Chullu 10
10
Nadab dedaane Abihu na tege tei to
1Aron bia balei Nadab dedaane Abihu déem ma kwei ba mini zon-tanlɛ sem, ye ba dedoa dedoa ke mini o zoŋa kam wone o daare o woli talwoŋ-ywoŋa da. Ba laam ma zo Baŋa Wɛ yiga ne, se ba zwɛ-te ba zuli‑o, ye ba kaanem dem konto nam ya wo dɛ chwoŋa, kokuri Baŋa Wɛ wo pɛ ni se ba zwɛ min-yɔɔ konto dwoŋi.#Nwoŋim 30:7-9 2Min-vogo ma pɔpɔ ko nwoŋi Baŋa Wɛ tei ne ko chu nɔɔna balei bam baŋa ne ko di-ba pa se ba te Baŋa Wɛ yiga ne. 3Moses ma ta Aron o we, “Ko ye tento ŋwaane mo Baŋa Wɛ ŋɔɔne o bere debam ye o we,
‘Balo na twɛ amo tei se ba toŋe ba pa-ne to
jege se ba lɔre we amo ye wose mo.
Amo nɔɔna bam maama de maa jege se ba pa-ne zula.’ ”
Aron na nigi konto to, mo o maŋe da chemm.
4Moses déem ma toŋe o bwoŋi Misayeli de Elizafan se ba ba. Banto déem ye Aron kwo nyaane Yuzeli bia mo. Moses ma ta-ba o we, “Ba-na á zeŋe á chorro tem á ja á nwoŋi wara-jei sem ni ne. Ja-ba á nwoŋi á vo dáa dáa tigisim jeiga kam ne.” 5Ba ma seene ba ke tei Moses na tage to. Ba ma ja twa bam ba gwaaro tem seeni ba nwoŋi dáa dáa.
6Moses ta ma ta Aron dedaane o bia balei balo na daare to, Eleaza de Itamara, o we, “Yé vugimi á yu-ywei, nam yé kaare-na á gwaaro de á wo na chɔge tei maama to de. Abam ná ke konto, á de wó te mo. Baŋa Wɛ bane ta maa wó zaŋe Isarele tiina kɔ-fɔrɔ kom maama baŋa ne. Ko daare, á chorro Isarele dwi tiina bam wó wane ba keeri Nadab de Abihu lwi sem, de Baŋa Wɛ na pɛ se mini di-ba de chɔge to. 7Abam nam yé yage-na wara-vwei dem ni ne se á nwoŋi. Á ná ke konto leile, á wó te mo. Kokuri to, Baŋa Wɛ swolim nuga kam wo abam yuu ne mo, ye ka pɔɔre abam se á ta‑á ye á yera Wɛ totoŋa ŋwaane.” Ba déem ma sɛ Moses ni dem.
8 Baŋa Wɛ laam ma ta de Aron o we, 9“Nmo dedaane n bia bam ná yeini á zo wara-vwei dem wone, ko dae se á nyɔ sana. Abam ná ke konto, á wó te mo. Amo ni dento wó taa wora mo wuu ko pae abam de á dwi dem. 10De maa ye se á wane á pɔɔre wonnu telo na ye te yera amo ŋwaane to, de telo na wora dɛ dɛ totoŋa ŋwaane to daane. Á ta maa wó pɔɔre telo na maŋe de Wɛ chullu tem to, de telo na jege digiru chullu tem seeni to daane. 11Ko ye abam totoŋe mo se á kwei a nia yalo a na tɔge Moses baŋa a pa Isarele tiina bam to, á bere ba maama.”
12Moses déem ma ta Aron de o bia balo na daare to, Eleaza de Itamara, o we, “Ko ná ye muni delo ta na daare Baŋa Wɛ pɛɛra yam wone to, se á kwei-de á wɔ bworobworo-memene selo sabɔle na tere de wone to. Á laam wó maŋe kaanem dakaa kam teiŋa ne mo á di bworobworo kom dáane, ko na yɔɔre ko ye ko yera ko pa Wɛ to ŋwaane. 13Maŋe-na jei selo na ye wose to ne á di-ko. Kokuri to, Baŋa Wɛ pɔɔre-ko se ko taa ye abam de á bia bam popɔra mo o wodiu pɛɛra yam wone. Mo ni delo o na pɛ amo to. 14Ko nam ná ye varem wom nyɔɔne de o chwei dem ba na zeiŋi wɛɛne ba zuli Wɛ to, abam de á diga tiina, baara de kaana, mo jege chwoŋa se á di-te jeiga kalo na kwɛ ka maŋe de chullu tem to ne. Wɛ pɔɔre-te Isarele tiina yazura pɛɛra yam wone se te taa ye abam de á bia bam nyem mo.#Chullu 7:33-34 15Isarele tiina bam jege se ba kwei varem chwei dem de o nyɔɔne dem ba woli de o lara kam ba zeiŋi-te wɛɛne se te taa ye wodiu pɛɛre te pae Baŋa Wɛ. Varem wom nyɔɔne dem de o chwei dem ye abam de á bia bam nyem mo. Baŋa Wɛ ni dem konto wó taa wora taa wuu mo.”
16Moses déem ma bwei wɛleere saarem pɛɛre boŋo kom bwia. O ma maane we ba maŋe ba zwɛ ko maama. O bane ma zaŋe de Eleaza dedaane Itamara ye o bwei-ba o we, 17“Bɛ mo ke ye abam wo maŋe wara-jei sem ne á di varem wom nɔna yam? Pɛɛre dem konto tiini de ye wose mo. Baŋa Wɛ kwei-de o pa abam Isarele tiina bam wɛleera saarem ŋwaane, se á ma‑á ke kaanem á le ba lwarem o yiga ne mo. 18Nii-na! Ba wo jaane boŋo kom konto jana ba zo wara-vwei dem wone. Konto ŋwaane, ko ya ye se á di ko nɔna yam wara-jei sem ne mo, nenɛɛne amo na pɛ ni se á ke tei to.”
19Aron ma leiri Moses o we, “Nam nii! Nɔɔna bam zem kwei ba wɛleere saarem pɛɛre dem de ba zwɛɛm pɛɛre dem mo ba ke kaanem ba pa Baŋa Wɛ. De konto de, amo de nam nɛ lɛɛro dento dwoŋi. Konto to, a ya ná seene a di wɛleere saarem varem wom nɔna yam zem, Baŋa Wɛ ya wó jwoŋi a keim dem na?” 20Moses na nigi konto to, o wo ma to.
Currently Selected:
Chullu 10: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Chullu 10
10
Nadab dedaane Abihu na tege tei to
1Aron bia balei Nadab dedaane Abihu déem ma kwei ba mini zon-tanlɛ sem, ye ba dedoa dedoa ke mini o zoŋa kam wone o daare o woli talwoŋ-ywoŋa da. Ba laam ma zo Baŋa Wɛ yiga ne, se ba zwɛ-te ba zuli‑o, ye ba kaanem dem konto nam ya wo dɛ chwoŋa, kokuri Baŋa Wɛ wo pɛ ni se ba zwɛ min-yɔɔ konto dwoŋi.#Nwoŋim 30:7-9 2Min-vogo ma pɔpɔ ko nwoŋi Baŋa Wɛ tei ne ko chu nɔɔna balei bam baŋa ne ko di-ba pa se ba te Baŋa Wɛ yiga ne. 3Moses ma ta Aron o we, “Ko ye tento ŋwaane mo Baŋa Wɛ ŋɔɔne o bere debam ye o we,
‘Balo na twɛ amo tei se ba toŋe ba pa-ne to
jege se ba lɔre we amo ye wose mo.
Amo nɔɔna bam maama de maa jege se ba pa-ne zula.’ ”
Aron na nigi konto to, mo o maŋe da chemm.
4Moses déem ma toŋe o bwoŋi Misayeli de Elizafan se ba ba. Banto déem ye Aron kwo nyaane Yuzeli bia mo. Moses ma ta-ba o we, “Ba-na á zeŋe á chorro tem á ja á nwoŋi wara-jei sem ni ne. Ja-ba á nwoŋi á vo dáa dáa tigisim jeiga kam ne.” 5Ba ma seene ba ke tei Moses na tage to. Ba ma ja twa bam ba gwaaro tem seeni ba nwoŋi dáa dáa.
6Moses ta ma ta Aron dedaane o bia balei balo na daare to, Eleaza de Itamara, o we, “Yé vugimi á yu-ywei, nam yé kaare-na á gwaaro de á wo na chɔge tei maama to de. Abam ná ke konto, á de wó te mo. Baŋa Wɛ bane ta maa wó zaŋe Isarele tiina kɔ-fɔrɔ kom maama baŋa ne. Ko daare, á chorro Isarele dwi tiina bam wó wane ba keeri Nadab de Abihu lwi sem, de Baŋa Wɛ na pɛ se mini di-ba de chɔge to. 7Abam nam yé yage-na wara-vwei dem ni ne se á nwoŋi. Á ná ke konto leile, á wó te mo. Kokuri to, Baŋa Wɛ swolim nuga kam wo abam yuu ne mo, ye ka pɔɔre abam se á ta‑á ye á yera Wɛ totoŋa ŋwaane.” Ba déem ma sɛ Moses ni dem.
8 Baŋa Wɛ laam ma ta de Aron o we, 9“Nmo dedaane n bia bam ná yeini á zo wara-vwei dem wone, ko dae se á nyɔ sana. Abam ná ke konto, á wó te mo. Amo ni dento wó taa wora mo wuu ko pae abam de á dwi dem. 10De maa ye se á wane á pɔɔre wonnu telo na ye te yera amo ŋwaane to, de telo na wora dɛ dɛ totoŋa ŋwaane to daane. Á ta maa wó pɔɔre telo na maŋe de Wɛ chullu tem to, de telo na jege digiru chullu tem seeni to daane. 11Ko ye abam totoŋe mo se á kwei a nia yalo a na tɔge Moses baŋa a pa Isarele tiina bam to, á bere ba maama.”
12Moses déem ma ta Aron de o bia balo na daare to, Eleaza de Itamara, o we, “Ko ná ye muni delo ta na daare Baŋa Wɛ pɛɛra yam wone to, se á kwei-de á wɔ bworobworo-memene selo sabɔle na tere de wone to. Á laam wó maŋe kaanem dakaa kam teiŋa ne mo á di bworobworo kom dáane, ko na yɔɔre ko ye ko yera ko pa Wɛ to ŋwaane. 13Maŋe-na jei selo na ye wose to ne á di-ko. Kokuri to, Baŋa Wɛ pɔɔre-ko se ko taa ye abam de á bia bam popɔra mo o wodiu pɛɛra yam wone. Mo ni delo o na pɛ amo to. 14Ko nam ná ye varem wom nyɔɔne de o chwei dem ba na zeiŋi wɛɛne ba zuli Wɛ to, abam de á diga tiina, baara de kaana, mo jege chwoŋa se á di-te jeiga kalo na kwɛ ka maŋe de chullu tem to ne. Wɛ pɔɔre-te Isarele tiina yazura pɛɛra yam wone se te taa ye abam de á bia bam nyem mo.#Chullu 7:33-34 15Isarele tiina bam jege se ba kwei varem chwei dem de o nyɔɔne dem ba woli de o lara kam ba zeiŋi-te wɛɛne se te taa ye wodiu pɛɛre te pae Baŋa Wɛ. Varem wom nyɔɔne dem de o chwei dem ye abam de á bia bam nyem mo. Baŋa Wɛ ni dem konto wó taa wora taa wuu mo.”
16Moses déem ma bwei wɛleere saarem pɛɛre boŋo kom bwia. O ma maane we ba maŋe ba zwɛ ko maama. O bane ma zaŋe de Eleaza dedaane Itamara ye o bwei-ba o we, 17“Bɛ mo ke ye abam wo maŋe wara-jei sem ne á di varem wom nɔna yam? Pɛɛre dem konto tiini de ye wose mo. Baŋa Wɛ kwei-de o pa abam Isarele tiina bam wɛleera saarem ŋwaane, se á ma‑á ke kaanem á le ba lwarem o yiga ne mo. 18Nii-na! Ba wo jaane boŋo kom konto jana ba zo wara-vwei dem wone. Konto ŋwaane, ko ya ye se á di ko nɔna yam wara-jei sem ne mo, nenɛɛne amo na pɛ ni se á ke tei to.”
19Aron ma leiri Moses o we, “Nam nii! Nɔɔna bam zem kwei ba wɛleere saarem pɛɛre dem de ba zwɛɛm pɛɛre dem mo ba ke kaanem ba pa Baŋa Wɛ. De konto de, amo de nam nɛ lɛɛro dento dwoŋi. Konto to, a ya ná seene a di wɛleere saarem varem wom nɔna yam zem, Baŋa Wɛ ya wó jwoŋi a keim dem na?” 20Moses na nigi konto to, o wo ma to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)