Nwoŋim 37
37
Wɛ ni-gwonim dakaa kam
1Bezaleli déem ma kwei golesaa dɛ o ma ke Wɛ ni-gwonim dakaa kam. Ka maa ye jatwogo de noa ni maŋem kuni belei de chichworo mo dedɔrɔ baŋa ne. Kayɔlɔ baŋa maa ye jatwogo de noa ni maŋem dedoa de chichworo. Ka baŋa seeni de maa ye jatwogo de noa ni maŋem dedoa de chichworo. 2O ma kwei sabu-seŋa na tiini ka ye chekke to o ma kwoli ka yiga de ka kwaga maama, ye o pa se sabu-seŋa tɔge ka nia yam maama. 3O ta ma mɔ sabu-seŋa kwana yana. O ma kwei ya dedoa dedoa o meeli dakaa kam nɛ sena maama yera ne. Kwana yalei maa wo dakaa kam saŋa dedoa ne, yalei maa wo saŋa kadwoŋi ne. 4O ma gwoni golesaa dɛ selei o daare o kwei sabu-seŋa o kwoli dɛ sem konto maama. 5O ma kwei-se o tore kwana yana yam wone se ba taa mae ba zeŋe dakaa kam.
6O ma kwei sabu-seŋa kalo na tiini ka ye chekke to o ma ke wɛleera saarem ni-pugu se ko pu dakaa kam. Ka dedɔrɔ baŋa maa ye jatwogo de noa ni maŋem belei de chichworo, ka kayɔlɔ baŋa de maa ye jatwogo de noa ni maŋem dedoa de chichworo. 7-8O ta ma kwei sabu-seŋa o ma mɔ wonnu telei na nye de malese ye ba bwoi-ba we cherubi to. Cherubi selei sem meeli se zege ni-pugu kom dɛ selei sem ne mo. O déem kwei sabu-seŋa kandwɛ-dale dedwe mo o mage-de o ke cherubi selei sem dedaane ni-pugu kom tete. 9Cherubi sem déem jeeri daane mo, ye se yibia chɔɔle tega ne se se taa nii dakaa kam ni-pugu kom seeni. Se vɔna de maa yarege wɛɛne, ye se laam kwaare se vɔna yam daane se ma-ya se kwoli ni-pugu kom.
Bworobworo tabolo kom
10Bezaleli daa ma kwei golesaa dɛ o ma ke tabolo. Ko dedɔrem baŋa maŋem ye jatwogo de noa maŋem belei mo, ye ko kayɔlɔ baŋa maŋem dem ye jatwogo de noa ni maŋem bedwe. Ko wɛ-baŋa seeni maŋem maa ye jatwogo de noa ni maŋem dedoa de chichworo mo. 11O déem ma kwei sabu-seŋa na ye chekke to o kwoli ko yiga de ko kwaga maama, ye o daare o pa se sabu-seŋa kam tɔge ko nia yam. 12Sabu-seŋa kam na tɔge tabolo kom nia yam to déem ye da-yiga noa maŋem mo. 13O ta ma kwei sabu-seŋa o mɔ kwana yana o meeli tabolo kom nɛ sena sem na wo mɛ to. 14Kwana yam konto nam meeli ya bwola de tabolo kom nia yam mo, ye dɛ selo ba na wó taa mae ba zeŋe-ko to tore ya wone. 15O laam ma sare golesaa dɛ ye o daare o taare-se dedaane sabu-seŋa. 16Ko kwaga ne mo o kwei sabu-seŋa na ye chekke to o ke zwe dwi dwi tabolo kom totoŋa yam ŋwaane. Se maa ye zon-tanlɛ, de kabeili, de kambi selo na wó taa toŋe wo-nyɔɔro pɛɛra totoŋa to.
Min-zwon-zego kom
17Bezaleli nam ta kwei sabu-seŋa kalo na ye chekke to o ma ke woŋo kolo min-zwonnu na wó taa zege ko baŋa ne to. O déem mɛ sabu-seŋa kandwɛ-dale dedwe mo o mage se o mɔ ko kuri, de ko daa kam, de zwe selo min-zwonnu tem na wó zege se wone to. Zwe sem maa nye de pun-kogela mo. 18Min-zwon-zego kom ya jege nɛ seredo mo, ye se nwoŋi tetare daa kam yera ne. Nɛ setɔ maa wo jazem baŋa ne ye setɔ wo jagwia baŋa ne. 19Nenɔŋa punnu tetɔ mo wo naga maama ne, se te taa nye de Aamonda pun-kogela de te vɔɔro. Nɛ seredo sem maama maa ye konto mo. 20Ko tetare daa kam tete déem jege nenɔŋa punnu tena mo na nye de Aamonda pun-kogela de te vɔɔro to. 21Pun-kogele dedwe maama na wo daa kam yera ne to mo teili nɛ selei selo maama na jeeri daane ka yera ne to. Konto to, pun-kogela yatɔ mo teili nɛ seredo sem. 22O ma mage sabu-seŋa kandwɛ-dale dedwe mo o ma ke pun-kogela yam, de nɛ seredo sem, de tetare daa kam tete maama. 23O ta ma ke min-zwonnu terepɛ se te taa zege da, ye o daare o kwei sabu-seŋa kam o ma ke wonnu telo na wó fɔge te kwɛ mini dem to, dedaane zon-tanlɛ selo ba na wó taa mae ba pɛ tentwarem dem to. 24O déem kwei sabu-seŋa kalo ye chekke ye ka dunni maŋe de kilo fintɔ-tenu (35) to mo o ma ke min-zwon-zego kom de ko zela yam maama.
Talwoŋ-ywoŋa dakaa kam
25Bezaleli daa ma kwei golesaa dɛ o ma ke dakaa kalo talwoŋ-ywoŋa na wó taa zwɛ ka baŋa ne to. Ka sɛ sem déem mae daane mo, dedɔrɔ baŋa de kayɔlɔ baŋa seeni. Saŋa maama maa ye jatwogo de noa ni maŋem bedwe mo. Ko daare ka wɛ-baŋa maŋem ye jatwogo de noa ni maŋem kuni belei mo. O ma ke-ka dedaane nyea yana se ya cheili wɛɛne nenɛɛne nabea nyea tei. 26O maa kwei sabu-seŋa kalo na ye chekke to o kwoli dakaa kam maama, ye o daare o ma sabu-seŋa kam o tɔge ka nia yam maama. 27O laam ma ke sabu-seŋa kwana yalei o meeli-ya dakaa kam sɛ selei sem ne se ya maŋe de ka nia yam kuri seeni. Kwana yam ye se ba tore dɛ mo ya wone se nɔɔna taa mae ba zeŋe dakaa kam. 28Dɛ sem tete maa ye golesaa dɛ mo o mɛ o ke, ye o daare o kwei sabu-seŋa o kwoli se maama.
29Bezaleli déem ma viiri Wɛ swolim nuga kam na ye ka yera to. O ma daare o guuri wonnu telo na wó pa se talwoŋ-ywoŋa kam taa ye chekke to.
Currently Selected:
Nwoŋim 37: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 37
37
Wɛ ni-gwonim dakaa kam
1Bezaleli déem ma kwei golesaa dɛ o ma ke Wɛ ni-gwonim dakaa kam. Ka maa ye jatwogo de noa ni maŋem kuni belei de chichworo mo dedɔrɔ baŋa ne. Kayɔlɔ baŋa maa ye jatwogo de noa ni maŋem dedoa de chichworo. Ka baŋa seeni de maa ye jatwogo de noa ni maŋem dedoa de chichworo. 2O ma kwei sabu-seŋa na tiini ka ye chekke to o ma kwoli ka yiga de ka kwaga maama, ye o pa se sabu-seŋa tɔge ka nia yam maama. 3O ta ma mɔ sabu-seŋa kwana yana. O ma kwei ya dedoa dedoa o meeli dakaa kam nɛ sena maama yera ne. Kwana yalei maa wo dakaa kam saŋa dedoa ne, yalei maa wo saŋa kadwoŋi ne. 4O ma gwoni golesaa dɛ selei o daare o kwei sabu-seŋa o kwoli dɛ sem konto maama. 5O ma kwei-se o tore kwana yana yam wone se ba taa mae ba zeŋe dakaa kam.
6O ma kwei sabu-seŋa kalo na tiini ka ye chekke to o ma ke wɛleera saarem ni-pugu se ko pu dakaa kam. Ka dedɔrɔ baŋa maa ye jatwogo de noa ni maŋem belei de chichworo, ka kayɔlɔ baŋa de maa ye jatwogo de noa ni maŋem dedoa de chichworo. 7-8O ta ma kwei sabu-seŋa o ma mɔ wonnu telei na nye de malese ye ba bwoi-ba we cherubi to. Cherubi selei sem meeli se zege ni-pugu kom dɛ selei sem ne mo. O déem kwei sabu-seŋa kandwɛ-dale dedwe mo o mage-de o ke cherubi selei sem dedaane ni-pugu kom tete. 9Cherubi sem déem jeeri daane mo, ye se yibia chɔɔle tega ne se se taa nii dakaa kam ni-pugu kom seeni. Se vɔna de maa yarege wɛɛne, ye se laam kwaare se vɔna yam daane se ma-ya se kwoli ni-pugu kom.
Bworobworo tabolo kom
10Bezaleli daa ma kwei golesaa dɛ o ma ke tabolo. Ko dedɔrem baŋa maŋem ye jatwogo de noa maŋem belei mo, ye ko kayɔlɔ baŋa maŋem dem ye jatwogo de noa ni maŋem bedwe. Ko wɛ-baŋa seeni maŋem maa ye jatwogo de noa ni maŋem dedoa de chichworo mo. 11O déem ma kwei sabu-seŋa na ye chekke to o kwoli ko yiga de ko kwaga maama, ye o daare o pa se sabu-seŋa kam tɔge ko nia yam. 12Sabu-seŋa kam na tɔge tabolo kom nia yam to déem ye da-yiga noa maŋem mo. 13O ta ma kwei sabu-seŋa o mɔ kwana yana o meeli tabolo kom nɛ sena sem na wo mɛ to. 14Kwana yam konto nam meeli ya bwola de tabolo kom nia yam mo, ye dɛ selo ba na wó taa mae ba zeŋe-ko to tore ya wone. 15O laam ma sare golesaa dɛ ye o daare o taare-se dedaane sabu-seŋa. 16Ko kwaga ne mo o kwei sabu-seŋa na ye chekke to o ke zwe dwi dwi tabolo kom totoŋa yam ŋwaane. Se maa ye zon-tanlɛ, de kabeili, de kambi selo na wó taa toŋe wo-nyɔɔro pɛɛra totoŋa to.
Min-zwon-zego kom
17Bezaleli nam ta kwei sabu-seŋa kalo na ye chekke to o ma ke woŋo kolo min-zwonnu na wó taa zege ko baŋa ne to. O déem mɛ sabu-seŋa kandwɛ-dale dedwe mo o mage se o mɔ ko kuri, de ko daa kam, de zwe selo min-zwonnu tem na wó zege se wone to. Zwe sem maa nye de pun-kogela mo. 18Min-zwon-zego kom ya jege nɛ seredo mo, ye se nwoŋi tetare daa kam yera ne. Nɛ setɔ maa wo jazem baŋa ne ye setɔ wo jagwia baŋa ne. 19Nenɔŋa punnu tetɔ mo wo naga maama ne, se te taa nye de Aamonda pun-kogela de te vɔɔro. Nɛ seredo sem maama maa ye konto mo. 20Ko tetare daa kam tete déem jege nenɔŋa punnu tena mo na nye de Aamonda pun-kogela de te vɔɔro to. 21Pun-kogele dedwe maama na wo daa kam yera ne to mo teili nɛ selei selo maama na jeeri daane ka yera ne to. Konto to, pun-kogela yatɔ mo teili nɛ seredo sem. 22O ma mage sabu-seŋa kandwɛ-dale dedwe mo o ma ke pun-kogela yam, de nɛ seredo sem, de tetare daa kam tete maama. 23O ta ma ke min-zwonnu terepɛ se te taa zege da, ye o daare o kwei sabu-seŋa kam o ma ke wonnu telo na wó fɔge te kwɛ mini dem to, dedaane zon-tanlɛ selo ba na wó taa mae ba pɛ tentwarem dem to. 24O déem kwei sabu-seŋa kalo ye chekke ye ka dunni maŋe de kilo fintɔ-tenu (35) to mo o ma ke min-zwon-zego kom de ko zela yam maama.
Talwoŋ-ywoŋa dakaa kam
25Bezaleli daa ma kwei golesaa dɛ o ma ke dakaa kalo talwoŋ-ywoŋa na wó taa zwɛ ka baŋa ne to. Ka sɛ sem déem mae daane mo, dedɔrɔ baŋa de kayɔlɔ baŋa seeni. Saŋa maama maa ye jatwogo de noa ni maŋem bedwe mo. Ko daare ka wɛ-baŋa maŋem ye jatwogo de noa ni maŋem kuni belei mo. O ma ke-ka dedaane nyea yana se ya cheili wɛɛne nenɛɛne nabea nyea tei. 26O maa kwei sabu-seŋa kalo na ye chekke to o kwoli dakaa kam maama, ye o daare o ma sabu-seŋa kam o tɔge ka nia yam maama. 27O laam ma ke sabu-seŋa kwana yalei o meeli-ya dakaa kam sɛ selei sem ne se ya maŋe de ka nia yam kuri seeni. Kwana yam ye se ba tore dɛ mo ya wone se nɔɔna taa mae ba zeŋe dakaa kam. 28Dɛ sem tete maa ye golesaa dɛ mo o mɛ o ke, ye o daare o kwei sabu-seŋa o kwoli se maama.
29Bezaleli déem ma viiri Wɛ swolim nuga kam na ye ka yera to. O ma daare o guuri wonnu telo na wó pa se talwoŋ-ywoŋa kam taa ye chekke to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)