Chullu 5
5
Wɛleere saarem taane
1Abam wolo ná nɛ keim de o yi, naa o nigi de ŋwa, ye ba ná bwoŋi‑o se o ba o pa maana, kotu ná ve se o zaŋe o ta o bere chega keim dem konto baŋa ne, o tusi mo. O maŋe se o na waarem ko ŋwaane.
2Abam wolo ná dwei wo-teko kolo na jege digiru Wɛ chullu tem seeni to, ye o ná wo maane ko ni ne, kotu wɛleere ta wo o yuu ne mo. Wo-teko kom ná ye ga-varem, naa sɔŋɔ varem, naa tega-veilu, ye kotu ná dwei-ko, o digiri o tete mo de chullu tem.
3Abam wolo ta ná dwei woŋo kolo na nwoŋi nabiina yera yam ne ye ko biini nɔɔna to mo, ko ná maŋe ko jege digiru dwi delo, kotu ya ná wo maane ye o laam ba o lɔre ko ni ne, o wɛleere ta wo o yuu ne mo.
4Ko ta woli da, abam wolo ná wo zuri o yera ye o du duuri yɔɔ yerane, ko ná ye o gwoni ni se o ke totoŋ-laao naa totoŋ-balɔrɔ, kotu tusi mo. O ná dugi duuri yɔɔ yɔɔ woŋo kolo maama ŋwaane, ne o ya ná maŋe o yeiri ko ni ne ye o laam ba o lɔre, kotu wɛleere wo o yuu ne mo.
5Chwei sento maama wone mo, abam wolo ná tu o maane we o sage chwoŋa, se o ta o wɛleera jaja Wɛ yiga ne. 6Kotu nam wó ja pi-choa naa bo-choa mo o ja o ba o ke wɛleere saarem kaanem o pa Baŋa Wɛ se o ma o ŋwe o wɛleere jene. Kaanem tu wom maa wó kwei varem wom o ma o le kotu lwarem dem Wɛ yiga ne.
7Wolo nam ná ware varem o yi, se kotu ja kunkwona balei, naa kunkwon-puura balei o ba, se o ma o ŋwe o wɛleere jene. O wó kwei zuŋa dedoa o ma o ke wɛleere saarem kaanem, se dedoa kam de toŋe zwɛɛm kaanem. 8Kotu wó ja kunkwona bam o vo o ke kaanem tu wom jeŋa ne. Kaanem tu wom maa wó bobo o kwei dedoa o ma o ke wɛleere saarem kaanem dem. O jege se o bwori ka ba mo se o yé gwori ka yuu. 9O ta wó ma ka jana bam badwonna o miisi kaanem dakaa kam saŋa dedoa ne. Jana balo na daare to, se o lwo ba maama o yage kaanem dakaa kam teiŋa ne. Konto ye wɛleere saarem kaanem dem mo. 10O maa wó ma kunkwoŋa kadwoŋi kam o ke zwɛɛm kaanem dem, nenɛɛne de chwoŋa kam na ye tei to. Kaanem tu wom jege se o tɔge konto baŋa mo o ma le nɔɔno wom lwarem dem, se Wɛ kwei kotu tusim dem o ma chɛ‑o.
11Nɔɔno nam ná ba jege kunkwona balei, naa kunkwon-puura balei se o ja o ba, kotu nam wó ja mun-bwei bwɛ selei#5:11 bwɛ selei = 1 kilo o ja o ba o ma o ke wɛleere saarem kaanem mo. O nam yé woli nuga naa talwoŋ-ywoŋa de wone, kokuri to, ko ye wɛleere saarem kaanem mo. 12Kotu wó ja muni dem o vo o ke kaanem tu wom jeŋa ne. Kaanem tu wom wó zwɛ jaguli-yi se de taa ye gulim pɛɛre de pa Wɛ mo. O wó zwɛ-de kaanem dakaa kam baŋa ne o woli de wodiu pɛɛra yadwonna na zwɛ ya pae Baŋa Wɛ to. Konto ye wɛleere saarem kaanem dem mo. 13Kaanem tu wom wó tɔge chwoŋa kam konto mo, se o le nɔɔno wom lwarem dem Wɛ yiga ne, se Wɛ de yage o tusim dem o ma chɛ‑o. Muni delo maama ná daare, de ye kaanem tu wom nyem mo, nenɛɛne wodiu pɛɛre ná daare, ko de na ye o nyem tei to.”
Wɛleere jene kaanem
14 Baŋa Wɛ ta ma ta de Moses o we:
15“Abam wolo maama ná sage chwoŋa ye o ná pini Baŋa Wɛ wonnu telo na ye wose to baŋa ne, ye o wo paale o ke o tusi konto, kotu wó ja pi-bala kalo na ba jege gɛɛ ka yera ne to mo o ja o ba o pa Baŋa Wɛ se o ŋwe o wɛleere dem jene. Pi-bala kam sabu wó maŋe de lu-nyenno telo dunni na tɔge wara-jei sem maŋem chekke to. Konto ye wɛleere jene kaanem dem mo. 16Kotu ta wó jwoori o ŋwe o na pini Wɛ kolo baŋa ne to jene dem, se o ta ŋwe jene dem popɔra dedoa senu maama wone o woli da. O wó ŋwe tento maama o pa Wɛ kaanem tu wom, se wonto laam kwei pi-bala kam o ma ke wɛleere jene kaanem se o le nɔɔno wom lwarem dem Wɛ yiga ne. Wɛ maa wó yage kotu tusim dem o ma chɛ‑o.
17Abam wolo ná chɔge o ke kolo na chuli Baŋa Wɛ ni delo maama wone to, ye o ya ná yeiri ko ni ne de, kotu tusim dem wo o yuu ne mo ye o maŋe se o na waarem. 18Kotu nam jege se o ja pi-bala kalo na ba jege gɛɛ ka yera ne to mo o ja o ba o ke kaanem tu wom jeŋa ne se wonto ma o ke wɛleere jene kaanem. Varem wom sabu wó maŋe de kolo na ye chekke to. Ko ná ke konto, kaanem tu wom wó le nɔɔno wom lwarem dem Wɛ yiga ne, de o na tusi ye o wo paale o ke tei to. Wɛ maa wó yage kotu tusim dem o ma chɛ‑o.
19Konto ye wɛleere jene kaanem mo, kotu na tusi Baŋa Wɛ yiga ne pa se o wɛleera wo o yuu ne to ŋwaane.”
Currently Selected:
Chullu 5: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Chullu 5
5
Wɛleere saarem taane
1Abam wolo ná nɛ keim de o yi, naa o nigi de ŋwa, ye ba ná bwoŋi‑o se o ba o pa maana, kotu ná ve se o zaŋe o ta o bere chega keim dem konto baŋa ne, o tusi mo. O maŋe se o na waarem ko ŋwaane.
2Abam wolo ná dwei wo-teko kolo na jege digiru Wɛ chullu tem seeni to, ye o ná wo maane ko ni ne, kotu wɛleere ta wo o yuu ne mo. Wo-teko kom ná ye ga-varem, naa sɔŋɔ varem, naa tega-veilu, ye kotu ná dwei-ko, o digiri o tete mo de chullu tem.
3Abam wolo ta ná dwei woŋo kolo na nwoŋi nabiina yera yam ne ye ko biini nɔɔna to mo, ko ná maŋe ko jege digiru dwi delo, kotu ya ná wo maane ye o laam ba o lɔre ko ni ne, o wɛleere ta wo o yuu ne mo.
4Ko ta woli da, abam wolo ná wo zuri o yera ye o du duuri yɔɔ yerane, ko ná ye o gwoni ni se o ke totoŋ-laao naa totoŋ-balɔrɔ, kotu tusi mo. O ná dugi duuri yɔɔ yɔɔ woŋo kolo maama ŋwaane, ne o ya ná maŋe o yeiri ko ni ne ye o laam ba o lɔre, kotu wɛleere wo o yuu ne mo.
5Chwei sento maama wone mo, abam wolo ná tu o maane we o sage chwoŋa, se o ta o wɛleera jaja Wɛ yiga ne. 6Kotu nam wó ja pi-choa naa bo-choa mo o ja o ba o ke wɛleere saarem kaanem o pa Baŋa Wɛ se o ma o ŋwe o wɛleere jene. Kaanem tu wom maa wó kwei varem wom o ma o le kotu lwarem dem Wɛ yiga ne.
7Wolo nam ná ware varem o yi, se kotu ja kunkwona balei, naa kunkwon-puura balei o ba, se o ma o ŋwe o wɛleere jene. O wó kwei zuŋa dedoa o ma o ke wɛleere saarem kaanem, se dedoa kam de toŋe zwɛɛm kaanem. 8Kotu wó ja kunkwona bam o vo o ke kaanem tu wom jeŋa ne. Kaanem tu wom maa wó bobo o kwei dedoa o ma o ke wɛleere saarem kaanem dem. O jege se o bwori ka ba mo se o yé gwori ka yuu. 9O ta wó ma ka jana bam badwonna o miisi kaanem dakaa kam saŋa dedoa ne. Jana balo na daare to, se o lwo ba maama o yage kaanem dakaa kam teiŋa ne. Konto ye wɛleere saarem kaanem dem mo. 10O maa wó ma kunkwoŋa kadwoŋi kam o ke zwɛɛm kaanem dem, nenɛɛne de chwoŋa kam na ye tei to. Kaanem tu wom jege se o tɔge konto baŋa mo o ma le nɔɔno wom lwarem dem, se Wɛ kwei kotu tusim dem o ma chɛ‑o.
11Nɔɔno nam ná ba jege kunkwona balei, naa kunkwon-puura balei se o ja o ba, kotu nam wó ja mun-bwei bwɛ selei#5:11 bwɛ selei = 1 kilo o ja o ba o ma o ke wɛleere saarem kaanem mo. O nam yé woli nuga naa talwoŋ-ywoŋa de wone, kokuri to, ko ye wɛleere saarem kaanem mo. 12Kotu wó ja muni dem o vo o ke kaanem tu wom jeŋa ne. Kaanem tu wom wó zwɛ jaguli-yi se de taa ye gulim pɛɛre de pa Wɛ mo. O wó zwɛ-de kaanem dakaa kam baŋa ne o woli de wodiu pɛɛra yadwonna na zwɛ ya pae Baŋa Wɛ to. Konto ye wɛleere saarem kaanem dem mo. 13Kaanem tu wom wó tɔge chwoŋa kam konto mo, se o le nɔɔno wom lwarem dem Wɛ yiga ne, se Wɛ de yage o tusim dem o ma chɛ‑o. Muni delo maama ná daare, de ye kaanem tu wom nyem mo, nenɛɛne wodiu pɛɛre ná daare, ko de na ye o nyem tei to.”
Wɛleere jene kaanem
14 Baŋa Wɛ ta ma ta de Moses o we:
15“Abam wolo maama ná sage chwoŋa ye o ná pini Baŋa Wɛ wonnu telo na ye wose to baŋa ne, ye o wo paale o ke o tusi konto, kotu wó ja pi-bala kalo na ba jege gɛɛ ka yera ne to mo o ja o ba o pa Baŋa Wɛ se o ŋwe o wɛleere dem jene. Pi-bala kam sabu wó maŋe de lu-nyenno telo dunni na tɔge wara-jei sem maŋem chekke to. Konto ye wɛleere jene kaanem dem mo. 16Kotu ta wó jwoori o ŋwe o na pini Wɛ kolo baŋa ne to jene dem, se o ta ŋwe jene dem popɔra dedoa senu maama wone o woli da. O wó ŋwe tento maama o pa Wɛ kaanem tu wom, se wonto laam kwei pi-bala kam o ma ke wɛleere jene kaanem se o le nɔɔno wom lwarem dem Wɛ yiga ne. Wɛ maa wó yage kotu tusim dem o ma chɛ‑o.
17Abam wolo ná chɔge o ke kolo na chuli Baŋa Wɛ ni delo maama wone to, ye o ya ná yeiri ko ni ne de, kotu tusim dem wo o yuu ne mo ye o maŋe se o na waarem. 18Kotu nam jege se o ja pi-bala kalo na ba jege gɛɛ ka yera ne to mo o ja o ba o ke kaanem tu wom jeŋa ne se wonto ma o ke wɛleere jene kaanem. Varem wom sabu wó maŋe de kolo na ye chekke to. Ko ná ke konto, kaanem tu wom wó le nɔɔno wom lwarem dem Wɛ yiga ne, de o na tusi ye o wo paale o ke tei to. Wɛ maa wó yage kotu tusim dem o ma chɛ‑o.
19Konto ye wɛleere jene kaanem mo, kotu na tusi Baŋa Wɛ yiga ne pa se o wɛleera wo o yuu ne to ŋwaane.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)