Nwoŋim 19
19
Sinayi Peo kom
1-2Isarele tiina bam déem zege Refidim ne ba vo ba yi Sinayi kagoa kam. Ba na nwoŋi Ejipti teo kom ne to, ko ye chane setɔ boboa dɛ ne mo ba yi da. Ba ma chwi ba vwoa yam Sinayi Peo kom teiŋa ne. 3Moses ma di peo kom yuu se o vo Wɛ tei.#Nwoŋim 3:12 Baŋa Wɛ ma zege peo kom yuu ne o bwoŋi‑o ye o we, “Ta tento n bere Isarele tiina bam na ye Jakob dwi dem to:
4‘Abam tete yi nɛ amo Baŋa Wɛ na ke kolo se ko zo Ejipti tiina bam yera to. Á ta nɛ amo na kwei abam a daŋe a bakale baŋa ne nenɛɛne kalwoŋo na yeini ko ke tei de ko bia to. A ke abam konto mo a ja a yi amo tei ywo-seeni. 5Tɔ. Logo baŋa maama ye amo nyem mo. Abam nam ná sɛ amo ni se á ta‑á ke kolo maama amo na wó bere abam to, amo wó kuri abam nabiina maama wone se á ta‑á ye amo tete nɔɔna.#Nia Gulim 10:15 6Abam nam wó ta‑á ye amo kaanem tiina, ye á toŋe amo paare yerane ŋwaane mo. Abam dwi dem wó taa ye á yera amo ŋwaane.’#1 Piita 2:5, 9 Ta konto maama n bere Isarele tiina bam.”
7Moses ma zege peo kom yuu ne o tu. O ma bwoŋi Isarele nakwa bam ye o daare o tole Baŋa Wɛ kwora kam maama o bere-ba. 8Nɔɔna bam ma sɛ ye ba leiri ba we, “Dé wó ke kolo maama Baŋa Wɛ na tage to.” Moses daa ma ja nɔɔna bam kwora kam o vo o tole o bere Baŋa Wɛ.
9 Baŋa Wɛ déem ma ta de Moses o we, “Amo lage a ba nmo tei, ye kunkwon-lilirru mo wó kwoli-ne. Ko wó pa se, amo ná tu a ŋɔɔne de nmo, nɔɔna bam wó ni amo kwora ye ba daare ba ke ba wo-dedoa de nmo maŋa maama.”
Moses daa ma ta nɔɔna bam taane dem maama o bere Baŋa Wɛ. 10Baŋa Wɛ ma ta ded‑o o we, “Jwoori n tu nɔɔna bam tei n daare n pa ba kwei zem de jwa dɛ dem ba ma kwɛ ba bochara ba pa amo. Ba jege se ba zare ba gwaaro 11se ba ti ba yiga se, da yatɔ dɛ ná yia, se a laam ba ba tei. Amo Baŋa Wɛ wó tu a ba Sinayi Peo kom yuu ne se nɔɔna bam maama taa nii ba na-ne. 12Nam lɔ siseini n kaare peo kom maama se nɔɔna bam yé lɛɛne-de. Ta de nɔɔna bam we, ba yé diini peo kom yuu naa ba twɛ ko teiŋa kam. Nɔɔno wolo naga ná nɔne peo kom baŋa ne, ba jege se ba go konto tu mo. 13Ba ná lage ba go‑o, ba jeŋa yé dwei‑o. Ba nam wó dole‑o mo de kandwa naa ba ta‑o de chena se o te. Ko ná ye nabiinu naa varem mo ye o naga ná nɔne peo kom, o jege se o te mo. Tɔ. Ba nam ná wugi nabɔna kam, nɔɔna bam laam jege chwoŋa se ba fɔɔre ba yi peo kom.”
14Moses ma zege peo kom yuu ne o tu o vo nɔɔna bam tei. O ma pa ba kwɛ ba bochara ba pa Wɛ ye ba daare ba zare ba gwaaro. 15Moses ma ta de-ba o we, “Ti-na á yiga da yatɔ dɛ dem ŋwaane. Da yam konto ne, nɔɔn-nɔɔno yé peini de kaane.”
16Da yatɔ dɛ dem tetete mo doa tiini ka pepele ye ka bage pina-pina. Kunkwon-liliru ma tu ko ba ko kwoli peo kom yuu. Nabɔna laam ma tiini ka wuuri sɔɔ dedɛ. Nɔɔna bam na nigi sɔɔ kom to, ba yera maa tiini ya sae ye foone zo-ba.#Hiburu 12:18-21; Nia Gulim 4:10 17Moses ma tɔge nɔɔna bam yiga o ja-ba o nwoŋi ba vwoa yam wone se ba vo ba jeeri Wɛ. Ba ma vo ba zege peo kom teiŋa ne. 18Nyoa déem maa kwoli Sinayi peo kom yuu maama. Kokuri to, Baŋa Wɛ déem chugi ko baŋa ne ye mini gilimi‑o. Nyoa kam ma zaŋe toge-toge ka di wɛyuu, nenɛɛne min-vo-fɔrɔ tei. Peo kom maama ma tiini ko ziziŋi. 19Nabɔna kam kwori laam maa tiini de dana. Moses déem maa ŋɔɔne de Wɛ, ye Wɛ de leiri o taane dem ne doa na bage tei to.
20 Baŋa Wɛ ma tu o ba Sinayi Peo kom yuu ne. O ma bwoŋi Moses se o di o ba peo kom yuu. Moses ma di Wɛ tei. 21Baŋa Wɛ ma ta ded‑o o we, “Jwoori n tu tega n kaane nɔɔna bam se ba yé lɛɛne siseini dem. Ba ba jege se ba fe ba di se ba na amo Baŋa Wɛ. Ba ná fe ba ke konto, ba dedɛ lage ba te mo. 22Ko ná maŋe ko ye amo kaanem tiina balo na yeini ba tui amo tei to, ba jege se ba kwɛ ba bochara mo amo ŋwaane. Ko ná dae konto, amo wó chɔge-ba mo.”
23Moses ma ta de Baŋa Wɛ o we, “Nɔɔna bam ba jege chwoŋa se ba di peo kom. Nmo pɛ se amo lɔ siseini mo a tiŋi se nɔɔna bam yé lɛɛne-de, nmo na pwɛ peo kom pa ko ye ko yera to ŋwaane.” 24Baŋa Wɛ ma leiri‑o o we, “Nam tu tega n ja Aron se á tɔge daane á di ywo-seeni. Se ko ná ye kaanem tiina bam dedaane nɔɔna bam maama, ba ná fe ba lɛɛne se ba twɛ ywo-seeni, amo bane wó zaŋe de-ba mo, ye a chɔge-ba.”
25Moses ma tu o vo nɔɔna bam tei ye o ta de-ba kolo Baŋa Wɛ na tage to.
Currently Selected:
Nwoŋim 19: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 19
19
Sinayi Peo kom
1-2Isarele tiina bam déem zege Refidim ne ba vo ba yi Sinayi kagoa kam. Ba na nwoŋi Ejipti teo kom ne to, ko ye chane setɔ boboa dɛ ne mo ba yi da. Ba ma chwi ba vwoa yam Sinayi Peo kom teiŋa ne. 3Moses ma di peo kom yuu se o vo Wɛ tei.#Nwoŋim 3:12 Baŋa Wɛ ma zege peo kom yuu ne o bwoŋi‑o ye o we, “Ta tento n bere Isarele tiina bam na ye Jakob dwi dem to:
4‘Abam tete yi nɛ amo Baŋa Wɛ na ke kolo se ko zo Ejipti tiina bam yera to. Á ta nɛ amo na kwei abam a daŋe a bakale baŋa ne nenɛɛne kalwoŋo na yeini ko ke tei de ko bia to. A ke abam konto mo a ja a yi amo tei ywo-seeni. 5Tɔ. Logo baŋa maama ye amo nyem mo. Abam nam ná sɛ amo ni se á ta‑á ke kolo maama amo na wó bere abam to, amo wó kuri abam nabiina maama wone se á ta‑á ye amo tete nɔɔna.#Nia Gulim 10:15 6Abam nam wó ta‑á ye amo kaanem tiina, ye á toŋe amo paare yerane ŋwaane mo. Abam dwi dem wó taa ye á yera amo ŋwaane.’#1 Piita 2:5, 9 Ta konto maama n bere Isarele tiina bam.”
7Moses ma zege peo kom yuu ne o tu. O ma bwoŋi Isarele nakwa bam ye o daare o tole Baŋa Wɛ kwora kam maama o bere-ba. 8Nɔɔna bam ma sɛ ye ba leiri ba we, “Dé wó ke kolo maama Baŋa Wɛ na tage to.” Moses daa ma ja nɔɔna bam kwora kam o vo o tole o bere Baŋa Wɛ.
9 Baŋa Wɛ déem ma ta de Moses o we, “Amo lage a ba nmo tei, ye kunkwon-lilirru mo wó kwoli-ne. Ko wó pa se, amo ná tu a ŋɔɔne de nmo, nɔɔna bam wó ni amo kwora ye ba daare ba ke ba wo-dedoa de nmo maŋa maama.”
Moses daa ma ta nɔɔna bam taane dem maama o bere Baŋa Wɛ. 10Baŋa Wɛ ma ta ded‑o o we, “Jwoori n tu nɔɔna bam tei n daare n pa ba kwei zem de jwa dɛ dem ba ma kwɛ ba bochara ba pa amo. Ba jege se ba zare ba gwaaro 11se ba ti ba yiga se, da yatɔ dɛ ná yia, se a laam ba ba tei. Amo Baŋa Wɛ wó tu a ba Sinayi Peo kom yuu ne se nɔɔna bam maama taa nii ba na-ne. 12Nam lɔ siseini n kaare peo kom maama se nɔɔna bam yé lɛɛne-de. Ta de nɔɔna bam we, ba yé diini peo kom yuu naa ba twɛ ko teiŋa kam. Nɔɔno wolo naga ná nɔne peo kom baŋa ne, ba jege se ba go konto tu mo. 13Ba ná lage ba go‑o, ba jeŋa yé dwei‑o. Ba nam wó dole‑o mo de kandwa naa ba ta‑o de chena se o te. Ko ná ye nabiinu naa varem mo ye o naga ná nɔne peo kom, o jege se o te mo. Tɔ. Ba nam ná wugi nabɔna kam, nɔɔna bam laam jege chwoŋa se ba fɔɔre ba yi peo kom.”
14Moses ma zege peo kom yuu ne o tu o vo nɔɔna bam tei. O ma pa ba kwɛ ba bochara ba pa Wɛ ye ba daare ba zare ba gwaaro. 15Moses ma ta de-ba o we, “Ti-na á yiga da yatɔ dɛ dem ŋwaane. Da yam konto ne, nɔɔn-nɔɔno yé peini de kaane.”
16Da yatɔ dɛ dem tetete mo doa tiini ka pepele ye ka bage pina-pina. Kunkwon-liliru ma tu ko ba ko kwoli peo kom yuu. Nabɔna laam ma tiini ka wuuri sɔɔ dedɛ. Nɔɔna bam na nigi sɔɔ kom to, ba yera maa tiini ya sae ye foone zo-ba.#Hiburu 12:18-21; Nia Gulim 4:10 17Moses ma tɔge nɔɔna bam yiga o ja-ba o nwoŋi ba vwoa yam wone se ba vo ba jeeri Wɛ. Ba ma vo ba zege peo kom teiŋa ne. 18Nyoa déem maa kwoli Sinayi peo kom yuu maama. Kokuri to, Baŋa Wɛ déem chugi ko baŋa ne ye mini gilimi‑o. Nyoa kam ma zaŋe toge-toge ka di wɛyuu, nenɛɛne min-vo-fɔrɔ tei. Peo kom maama ma tiini ko ziziŋi. 19Nabɔna kam kwori laam maa tiini de dana. Moses déem maa ŋɔɔne de Wɛ, ye Wɛ de leiri o taane dem ne doa na bage tei to.
20 Baŋa Wɛ ma tu o ba Sinayi Peo kom yuu ne. O ma bwoŋi Moses se o di o ba peo kom yuu. Moses ma di Wɛ tei. 21Baŋa Wɛ ma ta ded‑o o we, “Jwoori n tu tega n kaane nɔɔna bam se ba yé lɛɛne siseini dem. Ba ba jege se ba fe ba di se ba na amo Baŋa Wɛ. Ba ná fe ba ke konto, ba dedɛ lage ba te mo. 22Ko ná maŋe ko ye amo kaanem tiina balo na yeini ba tui amo tei to, ba jege se ba kwɛ ba bochara mo amo ŋwaane. Ko ná dae konto, amo wó chɔge-ba mo.”
23Moses ma ta de Baŋa Wɛ o we, “Nɔɔna bam ba jege chwoŋa se ba di peo kom. Nmo pɛ se amo lɔ siseini mo a tiŋi se nɔɔna bam yé lɛɛne-de, nmo na pwɛ peo kom pa ko ye ko yera to ŋwaane.” 24Baŋa Wɛ ma leiri‑o o we, “Nam tu tega n ja Aron se á tɔge daane á di ywo-seeni. Se ko ná ye kaanem tiina bam dedaane nɔɔna bam maama, ba ná fe ba lɛɛne se ba twɛ ywo-seeni, amo bane wó zaŋe de-ba mo, ye a chɔge-ba.”
25Moses ma tu o vo nɔɔna bam tei ye o ta de-ba kolo Baŋa Wɛ na tage to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)