Galatia 2
2
Pɔɔl de Yezu totoŋa nakwa taane
1Bena fuga-yana na kɛ to, a ma jwoori a vo Jerusalem. A ma tɔge de Banabas a vo, ye a ja Titusi a woli da.#Kikia 15:2 2Ko nam ye Wɛ mo bere-ne pa a vo dáane. A ma vo a na balo na ye nenɛɛne Yezu tɔgena yiga tiina to. A na nɛ-ba to, a ma pa debam yerane mo jeini dé ŋɔɔne daane, se a pa ba lɔre kwor-ywoŋa kalo amo na yeini a tɔɔle a bere dwi-gɛ tiina bam to. A ba lage se a déem na tɔge chwoŋa kalo to, de a na wo kalo wone leile to ji kafɛ.
3Titusi wolo na tɔge de amo o vo Jerusalem to maa ye Girisi tu. Ba nam wo fe‑o ba pa se o gwoni o peini, ne Juu tiina bam na ke tei to.#Titusi 1:4 4Nɔɔna badaara nam wora ba na pae se ba ye Yezu tɔgena ye ba dae to. Nɔɔna bam konto ya ŋɔge mo ba zo Yezu kɔgɔ kom wo, se ba maane debam ba nii dé na jege dé tete ye dé me de Yezu Krista tei to. Ba nam lage se ba pa dé jwoori dé ji kabɛ mo Juu tiina chullu tem ŋwaane ye de maŋe dé le dé tete te wone. 5Dé nam wo pɛ ba na chwoŋa se ba ke konto dwoŋi de fenfee de, se ba yé wane ba chɔge chega kalo abam na maŋe á tɔge Wɛ kwor-ywoŋa kam ŋwaane á sɛ to.
6Amo déem na vei a ŋɔɔne de balo na ye nenɛɛne Yezu tɔgena yiga tiina to, ba wo tage-ne we, amo berem dem muri, naa de gɛ kolokolo se a woli da. Nɔɔna bam konto ná seene ba ye yiga tiina, naa ba ná dae, ko dae kolokolo amo tei ne. Wɛ nam ba kuri nɔɔna daane de ba na pae ba tete ye tei to. 7Banto nam nɛ we, Wɛ seene o tiŋi-ne se a kwei o kwor-ywoŋa kam a ja vo a bere dwi-gɛ tiina, se ko maŋe de o na ke-ka Piita jeŋa ne se o ma bere Juu tiina tei to. 8Piita maa ye Yezu totoŋa nakwe se o vo o woli Juu tiina bam. Amo de maa ye o tontoŋeno se a vo a woli dwi-gɛ tiina. Ko maama nam ye Wɛ dam ŋwaane mo. 9Jemsi, de Piita, de Jɔn balo na ye nenɛɛne Yezu tɔgena dedɛɛra to ma lɔre we, ko ye Wɛ mo pɛ-ne zaane se a taa toŋe totoŋe dem konto. Konto ŋwaane ba ma sɛ amo de Banabas dedaane dé na toŋe de-ba tei to, ye ba ja dé jea. Debam maama ma sɛ we, amo de Banabas jege se dé vo dwi-gɛ tiina jei sem ne mo dé bere-ba Wɛ kwor-ywoŋa kam. Banto de maa wó vo ba tɔɔle-ka Juu tiina jei sem ne. 10Woŋo kodwoŋi yerane ŋwaane mo ba lwoori debam se dé yé swei ko ni ne. Ko ye se dé kwaane dé woli yiniga tiina balo na wo ba kɔgɔ kom wone to. Amo ya maŋe a lage se a ke konto dwoŋi mo.
Chullu tɔgem taane
11Ko daare maŋa kalo Piita na tu Antioka ye a na‑o to, a laam ma bwɛ‑o nɔɔna yiga ne se a bere‑o we, o daa ba tɔge chega chwoŋa. 12O na bobo o yi Antioka to, o yeini o jeini de dwi-gɛ tiina balo na sɛ Yezu to o di ba wodiu. Ko daare nɔɔna badwonna Jemsi na toŋe to laam ma ba dáane. Banto na yi to, Piita ma pipiri o boboŋa ye o ve se o taa tɔge o di wodiu dwi-gɛ tiina tei ne. O pɔɔre o tete konto, kolo ŋwaane o kɔre balo na bere we, wolo maama na tɔge Wɛ chwoŋa to jege se o gwoni o peini, ye o tɔge Juu tiina chullu tem na ye tei to. 13Juu tiina balo na tu ba sɛ Yezu to badaara de tɔge ba jege ni-zɛ ni-zɛ, nenɛɛne Piita na ye tei to. Ko laam ma pa se Banabas de sɛ ba kikia yam, ye o kɔre se o tɔge chwoŋa chekke. 14Konto mo a nɛ we, ba daa ba tɔge chega kalo Wɛ kwor-ywoŋa kam na bere to. A laam ma zege ba maama yiga ne ye a ta de Piita a we, “Nmo ye Juu tu mo. N kikia nam tɔge dwi-gɛ tiina chwei mo, ne n dae Juu tu mo tei. Bɛ mo ye n laam boŋe se n fe dwi-gɛ tiina bam se ba taa sɛ Juu tiina chullu tem?”
15Ko ye chega mo, ba loge debam Juu tiina dwi wone mo, ye dé dae dwi-gɛ tiina balo na yeiri Wɛ nia yam to. 16De konto de, dé laam tu dé lɔre we, nɔɔno wó na chega Wɛ tei ne mo de o na ke o wo-dedoa de Yezu Krista to, se ko dae o kikia na tɔge Wɛ ni-kaana yam to ŋwaane.#Rom 3:20-22 Konto to, dé tu dé ke dé wo-dedoa dé sɛ Yezu Krista, se ko pa dé na chega Wɛ tei ne. Dé daa ba nia Wɛ nia yam tɔgem kikia na ye tei to, kolo ŋwaane dé yei we, nɔɔn-nɔɔno bá wane o na chega Wɛ tei ne o kikia na tɔge o ni-kaana yam tei to ŋwaane.
17Debam balo na me de Yezu Krista to jege teena we, dé wó na chega Wɛ tei ne. Debam nam ná tu dé ji nɔn-chechɔgero Wɛ ni-kaana yam seeni, konto wó bere we Yezu tete mo gane debam se dé tusi mo na? Konto bere ko bá taa ye chega. 18Wolo nam ná pipiri o jwoori o sɛ Juu tiina chullu tem, o na maŋe o yage te tɔgem te na bá wane te pa o na chega Wɛ tei ne to ŋwaane, konto tu seene o ye wolo na tusi Wɛ chwoŋa ne to mo. 19Amo nam tɔge Wɛ ni-kaana yam ŋwaane a le a tete ya dam kuri ne. Ko nye de a tega mo Wɛ ni-kaana yam seeni, se a wane a na ŋwea Wɛ tei ne. 20Ba déem na page Yezu Krista dagara yuu ne pa se o te wɛɛne to, ko nye de amo tɔge ded‑o mo a te. Amo tete daa ba jege ŋwea, ye Yezu Krista nam mo wo a bochare ne o ŋwe.#Rom 6:5-10 Amo na jege ŋwea logo baŋa ne tei to, ko ye amo na ke a wo-dedoa a sɛ Wɛ Bu Yezu to ŋwaane mo. Wonto jege amo swono, ye o sɛ se o te se o wane o jwoŋi a ŋwea o yage. 21Amo bá sɛ se a ve Wɛ zaane dem o na pɛ-ne to. Nɔɔno nam ná wane o na chega Wɛ tei ne de o na tɔge o ni-kaana yam tei to, ko ya wó bere we Yezu Krista toone dem ye kafɛ mo.
Currently Selected:
Galatia 2: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Galatia 2
2
Pɔɔl de Yezu totoŋa nakwa taane
1Bena fuga-yana na kɛ to, a ma jwoori a vo Jerusalem. A ma tɔge de Banabas a vo, ye a ja Titusi a woli da.#Kikia 15:2 2Ko nam ye Wɛ mo bere-ne pa a vo dáane. A ma vo a na balo na ye nenɛɛne Yezu tɔgena yiga tiina to. A na nɛ-ba to, a ma pa debam yerane mo jeini dé ŋɔɔne daane, se a pa ba lɔre kwor-ywoŋa kalo amo na yeini a tɔɔle a bere dwi-gɛ tiina bam to. A ba lage se a déem na tɔge chwoŋa kalo to, de a na wo kalo wone leile to ji kafɛ.
3Titusi wolo na tɔge de amo o vo Jerusalem to maa ye Girisi tu. Ba nam wo fe‑o ba pa se o gwoni o peini, ne Juu tiina bam na ke tei to.#Titusi 1:4 4Nɔɔna badaara nam wora ba na pae se ba ye Yezu tɔgena ye ba dae to. Nɔɔna bam konto ya ŋɔge mo ba zo Yezu kɔgɔ kom wo, se ba maane debam ba nii dé na jege dé tete ye dé me de Yezu Krista tei to. Ba nam lage se ba pa dé jwoori dé ji kabɛ mo Juu tiina chullu tem ŋwaane ye de maŋe dé le dé tete te wone. 5Dé nam wo pɛ ba na chwoŋa se ba ke konto dwoŋi de fenfee de, se ba yé wane ba chɔge chega kalo abam na maŋe á tɔge Wɛ kwor-ywoŋa kam ŋwaane á sɛ to.
6Amo déem na vei a ŋɔɔne de balo na ye nenɛɛne Yezu tɔgena yiga tiina to, ba wo tage-ne we, amo berem dem muri, naa de gɛ kolokolo se a woli da. Nɔɔna bam konto ná seene ba ye yiga tiina, naa ba ná dae, ko dae kolokolo amo tei ne. Wɛ nam ba kuri nɔɔna daane de ba na pae ba tete ye tei to. 7Banto nam nɛ we, Wɛ seene o tiŋi-ne se a kwei o kwor-ywoŋa kam a ja vo a bere dwi-gɛ tiina, se ko maŋe de o na ke-ka Piita jeŋa ne se o ma bere Juu tiina tei to. 8Piita maa ye Yezu totoŋa nakwe se o vo o woli Juu tiina bam. Amo de maa ye o tontoŋeno se a vo a woli dwi-gɛ tiina. Ko maama nam ye Wɛ dam ŋwaane mo. 9Jemsi, de Piita, de Jɔn balo na ye nenɛɛne Yezu tɔgena dedɛɛra to ma lɔre we, ko ye Wɛ mo pɛ-ne zaane se a taa toŋe totoŋe dem konto. Konto ŋwaane ba ma sɛ amo de Banabas dedaane dé na toŋe de-ba tei to, ye ba ja dé jea. Debam maama ma sɛ we, amo de Banabas jege se dé vo dwi-gɛ tiina jei sem ne mo dé bere-ba Wɛ kwor-ywoŋa kam. Banto de maa wó vo ba tɔɔle-ka Juu tiina jei sem ne. 10Woŋo kodwoŋi yerane ŋwaane mo ba lwoori debam se dé yé swei ko ni ne. Ko ye se dé kwaane dé woli yiniga tiina balo na wo ba kɔgɔ kom wone to. Amo ya maŋe a lage se a ke konto dwoŋi mo.
Chullu tɔgem taane
11Ko daare maŋa kalo Piita na tu Antioka ye a na‑o to, a laam ma bwɛ‑o nɔɔna yiga ne se a bere‑o we, o daa ba tɔge chega chwoŋa. 12O na bobo o yi Antioka to, o yeini o jeini de dwi-gɛ tiina balo na sɛ Yezu to o di ba wodiu. Ko daare nɔɔna badwonna Jemsi na toŋe to laam ma ba dáane. Banto na yi to, Piita ma pipiri o boboŋa ye o ve se o taa tɔge o di wodiu dwi-gɛ tiina tei ne. O pɔɔre o tete konto, kolo ŋwaane o kɔre balo na bere we, wolo maama na tɔge Wɛ chwoŋa to jege se o gwoni o peini, ye o tɔge Juu tiina chullu tem na ye tei to. 13Juu tiina balo na tu ba sɛ Yezu to badaara de tɔge ba jege ni-zɛ ni-zɛ, nenɛɛne Piita na ye tei to. Ko laam ma pa se Banabas de sɛ ba kikia yam, ye o kɔre se o tɔge chwoŋa chekke. 14Konto mo a nɛ we, ba daa ba tɔge chega kalo Wɛ kwor-ywoŋa kam na bere to. A laam ma zege ba maama yiga ne ye a ta de Piita a we, “Nmo ye Juu tu mo. N kikia nam tɔge dwi-gɛ tiina chwei mo, ne n dae Juu tu mo tei. Bɛ mo ye n laam boŋe se n fe dwi-gɛ tiina bam se ba taa sɛ Juu tiina chullu tem?”
15Ko ye chega mo, ba loge debam Juu tiina dwi wone mo, ye dé dae dwi-gɛ tiina balo na yeiri Wɛ nia yam to. 16De konto de, dé laam tu dé lɔre we, nɔɔno wó na chega Wɛ tei ne mo de o na ke o wo-dedoa de Yezu Krista to, se ko dae o kikia na tɔge Wɛ ni-kaana yam to ŋwaane.#Rom 3:20-22 Konto to, dé tu dé ke dé wo-dedoa dé sɛ Yezu Krista, se ko pa dé na chega Wɛ tei ne. Dé daa ba nia Wɛ nia yam tɔgem kikia na ye tei to, kolo ŋwaane dé yei we, nɔɔn-nɔɔno bá wane o na chega Wɛ tei ne o kikia na tɔge o ni-kaana yam tei to ŋwaane.
17Debam balo na me de Yezu Krista to jege teena we, dé wó na chega Wɛ tei ne. Debam nam ná tu dé ji nɔn-chechɔgero Wɛ ni-kaana yam seeni, konto wó bere we Yezu tete mo gane debam se dé tusi mo na? Konto bere ko bá taa ye chega. 18Wolo nam ná pipiri o jwoori o sɛ Juu tiina chullu tem, o na maŋe o yage te tɔgem te na bá wane te pa o na chega Wɛ tei ne to ŋwaane, konto tu seene o ye wolo na tusi Wɛ chwoŋa ne to mo. 19Amo nam tɔge Wɛ ni-kaana yam ŋwaane a le a tete ya dam kuri ne. Ko nye de a tega mo Wɛ ni-kaana yam seeni, se a wane a na ŋwea Wɛ tei ne. 20Ba déem na page Yezu Krista dagara yuu ne pa se o te wɛɛne to, ko nye de amo tɔge ded‑o mo a te. Amo tete daa ba jege ŋwea, ye Yezu Krista nam mo wo a bochare ne o ŋwe.#Rom 6:5-10 Amo na jege ŋwea logo baŋa ne tei to, ko ye amo na ke a wo-dedoa a sɛ Wɛ Bu Yezu to ŋwaane mo. Wonto jege amo swono, ye o sɛ se o te se o wane o jwoŋi a ŋwea o yage. 21Amo bá sɛ se a ve Wɛ zaane dem o na pɛ-ne to. Nɔɔno nam ná wane o na chega Wɛ tei ne de o na tɔge o ni-kaana yam tei to, ko ya wó bere we Yezu Krista toone dem ye kafɛ mo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)