Nwoŋim 32
32
Sabu-seŋa na-mɔra
1Moses déem nam ya maŋe peo kom yuu ne mo o dáane. Nɔɔna bam ma vo ba jeeri Aron tei ne ba we, “Moses mo seene o ja debam o nwoŋi Ejipti ne o ba ywo-seeni. Dé nam yeiri kolo na yi‑o to. Nam ke woŋo se ko lwoni wɛ n pa debam se ko taa tɔge debam yiga.”
2Aron ma leiri-ba o we, “Le-na sabu-seŋa zwa-kwana yam abam kaana de á bia de á bukwa bam na ke ba zwa ne to á ja á ba á pa-ne.” 3Nɔɔna bam ma seene ba ja sabu-seŋa zwa-kwana yam konto ba vo ba pa‑o. 4Aron na jwoŋi sabu-seŋa kam to, o ma nyeene-ka ye o laam mɔ kamɔgɔ nenɛɛne na-mɔra o pa-ba. Nɔɔna bam na nɛ-ka to, mo ba bage de kwor-dɛa ba bere daane ba we, “Isarele tiina bam, á wɛ dem mo tento, de na jaane debam de ja nwoŋi Ejipti ne de ba ywo-seeni.”
5Aron ma na kolo na ke to ye o lɔ bimbini na-mɔra kam yiga ne. O ma ta o we, “Jwa ne, se dé maama jeeri dé di kuri dé ma zuli Baŋa Wɛ.” 6Tega na poore tetete to, nɔɔna bam ma ba ba go vara se ba ma ke zwɛɛm kaanem, ye ba kwei badaara ba ke yazura kaanem se ba di nɔna yam. Ba déem lɛɛre ba di wodi-fɔrɔ mo ye ba nyɔa, ba daare ba zaŋe ba kwɛɛre yɔɔ yɔɔ.
7 Baŋa Wɛ ma ta de Moses o we, “Ke lela n tu n nɔɔna bam tei ne. N na jaane balo n nwoŋi Ejipti teo kom ne to bobo se ba toŋe jworim mo. 8Ba gare ba ve chwoŋa kalo amo na bere-ba se ba tɔge to mo, ye ba ke jwoni na nye de na-mɔra. Ba maa tɛ daane ba we, ‘Isarele tiina bam, á wɛ dem mo tento, de na jaane abam de nwoŋi Ejipti ne de ba ywo-seeni.’ ”
9 Baŋa Wɛ ta ma ta o we, “Moses, amo nɛ we nɔɔna banto zwabania tiini ka gaale. 10Amo bane nam zaŋe de-ba mo ye ko maŋe se a chɔge-ba. Yé che a yiga de a boboŋe dem. Amo nam ta wó zege nmo baŋa ne se a pa n dwi dem puli de ji te-zɔŋɔ.”
11Moses ma kwaane o lwoori o Tu Baŋa Wɛ wom se o leiri o boboŋe dem. O ma ta o we, “Baŋa Wɛ, nmo mo mɛ n dam-fɔrɔ n ja nɔɔna banto n zege Ejipti ne n ba ywo-seeni. Kɔ ŋwaane mo nmo bane wó zaŋe de-ba se n chɔge-ba?#Jeelim 14:19 12Nmo ná chɔge-ba, Ejipti tiina bam wó taa tɛ we, ‘Wɛ gane o nɔɔna bam mo o ja o vo peero tem jei ne se o go-ba. Ba yere maa wó saare logo baŋa ne!’ Ja! Yage n ban-zɔŋɔ kom, se n leiri n boboŋa se n yé chɔge-ba, ba na ye nmo tete nɔɔna bam to ŋwaane. 13Guli n ni-gwonim dem n déem na ke de Abaraham, de Izaak dedaane Jakob to gula. Nmo tete ne mo n dugi de-ba we ba dwi dem wó ba de puli nenɛɛne wɛyuu chalechwe na ye tei to, se ba daare ba taa tei tega kanto.” 14Moses na tage konto to, Baŋa Wɛ ma leiri o boboŋe dem o ya na jega se o chɔge nɔɔna bam to, ye o daa wo chɔge-ba.
15Moses ma pipiri o kwei chwoŋa o maa tu peo kom kuri ne. O déem zei kandwa-pelɛ selei selo Wɛ ni-gwonim dem botara na popone ya baŋa ne, yiga de kwaga to mo. 16Baŋa Wɛ tete ni taane mo o déem nam popone de o jeŋa. O ma sare-ya o tiŋi kandwa-pelɛ sem baŋa ne.
17Moses zeinnu Josua déem ma ni nɔɔna bam na jege sɔɔ kolo ba ke to ŋwa. O ma ta de Moses o we, “Sɔɔ konto nye nenɛɛne tiguri-kaasa mo to nɔɔna bam na gilimi mɛ to wone.” 18Moses de ma leiri‑o o we, “Sɔɔ konto wo bere we ba wane ba dona, ko nam wo bere we ba dona di-ba. Ko ye kwɛɛra sɔɔ mo.”
19Moses na fɔɔre o yi peo kom kuri ne to, mo o nɛ ba jwoni dem. O ta ma na nɔɔna bam na sae tei to. O bane ma tiini de zaŋe. O ban-zɔŋɔ kom baŋa ne, mo o dole kandwa-pelɛ sem de dam peo kom teiŋa ne ye ya lɔ. 20O ta ma kwei na-mɔra jwoni dem o de mini ne pa se de nyeene. O laam ma cho-de pa se de ji muni, ye o daare o viiri de muni dem de na o kwei o pa nɔɔna bam se ba nyɔ.
21Moses ma daare o bwei Aron o we, “Nɔɔna banto ke bɛ mo ba chɔge n yiga ye n pa se ba tiini ba tusi tento?” 22Aron ma leiri‑o o we, “Ja! Yé pa se n bane zaŋe de amo, se n maŋe n yei we, ba ná boŋe se ba ke kolo, nɔɔno ware-ba o gwi. 23Ba tu amo tei ne mo ba we, ‘Moses na jaane debam o nwoŋi Ejipti ne o ba ywo-seeni to, dé yeiri kolo na yi‑o to. Nam ke woŋo se ko lwoni wɛ n pa debam se ko taa tɔge debam yiga.’ 24Amo de ma ta de-ba se ba ja ba sabu-seŋa zwa-kwana ba ja ba ba ba pa-ne. Ba na le-ya ba pa-ne to, mo a dole-ya a de mini wone ye ya ji na-mɔra kanto!”
25Moses ma maane we nɔɔna bam daa ware ba ja. O ta lɔre we ko zege Aron yera ne mo ye ba ke konto, kolo ŋwaane nɔɔna bam déem ya toŋe jworim mo pa se ba dona mɔne-ba. 26O ma che nɔɔna bam na gilimi jei selo ne to ni dem, ye o ta o we, “Wolo maama ná zege o pa Baŋa Wɛ se konto tu ba amo tei ywo-seeni.” Levi dwi dem maama ma fɔɔre ba yi o tei ba zege. 27O ma ta de-ba o we, “Isarele Baŋa Wɛ wom mo pɛ abam ni se á maama kwei á se-zɔɔro á zo nɔɔna bam wone á ta‑á goe yɔɔ. Yé kuri-na á chorro, de á badwonna, de á fara á yage.”
28Levi dwi tiina bam ma sɛ Moses ni dem, ye dɛ dem konto ne ba go nɔɔna morro tetɔ (3,000). 29Moses ta ma ta-ba o we, “Abam na sɛ Wɛ ni dem ye á go á bia de á chorro to ŋwaane, á laam wó ta‑á ye Baŋa Wɛ kaanem tiina mo se á ta‑á toŋe á pa o nɔɔna bam. Baŋa Wɛ swolim dem laam nam wo á baŋa ne.”
30Tega na poore to, Moses ma ta de nɔɔna bam o we, “Abam ya tiini á ke wɛleere. Amo nam wó jwoori a di Baŋa Wɛ tei se a kwaane a ke abam de Baŋa Wɛ daane se o ma o chɛ abam.”
31Moses ma jwoori o di Baŋa Wɛ tei ye o ta ded‑o o we, “Nɔɔna bam tiini ba ke wɛleere ba ja ba gaale. Ba kwei sabu-seŋa mo ba ke jwoni ba pa ba tete. 32Ja! Amo nam lwoori‑m se n yage ba wɛleere dem n chɛ-ba. Ko nam ná dae konto, se n yɔɔre n saare amo yere se de yé taa wo nmo tɔnɔ kom wone.”#Gurim 13:8 33Baŋa Wɛ ma leiri‑o o we, “Aawo! Wolo ná ke o tusi amo yiga ne, mo amo wó saare kotu yere a yage se de daa yé taa wo amo tɔnɔ kom wone. 34Nam jwoori n vo n tɔge nɔɔna bam yiga se á vo mɛ amo na tage dede‑m se á vo to. Amo maleka kam wó taa wo á yiga ne. Maŋa nam ná yia, amo laam wó waare-ba ba wɛleere dento ŋwaane.”
35 Baŋa Wɛ ma pa se jawe-chɛɛro to Isarele tiina bam baŋa ne de ba na pɛ se Aron ke sabu-seŋa na-mɔra jwoni dem o pa-ba to.
Currently Selected:
Nwoŋim 32: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 32
32
Sabu-seŋa na-mɔra
1Moses déem nam ya maŋe peo kom yuu ne mo o dáane. Nɔɔna bam ma vo ba jeeri Aron tei ne ba we, “Moses mo seene o ja debam o nwoŋi Ejipti ne o ba ywo-seeni. Dé nam yeiri kolo na yi‑o to. Nam ke woŋo se ko lwoni wɛ n pa debam se ko taa tɔge debam yiga.”
2Aron ma leiri-ba o we, “Le-na sabu-seŋa zwa-kwana yam abam kaana de á bia de á bukwa bam na ke ba zwa ne to á ja á ba á pa-ne.” 3Nɔɔna bam ma seene ba ja sabu-seŋa zwa-kwana yam konto ba vo ba pa‑o. 4Aron na jwoŋi sabu-seŋa kam to, o ma nyeene-ka ye o laam mɔ kamɔgɔ nenɛɛne na-mɔra o pa-ba. Nɔɔna bam na nɛ-ka to, mo ba bage de kwor-dɛa ba bere daane ba we, “Isarele tiina bam, á wɛ dem mo tento, de na jaane debam de ja nwoŋi Ejipti ne de ba ywo-seeni.”
5Aron ma na kolo na ke to ye o lɔ bimbini na-mɔra kam yiga ne. O ma ta o we, “Jwa ne, se dé maama jeeri dé di kuri dé ma zuli Baŋa Wɛ.” 6Tega na poore tetete to, nɔɔna bam ma ba ba go vara se ba ma ke zwɛɛm kaanem, ye ba kwei badaara ba ke yazura kaanem se ba di nɔna yam. Ba déem lɛɛre ba di wodi-fɔrɔ mo ye ba nyɔa, ba daare ba zaŋe ba kwɛɛre yɔɔ yɔɔ.
7 Baŋa Wɛ ma ta de Moses o we, “Ke lela n tu n nɔɔna bam tei ne. N na jaane balo n nwoŋi Ejipti teo kom ne to bobo se ba toŋe jworim mo. 8Ba gare ba ve chwoŋa kalo amo na bere-ba se ba tɔge to mo, ye ba ke jwoni na nye de na-mɔra. Ba maa tɛ daane ba we, ‘Isarele tiina bam, á wɛ dem mo tento, de na jaane abam de nwoŋi Ejipti ne de ba ywo-seeni.’ ”
9 Baŋa Wɛ ta ma ta o we, “Moses, amo nɛ we nɔɔna banto zwabania tiini ka gaale. 10Amo bane nam zaŋe de-ba mo ye ko maŋe se a chɔge-ba. Yé che a yiga de a boboŋe dem. Amo nam ta wó zege nmo baŋa ne se a pa n dwi dem puli de ji te-zɔŋɔ.”
11Moses ma kwaane o lwoori o Tu Baŋa Wɛ wom se o leiri o boboŋe dem. O ma ta o we, “Baŋa Wɛ, nmo mo mɛ n dam-fɔrɔ n ja nɔɔna banto n zege Ejipti ne n ba ywo-seeni. Kɔ ŋwaane mo nmo bane wó zaŋe de-ba se n chɔge-ba?#Jeelim 14:19 12Nmo ná chɔge-ba, Ejipti tiina bam wó taa tɛ we, ‘Wɛ gane o nɔɔna bam mo o ja o vo peero tem jei ne se o go-ba. Ba yere maa wó saare logo baŋa ne!’ Ja! Yage n ban-zɔŋɔ kom, se n leiri n boboŋa se n yé chɔge-ba, ba na ye nmo tete nɔɔna bam to ŋwaane. 13Guli n ni-gwonim dem n déem na ke de Abaraham, de Izaak dedaane Jakob to gula. Nmo tete ne mo n dugi de-ba we ba dwi dem wó ba de puli nenɛɛne wɛyuu chalechwe na ye tei to, se ba daare ba taa tei tega kanto.” 14Moses na tage konto to, Baŋa Wɛ ma leiri o boboŋe dem o ya na jega se o chɔge nɔɔna bam to, ye o daa wo chɔge-ba.
15Moses ma pipiri o kwei chwoŋa o maa tu peo kom kuri ne. O déem zei kandwa-pelɛ selei selo Wɛ ni-gwonim dem botara na popone ya baŋa ne, yiga de kwaga to mo. 16Baŋa Wɛ tete ni taane mo o déem nam popone de o jeŋa. O ma sare-ya o tiŋi kandwa-pelɛ sem baŋa ne.
17Moses zeinnu Josua déem ma ni nɔɔna bam na jege sɔɔ kolo ba ke to ŋwa. O ma ta de Moses o we, “Sɔɔ konto nye nenɛɛne tiguri-kaasa mo to nɔɔna bam na gilimi mɛ to wone.” 18Moses de ma leiri‑o o we, “Sɔɔ konto wo bere we ba wane ba dona, ko nam wo bere we ba dona di-ba. Ko ye kwɛɛra sɔɔ mo.”
19Moses na fɔɔre o yi peo kom kuri ne to, mo o nɛ ba jwoni dem. O ta ma na nɔɔna bam na sae tei to. O bane ma tiini de zaŋe. O ban-zɔŋɔ kom baŋa ne, mo o dole kandwa-pelɛ sem de dam peo kom teiŋa ne ye ya lɔ. 20O ta ma kwei na-mɔra jwoni dem o de mini ne pa se de nyeene. O laam ma cho-de pa se de ji muni, ye o daare o viiri de muni dem de na o kwei o pa nɔɔna bam se ba nyɔ.
21Moses ma daare o bwei Aron o we, “Nɔɔna banto ke bɛ mo ba chɔge n yiga ye n pa se ba tiini ba tusi tento?” 22Aron ma leiri‑o o we, “Ja! Yé pa se n bane zaŋe de amo, se n maŋe n yei we, ba ná boŋe se ba ke kolo, nɔɔno ware-ba o gwi. 23Ba tu amo tei ne mo ba we, ‘Moses na jaane debam o nwoŋi Ejipti ne o ba ywo-seeni to, dé yeiri kolo na yi‑o to. Nam ke woŋo se ko lwoni wɛ n pa debam se ko taa tɔge debam yiga.’ 24Amo de ma ta de-ba se ba ja ba sabu-seŋa zwa-kwana ba ja ba ba ba pa-ne. Ba na le-ya ba pa-ne to, mo a dole-ya a de mini wone ye ya ji na-mɔra kanto!”
25Moses ma maane we nɔɔna bam daa ware ba ja. O ta lɔre we ko zege Aron yera ne mo ye ba ke konto, kolo ŋwaane nɔɔna bam déem ya toŋe jworim mo pa se ba dona mɔne-ba. 26O ma che nɔɔna bam na gilimi jei selo ne to ni dem, ye o ta o we, “Wolo maama ná zege o pa Baŋa Wɛ se konto tu ba amo tei ywo-seeni.” Levi dwi dem maama ma fɔɔre ba yi o tei ba zege. 27O ma ta de-ba o we, “Isarele Baŋa Wɛ wom mo pɛ abam ni se á maama kwei á se-zɔɔro á zo nɔɔna bam wone á ta‑á goe yɔɔ. Yé kuri-na á chorro, de á badwonna, de á fara á yage.”
28Levi dwi tiina bam ma sɛ Moses ni dem, ye dɛ dem konto ne ba go nɔɔna morro tetɔ (3,000). 29Moses ta ma ta-ba o we, “Abam na sɛ Wɛ ni dem ye á go á bia de á chorro to ŋwaane, á laam wó ta‑á ye Baŋa Wɛ kaanem tiina mo se á ta‑á toŋe á pa o nɔɔna bam. Baŋa Wɛ swolim dem laam nam wo á baŋa ne.”
30Tega na poore to, Moses ma ta de nɔɔna bam o we, “Abam ya tiini á ke wɛleere. Amo nam wó jwoori a di Baŋa Wɛ tei se a kwaane a ke abam de Baŋa Wɛ daane se o ma o chɛ abam.”
31Moses ma jwoori o di Baŋa Wɛ tei ye o ta ded‑o o we, “Nɔɔna bam tiini ba ke wɛleere ba ja ba gaale. Ba kwei sabu-seŋa mo ba ke jwoni ba pa ba tete. 32Ja! Amo nam lwoori‑m se n yage ba wɛleere dem n chɛ-ba. Ko nam ná dae konto, se n yɔɔre n saare amo yere se de yé taa wo nmo tɔnɔ kom wone.”#Gurim 13:8 33Baŋa Wɛ ma leiri‑o o we, “Aawo! Wolo ná ke o tusi amo yiga ne, mo amo wó saare kotu yere a yage se de daa yé taa wo amo tɔnɔ kom wone. 34Nam jwoori n vo n tɔge nɔɔna bam yiga se á vo mɛ amo na tage dede‑m se á vo to. Amo maleka kam wó taa wo á yiga ne. Maŋa nam ná yia, amo laam wó waare-ba ba wɛleere dento ŋwaane.”
35 Baŋa Wɛ ma pa se jawe-chɛɛro to Isarele tiina bam baŋa ne de ba na pɛ se Aron ke sabu-seŋa na-mɔra jwoni dem o pa-ba to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)