ke to.
18Moses ta ma ja pi-bea kalo ba na wó ma ba ke zwɛɛm pɛɛre kaanem dem to o nwoŋi o zege. Aron de o bu-baara bam de ma kwei ba je ba daŋe ka yuu ne. 19O laam ma gwoni ka ba. Moses ma lwoori ka jana bam o dole dole kaanem dakaa kam sɛ sena sem maama ne. 20O ta ma gwoni pia kam nɔna yam yera muga-muga. O laam ma kwei ka nɔna yam, de ka yuu kom, de ka lara kam o zwɛ. 21O ma zare ka wo-zela yam de ka nɛ sem yiga se o laam zwɛ te maama kula kaanem dakaa kam baŋa ne se ko tɔge ni delo Baŋa Wɛ ya na pɛ‑o se o ke tei to. Zwɛɛm kaanem dem konto maa ye wodiu pɛɛre de pa Baŋa Wɛ. De lwom maa ywomma de pa‑o.
22Moses daa ma ja pi-bea kadwoŋi kam na wora kaanem tiina kwɛɛm ŋwaane to o ja o nwoŋi. Aron de o bia bam de ma kwei ba je ba daŋe ka yuu ne. 23O ma gwoni ka ba. Moses ma daare o lwoori ka jana bam badwonna o taŋe Aron jazem zwɛ dem ne, de o jazem no-kweo kom, dedaane o jazem namimbu-kweo kom. 24Moses ta ma pa se Aron bia bam nwoŋi ye o kwei pia kam jana o taŋe ba dedoa dedoa jazem zwa yam, de ba jazem no-kweero tem, ko woli de ba jazem namimbi-kweero tem. O laam ma daare o kwei jana balo na daare to o dole dole o yage kaanem dakaa kam sɛ sena sem ne. 25Moses ma lɔɔne pia kam lara kam maama, de ka nabili-bwogo kom, de lara kalo na meeli o wo-zela yam yera ne to, o ta woli chwɛ dem kuri seeni dedaane tapwale-bia balei bam de lara kalo na meeli da to. O déem ta kwei ka jazem chwei dem mo o woli da. 26O laam ma kwei tetɔgɔ kom de ko bworobworo-memene selo na ye Baŋa Wɛ nyem to o le bworobworo dwia yatɔ yam wone dedoa dedoa, ye sabɔle tere te wone. O laam ma kwei te maama o daŋe lara kam de pia kam jazem chwei dem baŋa ne. 27O ma kwei wonnu tem konto maama o ke Aron de o bia bam je sem ne se ba zeiŋi-te wɛɛne se te taa ye pɛɛre te pa Baŋa Wɛ. 28Konto kwaga ne mo Moses jwoŋi-te ba jeŋa ne o daare o daŋe-te zwɛɛm kaanem varem wolo na wo kaanem dakaa kam baŋa ne to o zwɛ, se ko taa ye kaanem tiina kwɛɛm kaanem. Kaanem dem konto ye wodiu pɛɛre mo ko pae Baŋa Wɛ. De lwom maa ywomma de pa‑o. 29Moses laam ma kwei pi-bea kam nyɔɔne dem o zeiŋi wɛɛne se de taa ye pɛɛre de pae Baŋa Wɛ. Wonto tete popɔra mo konto o na jege chwoŋa se o le-ka kaanem tiina kwɛɛm pi-bea kam wone, ne Baŋa Wɛ ya na pɛ‑o ni se o ke tei to.
30Konto na ti to, mo Moses kwei Wɛ swolim nuga kam dedaane jana balo na wo kaanem dakaa kam baŋa ne to badwonna o miisi Aron de o gwaaro tem yera ne. O ta ma miisi-te Aron bia bam de ba de gwaaro tem yera ne. Keim dem konto déem pɛ se Aron de o bia bam dedaane ba gwaaro tem maama ye te yera mo Baŋa Wɛ ŋwaane.
31Moses laam ma ta Aron de o bu-baara bam o we, “Kwei-na kaanem dem nɔna yalo na daare to á vo á saŋe wara-vwei dem ni ne, se á maŋe dáane á di-ya de bworobworo kolo amo na le tetɔgɔ kom wone to, nenɛɛne Wɛ na pɛ ni we, Aron de o bia bam jege chwoŋa se ba di-ya tei to. 32Ko ná ye nɔna yalo de bworobworo kolo á na wó di á daare to, se á zwɛ-te. 33Nam maŋe-na wara-vwei dem ni ne da yarepɛ, se chulu kolo na ye abam kwɛɛm ŋwaane to ná ti, se á nwoŋi pwooni. 34Baŋa Wɛ déem pɛ ni we dé ke tento mo se dé wane dé le abam lwarem dem o yiga ne. 35Abam jege se á maŋe wara-vwei dem ni ne da yarepɛ, wea de tete maama, ko na ye Wɛ ni dem to ŋwaane. Wolo nam ná ve ye o nwoŋi pwooni, kotu jege se o te mo. Mo ni delo Baŋa Wɛ na pɛ amo to.”
36Aron de o bu-baara bam de déem ma ke kolo maama Baŋa Wɛ na pɛ Moses ni se ba ke to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)