Jemsi 5
5
Naduna na bɛɛse nɔɔna tei to
1Ko daare abam balo na ye naduna to, fɔge á cheigi-na. Ta‑á keeri-na se á ta‑á chwoosa de lɛɛro telo na lage te ba abam baŋa to. 2Abam jejegero tem maama pɔga, ye charebombore de di á gwaaro tem. 3Abam sabu-seŋa kam de á sabia maama maa soŋe. Bora borem dɛ dem ne te soŋem dem konto mo wó bere we á ke á tusi, ye dento ta wó di abam yera yam ne mini tei. Logo baŋa kweelim da yam nam twɛ, ye abam ta fɔge á la á jejegero tem á tiŋi. 4Ko ta woli da, á ba sɛ se á ta‑á ŋwe balo na toŋe ba pa abam to. Cheigi-na á nii ba na poona de á na pini-ba tei to. Balo na ke abam wodiiru tem ba ke diga ne to keira kam to Yuu-tu Baŋa Wɛ zwɛ ne.#Nia Gulim 24:14-15 5Á logo baŋa ŋwea kam ye paare yerane mo, ye á ke á boboŋa na lage tei. Á di á nu, ne ba na kɔne varem se ba go tei to. 6Á ta kwori á pae balo na jege chega to ga bora, á daare á go-ba, ye ba ware á yiga se ba che.
Dé wó pa se Wɛ taa jege dé teena
7A nu-bia bam, zuri-na á bochara á ta‑á maa nii maŋa kam dé Teiru wom na wó jwoori o ba to. Ta‑á nii-na valo na yeini o zuri o yera tei o maa cheigi maŋa kam o wodiiru tem na wó be to. O yeini o zuri o yera o maa cheigi duum doa, de faao-ni doa. 8Konto ŋwaane, ko maŋe se abam de zuri á bochara mo ye á vɔ á wo lanyerane, se dé Teiru wom bá dáane ye o ba.
9A nu-bia bam, yé ta‑á poone daane, se ko wó pa á ga bora Wɛ tei ne. Nii-na, ko twɛ ko ti se Wɛ di debam taane. 10A nu-bia bam, guli-na Baŋa Wɛ sampwori selo déem na tɔɔle o kwora kam to gula. Ba déem nɛ yaara dedɛ ye ba vɔ ba wo ba fɔge ba zege ka baŋa ne lanyerane. Konto to, ko maŋe se abam de lwoni banto kikia yam mo. 11Ko ná ye balo na jege pu-dɛa kanto dwoŋi to, dé yei we ba nɛ wopwolo Wɛ tei ne. Abam maŋe á yei Job déem na ke pu-dɛa o yaara yam wone tei, ye á kwori á yei Wɛ na pɛ o kweeli ya wone tei to.#Job 1:1, 21-22 Chega ŋwaane to, Baŋa Wɛ tiini o jege debam ŋwaŋa ye o duri debam yibwona lanyerane.
12A nu-bia bam, konto maama baŋa ne, ta‑á yei-na se, á ná lage á gwoni ni, se á yé zaŋe á du duuri á woli da. Yé du-na de Wɛ, naa tega, naa de kolokolo de. Á nam wó ta we, “ɛɛ” naa “aawo”, se á yé du duuri á woli da. Ko ná dae konto, á wó ga bora Wɛ tei ne.#Matiyu 5:33-37
13Abam wolo ná wo cham wone, se kotu lwoori Wɛ. Abam wolo nam ná jege wopwolo, se kotu taa leeni o seini Wɛ. 14Abam wolo nam ná ba jege yazura, se o bwoŋi Yezu kɔgɔ kom nakwa bam se ba ba ba lwoori Wɛ ba pa‑o, se ba daare ba kwei nuga ba ke o yuu ne dé Teiru Yezu yere ŋwaane.#Maake 6:13 15Ba ná ke ba wo-dedoa ba lwoori Wɛ konto dwoŋi, jaweeno wom wó seene o na yazura mo. Dé Teiru wom wó pa o wori, ye wɛleera yalo maama o na ke to Wɛ wó yage o ma chɛ‑o. 16Konto ŋwaane, ko maŋe se á ta‑á tɛ á wɛleera taane jaja mo á bere daane, se á daare á ta‑á lwoori Wɛ á pa daane, se Wɛ wó pa á na yazura. Nɔn-ŋom wɛ-lworo tiini ko dana lanyerane ko wae ko pae wonnu ke. 17Guli-na Elija déem na ke tei to.#1 Pwa 17:1; 18:1 O ye nabiinu ne debam na ye tei to mo, ye o seene o yia o lwoori Wɛ se doa daa yé taa nena. Ka ma seene ka wo nege bena yatɔ de chane seredo. 18O daa ma jwoori o lwoori Wɛ. Ka daa ma seene ka ne, ye tega baŋa wonnu maama jwoori te puli te nwoŋi te ke wodiiru.
19A nu-bia bam, abam wolo ná ywori chega chwoŋa kam wone, ye o dwoŋi ná wane o pa o jwoori o to ka wone, ko lana. 20Á nam ta‑á yei we, wolo maama ná wane o che wɛle-keiru pa o yage o tusim dem, kotu wó wane o vere nɔɔno wom toone jeŋa ne, ye o wɛleera maama de wó saare.
Currently Selected:
Jemsi 5: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jemsi 5
5
Naduna na bɛɛse nɔɔna tei to
1Ko daare abam balo na ye naduna to, fɔge á cheigi-na. Ta‑á keeri-na se á ta‑á chwoosa de lɛɛro telo na lage te ba abam baŋa to. 2Abam jejegero tem maama pɔga, ye charebombore de di á gwaaro tem. 3Abam sabu-seŋa kam de á sabia maama maa soŋe. Bora borem dɛ dem ne te soŋem dem konto mo wó bere we á ke á tusi, ye dento ta wó di abam yera yam ne mini tei. Logo baŋa kweelim da yam nam twɛ, ye abam ta fɔge á la á jejegero tem á tiŋi. 4Ko ta woli da, á ba sɛ se á ta‑á ŋwe balo na toŋe ba pa abam to. Cheigi-na á nii ba na poona de á na pini-ba tei to. Balo na ke abam wodiiru tem ba ke diga ne to keira kam to Yuu-tu Baŋa Wɛ zwɛ ne.#Nia Gulim 24:14-15 5Á logo baŋa ŋwea kam ye paare yerane mo, ye á ke á boboŋa na lage tei. Á di á nu, ne ba na kɔne varem se ba go tei to. 6Á ta kwori á pae balo na jege chega to ga bora, á daare á go-ba, ye ba ware á yiga se ba che.
Dé wó pa se Wɛ taa jege dé teena
7A nu-bia bam, zuri-na á bochara á ta‑á maa nii maŋa kam dé Teiru wom na wó jwoori o ba to. Ta‑á nii-na valo na yeini o zuri o yera tei o maa cheigi maŋa kam o wodiiru tem na wó be to. O yeini o zuri o yera o maa cheigi duum doa, de faao-ni doa. 8Konto ŋwaane, ko maŋe se abam de zuri á bochara mo ye á vɔ á wo lanyerane, se dé Teiru wom bá dáane ye o ba.
9A nu-bia bam, yé ta‑á poone daane, se ko wó pa á ga bora Wɛ tei ne. Nii-na, ko twɛ ko ti se Wɛ di debam taane. 10A nu-bia bam, guli-na Baŋa Wɛ sampwori selo déem na tɔɔle o kwora kam to gula. Ba déem nɛ yaara dedɛ ye ba vɔ ba wo ba fɔge ba zege ka baŋa ne lanyerane. Konto to, ko maŋe se abam de lwoni banto kikia yam mo. 11Ko ná ye balo na jege pu-dɛa kanto dwoŋi to, dé yei we ba nɛ wopwolo Wɛ tei ne. Abam maŋe á yei Job déem na ke pu-dɛa o yaara yam wone tei, ye á kwori á yei Wɛ na pɛ o kweeli ya wone tei to.#Job 1:1, 21-22 Chega ŋwaane to, Baŋa Wɛ tiini o jege debam ŋwaŋa ye o duri debam yibwona lanyerane.
12A nu-bia bam, konto maama baŋa ne, ta‑á yei-na se, á ná lage á gwoni ni, se á yé zaŋe á du duuri á woli da. Yé du-na de Wɛ, naa tega, naa de kolokolo de. Á nam wó ta we, “ɛɛ” naa “aawo”, se á yé du duuri á woli da. Ko ná dae konto, á wó ga bora Wɛ tei ne.#Matiyu 5:33-37
13Abam wolo ná wo cham wone, se kotu lwoori Wɛ. Abam wolo nam ná jege wopwolo, se kotu taa leeni o seini Wɛ. 14Abam wolo nam ná ba jege yazura, se o bwoŋi Yezu kɔgɔ kom nakwa bam se ba ba ba lwoori Wɛ ba pa‑o, se ba daare ba kwei nuga ba ke o yuu ne dé Teiru Yezu yere ŋwaane.#Maake 6:13 15Ba ná ke ba wo-dedoa ba lwoori Wɛ konto dwoŋi, jaweeno wom wó seene o na yazura mo. Dé Teiru wom wó pa o wori, ye wɛleera yalo maama o na ke to Wɛ wó yage o ma chɛ‑o. 16Konto ŋwaane, ko maŋe se á ta‑á tɛ á wɛleera taane jaja mo á bere daane, se á daare á ta‑á lwoori Wɛ á pa daane, se Wɛ wó pa á na yazura. Nɔn-ŋom wɛ-lworo tiini ko dana lanyerane ko wae ko pae wonnu ke. 17Guli-na Elija déem na ke tei to.#1 Pwa 17:1; 18:1 O ye nabiinu ne debam na ye tei to mo, ye o seene o yia o lwoori Wɛ se doa daa yé taa nena. Ka ma seene ka wo nege bena yatɔ de chane seredo. 18O daa ma jwoori o lwoori Wɛ. Ka daa ma seene ka ne, ye tega baŋa wonnu maama jwoori te puli te nwoŋi te ke wodiiru.
19A nu-bia bam, abam wolo ná ywori chega chwoŋa kam wone, ye o dwoŋi ná wane o pa o jwoori o to ka wone, ko lana. 20Á nam ta‑á yei we, wolo maama ná wane o che wɛle-keiru pa o yage o tusim dem, kotu wó wane o vere nɔɔno wom toone jeŋa ne, ye o wɛleera maama de wó saare.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)