Nwoŋim 30
30
Talwoŋa zwɛɛm dakaa
1“Pa se ba kwei golesaa dɛ ba ma ke dakaa kalo talwoŋ-ywoŋa na wó taa zwɛ de baŋa ne to. 2Pa se ba ke-ka se ka sɛ sem taa mae daane, dedɔrɔ baŋa de kayɔlɔ baŋa seeni. Ko wó taa ye jatwogo de noa ni maŋem bedwe mo, se wɛ-baŋa maŋem taa ye jatwogo de noa ni maŋem kuni belei. Daa dedoa mo wó ke dakaa kam dedaane nyea yana se ya cheili wɛɛne nenɛɛne nabea nyea tei. 3Kwei-na sabu-seŋa kalo na ye chekke to á kwoli dakaa kam maama, ye á daare á ma sabu-seŋa kam á tɔge ka nia yam. 4Ta ke-na sabu-seŋa kwana yalei á meeli-ya dakaa kam sɛ selei sem ne, se ya maŋe de ka nia yam kuri seeni. Laam tore-na dɛ ya wone se nɔɔna taa mae ba zeŋe-ka. 5Dɛ sem konto wó taa ye golesaa dɛ mo á wó ma á ke ye á daare á kwei sabu-seŋa á kwoli se maama. 6Á maa wó zege dakaa kam konto se ka taa wo gare-jale delo na chege amo di-yun-gala kam to yiga ne. Ni-gwonim dakaa kam de ka ni-pugu kom wó taa wo gare-jale dem kwaga ne. Ko maa ye wɛleera saarem ni-pugu kom seeni mo amo wó jeeri‑m se dé ŋɔɔne.
7Dɛ maama tetete se Aron yeini o zo o fɔge o kwɛ min-zwonnu tem, se o daare o zwɛ talwoŋ-ywoŋa dakaa kam baŋa ne. 8O wó yeini o ke konto mo dedaan-ni maŋa ne. Talwoŋ-ywoŋa wó taa zwɛ ka pa amo Baŋa Wɛ mo maŋa maama se ko taa vei wuu. 9Yé zwɛ-na talwoŋ-yɔɔ dakaa kam konto baŋa ne. Nam yé ke-na zwɛɛm kaanem, naa muni pɛɛre kaanem, naa wo-nyɔɔro kaanem ka baŋa ne. 10Aron nam wó taa kwɛ dakaa kam bedwe mo bene maama wone. O ná lage o kwɛ-ka, se o kwei wɛleere kaanem varem wom jana o ma taare ka nyea yana yam. Á nam wó ta‑á ke konto mo bene maama wone se ko taa vei wuu. Kokuri to, dakaa kam ye wose mo, ba na pwɛ-ka ba pa amo to ŋwaane.”
Wara-jei sem kwɛɛm lampwoo
11 Baŋa Wɛ daa ma ta de Moses o we:
12“Pa se ba jeeli Isarele baara bam ni se n lɔre ba na mae tei. Á na lage á ke konto, nɔɔno maama jege se o kwei sabu o tiŋi o tete ŋwea ŋwaane mo. Konto wó che se, á ná wora á jeeli ba ni, se jawe-chɛɛro yé daane-ba. 13-15Sabu kom ba dedoa dedoa na wó ŋwe to wó taa mae daane mo. Nadum bá ŋwe o dwoni yiniga tu. Yiniga tu de nam bá ŋwe se ko muri nadum na wó ŋwe tei to. Nɔɔno wolo maama na yi bena finlei ye o tɔge o wo jeelim dem wone to wó ŋwe sɛkɛle chichworo mo, se ko dunni tɔge wara-jei sem maŋem chekke.#Nehemia 10:32 Sɛkɛle dedoa maa ye gɛra kuni finlei. Sabu kom wó taa ye ŋwea jwoŋim pɛɛra mo ko pa-ne. 16Nmo nam ná jwoŋi sabu kom konto Isarele tiina bam tei ne, se á ta‑á ma-ko á kwɛ wara-jei sem de se totoŋa yam. Ko wó taa guli Isarele tiina bam de a na jwoŋi ba ŋwea tei to.”#2 Tigisim 24:9
Channa ware-zoŋa kam
17 Baŋa Wɛ ta ma ta de Moses o we:
18“Pa se ba kwei channa ba ma ke ware-zoŋa de ka na wó taa zege woŋo kolo baŋa ne to. Laam kwei-ka á zege wara-vwei dem dedaane kaanem dakaa kam tetare laŋa ne se á daare á mɔ na á ke da. 19Aron de o bia bam wó yeini ba ma na bam konto mo ba se ba je de ba nɛ. 20Ba ná yeini ba boŋe se ba fɔɔre ba yi amo tei wara-jei sem ne naa se ba zwɛ pɛɛra kaanem dakaa kam baŋa ne, ba wó yeini ba da yiga mo ba kwɛ ba tete de na bam konto. Ko ná dae konto ba wó te mo. 21Banto de ba dwi dem jege se ba taa se ba je de ba nɛ mo, se ba yé te. Amo ni dem mo konto se ko taa vei wuu.”
Wɛ swolim nuga kam
22 Baŋa Wɛ daa ma ta de Moses o we
23“Pa se ba nane talwoŋa dwi dento maama yɔle yɔle, se ba daare ba viiri te maama ba ke daane: Ko nam ye Mura maaro kilo teredo, de Kinamon kilo tetɔ, de feil-kasogo kilo tetɔ, 24de Kasia tio poro kilo teredo mo. Kwei-na talwoŋa dwia yanto á viiri de Olivi nuga se ka yi kunkwollu tena. Nam maŋe-na te maama se te dunni taa tɔge wara-jei sem maŋem chekke. 25Laam pa se wolo na tiini o yei terale nuga keim to viiri te maama daane o ke-ka. Amo swolim nuga kam konto wó taa ye ka yera mo amo ŋwaane.
26Nmo laam ma‑n wó kwei-ka n taare wara-vwei dem, de ni-gwonim dakaa kam, 27de bworobworo tabolo kom de ko yera zela maama, de min-zwon-zego kom de ko yera wonnu tem, de talwoŋ-ywoŋa zwɛɛm dakaa kam, 28de zwɛɛm kaanem dakaa kam dedaane ka yera zela yam, de ware-zoŋa kam dedaane ka na zege woŋo kolo baŋa ne to maama. 29Nmo nam ná tɔge chwoŋa kam konto n kwɛ-te, te laam wó taa ye te yera mo te pa-ne. Te na pwɛ amo ŋwaane konto to, wolo maama ná dwei-te, konto tu de pwɛ mo amo ŋwaane.
30Nmo nam ná lage n tiŋi Aron de o bu-baara bam amo kaanem totoŋa yam ŋwaane, se n turi-ba de nuga kam konto. 31Nam ta de Isarele tiina bam we, ‘Amo swolim nuga kanto mo á wó ta‑á ma á turi amo kaanem tiina se á pwɛ-ba amo ŋwaane se ko taa vei wuu. 32Ka ye ka yera mo ka pae amo. Á ba jege se á ta‑á mae-ka á turi á yera yɔɔ yɔɔ. Yé ke-na ka dwi se á ma á toŋe totoŋe dedwoŋi. Abam nam wó pa se ka taa ye ka yera mo maŋa maama. 33Wolo nam ná ve ni dento ye o kwei nuga kam konto o ma toŋe totoŋ-yɔɔ, ba wó le kotu mo se o daa yé tɔge o woli Isarele dwi dem wone.’ ”
Talwoŋ-ywoŋa kam
34 Baŋa Wɛ daa ma ta o bere Moses o we:
“Pa se ba kwei wonnu tento ba ma ke talwoŋ-ywoŋa kam: Setakete maaro, de Onicha, de Galibanum, dedaane Faraniki talwoŋ-ywoŋa na ye chekke to. Maŋe-te se te bɔŋa kam taa mae daane. 35Laam pa se wolo na yei terale keim lanyerane to gwaane-te daane. Yɛ mo wó woli da se ka ji talwoŋ-ywoŋa kalo na ye chekke ye ka ye ka yera amo ŋwaane to. 36Nmo laam ma‑n wó zwɛ ka wone n nane yɔle-yɔle. N ta wó ja-ka n zo wara-vwei dem wone se n zezage ni-gwonim dakaa kam yiga ne, mɛ amo na wó jeeri‑m to. Pa se talwoŋa kam konto tiini ka taa ye ka yera ka pa-ne. 37Yé ke-na ka dwi se á ma á toŋe totoŋe dedwoŋi á pa á tete. Ba na kwei talwoŋ-ywoŋa kam konto ba pa amo to ŋwaane mo ka ye wose. 38Wolo nam ná ve ni dento ye o ke ka dwoŋi, ba wó le kotu mo se o daa yé tɔge o woli Isarele dwi dem wone.”
Currently Selected:
Nwoŋim 30: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 30
30
Talwoŋa zwɛɛm dakaa
1“Pa se ba kwei golesaa dɛ ba ma ke dakaa kalo talwoŋ-ywoŋa na wó taa zwɛ de baŋa ne to. 2Pa se ba ke-ka se ka sɛ sem taa mae daane, dedɔrɔ baŋa de kayɔlɔ baŋa seeni. Ko wó taa ye jatwogo de noa ni maŋem bedwe mo, se wɛ-baŋa maŋem taa ye jatwogo de noa ni maŋem kuni belei. Daa dedoa mo wó ke dakaa kam dedaane nyea yana se ya cheili wɛɛne nenɛɛne nabea nyea tei. 3Kwei-na sabu-seŋa kalo na ye chekke to á kwoli dakaa kam maama, ye á daare á ma sabu-seŋa kam á tɔge ka nia yam. 4Ta ke-na sabu-seŋa kwana yalei á meeli-ya dakaa kam sɛ selei sem ne, se ya maŋe de ka nia yam kuri seeni. Laam tore-na dɛ ya wone se nɔɔna taa mae ba zeŋe-ka. 5Dɛ sem konto wó taa ye golesaa dɛ mo á wó ma á ke ye á daare á kwei sabu-seŋa á kwoli se maama. 6Á maa wó zege dakaa kam konto se ka taa wo gare-jale delo na chege amo di-yun-gala kam to yiga ne. Ni-gwonim dakaa kam de ka ni-pugu kom wó taa wo gare-jale dem kwaga ne. Ko maa ye wɛleera saarem ni-pugu kom seeni mo amo wó jeeri‑m se dé ŋɔɔne.
7Dɛ maama tetete se Aron yeini o zo o fɔge o kwɛ min-zwonnu tem, se o daare o zwɛ talwoŋ-ywoŋa dakaa kam baŋa ne. 8O wó yeini o ke konto mo dedaan-ni maŋa ne. Talwoŋ-ywoŋa wó taa zwɛ ka pa amo Baŋa Wɛ mo maŋa maama se ko taa vei wuu. 9Yé zwɛ-na talwoŋ-yɔɔ dakaa kam konto baŋa ne. Nam yé ke-na zwɛɛm kaanem, naa muni pɛɛre kaanem, naa wo-nyɔɔro kaanem ka baŋa ne. 10Aron nam wó taa kwɛ dakaa kam bedwe mo bene maama wone. O ná lage o kwɛ-ka, se o kwei wɛleere kaanem varem wom jana o ma taare ka nyea yana yam. Á nam wó ta‑á ke konto mo bene maama wone se ko taa vei wuu. Kokuri to, dakaa kam ye wose mo, ba na pwɛ-ka ba pa amo to ŋwaane.”
Wara-jei sem kwɛɛm lampwoo
11 Baŋa Wɛ daa ma ta de Moses o we:
12“Pa se ba jeeli Isarele baara bam ni se n lɔre ba na mae tei. Á na lage á ke konto, nɔɔno maama jege se o kwei sabu o tiŋi o tete ŋwea ŋwaane mo. Konto wó che se, á ná wora á jeeli ba ni, se jawe-chɛɛro yé daane-ba. 13-15Sabu kom ba dedoa dedoa na wó ŋwe to wó taa mae daane mo. Nadum bá ŋwe o dwoni yiniga tu. Yiniga tu de nam bá ŋwe se ko muri nadum na wó ŋwe tei to. Nɔɔno wolo maama na yi bena finlei ye o tɔge o wo jeelim dem wone to wó ŋwe sɛkɛle chichworo mo, se ko dunni tɔge wara-jei sem maŋem chekke.#Nehemia 10:32 Sɛkɛle dedoa maa ye gɛra kuni finlei. Sabu kom wó taa ye ŋwea jwoŋim pɛɛra mo ko pa-ne. 16Nmo nam ná jwoŋi sabu kom konto Isarele tiina bam tei ne, se á ta‑á ma-ko á kwɛ wara-jei sem de se totoŋa yam. Ko wó taa guli Isarele tiina bam de a na jwoŋi ba ŋwea tei to.”#2 Tigisim 24:9
Channa ware-zoŋa kam
17 Baŋa Wɛ ta ma ta de Moses o we:
18“Pa se ba kwei channa ba ma ke ware-zoŋa de ka na wó taa zege woŋo kolo baŋa ne to. Laam kwei-ka á zege wara-vwei dem dedaane kaanem dakaa kam tetare laŋa ne se á daare á mɔ na á ke da. 19Aron de o bia bam wó yeini ba ma na bam konto mo ba se ba je de ba nɛ. 20Ba ná yeini ba boŋe se ba fɔɔre ba yi amo tei wara-jei sem ne naa se ba zwɛ pɛɛra kaanem dakaa kam baŋa ne, ba wó yeini ba da yiga mo ba kwɛ ba tete de na bam konto. Ko ná dae konto ba wó te mo. 21Banto de ba dwi dem jege se ba taa se ba je de ba nɛ mo, se ba yé te. Amo ni dem mo konto se ko taa vei wuu.”
Wɛ swolim nuga kam
22 Baŋa Wɛ daa ma ta de Moses o we
23“Pa se ba nane talwoŋa dwi dento maama yɔle yɔle, se ba daare ba viiri te maama ba ke daane: Ko nam ye Mura maaro kilo teredo, de Kinamon kilo tetɔ, de feil-kasogo kilo tetɔ, 24de Kasia tio poro kilo teredo mo. Kwei-na talwoŋa dwia yanto á viiri de Olivi nuga se ka yi kunkwollu tena. Nam maŋe-na te maama se te dunni taa tɔge wara-jei sem maŋem chekke. 25Laam pa se wolo na tiini o yei terale nuga keim to viiri te maama daane o ke-ka. Amo swolim nuga kam konto wó taa ye ka yera mo amo ŋwaane.
26Nmo laam ma‑n wó kwei-ka n taare wara-vwei dem, de ni-gwonim dakaa kam, 27de bworobworo tabolo kom de ko yera zela maama, de min-zwon-zego kom de ko yera wonnu tem, de talwoŋ-ywoŋa zwɛɛm dakaa kam, 28de zwɛɛm kaanem dakaa kam dedaane ka yera zela yam, de ware-zoŋa kam dedaane ka na zege woŋo kolo baŋa ne to maama. 29Nmo nam ná tɔge chwoŋa kam konto n kwɛ-te, te laam wó taa ye te yera mo te pa-ne. Te na pwɛ amo ŋwaane konto to, wolo maama ná dwei-te, konto tu de pwɛ mo amo ŋwaane.
30Nmo nam ná lage n tiŋi Aron de o bu-baara bam amo kaanem totoŋa yam ŋwaane, se n turi-ba de nuga kam konto. 31Nam ta de Isarele tiina bam we, ‘Amo swolim nuga kanto mo á wó ta‑á ma á turi amo kaanem tiina se á pwɛ-ba amo ŋwaane se ko taa vei wuu. 32Ka ye ka yera mo ka pae amo. Á ba jege se á ta‑á mae-ka á turi á yera yɔɔ yɔɔ. Yé ke-na ka dwi se á ma á toŋe totoŋe dedwoŋi. Abam nam wó pa se ka taa ye ka yera mo maŋa maama. 33Wolo nam ná ve ni dento ye o kwei nuga kam konto o ma toŋe totoŋ-yɔɔ, ba wó le kotu mo se o daa yé tɔge o woli Isarele dwi dem wone.’ ”
Talwoŋ-ywoŋa kam
34 Baŋa Wɛ daa ma ta o bere Moses o we:
“Pa se ba kwei wonnu tento ba ma ke talwoŋ-ywoŋa kam: Setakete maaro, de Onicha, de Galibanum, dedaane Faraniki talwoŋ-ywoŋa na ye chekke to. Maŋe-te se te bɔŋa kam taa mae daane. 35Laam pa se wolo na yei terale keim lanyerane to gwaane-te daane. Yɛ mo wó woli da se ka ji talwoŋ-ywoŋa kalo na ye chekke ye ka ye ka yera amo ŋwaane to. 36Nmo laam ma‑n wó zwɛ ka wone n nane yɔle-yɔle. N ta wó ja-ka n zo wara-vwei dem wone se n zezage ni-gwonim dakaa kam yiga ne, mɛ amo na wó jeeri‑m to. Pa se talwoŋa kam konto tiini ka taa ye ka yera ka pa-ne. 37Yé ke-na ka dwi se á ma á toŋe totoŋe dedwoŋi á pa á tete. Ba na kwei talwoŋ-ywoŋa kam konto ba pa amo to ŋwaane mo ka ye wose. 38Wolo nam ná ve ni dento ye o ke ka dwoŋi, ba wó le kotu mo se o daa yé tɔge o woli Isarele dwi dem wone.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)