Nwoŋim 22
22
Isarele tiina de ba jejegero
1Nɔɔno ná ŋɔge nabea ye o go-ka naa o kwei-ka o yeigi, ba ná jaane kotu, o wó kwei nabɛ senu mo o jwoori o ŋwe nabea kalo o na ŋɔge to. Ko nam ná ye pia mo o ŋɔga, se o kwei pei sena o ma o ŋwe pia kalo o na ŋɔge to yuu ne.
2-4Ŋweeno jege se o jwoori o ŋwe kolo o na ŋɔge to mo. O daa ná ware o ŋwe, se ba ja‑o ba yeigi se o taa ye kabaa jene dem ŋwaane. Ko daare, ba ná jaane ŋweeno wom ye o ta jege varem wolo o na ŋɔge to, se o ŋwe-ko kuni belei o pa kotu, nenɛɛne ko ná ye nabea naa bonaga naa pia mo de. Ŋweeno ná bwori nɔɔno sɔŋɔ tete ne ye ba ja‑o ba mage ba go, wolo na go‑o to bá te ko ŋwaane. Se ko ná ye wea ne mo ba jaane ŋweeno wom, wolo na go‑o to maŋe se o de te mo.
5Nɔɔno ná pɛ se o vara vere ba zo nɔɔno wodwoŋi kara naa o kaduga wone ba ja o wodiiru tem ba chɔge, vara bam tu wó kwei o tete wodiiru tem o ma o ŋwe wodwoŋi wom wonnu tem na chɔge to mo, nenɛɛne ko ná ye mena naa tio-bia mo de.
6Nɔɔno ná puli mini kuri pa se de di de vo de to o dwoŋi kara wone de chɔge o mena yalo ba na maŋe ba zage naa yalo ba na wo zage to de, o jege se o ŋwe wolo kara na chɔge to mo.
7Nɔɔno ná kwei o sabu naa o jejegero o pa o dwoŋi se o taa nii-te o diga wone o pa‑o, ye ŋweeno ná tu o ŋɔ sɔŋɔ kom, ba ná jaane ŋweeno wom, o jege se o ŋwe kolo o na ŋɔge to kuni belei mo. 8Se ba ná wo jaane ŋweeno wom, wolo ya na jege o dwoŋi wom wonnu tem o nii to wó vo Wɛ wara-jei sem mo se nakwa bam bwei‑o ba lɔre, wonto mo ŋɔge naa ko dae wonto.
9Nɔɔna balei ná mage ni-kantɔgɔ woŋo dedoa ŋwaane, ko ná ye nabea, naa bonaga, naa pia, naa gɔrɔ, naa woŋo kolo maama, se ba vo ba jeeri Wɛ wara-jei sem ne. Nakwa bam#22:9 Nakwa bam naa Wɛ laam wó bere wolo na gɛ bora to, se konto tu ŋwe o na to kolo baŋa ne to o pa wodwoŋi wom kuni belei.
10Nɔɔno ná kwei o bonaga, naa o nabea, naa o pia, naa o varem dwi delo maama o pa o dwoŋi se o taa nii o pa‑o, ye varem wom ná tega, naa o ná nɛ zonne, naa o ná jei, nɔɔn-nɔɔno ná tera se o na kolo na ke to, 11wolo ba na kwei varem wom ba ke o jeŋa ne to mo wó vo wara-jei sem o pwooli Baŋa Wɛ yiga ne we wonto wo pɛ se varem wom chɔge. Varem wom tu de nam jege se o sɛ konto mo, se o dwoŋi wom yé ŋwe kolokolo. 12Ko daare, nɔɔna ná ŋɔge varem wom wolo na nii-ko to tei ne, wolo na nii-ko to jege se o ŋwe ko jene dem mo. 13Kago-varem nam ná jaane varem wom o tore tore, se wolo na nii varem wom baŋa ne to ja ko yera yam na tore to o ba o bere varem wom tu. Konto mo ye maana se o yé ŋwe kolokolo.
14Nɔɔno ná jene varem o dwoŋi tei ne, ye varem wom ná tega, naa o ná nɛ zonne, varem wom tu ná tera se o na, wolo na jene varem wom to mo wó jwoori o ŋwe varem wom tu. 15Ko daare varem wom tu ná nɛ kolo na ke to, nɔɔno wolo na jene varem wom to daa bá ŋwe kolokolo. Kokuri to, o na jene varem wom to, o jene dem ti.
Kɔgɔ wo zoorem
16Bukɔ ná yeiri baaro ye nɔɔno ná gane‑o o lage, kotu nam wó yɔɔre o ke bukɔ wom kadiri mo se o daare o taa tei‑o.#Nia Gulim 22:28-29 17Bukɔ wom kwo nam ná ve se o pa nɔɔno wom o bukɔ se o ji o kaane, wolo na ke‑o puga kam to ta wó ŋwe kolo maama na ye bukwa kwaga wonnu to mo o pa kwo wom.
18Kaane ná ye yi-naro, á jege se á go‑o mo.#Nia Gulim 18:10-11
19Wolo ná peini de varem, se á go‑o.
20Wolo ná zuli wɛ-gaa ye ko dae Baŋa Wɛ yerane, se á yɔɔre á chɔge kotu.
21Yé daane-na veira, á nam yé bɛɛse-ba. Guli-na we abam de déem ye veira mo Ejipti tega baŋa ne.
22Yé pa-na se ko zo kadeim yera, naa botaro yera.#Jemsi 1:27 23Abam ná yaare-ba pa se ba keeri ba jare-ne, amo wó cheigi ba keira kam. 24A bane maa wó zaŋe abam baŋa ne, ye a daare a go abam de se-zɔɔ mo. Konto maa wó pa se á kaana bam ji kadeina, ye á bia bam de ji botara.
25Amo nɔɔna bam wone, nmo ná jene sabu n pa wolo na ye nabwom to, se n yé ke sabu-leinna kikia de kotu. Yé pa se o ŋwe sabu-daŋɔ o pa‑m. 26Nɔɔno nam ná kwei o gɔrɔ o ma tiŋi daare n tei ne, se n yeini n kwei-ko n pa‑o dɛ maama dedaan-ni maŋa ne. 27O ná lage o peini tete ne, gɔrɔ kom konto yerane mo o yeini o jega se o taa mae o kwoli o tete. O nam ná keeri o jare-ne, amo wó cheigi o keira kam. Kokuri to, amo tiini a duri nɔɔna yibwona mo.
28Yé ŋɔɔne Wɛ n ja n chɔge. Nam yé sɔɔle lwarem n yage wolo na ye nakwe tu to yuu ne.
29Kolo na maŋe se n pɔɔre n wodiiru tem wone n pa amo to, ko ná ye mena, naa wo-nyɔɔro tem, se n yé ve se n ke konto.
Nam kwei-na á bakeiri-kwe sem á pa amo.#Luka 2:23-24 30Ko ta woli da, wo-kwe selo na nwoŋi á naane dem wone, de á pei sem wone to ye se á pa-ne mo. Vare-kwe selo na ye wo-bɛ to wó maŋe se niina tei ne mo da yarepɛ. Da nana kam dɛ ne, á maa wó pɔɔre-se á pa-ne.
31Abam maŋe se á ji nɔɔna balo na pwɛ ba tete ba pa amo to mo. Mo kokuri, á ba jege se á di nɔna yalo ga-vara na jaane ba tore tore to. Kwei-na nɔna yam konto á pa kukuri.
Currently Selected:
Nwoŋim 22: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 22
22
Isarele tiina de ba jejegero
1Nɔɔno ná ŋɔge nabea ye o go-ka naa o kwei-ka o yeigi, ba ná jaane kotu, o wó kwei nabɛ senu mo o jwoori o ŋwe nabea kalo o na ŋɔge to. Ko nam ná ye pia mo o ŋɔga, se o kwei pei sena o ma o ŋwe pia kalo o na ŋɔge to yuu ne.
2-4Ŋweeno jege se o jwoori o ŋwe kolo o na ŋɔge to mo. O daa ná ware o ŋwe, se ba ja‑o ba yeigi se o taa ye kabaa jene dem ŋwaane. Ko daare, ba ná jaane ŋweeno wom ye o ta jege varem wolo o na ŋɔge to, se o ŋwe-ko kuni belei o pa kotu, nenɛɛne ko ná ye nabea naa bonaga naa pia mo de. Ŋweeno ná bwori nɔɔno sɔŋɔ tete ne ye ba ja‑o ba mage ba go, wolo na go‑o to bá te ko ŋwaane. Se ko ná ye wea ne mo ba jaane ŋweeno wom, wolo na go‑o to maŋe se o de te mo.
5Nɔɔno ná pɛ se o vara vere ba zo nɔɔno wodwoŋi kara naa o kaduga wone ba ja o wodiiru tem ba chɔge, vara bam tu wó kwei o tete wodiiru tem o ma o ŋwe wodwoŋi wom wonnu tem na chɔge to mo, nenɛɛne ko ná ye mena naa tio-bia mo de.
6Nɔɔno ná puli mini kuri pa se de di de vo de to o dwoŋi kara wone de chɔge o mena yalo ba na maŋe ba zage naa yalo ba na wo zage to de, o jege se o ŋwe wolo kara na chɔge to mo.
7Nɔɔno ná kwei o sabu naa o jejegero o pa o dwoŋi se o taa nii-te o diga wone o pa‑o, ye ŋweeno ná tu o ŋɔ sɔŋɔ kom, ba ná jaane ŋweeno wom, o jege se o ŋwe kolo o na ŋɔge to kuni belei mo. 8Se ba ná wo jaane ŋweeno wom, wolo ya na jege o dwoŋi wom wonnu tem o nii to wó vo Wɛ wara-jei sem mo se nakwa bam bwei‑o ba lɔre, wonto mo ŋɔge naa ko dae wonto.
9Nɔɔna balei ná mage ni-kantɔgɔ woŋo dedoa ŋwaane, ko ná ye nabea, naa bonaga, naa pia, naa gɔrɔ, naa woŋo kolo maama, se ba vo ba jeeri Wɛ wara-jei sem ne. Nakwa bam#22:9 Nakwa bam naa Wɛ laam wó bere wolo na gɛ bora to, se konto tu ŋwe o na to kolo baŋa ne to o pa wodwoŋi wom kuni belei.
10Nɔɔno ná kwei o bonaga, naa o nabea, naa o pia, naa o varem dwi delo maama o pa o dwoŋi se o taa nii o pa‑o, ye varem wom ná tega, naa o ná nɛ zonne, naa o ná jei, nɔɔn-nɔɔno ná tera se o na kolo na ke to, 11wolo ba na kwei varem wom ba ke o jeŋa ne to mo wó vo wara-jei sem o pwooli Baŋa Wɛ yiga ne we wonto wo pɛ se varem wom chɔge. Varem wom tu de nam jege se o sɛ konto mo, se o dwoŋi wom yé ŋwe kolokolo. 12Ko daare, nɔɔna ná ŋɔge varem wom wolo na nii-ko to tei ne, wolo na nii-ko to jege se o ŋwe ko jene dem mo. 13Kago-varem nam ná jaane varem wom o tore tore, se wolo na nii varem wom baŋa ne to ja ko yera yam na tore to o ba o bere varem wom tu. Konto mo ye maana se o yé ŋwe kolokolo.
14Nɔɔno ná jene varem o dwoŋi tei ne, ye varem wom ná tega, naa o ná nɛ zonne, varem wom tu ná tera se o na, wolo na jene varem wom to mo wó jwoori o ŋwe varem wom tu. 15Ko daare varem wom tu ná nɛ kolo na ke to, nɔɔno wolo na jene varem wom to daa bá ŋwe kolokolo. Kokuri to, o na jene varem wom to, o jene dem ti.
Kɔgɔ wo zoorem
16Bukɔ ná yeiri baaro ye nɔɔno ná gane‑o o lage, kotu nam wó yɔɔre o ke bukɔ wom kadiri mo se o daare o taa tei‑o.#Nia Gulim 22:28-29 17Bukɔ wom kwo nam ná ve se o pa nɔɔno wom o bukɔ se o ji o kaane, wolo na ke‑o puga kam to ta wó ŋwe kolo maama na ye bukwa kwaga wonnu to mo o pa kwo wom.
18Kaane ná ye yi-naro, á jege se á go‑o mo.#Nia Gulim 18:10-11
19Wolo ná peini de varem, se á go‑o.
20Wolo ná zuli wɛ-gaa ye ko dae Baŋa Wɛ yerane, se á yɔɔre á chɔge kotu.
21Yé daane-na veira, á nam yé bɛɛse-ba. Guli-na we abam de déem ye veira mo Ejipti tega baŋa ne.
22Yé pa-na se ko zo kadeim yera, naa botaro yera.#Jemsi 1:27 23Abam ná yaare-ba pa se ba keeri ba jare-ne, amo wó cheigi ba keira kam. 24A bane maa wó zaŋe abam baŋa ne, ye a daare a go abam de se-zɔɔ mo. Konto maa wó pa se á kaana bam ji kadeina, ye á bia bam de ji botara.
25Amo nɔɔna bam wone, nmo ná jene sabu n pa wolo na ye nabwom to, se n yé ke sabu-leinna kikia de kotu. Yé pa se o ŋwe sabu-daŋɔ o pa‑m. 26Nɔɔno nam ná kwei o gɔrɔ o ma tiŋi daare n tei ne, se n yeini n kwei-ko n pa‑o dɛ maama dedaan-ni maŋa ne. 27O ná lage o peini tete ne, gɔrɔ kom konto yerane mo o yeini o jega se o taa mae o kwoli o tete. O nam ná keeri o jare-ne, amo wó cheigi o keira kam. Kokuri to, amo tiini a duri nɔɔna yibwona mo.
28Yé ŋɔɔne Wɛ n ja n chɔge. Nam yé sɔɔle lwarem n yage wolo na ye nakwe tu to yuu ne.
29Kolo na maŋe se n pɔɔre n wodiiru tem wone n pa amo to, ko ná ye mena, naa wo-nyɔɔro tem, se n yé ve se n ke konto.
Nam kwei-na á bakeiri-kwe sem á pa amo.#Luka 2:23-24 30Ko ta woli da, wo-kwe selo na nwoŋi á naane dem wone, de á pei sem wone to ye se á pa-ne mo. Vare-kwe selo na ye wo-bɛ to wó maŋe se niina tei ne mo da yarepɛ. Da nana kam dɛ ne, á maa wó pɔɔre-se á pa-ne.
31Abam maŋe se á ji nɔɔna balo na pwɛ ba tete ba pa amo to mo. Mo kokuri, á ba jege se á di nɔna yalo ga-vara na jaane ba tore tore to. Kwei-na nɔna yam konto á pa kukuri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)