Pulim 47
47
1Josɛf ma vo o ta de Pa-faro wom o we, “Amo kwo de a chorro jaane ba peeni, de ba bone, de ba naane dedaane ba wonnu maama mo ba ba ywo. Leile konto, ba tu se ba jeini Gosen laŋa kam ne mo.” 2O ta ma kuri o chorro tem wone tenu o ja o zo Pa-faro wom tei se ba ware‑o.
3Pɛ wom ma bwei Josɛf chorro tem o we, “Abam toŋe bɛ totoŋa mo?” Ba ma leiri‑o ba we, “Dé ye nayera mo, nenɛɛne debam kwoa bam déem na toŋe totoŋe delo to.” 4Ba déem ta ma ta ded‑o ba we, “Dé tu ywo se dé taa zoore logo konto ne maŋa fenfee mo. Kokuri to, kana kam tiini ka chɛ Kanaan teo kom ne mo, ye dé vara bam daa ba nae gaaro se ba taa di. Konto mo dé to n pwoa ne se, n ná sɛ, se dé taa zoore Gosen laŋa kam ne.”
5Pa-faro wom ma ta de Josɛf o we, “Nmo kwo de n chorro tem tu nmo tei mo. 6Ejipti teo kom ni maama wo n jeŋa ne. Pa se ba jeini tega kam mɛ maama na lamma to. Pa-ba pwola se ba taa zoore Gosen ne. Nmo ma ná maane we ba wolo tiini o yei vara kɔnɔ lanyerane, se n kwei amo tete naane dem n ke kotu jeŋa ne se o taa nii-de o pa-ne.”
7Josɛf laam ma ja o kwo Jakob o zo se o ware Pɛ wom. Jakob déem ma sɔɔle Wɛ swolim o ke Pa-faro wom yuu ne. Konto na ti to, 8Pɛ wom ma bwei‑o o we, “Nmo jege bena yagera mo?” 9Jakob déem ma leiri Pɛ wom o we, “Amo bena a na mɛ a beeri logo baŋa ne to ye bi de fintɔ mo. Bena yam konto nam ba daga ye ya su de cham. Amo bena yam bá twɛ a kwoa déem na mɛ bena yalo ba beeri logo baŋa ne to.” 10Jakob daa ta ma sɔɔle Wɛ swolim o yage Pa-faro wom yuu ne ye o laam nwoŋi da o tei ne.
11Josɛf déem ke Pa-faro wom na bere‑o se o ke tei to mo. O ma pa o kwo de o chorro tem jeiŋa jei Ejipti ne se ba taa zoore da. Tega kalo o déem na pɛ-ba to laam jigi ba tete nyem mo ye ka lamma ka dwoi Ejipti tega kam maama. Jei sem konto déem bwola de Ramesesa teo kom na wo Gosen laŋa kam ne to mo. 12Josɛf déem mo ta jege o kwo, de o chorro tem, de ba kwaga kam maama ni-wodiu. Nɔn-kwe de bu-somwa maama déem di wonto jeŋa ne mo.
Josɛf de kana maŋa kam taane
13Wodiu déem tere logo kom maama jei jei ne. Kana kam déem chɛ Ejipti ne dedaane Kanaan ne ye nɔɔna bam maama déem wora ba kwaare ba jei de kana. 14Nɔɔna maama déem maa tui Josɛf tei ba yeigi mena. O de déem ma la sabu kom o ja o vo Pa-faro wom sɔŋɔ. 15Ejipti tiina bam de Kanaan tiina bam ma di ba sabia ba ti ye kana ta wora. Ejipti tiina maama ma vo Josɛf tei ba we, “Pa debam wodiu, se dé yé pu de kana ye n ta zege da! Dé sabu maama ti.”
16Josɛf déem ma ta-ba o we, “Nam ja-na á vara á ba á pa-ne. Abam sabu ná seene ko ti, amo wó yeigi wodiu a pa abam se á vara bam leiri sabu yuu ne.” 17Ba ma ja ba vara bam ba vo Josɛf tei, ye o de pa-ba wodiu o ma o leini ba sisei yuu ne, de ba pei de ba bone yuu ne. O déem ta pɛ-ba wodiu ba naane de ba bonɛ ŋwaane mo. Dento bene dem ne o déem mɛ wodiu kom o leini ba vara bam maama.
18Bene dedwoŋi daa ma yi. Ejipti tiina déem ma vo Josɛf tei ba we, “Debam tu, dé bá wane dé seigi chega kam nmo yiga ne. Debam sabu ti, dé vara maama maa wo nmo jeŋa ne. Kolo yerane laam na daare to mo ye dé kare sem dedaane dé tete yera yam. 19Nam kwaane n woli debam. Ko ná dae konto, dé wó jei mo dedaane dé tega kam maama. Yeigi debam dedaane dé kare sem se n pa debam wodiu. Debam wó ji Pa-faro wom kabɛ ye o ta wó taa tei dé tega kam de, nenɛɛne n ná pɛ debam wodiu se dé jwoŋi dé tete, de wo-dwa se dé tega kam de bá taa tigi kafɛ.”
20Josɛf déem ma yeigi Ejipti tega kam maama pa se ka ji Pa-faro wom nyem. Kana kam na tiini ka chɛ to, Ejipti tiina bam maama déem maa jege ba kare ba yeigi konto. Pa-faro wom ma ba o taa tei tega kam maama. 21Josɛf déem ma pa se nɔɔna bam ji kabɛ mo, ko zege Ejipti daa dedoa ne se ko yi kakam daa ne. 22Ko nam ná ye Ejipti kaanem tiina bam, o déem wo yeigi banto tega, kolo ŋwaane Pa-faro wom déem mo pɔɔre o wodiiru o pae banto se ko yi ba ni. Konto ŋwaane ba déem ba jege se ba kwei ba tega ba yeigi ba pa Josɛf.
23Josɛf ma ta de nɔɔna bam o we, “Á wo nɛ na? Abam dedaane á tega kam maama laam jigi Pa-faro wom nyem mo. Nam jwoŋi-na wo-dwa á vo á du á kare sem ne. 24Wodiu zagem maŋa ne, se á pɔɔre wodiiru tem kuni benu. Á wó kwei popɔra dedoa á ba á pa Pɛ mo, ye á daare popɔra yana á jege á ma á ke á wo-dwa dedaane á ni-wodiu se ko pa abam de á diga tiina.” 25Nɔɔna bam déem ma leiri ba we, “Dé tu, nmo jwoŋi debam mo n yage. Nmo na tiini n ke debam lanyerane konto to, dé wó taa ye Pɛ wom kabɛ.”
26Josɛf déem ma lɛɛre o pa ni se de taa toŋe Ejipti tega maama baŋa ne. De nam wora mo de zem tento. Ko zege mo we wodiiru zagem maŋa ne, se nɔɔna maama pɔɔre-te kuni benu. Popɔra dedoa maa wó taa ye Pa-faro wom nyem. Kaanem tiina bam tega yerane mo déem tɔge ka dae Pɛ wom nyem.
Jakob twɛ se o te
27Isarele tiina bam ma lɛɛre ba zoore Ejipti ne. Ba déem wo Gosen laŋa kam ne mo. Dáane mo ba déem tiini ba duni ye ba dwi ta puli dedɛ.
28Jakob déem jeini Ejipti ne bena fuga-yarepɛ (17) mo. O ŋwea déem jaane bena bi dedaane finna-yarepɛ (147) mo. 29O déem tu o maane we ko daa bá dáane se o te. O ma bwoŋi o bu Josɛf o ta‑o we, “Nenɛɛne nmo yi ná su de amo, se n kwei n jeŋa n ke amo chwei kuri ne se n du duuri. Pwooli n pa-ne we nmo wó duri amo ŋwaŋa se n bere n chega de amo. Sɛ we, a ná tega, n bá‑n ke-ne Ejipti ne. 30Amo ná maa vei a kwoa tei, a lage se á ja-ne mo á nwoŋi Ejipti ne. Á laam maa wó ja-ne á vo á suli mɛ ba déem na suli amo kwoa bam to.”#Pulim 50:12 Josɛf ma leiri o we, “Amo wó ke nmo na we a ke tei to.”
31Jakob ma ta‑o se o fɔge o du duuri se o ke konto. Josɛf ma seene o du duuri dem o pa‑o. Jakob ma guni o peini o peiga jei ne ye o ke Wɛ lei.
Currently Selected:
Pulim 47: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Pulim 47
47
1Josɛf ma vo o ta de Pa-faro wom o we, “Amo kwo de a chorro jaane ba peeni, de ba bone, de ba naane dedaane ba wonnu maama mo ba ba ywo. Leile konto, ba tu se ba jeini Gosen laŋa kam ne mo.” 2O ta ma kuri o chorro tem wone tenu o ja o zo Pa-faro wom tei se ba ware‑o.
3Pɛ wom ma bwei Josɛf chorro tem o we, “Abam toŋe bɛ totoŋa mo?” Ba ma leiri‑o ba we, “Dé ye nayera mo, nenɛɛne debam kwoa bam déem na toŋe totoŋe delo to.” 4Ba déem ta ma ta ded‑o ba we, “Dé tu ywo se dé taa zoore logo konto ne maŋa fenfee mo. Kokuri to, kana kam tiini ka chɛ Kanaan teo kom ne mo, ye dé vara bam daa ba nae gaaro se ba taa di. Konto mo dé to n pwoa ne se, n ná sɛ, se dé taa zoore Gosen laŋa kam ne.”
5Pa-faro wom ma ta de Josɛf o we, “Nmo kwo de n chorro tem tu nmo tei mo. 6Ejipti teo kom ni maama wo n jeŋa ne. Pa se ba jeini tega kam mɛ maama na lamma to. Pa-ba pwola se ba taa zoore Gosen ne. Nmo ma ná maane we ba wolo tiini o yei vara kɔnɔ lanyerane, se n kwei amo tete naane dem n ke kotu jeŋa ne se o taa nii-de o pa-ne.”
7Josɛf laam ma ja o kwo Jakob o zo se o ware Pɛ wom. Jakob déem ma sɔɔle Wɛ swolim o ke Pa-faro wom yuu ne. Konto na ti to, 8Pɛ wom ma bwei‑o o we, “Nmo jege bena yagera mo?” 9Jakob déem ma leiri Pɛ wom o we, “Amo bena a na mɛ a beeri logo baŋa ne to ye bi de fintɔ mo. Bena yam konto nam ba daga ye ya su de cham. Amo bena yam bá twɛ a kwoa déem na mɛ bena yalo ba beeri logo baŋa ne to.” 10Jakob daa ta ma sɔɔle Wɛ swolim o yage Pa-faro wom yuu ne ye o laam nwoŋi da o tei ne.
11Josɛf déem ke Pa-faro wom na bere‑o se o ke tei to mo. O ma pa o kwo de o chorro tem jeiŋa jei Ejipti ne se ba taa zoore da. Tega kalo o déem na pɛ-ba to laam jigi ba tete nyem mo ye ka lamma ka dwoi Ejipti tega kam maama. Jei sem konto déem bwola de Ramesesa teo kom na wo Gosen laŋa kam ne to mo. 12Josɛf déem mo ta jege o kwo, de o chorro tem, de ba kwaga kam maama ni-wodiu. Nɔn-kwe de bu-somwa maama déem di wonto jeŋa ne mo.
Josɛf de kana maŋa kam taane
13Wodiu déem tere logo kom maama jei jei ne. Kana kam déem chɛ Ejipti ne dedaane Kanaan ne ye nɔɔna bam maama déem wora ba kwaare ba jei de kana. 14Nɔɔna maama déem maa tui Josɛf tei ba yeigi mena. O de déem ma la sabu kom o ja o vo Pa-faro wom sɔŋɔ. 15Ejipti tiina bam de Kanaan tiina bam ma di ba sabia ba ti ye kana ta wora. Ejipti tiina maama ma vo Josɛf tei ba we, “Pa debam wodiu, se dé yé pu de kana ye n ta zege da! Dé sabu maama ti.”
16Josɛf déem ma ta-ba o we, “Nam ja-na á vara á ba á pa-ne. Abam sabu ná seene ko ti, amo wó yeigi wodiu a pa abam se á vara bam leiri sabu yuu ne.” 17Ba ma ja ba vara bam ba vo Josɛf tei, ye o de pa-ba wodiu o ma o leini ba sisei yuu ne, de ba pei de ba bone yuu ne. O déem ta pɛ-ba wodiu ba naane de ba bonɛ ŋwaane mo. Dento bene dem ne o déem mɛ wodiu kom o leini ba vara bam maama.
18Bene dedwoŋi daa ma yi. Ejipti tiina déem ma vo Josɛf tei ba we, “Debam tu, dé bá wane dé seigi chega kam nmo yiga ne. Debam sabu ti, dé vara maama maa wo nmo jeŋa ne. Kolo yerane laam na daare to mo ye dé kare sem dedaane dé tete yera yam. 19Nam kwaane n woli debam. Ko ná dae konto, dé wó jei mo dedaane dé tega kam maama. Yeigi debam dedaane dé kare sem se n pa debam wodiu. Debam wó ji Pa-faro wom kabɛ ye o ta wó taa tei dé tega kam de, nenɛɛne n ná pɛ debam wodiu se dé jwoŋi dé tete, de wo-dwa se dé tega kam de bá taa tigi kafɛ.”
20Josɛf déem ma yeigi Ejipti tega kam maama pa se ka ji Pa-faro wom nyem. Kana kam na tiini ka chɛ to, Ejipti tiina bam maama déem maa jege ba kare ba yeigi konto. Pa-faro wom ma ba o taa tei tega kam maama. 21Josɛf déem ma pa se nɔɔna bam ji kabɛ mo, ko zege Ejipti daa dedoa ne se ko yi kakam daa ne. 22Ko nam ná ye Ejipti kaanem tiina bam, o déem wo yeigi banto tega, kolo ŋwaane Pa-faro wom déem mo pɔɔre o wodiiru o pae banto se ko yi ba ni. Konto ŋwaane ba déem ba jege se ba kwei ba tega ba yeigi ba pa Josɛf.
23Josɛf ma ta de nɔɔna bam o we, “Á wo nɛ na? Abam dedaane á tega kam maama laam jigi Pa-faro wom nyem mo. Nam jwoŋi-na wo-dwa á vo á du á kare sem ne. 24Wodiu zagem maŋa ne, se á pɔɔre wodiiru tem kuni benu. Á wó kwei popɔra dedoa á ba á pa Pɛ mo, ye á daare popɔra yana á jege á ma á ke á wo-dwa dedaane á ni-wodiu se ko pa abam de á diga tiina.” 25Nɔɔna bam déem ma leiri ba we, “Dé tu, nmo jwoŋi debam mo n yage. Nmo na tiini n ke debam lanyerane konto to, dé wó taa ye Pɛ wom kabɛ.”
26Josɛf déem ma lɛɛre o pa ni se de taa toŋe Ejipti tega maama baŋa ne. De nam wora mo de zem tento. Ko zege mo we wodiiru zagem maŋa ne, se nɔɔna maama pɔɔre-te kuni benu. Popɔra dedoa maa wó taa ye Pa-faro wom nyem. Kaanem tiina bam tega yerane mo déem tɔge ka dae Pɛ wom nyem.
Jakob twɛ se o te
27Isarele tiina bam ma lɛɛre ba zoore Ejipti ne. Ba déem wo Gosen laŋa kam ne mo. Dáane mo ba déem tiini ba duni ye ba dwi ta puli dedɛ.
28Jakob déem jeini Ejipti ne bena fuga-yarepɛ (17) mo. O ŋwea déem jaane bena bi dedaane finna-yarepɛ (147) mo. 29O déem tu o maane we ko daa bá dáane se o te. O ma bwoŋi o bu Josɛf o ta‑o we, “Nenɛɛne nmo yi ná su de amo, se n kwei n jeŋa n ke amo chwei kuri ne se n du duuri. Pwooli n pa-ne we nmo wó duri amo ŋwaŋa se n bere n chega de amo. Sɛ we, a ná tega, n bá‑n ke-ne Ejipti ne. 30Amo ná maa vei a kwoa tei, a lage se á ja-ne mo á nwoŋi Ejipti ne. Á laam maa wó ja-ne á vo á suli mɛ ba déem na suli amo kwoa bam to.”#Pulim 50:12 Josɛf ma leiri o we, “Amo wó ke nmo na we a ke tei to.”
31Jakob ma ta‑o se o fɔge o du duuri se o ke konto. Josɛf ma seene o du duuri dem o pa‑o. Jakob ma guni o peini o peiga jei ne ye o ke Wɛ lei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)