Galatia 4
4
1Ko nye de bu wolo na wó ba o jwoŋi o kwo sɔŋɔ o taa tei to mo. Wonto ta ná ye nɔn-doŋo, ba maa yeini ba ke‑o ne kabaa mo tei, ye ba nam yei we wonto mo wó ba o taa tei o kwo wonnu maama. 2O na ye nɔn-doŋo konto to, nɔɔna mo wora ba na nii o wonnu baŋa ne ba pa‑o, se ko taa vei maŋa kam o kwo na kuri se o taa tei o wonnu tem to. 3Ko ye bedwe mo de debam de. Dé boboŋa déem ta na wo kweere se dé lɔre Wɛ chega kam na ye tei to, logo baŋa wo-yɔɔro mo tei debam ne dé ye kabɛ mo tei. 4Ko daare maŋa kam dé Kwo Wɛ na kuri to na seene ka yi to mo o déem toŋe o tete Bu se o ba logo baŋa. O na tu to, ko ye kaane mo loge‑o, ye o sɛ o tɔge Wɛ nia yam, 5se o wane o jwoŋi balo bam ni-kaana yam na tei to. O ma ŋwe dé wɛleera jene se ko pa dé wane dé ji Wɛ bia. 6Dé na seene dé ye Wɛ bia to, o ma toŋe o Bu wom Jworo kom se ko ba ko taa wo dé bochara ne, ye ko pae dé bwoi Wɛ we, “Dé Kwo, Baba.” 7Konto maa bere we, dé daa dae kabɛ, se dé laam ye Wɛ sɔŋɔ bia mo. Dé nam na ye Wɛ bia konto to, Wɛ wó pa dé jwoŋi o wo-laaro tem maama dé taa tei.
Pɔɔl jege lwia Galatia tiina ŋwaane
8Faŋa faŋa to abam déem ya yeiri Wɛ, pa se logo baŋa wo-yɔɔro tei abam ne á ye kabɛ mo tei. Wo-yɔɔro tem konto pae se te ye wa mo ye te dae kolokolo. 9Ko daare leile konto mo abam laam tu á lɔre Wɛ. Ko na ye chega to, Wɛ mo pɛ abam chwoŋa se á lɔre‑o. Ko na ye konto to, bɛ mo ye á laam boŋe se á daa jwoori á ta‑á zuli logo baŋa wo-yɔɔro telo na ba jege dam ye te ye yiniga yerane to? Bɛŋwaane mo á lage se á jwoori á ba á ta‑á ye te kabɛ? 10Abam yeini á wae á kuri da yadwonna se á ta‑á zuli-ya, ko woli de chane sedwonna, de bena yadwonna de. 11Amo jege lwia mo a pae abam. Dɛ delo amo totoŋa yam maama a na toŋe a pa abam to wó ji kafɛ mo.
12A nu-bia bam, a lwoori abam se á ta‑á lwoni-ne de a na tɔge Wɛ tei to. Kokuri amo déem jigi ne á na ye tei to mo. Amo déem na wo abam tei ne to, á wo ke kolokolo á ma á chɔge a yiga. 13Á wó wane á guli we, amo na bobo a ba abam tei ye a tɔɔle Wɛ kwor-ywoŋa kam a bere abam to, ko ye jaweo mo jege-ne ye a ke konto. 14De konto de, a jaweo kom na tiini ko daane abam tei to, á wo sɛ se á yaale-ne. Abam nam ke-ne lanyerane, ne a ye Wɛ maleka mo tei. Ko maa nye de á na wó zuli Yezu Krista tete tei to. 15Abam déem jege wopwolo de amo. Amo yei lanyerane we, á ya ná wae á yera, á ya wó fɔ á pa-ne, ne ko ya ná wó wane ko woli-ne. Bɛ nam mo kea ye á wopwolo kom chɔge? 16Amo na pɛ se á lɔre chega kam to ŋwaane mo pɛ se a ji abam dono na?
17Ko nam ná ye nɔɔna balo na pipiri Wɛ chega kam ye amo maŋe a ta ba taane to, banto kwaane ba ke abam lanyerane mo se á boboŋa tɔge-ba, ye ba nam ba boŋe se ba zeini abam. Ba lage se ba chɔge amo de abam mo daane, se á daare á ta‑á ke banto lanyerane. 18Nɔɔno ná ke o dwonna lanyerane, ye o ná seene o boŋe se o woli-ba, konto lana. Ko seene ko lana maŋa maama mo, ye ko ba jege se ko taa ye maŋa kalo yerane amo na wó taa wo abam tei ne to.
19A bia bam, amo toŋe abam ŋwaane pa se ko chɛ a yera ne, ne kaane na virigi puga tei to mo. Amo wó taa jege lwia konto a pa abam, se ko vo ko yi maŋa kam á na wó ta‑á jege Yezu Krista kikia á ŋwea ne to. 20Amo tiini a lage se a taa wo abam tei ne mo leile konto. Dé ya ná wae dé na daane, dé ya wó wane dé ŋɔɔne daane se dé ke ni dedwe. Ko nam na ye tei to, a yeiri a na wó ke tei se a zeini abam.
Hagara de Sara taane
21Abam balo na boŋe se á kwei á tete á pa Wɛ ni-kaana yam to daa ta wo lɔre Wɛ nia tɔnɔ kom na bere tei to. 22Wɛ tɔnɔ kom bere debam we, dé nabaaro Abaraham déem jege bia balei. Kaane wodwoŋi na ye kabaa o sɔŋɔ ne to mo loge bakeira dedoa o pa‑o. Ko daare o tete kaane wom de ma lo bakeira o woli da. O tete nenɔŋa kaane wom yere mo Sara, ko daare kabaa kam yere mo Hagara. 23Bakeira kalo kabaa kam na loge to lora tɔge nabiina chwoŋa na ye tei to mo.#Pulim 16:4 Ko daare bakeira kalo o nenɔŋa kaane wom na loge to lora nam tɔge Wɛ kampwola kam ŋwaane mo. 24Ko maa ye memaŋe mo de kaana bam konto, se ko bere debam chwei selei tɔgem na ye tei to. Kaana balei bam ta bere debam Wɛ na gwoni ni de o nɔɔna kuni belei tei to mo. Hagara mo bere ni-gwonim delo Wɛ na ke o pa Juu tiina bam Sinayi peo kom yuu ne to. Balo na tɔge ni-gwonim dem konto nye de kabɛ mo, ne Hagara de o bia na ye kabɛ tei. 25Sinayi peo kom wo Arabia ne mo, ye jei sem konto ye Hagara de o bia bam nyem. Juu tiina de nam tɔge ni-gwonim delo Wɛ na ke dáane to mo. Konto to, Jerusalem na wora zem to de ko nɔn-bia bam maama de ye kabɛ mo, de Wɛ ni-kaana yam na tei-ba to. 26Ko nam ná ye Wɛ teo Jerusalem kom chekke, konto ye teo kolo debam na ye ko nɔn-bia to mo. Ko maa nye de debam nu wolo na loge debam ye dé dae kabɛ, ne Sara déem na loge bu ye o dae kabaa tei to. 27Ko popone Wɛ tɔnɔ kom ne we:
“Nmo wolo na ye kadega
ye n ta wo jaane puga n lo bu to,
bage n yage de wopwolo,
nmo na wó di ywoni to ŋwaane.
Kokuri kaane wolo baro ya na yage‑o to
laam wó ba o taa jege bia,
se ko dwoni kaane wolo de o baro ta na wo daane to.”#Izaya 54:1
28A nu-bia bam, ko ná ye abam, á laam jigi Wɛ tete sɔŋɔ kom bia o kampwola kam ŋwaane mo, nenɛɛne Sara bu Izaak lora kam na tɔge tei to. 29Faŋa faŋa to Abaraham bu wolo lora na tɔge nabiina chwoŋa to mo bɛɛse o bu wolo lora na tɔge Wɛ Sin-laao kom chwoŋa to. Wɛ tete bia bam ta nae bɛɛsem konto dwoŋi de zem maama. 30Wɛ tɔnɔ kom nam bere debam we, “Zeili kaane wolo na ye kabaa to de o bu-baaro wom se ba viiri. Kolo ŋwaane kaane wonto bu wom bá tɔge de n tete nenɔŋa kaane bu wom o pɔɔre nmo wonnu tem o taa tei.”#Pulim 21:10
31A nu-bia bam, dé na ye Wɛ bia tei to mo bere we dé nye de Abaraham tete nenɔŋa kaane wom bia ye dé tei de tete, se dé yé taa nye de kabaa kam bia.
Currently Selected:
Galatia 4: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Galatia 4
4
1Ko nye de bu wolo na wó ba o jwoŋi o kwo sɔŋɔ o taa tei to mo. Wonto ta ná ye nɔn-doŋo, ba maa yeini ba ke‑o ne kabaa mo tei, ye ba nam yei we wonto mo wó ba o taa tei o kwo wonnu maama. 2O na ye nɔn-doŋo konto to, nɔɔna mo wora ba na nii o wonnu baŋa ne ba pa‑o, se ko taa vei maŋa kam o kwo na kuri se o taa tei o wonnu tem to. 3Ko ye bedwe mo de debam de. Dé boboŋa déem ta na wo kweere se dé lɔre Wɛ chega kam na ye tei to, logo baŋa wo-yɔɔro mo tei debam ne dé ye kabɛ mo tei. 4Ko daare maŋa kam dé Kwo Wɛ na kuri to na seene ka yi to mo o déem toŋe o tete Bu se o ba logo baŋa. O na tu to, ko ye kaane mo loge‑o, ye o sɛ o tɔge Wɛ nia yam, 5se o wane o jwoŋi balo bam ni-kaana yam na tei to. O ma ŋwe dé wɛleera jene se ko pa dé wane dé ji Wɛ bia. 6Dé na seene dé ye Wɛ bia to, o ma toŋe o Bu wom Jworo kom se ko ba ko taa wo dé bochara ne, ye ko pae dé bwoi Wɛ we, “Dé Kwo, Baba.” 7Konto maa bere we, dé daa dae kabɛ, se dé laam ye Wɛ sɔŋɔ bia mo. Dé nam na ye Wɛ bia konto to, Wɛ wó pa dé jwoŋi o wo-laaro tem maama dé taa tei.
Pɔɔl jege lwia Galatia tiina ŋwaane
8Faŋa faŋa to abam déem ya yeiri Wɛ, pa se logo baŋa wo-yɔɔro tei abam ne á ye kabɛ mo tei. Wo-yɔɔro tem konto pae se te ye wa mo ye te dae kolokolo. 9Ko daare leile konto mo abam laam tu á lɔre Wɛ. Ko na ye chega to, Wɛ mo pɛ abam chwoŋa se á lɔre‑o. Ko na ye konto to, bɛ mo ye á laam boŋe se á daa jwoori á ta‑á zuli logo baŋa wo-yɔɔro telo na ba jege dam ye te ye yiniga yerane to? Bɛŋwaane mo á lage se á jwoori á ba á ta‑á ye te kabɛ? 10Abam yeini á wae á kuri da yadwonna se á ta‑á zuli-ya, ko woli de chane sedwonna, de bena yadwonna de. 11Amo jege lwia mo a pae abam. Dɛ delo amo totoŋa yam maama a na toŋe a pa abam to wó ji kafɛ mo.
12A nu-bia bam, a lwoori abam se á ta‑á lwoni-ne de a na tɔge Wɛ tei to. Kokuri amo déem jigi ne á na ye tei to mo. Amo déem na wo abam tei ne to, á wo ke kolokolo á ma á chɔge a yiga. 13Á wó wane á guli we, amo na bobo a ba abam tei ye a tɔɔle Wɛ kwor-ywoŋa kam a bere abam to, ko ye jaweo mo jege-ne ye a ke konto. 14De konto de, a jaweo kom na tiini ko daane abam tei to, á wo sɛ se á yaale-ne. Abam nam ke-ne lanyerane, ne a ye Wɛ maleka mo tei. Ko maa nye de á na wó zuli Yezu Krista tete tei to. 15Abam déem jege wopwolo de amo. Amo yei lanyerane we, á ya ná wae á yera, á ya wó fɔ á pa-ne, ne ko ya ná wó wane ko woli-ne. Bɛ nam mo kea ye á wopwolo kom chɔge? 16Amo na pɛ se á lɔre chega kam to ŋwaane mo pɛ se a ji abam dono na?
17Ko nam ná ye nɔɔna balo na pipiri Wɛ chega kam ye amo maŋe a ta ba taane to, banto kwaane ba ke abam lanyerane mo se á boboŋa tɔge-ba, ye ba nam ba boŋe se ba zeini abam. Ba lage se ba chɔge amo de abam mo daane, se á daare á ta‑á ke banto lanyerane. 18Nɔɔno ná ke o dwonna lanyerane, ye o ná seene o boŋe se o woli-ba, konto lana. Ko seene ko lana maŋa maama mo, ye ko ba jege se ko taa ye maŋa kalo yerane amo na wó taa wo abam tei ne to.
19A bia bam, amo toŋe abam ŋwaane pa se ko chɛ a yera ne, ne kaane na virigi puga tei to mo. Amo wó taa jege lwia konto a pa abam, se ko vo ko yi maŋa kam á na wó ta‑á jege Yezu Krista kikia á ŋwea ne to. 20Amo tiini a lage se a taa wo abam tei ne mo leile konto. Dé ya ná wae dé na daane, dé ya wó wane dé ŋɔɔne daane se dé ke ni dedwe. Ko nam na ye tei to, a yeiri a na wó ke tei se a zeini abam.
Hagara de Sara taane
21Abam balo na boŋe se á kwei á tete á pa Wɛ ni-kaana yam to daa ta wo lɔre Wɛ nia tɔnɔ kom na bere tei to. 22Wɛ tɔnɔ kom bere debam we, dé nabaaro Abaraham déem jege bia balei. Kaane wodwoŋi na ye kabaa o sɔŋɔ ne to mo loge bakeira dedoa o pa‑o. Ko daare o tete kaane wom de ma lo bakeira o woli da. O tete nenɔŋa kaane wom yere mo Sara, ko daare kabaa kam yere mo Hagara. 23Bakeira kalo kabaa kam na loge to lora tɔge nabiina chwoŋa na ye tei to mo.#Pulim 16:4 Ko daare bakeira kalo o nenɔŋa kaane wom na loge to lora nam tɔge Wɛ kampwola kam ŋwaane mo. 24Ko maa ye memaŋe mo de kaana bam konto, se ko bere debam chwei selei tɔgem na ye tei to. Kaana balei bam ta bere debam Wɛ na gwoni ni de o nɔɔna kuni belei tei to mo. Hagara mo bere ni-gwonim delo Wɛ na ke o pa Juu tiina bam Sinayi peo kom yuu ne to. Balo na tɔge ni-gwonim dem konto nye de kabɛ mo, ne Hagara de o bia na ye kabɛ tei. 25Sinayi peo kom wo Arabia ne mo, ye jei sem konto ye Hagara de o bia bam nyem. Juu tiina de nam tɔge ni-gwonim delo Wɛ na ke dáane to mo. Konto to, Jerusalem na wora zem to de ko nɔn-bia bam maama de ye kabɛ mo, de Wɛ ni-kaana yam na tei-ba to. 26Ko nam ná ye Wɛ teo Jerusalem kom chekke, konto ye teo kolo debam na ye ko nɔn-bia to mo. Ko maa nye de debam nu wolo na loge debam ye dé dae kabɛ, ne Sara déem na loge bu ye o dae kabaa tei to. 27Ko popone Wɛ tɔnɔ kom ne we:
“Nmo wolo na ye kadega
ye n ta wo jaane puga n lo bu to,
bage n yage de wopwolo,
nmo na wó di ywoni to ŋwaane.
Kokuri kaane wolo baro ya na yage‑o to
laam wó ba o taa jege bia,
se ko dwoni kaane wolo de o baro ta na wo daane to.”#Izaya 54:1
28A nu-bia bam, ko ná ye abam, á laam jigi Wɛ tete sɔŋɔ kom bia o kampwola kam ŋwaane mo, nenɛɛne Sara bu Izaak lora kam na tɔge tei to. 29Faŋa faŋa to Abaraham bu wolo lora na tɔge nabiina chwoŋa to mo bɛɛse o bu wolo lora na tɔge Wɛ Sin-laao kom chwoŋa to. Wɛ tete bia bam ta nae bɛɛsem konto dwoŋi de zem maama. 30Wɛ tɔnɔ kom nam bere debam we, “Zeili kaane wolo na ye kabaa to de o bu-baaro wom se ba viiri. Kolo ŋwaane kaane wonto bu wom bá tɔge de n tete nenɔŋa kaane bu wom o pɔɔre nmo wonnu tem o taa tei.”#Pulim 21:10
31A nu-bia bam, dé na ye Wɛ bia tei to mo bere we dé nye de Abaraham tete nenɔŋa kaane wom bia ye dé tei de tete, se dé yé taa nye de kabaa kam bia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)