Pulim 49
49
Jakob swɛ o bia bam swolim
1Jakob déem ma bwoŋi o bu-baara bam ye o ta-ba o we, “La-na daane amo yiga ne se a maŋe a bere abam kolo jwa na wó ke á yera ne to.
2Jakob bia bam, nam jeeri-na, se á cheigi.
Cheigi-na á kwo Isarele#49:2 Isarele ye Jakob yere dedwoŋi. taane dem.
3Ruben, nmo mo ye amo bu-kwea.
N maa n ye a nɔn-doŋo jana bu, ye n bere amo dam.
Nmo dam de n zula tiini ya gaale nɔɔna maama.
4Nmo nam nye nenɛɛne na na chuuri tei to mo,
n ba zege jeiga dedoa.
Konto to, nmo bá‑n kɛ yiga.#1 Tigisim 5:1
Nmo zo n kwo sara wone n chɔge-ka,
n na peini de amo kaane wodwoŋi to ŋwaane.
5Simeon de Levi ye chorro mo.
Ba se-zɔɔro tem jaane vuvuga mo te tui.
6Amo ba lage ba jeiŋa jei kɔtaa!
Dé bá jeeri daane se dé bane bana,
kokuri to, ba tɔge ban-zɔŋɔ baŋa ne ba go nɔɔna
ba daare ba pa se nabɛ gwarege yɔɔ yɔɔ.
7Amo sɔɔle lwarem a yage ba ban-lom dem baŋa ne,
ba na tiini ba ke lɛɛro to ŋwaane.
Ba tiini ba jege puseŋa dedɛ.
A lage a jage ba dwi dem a yage tega kam maama baŋa ne mo,
se ba gwaane de Isarele dwi tiina bam maama.
8Judah, nmo chorro tem wó tei‑m.
N jeŋa wó taa wo n dona bakala ne se n wane-ba.
Nmo kwo bia wó ba ba chɔɔle tega ne ba zuli‑m.#1 Tigisim 5:2
9Amo bu Judah, n nye de nywoŋ-pɔla mo,
N nye de nywoŋ-kana na zi ka wodiu
ye ka laam vwɛ ka jwoori ka vo
ka tigi chemm ka tiga jei ne to mo.
Nɔɔn-nɔɔno ba lage se o daane‑m.
10Judah wó taa zei paare nacheiga kam mo.
O dwi dem nam wó taa di paare mo taa wuu.
Dwi-gɛ tiina wó ja wonnu ba ba ba pa‑o
ye ba chɔɔle ba yibia tega ne ba zuli‑o.
11Wonto yeini o jaane o bonaga o vei o lei tio yera ne,
de ko tio-bia na maŋe ba lamma tei to de.
O kwei tio-bia nyoa mo o ma zare o gwaaro tem.
12O yia laam wó taa seena lanyerane,
nenɛɛne sa-sona balo o na nyɔa to.
O yeila maa wó taa tiini ya peera
ne nayela tei.
13Zebulun wó taa zoore naneo ni ne mo,
nabwooru wó taa tui te zege jei sem konto ne.
O laŋa kam de wó yale ka vo ka yi Sidon jei sem.
14Isakara nye de bonaga mo na tiini ka damma
ye ka tigi ka zela ywollu telei tetare ne ka sii to mo.
15Wonto nɛ we o zoorem jei sem lamma,
dedaane o tega kam maama.
Konto ŋwaane o laam ma sɛ se o zeŋe zela yam
ye o daare o sɛ totoŋ-chɛɛra ne kabaa tei.
16Dan mo wó taa tei o nɔɔna de chega.
O dwi dem wó jeini Isarele tiina bam wone.
17Dan nam wó taa nye de basankwea mo,
ka na tigi chwoŋa ni ne to.
Ka maa wó zaŋe ka done siseiŋa nakila
se ka pa diru wom yale o to o kwaga tetare ne.
18 Baŋa Wɛ, amo cheigi nmo mo se n jwoŋi-ne n yage!
19Ko ná ye Gad, venverena mo wó kwaane se ba vere‑o.
Wonto nam wó pipiri o zeili-ba pa se ba viiri.
20Asere tega kam wó taa ke wodi-laaro dedɛ.
O wó taa jege wodiu kolo na maŋe de pɛ dim to.
21Nafitali nye de feira kalo ba na yage se ka taa vei zɛɛra to mo.
Ka maa lore bu-laaro.
22Josɛf nye de tio kolo na leiri bia dedɛ to mo.
Ko maa zega ko bwola de buga,
ye ko nɛ sem yɔɔre se dɔɔle se ma diini kabira baŋa.
23O dona bam ma ta ba chena de yi-seena
se ba chiŋi‑o ba ja.
24O tete taŋa kam nam yɔɔre ka zege mo chekke.
O je sem maa dana se o taa tae o chena.
Baŋa Wɛ wom na ye Jakob dwi tiina Dam maama Tu wom to
mo wó pa Josɛf dam.
Wonto nii o nɔɔna baŋa ne, ne nayero tei mo.
O maa ye Isarele tiina dalem jei, ne peo mo tei.
25Nmo kwo Wɛ wom, wonto mo wó woli‑m.
Dam-fɔrɔ Tu Wɛ wom mo wó swɛ nmo swolim.
Wonto wó pa se doa nwoŋi wɛyuu ka taa nena.
Na de wó buri tega kuri ne.
Wɛ wó pa se n na dwi dedɛ,
ye n vara de taa daga.
26Nmo kwo na sɔɔle Wɛ swolim o yage n yuu ne tei to
dwoi wo-laaro telo na wo faŋa faŋa peero tem ne to.
Wɛ wó pa se nmo Josɛf na wodiiru de wo-laaro ko ja gaale.
O wó ke zaane o ke nmo yuu ne,
nmo wolo na ye pa-bu nmo chorro tem maama yiga ne to.
27Benjamin nye de wiiru na jaane vara ko tore to mo.
Zezeŋa maama o yeini o di o na jaane kolo to mo.
Se dedaan-ni ná yia,
o daa pɔɔre kolo maama na daare to.”
28Isarele dwia fuga-yalei yam mo konto, dedaane ba kwo déem na tage tei o ma sɔɔle Wɛ swolim o ke ba yuu ne to. O kwei Wɛ zaane o ma swɛ ba swolim se ko maŋe de ba dedoa dedoa na ye tei to mo.
Jakob toone
29Jakob déem laam ma pa o bia bam kwora kanto ye o we, “Ko laam gɛ fee se amo de te se a vo a nabaara bam tei. Amo ná tega, kwei-na amo á ke peo-bɔɔne delo ne ba déem na ke amo kwoa bam da to. Tega kam déem ya ye Hiti tu Eforon nyem mo. 30Peo-bɔɔne dem konto wo Machapela pwola kam ne mo, ye de bwola de Kanaan teo Mamere. Abaraham déem yeigi-de Eforon tei ne mo, se o taa ke o nɔɔna de wone. 31Dáane mo ba déem suli Abaraham de o kaane Sarah. Ba ma daare ba suli Izaak de o kaane Rebeka de wone. Amo de déem suli a kaane Leah da. 32Abaraham déem nam yeigi bɔɔne dem dedaane pwola kam maama mo Hiti tiina bam tei ne.”
33Jakob déem ma bere o bia bam ba na wó ke tei maama to o ti. O laam ma guni o peini o peiga jei ne, ye o te.
Currently Selected:
Pulim 49: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Pulim 49
49
Jakob swɛ o bia bam swolim
1Jakob déem ma bwoŋi o bu-baara bam ye o ta-ba o we, “La-na daane amo yiga ne se a maŋe a bere abam kolo jwa na wó ke á yera ne to.
2Jakob bia bam, nam jeeri-na, se á cheigi.
Cheigi-na á kwo Isarele#49:2 Isarele ye Jakob yere dedwoŋi. taane dem.
3Ruben, nmo mo ye amo bu-kwea.
N maa n ye a nɔn-doŋo jana bu, ye n bere amo dam.
Nmo dam de n zula tiini ya gaale nɔɔna maama.
4Nmo nam nye nenɛɛne na na chuuri tei to mo,
n ba zege jeiga dedoa.
Konto to, nmo bá‑n kɛ yiga.#1 Tigisim 5:1
Nmo zo n kwo sara wone n chɔge-ka,
n na peini de amo kaane wodwoŋi to ŋwaane.
5Simeon de Levi ye chorro mo.
Ba se-zɔɔro tem jaane vuvuga mo te tui.
6Amo ba lage ba jeiŋa jei kɔtaa!
Dé bá jeeri daane se dé bane bana,
kokuri to, ba tɔge ban-zɔŋɔ baŋa ne ba go nɔɔna
ba daare ba pa se nabɛ gwarege yɔɔ yɔɔ.
7Amo sɔɔle lwarem a yage ba ban-lom dem baŋa ne,
ba na tiini ba ke lɛɛro to ŋwaane.
Ba tiini ba jege puseŋa dedɛ.
A lage a jage ba dwi dem a yage tega kam maama baŋa ne mo,
se ba gwaane de Isarele dwi tiina bam maama.
8Judah, nmo chorro tem wó tei‑m.
N jeŋa wó taa wo n dona bakala ne se n wane-ba.
Nmo kwo bia wó ba ba chɔɔle tega ne ba zuli‑m.#1 Tigisim 5:2
9Amo bu Judah, n nye de nywoŋ-pɔla mo,
N nye de nywoŋ-kana na zi ka wodiu
ye ka laam vwɛ ka jwoori ka vo
ka tigi chemm ka tiga jei ne to mo.
Nɔɔn-nɔɔno ba lage se o daane‑m.
10Judah wó taa zei paare nacheiga kam mo.
O dwi dem nam wó taa di paare mo taa wuu.
Dwi-gɛ tiina wó ja wonnu ba ba ba pa‑o
ye ba chɔɔle ba yibia tega ne ba zuli‑o.
11Wonto yeini o jaane o bonaga o vei o lei tio yera ne,
de ko tio-bia na maŋe ba lamma tei to de.
O kwei tio-bia nyoa mo o ma zare o gwaaro tem.
12O yia laam wó taa seena lanyerane,
nenɛɛne sa-sona balo o na nyɔa to.
O yeila maa wó taa tiini ya peera
ne nayela tei.
13Zebulun wó taa zoore naneo ni ne mo,
nabwooru wó taa tui te zege jei sem konto ne.
O laŋa kam de wó yale ka vo ka yi Sidon jei sem.
14Isakara nye de bonaga mo na tiini ka damma
ye ka tigi ka zela ywollu telei tetare ne ka sii to mo.
15Wonto nɛ we o zoorem jei sem lamma,
dedaane o tega kam maama.
Konto ŋwaane o laam ma sɛ se o zeŋe zela yam
ye o daare o sɛ totoŋ-chɛɛra ne kabaa tei.
16Dan mo wó taa tei o nɔɔna de chega.
O dwi dem wó jeini Isarele tiina bam wone.
17Dan nam wó taa nye de basankwea mo,
ka na tigi chwoŋa ni ne to.
Ka maa wó zaŋe ka done siseiŋa nakila
se ka pa diru wom yale o to o kwaga tetare ne.
18 Baŋa Wɛ, amo cheigi nmo mo se n jwoŋi-ne n yage!
19Ko ná ye Gad, venverena mo wó kwaane se ba vere‑o.
Wonto nam wó pipiri o zeili-ba pa se ba viiri.
20Asere tega kam wó taa ke wodi-laaro dedɛ.
O wó taa jege wodiu kolo na maŋe de pɛ dim to.
21Nafitali nye de feira kalo ba na yage se ka taa vei zɛɛra to mo.
Ka maa lore bu-laaro.
22Josɛf nye de tio kolo na leiri bia dedɛ to mo.
Ko maa zega ko bwola de buga,
ye ko nɛ sem yɔɔre se dɔɔle se ma diini kabira baŋa.
23O dona bam ma ta ba chena de yi-seena
se ba chiŋi‑o ba ja.
24O tete taŋa kam nam yɔɔre ka zege mo chekke.
O je sem maa dana se o taa tae o chena.
Baŋa Wɛ wom na ye Jakob dwi tiina Dam maama Tu wom to
mo wó pa Josɛf dam.
Wonto nii o nɔɔna baŋa ne, ne nayero tei mo.
O maa ye Isarele tiina dalem jei, ne peo mo tei.
25Nmo kwo Wɛ wom, wonto mo wó woli‑m.
Dam-fɔrɔ Tu Wɛ wom mo wó swɛ nmo swolim.
Wonto wó pa se doa nwoŋi wɛyuu ka taa nena.
Na de wó buri tega kuri ne.
Wɛ wó pa se n na dwi dedɛ,
ye n vara de taa daga.
26Nmo kwo na sɔɔle Wɛ swolim o yage n yuu ne tei to
dwoi wo-laaro telo na wo faŋa faŋa peero tem ne to.
Wɛ wó pa se nmo Josɛf na wodiiru de wo-laaro ko ja gaale.
O wó ke zaane o ke nmo yuu ne,
nmo wolo na ye pa-bu nmo chorro tem maama yiga ne to.
27Benjamin nye de wiiru na jaane vara ko tore to mo.
Zezeŋa maama o yeini o di o na jaane kolo to mo.
Se dedaan-ni ná yia,
o daa pɔɔre kolo maama na daare to.”
28Isarele dwia fuga-yalei yam mo konto, dedaane ba kwo déem na tage tei o ma sɔɔle Wɛ swolim o ke ba yuu ne to. O kwei Wɛ zaane o ma swɛ ba swolim se ko maŋe de ba dedoa dedoa na ye tei to mo.
Jakob toone
29Jakob déem laam ma pa o bia bam kwora kanto ye o we, “Ko laam gɛ fee se amo de te se a vo a nabaara bam tei. Amo ná tega, kwei-na amo á ke peo-bɔɔne delo ne ba déem na ke amo kwoa bam da to. Tega kam déem ya ye Hiti tu Eforon nyem mo. 30Peo-bɔɔne dem konto wo Machapela pwola kam ne mo, ye de bwola de Kanaan teo Mamere. Abaraham déem yeigi-de Eforon tei ne mo, se o taa ke o nɔɔna de wone. 31Dáane mo ba déem suli Abaraham de o kaane Sarah. Ba ma daare ba suli Izaak de o kaane Rebeka de wone. Amo de déem suli a kaane Leah da. 32Abaraham déem nam yeigi bɔɔne dem dedaane pwola kam maama mo Hiti tiina bam tei ne.”
33Jakob déem ma bere o bia bam ba na wó ke tei maama to o ti. O laam ma guni o peini o peiga jei ne, ye o te.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)