Josua 9
9
Gibeon tiina gane Isarele tiina bam
1Teene dem na wo Jɔdan buga kam wɛ-zoore seeni to pwa maama ma ni kolo na ke to. Pwa bam konto déem zoore zwonnu laŋa kam ne mo, dedaane wɛ-zoore seeni bwollu tem ne. Ba badwonna maa zoore ba twɛ dedaane Mediterania naneo kom ni dem, ye ko tole ko maa vei baŋa ne se ko maŋe de Lebanon. Ko maa ye Hiti tiina, de Amori tiina, de Kanaan tiina, de Pɛrizi tiina, de Hivi tiina, dedaane Jebusi tiina pwa bam mo konto. 2Pwa bam konto maama ma sɔ ni se ba jar-keira bam maama gwaane daane se ba laam ke jara de Josua dedaane Isarele kɔgɔ kom maama.
3Ko daare Gibeon tiina bam na nigi Josua de o kwaga kam na ke tei Jeriko dedaane Ayi teene dem baŋa ne to, 4mo ba ke swa se ba wane ba jwoŋi ba tete ba yage. Ba ma ke wodiu, ye ba kwei-ko ba ke ywollu-dwonnu wone ba daŋe ba bonɛ baŋa ne. Ba lɔɔro tem de déem maa dwoori lanyerane ye te kaare kaare. 5Gwaaro telo nɔɔna bam na lɛ to déem maa ye gare-zenzwara, ye ba kwei natere-gorro ba zo. Ba wodiiru de déem ma kuuni, ye kodwoŋi de ko.
6Josua de o nɔɔna bam déem maŋe Giligal ne mo ba chwi ba vwoa. Gibeon tiina bam ma vo ba yi da, ye ba ta de Josua dedaane Isarele tiina bam ba we, “Debam teo ba ŋwae. Dé nam tu abam tei se dé ke ni-sɛɛm mo de abam.”
7Isarele tiina bam ma leiri-ba we, “Dɛ delo abam zoore ywo bwola bwola mo. Ko maa ná ye konto, debam bá wane dé ke ni-sɛɛm de abam.”
8Nɔɔna bam ma leiri Josua we, “Debam tu se dé sɛ dé pa abam.”
Josua ta ma jwoori o bwei-ba o we, “Abam ye bera mo, ye á nwoŋi yei mo?”
9Ba ma leiri‑o ba we:
“Debam nwoŋi teo yiga yiga mo dé ba ywo. Ko nam ye abam Tu Baŋa Wɛ wom yere-kamunu kom ŋwaane mo dé tua. Dé nigi o na ke tei maama Ejipti ne to. 10Dé ta nigi Baŋa Wɛ na toŋe tei dedaane Amori tiina pwa balei bam na zoore Jɔdan buga kam wɛ-puli seeni to. Ko maa ye Hesebon teo Pɛ Sihon mo dedaane Basan teo Pɛ Oga paare dem na di Asetarof ne to. 11Debam teo nakwa dedaane dé nɔn-bia bam maama ma ta debam ba we, ‘Kwei-na wodiiru chwo-dɔrɔ kom ŋwaane se á vo á jeeri Isarele tiina bam. Nam ta-na de-ba we: Debam lage se dé sɛ dé pa abam. Abam de nam sɛ se dé ke-na ni-sɛɛm daane.’ 12Nii-na debam bworobworo konto! Dé yɔɔre de wɔ-ko dé ti mo ye dé kwei chwoŋa se dé ba ywo. Leile konto ko nam kuuni mo ye ko ko. 13Lɔɔro tento dé na ke na te wone to ya ye lɔ-donno mo. Te laam nam dwoori mo, ye te bage bage. Dé natera dedaane dé gwaaro maama ma chɔge chwo-dɔrɔ kom baŋa ne mo.”
14Isarele nakwa bam ma jwoŋi Gibeon tiina wodiu kom ba laŋe ba nii, ye ba wo bwei se ba lɔre Baŋa Wɛ boboŋa. 15Josua ma ke ni-sɛɛm de nɔɔna bam se Isarele tiina bam yé go-ba. Isarele nakwa bam de déem ma du duuri se ko seene ko taa ye konto.
16Ba na ke ni-sɛɛm dedaane Gibeon tiina bam ba ti to, mo da yatɔ wɛɛne ba nigi we nɔɔna bam zoore ba twɛ-ba. 17Isarele tiina bam déem ma kaare laŋa kam se ba nii Gibeon tiina teene dem na wo mɛ to. Ba ma kwei da yatɔ ba yi ba teene dem. Teene dem yera déem mo ye Gibeon, de Chefira, de Beerofa, dedaane Kiriaf-Jeerim. 18Isarele tiina bam maa wo jeeri Gibeon nɔɔna bam de jara, ba yiga tiina bam na lwoori yiga ba ke ni-sɛɛm de-ba ye ba ma Isarele tiina Baŋa Wɛ wom yere mo ba du duuri ba pa-ba to ŋwaane.
Isarele kɔgɔ kom maama ma bobo se ba poone ba yiga tiina bam, ni-sɛɛm dem ŋwaane. 19Ba yiga tiina bam ma leiri-ba ba we, “Debam na lwoori yiga dé ma Isarele tiina Baŋa Wɛ wom yere dé ma dé du duuri dem to, dé daa bá wane-ba kolokolo se dé ke. 20Ko ye se dé yé go-ba mo. Dé ná chɔge ni-sɛɛm dento, Baŋa Wɛ bane wó zaŋe debam baŋa ne mo.” 21Ba daa maa we, “Ba ná ŋwe, dé wó pa se ba taa gwoni dɛ ye ba daare ba mɔɔne na ba pae Isarele kɔgɔ kom maama.” Isarele nakwa bam déem na bwɛ se ba ke kolo to mo konto.
22Josua ma bwoŋi Gibeon tiina bam ye o bwei-ba o we, “Bɛŋwaane mo á gane debam konto? Abam tage we á teo ba ŋwae, ye á laam zoore ywo-seeni bwola bwola. 23Lɛɛro laam nam mo wo á yuu ne. Ko zege zem dɛ dem se ko taa vei wuu, á wó ta‑á ye balo na gwoni dɛ mo, ye á daare á mɔɔne na debam Wɛ sɔŋɔ kom totoŋa ŋwaane.”
24Ba ma leiri Josua ba we, “Dé ye n tontoŋena mo. Dé maŋe dé ni abam Baŋa Wɛ wom na pɛ o tontoŋeno Moses kwora we, o di wɔnɔ tega kanto maama baŋa ne o pa abam, se á daare á chɔge ka nabiina bam maama tei to. Ko ma tiini ko pa se foone zo debam ye dé ke dé na ke tei maama to. 25Dé laam nam to nmo pwoa ne. Ke debam tei maama n na nɛ we ko tɔge chwoŋa to.”
26Josua ma sɛ. O maa wo pɛ pwola se Isarele tiina bam go-ba. 27Ko na zege dento dɛ dem ne se ko yi zem to, Josua pɛ se Gibeon nɔɔna bam taa gwoni dɛ mo ye ba daare ba mɔɔne na ba pae Isarele kɔgɔ kom maama. Ba déem ta ke konto mo Baŋa Wɛ kaanem bimbini dem totoŋa ŋwaane. Ko nam ye jei selo Baŋa Wɛ na kuri to ne mo ba ke konto.
Currently Selected:
Josua 9: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Josua 9
9
Gibeon tiina gane Isarele tiina bam
1Teene dem na wo Jɔdan buga kam wɛ-zoore seeni to pwa maama ma ni kolo na ke to. Pwa bam konto déem zoore zwonnu laŋa kam ne mo, dedaane wɛ-zoore seeni bwollu tem ne. Ba badwonna maa zoore ba twɛ dedaane Mediterania naneo kom ni dem, ye ko tole ko maa vei baŋa ne se ko maŋe de Lebanon. Ko maa ye Hiti tiina, de Amori tiina, de Kanaan tiina, de Pɛrizi tiina, de Hivi tiina, dedaane Jebusi tiina pwa bam mo konto. 2Pwa bam konto maama ma sɔ ni se ba jar-keira bam maama gwaane daane se ba laam ke jara de Josua dedaane Isarele kɔgɔ kom maama.
3Ko daare Gibeon tiina bam na nigi Josua de o kwaga kam na ke tei Jeriko dedaane Ayi teene dem baŋa ne to, 4mo ba ke swa se ba wane ba jwoŋi ba tete ba yage. Ba ma ke wodiu, ye ba kwei-ko ba ke ywollu-dwonnu wone ba daŋe ba bonɛ baŋa ne. Ba lɔɔro tem de déem maa dwoori lanyerane ye te kaare kaare. 5Gwaaro telo nɔɔna bam na lɛ to déem maa ye gare-zenzwara, ye ba kwei natere-gorro ba zo. Ba wodiiru de déem ma kuuni, ye kodwoŋi de ko.
6Josua de o nɔɔna bam déem maŋe Giligal ne mo ba chwi ba vwoa. Gibeon tiina bam ma vo ba yi da, ye ba ta de Josua dedaane Isarele tiina bam ba we, “Debam teo ba ŋwae. Dé nam tu abam tei se dé ke ni-sɛɛm mo de abam.”
7Isarele tiina bam ma leiri-ba we, “Dɛ delo abam zoore ywo bwola bwola mo. Ko maa ná ye konto, debam bá wane dé ke ni-sɛɛm de abam.”
8Nɔɔna bam ma leiri Josua we, “Debam tu se dé sɛ dé pa abam.”
Josua ta ma jwoori o bwei-ba o we, “Abam ye bera mo, ye á nwoŋi yei mo?”
9Ba ma leiri‑o ba we:
“Debam nwoŋi teo yiga yiga mo dé ba ywo. Ko nam ye abam Tu Baŋa Wɛ wom yere-kamunu kom ŋwaane mo dé tua. Dé nigi o na ke tei maama Ejipti ne to. 10Dé ta nigi Baŋa Wɛ na toŋe tei dedaane Amori tiina pwa balei bam na zoore Jɔdan buga kam wɛ-puli seeni to. Ko maa ye Hesebon teo Pɛ Sihon mo dedaane Basan teo Pɛ Oga paare dem na di Asetarof ne to. 11Debam teo nakwa dedaane dé nɔn-bia bam maama ma ta debam ba we, ‘Kwei-na wodiiru chwo-dɔrɔ kom ŋwaane se á vo á jeeri Isarele tiina bam. Nam ta-na de-ba we: Debam lage se dé sɛ dé pa abam. Abam de nam sɛ se dé ke-na ni-sɛɛm daane.’ 12Nii-na debam bworobworo konto! Dé yɔɔre de wɔ-ko dé ti mo ye dé kwei chwoŋa se dé ba ywo. Leile konto ko nam kuuni mo ye ko ko. 13Lɔɔro tento dé na ke na te wone to ya ye lɔ-donno mo. Te laam nam dwoori mo, ye te bage bage. Dé natera dedaane dé gwaaro maama ma chɔge chwo-dɔrɔ kom baŋa ne mo.”
14Isarele nakwa bam ma jwoŋi Gibeon tiina wodiu kom ba laŋe ba nii, ye ba wo bwei se ba lɔre Baŋa Wɛ boboŋa. 15Josua ma ke ni-sɛɛm de nɔɔna bam se Isarele tiina bam yé go-ba. Isarele nakwa bam de déem ma du duuri se ko seene ko taa ye konto.
16Ba na ke ni-sɛɛm dedaane Gibeon tiina bam ba ti to, mo da yatɔ wɛɛne ba nigi we nɔɔna bam zoore ba twɛ-ba. 17Isarele tiina bam déem ma kaare laŋa kam se ba nii Gibeon tiina teene dem na wo mɛ to. Ba ma kwei da yatɔ ba yi ba teene dem. Teene dem yera déem mo ye Gibeon, de Chefira, de Beerofa, dedaane Kiriaf-Jeerim. 18Isarele tiina bam maa wo jeeri Gibeon nɔɔna bam de jara, ba yiga tiina bam na lwoori yiga ba ke ni-sɛɛm de-ba ye ba ma Isarele tiina Baŋa Wɛ wom yere mo ba du duuri ba pa-ba to ŋwaane.
Isarele kɔgɔ kom maama ma bobo se ba poone ba yiga tiina bam, ni-sɛɛm dem ŋwaane. 19Ba yiga tiina bam ma leiri-ba ba we, “Debam na lwoori yiga dé ma Isarele tiina Baŋa Wɛ wom yere dé ma dé du duuri dem to, dé daa bá wane-ba kolokolo se dé ke. 20Ko ye se dé yé go-ba mo. Dé ná chɔge ni-sɛɛm dento, Baŋa Wɛ bane wó zaŋe debam baŋa ne mo.” 21Ba daa maa we, “Ba ná ŋwe, dé wó pa se ba taa gwoni dɛ ye ba daare ba mɔɔne na ba pae Isarele kɔgɔ kom maama.” Isarele nakwa bam déem na bwɛ se ba ke kolo to mo konto.
22Josua ma bwoŋi Gibeon tiina bam ye o bwei-ba o we, “Bɛŋwaane mo á gane debam konto? Abam tage we á teo ba ŋwae, ye á laam zoore ywo-seeni bwola bwola. 23Lɛɛro laam nam mo wo á yuu ne. Ko zege zem dɛ dem se ko taa vei wuu, á wó ta‑á ye balo na gwoni dɛ mo, ye á daare á mɔɔne na debam Wɛ sɔŋɔ kom totoŋa ŋwaane.”
24Ba ma leiri Josua ba we, “Dé ye n tontoŋena mo. Dé maŋe dé ni abam Baŋa Wɛ wom na pɛ o tontoŋeno Moses kwora we, o di wɔnɔ tega kanto maama baŋa ne o pa abam, se á daare á chɔge ka nabiina bam maama tei to. Ko ma tiini ko pa se foone zo debam ye dé ke dé na ke tei maama to. 25Dé laam nam to nmo pwoa ne. Ke debam tei maama n na nɛ we ko tɔge chwoŋa to.”
26Josua ma sɛ. O maa wo pɛ pwola se Isarele tiina bam go-ba. 27Ko na zege dento dɛ dem ne se ko yi zem to, Josua pɛ se Gibeon nɔɔna bam taa gwoni dɛ mo ye ba daare ba mɔɔne na ba pae Isarele kɔgɔ kom maama. Ba déem ta ke konto mo Baŋa Wɛ kaanem bimbini dem totoŋa ŋwaane. Ko nam ye jei selo Baŋa Wɛ na kuri to ne mo ba ke konto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)