Efesia 4
4
Yezu Krista nɔɔna bam ye kɔgɔ dedoa
1Amo na wo peena diga ne dé Teiru wom ŋwaane to, a lwoori abam se á pa á totoŋ-naga taa tɔge chwoŋa, se ko maŋe de Wɛ na bwoŋi abam se á ta‑á ye tei to.#Kikia 28:16 2Ko maŋe se abam ta‑á gwooni á tete mo, se á ta‑á nege daane maŋa maama, se á daare á ta‑á jege ban-peno, ye á woli daane de swono.#Kolosia 3:12-13 3Seene-na á yia se á ta‑á jege boboŋe dedwe, ne Wɛ Sin-laao kom na zeini abam ye á fɔge daane de bochare-zuru tei to. 4Yezu nɔɔna bam ye kɔgɔ dedoa mo. Wɛ Sin-laao kom de maa ye dedoa, ne Wɛ na bwoŋi abam se á ta‑á tɔge‑o ye á jege teenem bedwe ded‑o tei to. 5Debam maama jege Teiru dedoa mo. Dé na sɛ‑o de wo-dedoa tei to de maa ye bedwe. Dé na jwoŋi sɛɛm tei to de ye bedwe mo. 6Wɛ ye dedoa mo, ye o ye debam maama Kwo. Wonto maa ye dé maama Yuu-tu. O maa tɔge debam maama baŋa o toŋa, ye o kwori o me de dé maama.
7Wɛ nam tɔge o zaane dem ŋwaane mo o zeini debam maama dedoa dedoa, se ko maŋe de Yezu Krista na lage se o pɔɔre o pɛɛra yam tei to. 8Ko nam popone Wɛ tɔnɔ kom ne we,
“O na diini wɛyuu to mo
o kale o dona bam o na wane-ba to o ja vo.
O ma daare o pɔɔre o pɛɛra yam
o pa o nɔɔna bam.”#Lei 68:18
9Ko na popone we, “o diini wɛyuu” to, ko kuri mo bɛ? Ko bere we o ya maŋe o tu tega baŋa ye o yi ka kuri. 10Wolo na tu tega baŋa konto to daa ta mo diini wɛyuu o kɛ Wɛ telaao wonnu tem maama yiga, se o wane o pa wonnu telo maama na wora to taa jege kuri.
11Ko ye wonto tete nam mo woli nɔɔna de o pɛɛra yam,
se ba badaara taa ye o totoŋa nakwa,
se badaara de taa ye o ni-jwoŋina,
se badaara de taa tɔɔle Wɛ kwor-ywoŋa kam,
se badaara taa nii o nɔɔna baŋa ne,
ye badaara de ba bere-ba o chega kam.
12Yezu Krista nam woli o nɔɔna bam konto dwoŋi se ba wane ba na dam mo se ba taa toŋe ba zeini daane, se ko pa o kɔgɔ kom maama fɔge ko ke daane lanyerane.#Kikia 20:28 13Konto ŋwaane, debam maama laam wó ba dé taa ye bedwe, de dé na jege wo-dedoa de Wɛ Bu wom ye dé yei o chega kam tei to. Dé boboŋa laam maa wó tiini ya be lanyerane, se Yezu Krista ŋwea kam taa sui dé bochara maama.
14Dé boboŋa daa bá taa bwona, nenɛɛne bu-balɛ boboŋa na ye tei to. Dé daa bá pa se dé boboŋa taa vei yiga de kwaga de nɔɔna berem, ne vio na fuli wonnu ko yage yiga de kwaga tei to. Dé daa bá sɛ dé tɔge nɔɔna balo na ke swa ba gane ba dwonna se ba tusi to. 15Dé nam wó taa bere Wɛ chega kam mo ye dé jege da-swono, se ko pa dé boboŋa kweere ye dé me de Yezu Krista na ye debam Yuu-tu to. 16Yezu kɔgɔ kom maa nye de o yera mo, ye wonto mo pae se o yera yam jei sem maama toŋe ya woli daane. Ya nam ye teiri teiri mo ye ya maama kwaare daane ya toŋa. Konto ŋwaane, wolo maama na ye Yezu kɔgɔ kom nɔɔno to ná toŋe totoŋe delo Yezu na pɛ‑o to, ko wó pa se o kɔgɔ kom maama tɔge da-swono ŋwaane ko fɔge daane lanyerane.
Wɛ ŋwe-doŋa kam taane
17Amo nam lage a kaane abam dé Teiru Yezu ŋwaane, se á daa yé ta‑á tɔge chwei selo dwi-gɛ tiina na tɔge de ba boboŋ-yɔɔro tem to. 18Banto boboŋa ye lim mo, ye ba ŋwea ba tɔge Wɛ ŋwea kam na ye tei to, kolo ŋwaane ba wo lɔre Wɛ chega kam mo, ba na jege yi-dɛɛre to ŋwaane. 19Ba maa ba kɔre chaveera ye ba tiini ba ke wo-zɔɔna kikia, de wo-digiru kikia yalo maama ba fera na zoore ka-laga ŋwaane to ko ja gaale.
20Abam nam na lɔre Yezu Krista chega kam to, ko dae se á ta‑á tɔge kikia yanto dwoŋi. 21Á na nigi Yezu taane to, ba seene ba bere abam o chega kam chekke. 22Ba ma bere abam se á yage á ŋwe-dwoŋa kam de ka na pɛ á ye tei to. Á ŋwe-dwoŋa kam konto lage ka chɔge abam mo, de ka na gane abam se á fera taa zoore wo-yɔɔro telo na ba jege kuri to.#Hiburu 12:1 23Á boboŋa maama nam jege se ya pipiri ya ji nadoora mo, 24se á daare á tɔge Wɛ ŋwe-doŋa kalo o na ke o pa abam to. Ŋwe-doŋa kam konto nye de Wɛ tete ŋwea mo, ye ka pa á tɔge chega chwoŋa de wo-pwoŋo chwoŋa chekke.
25Konto ŋwaane pa-na dé yage vwa fɔm, se dé daare dé taa tɛ chega dé bere daane, dé maama na ye kɔgɔ dedoa to ŋwaane.#Zekaria 8:16 26Abam wolo ná jege ban-zɔŋɔ de o dwoŋi, se kotu yé pa ko ji wɛleere o tei ne. O nam jege se o le-de o wone lela ye wɛ daa ta wo zo. 27Á yé pa setaana pɛ na laŋa o chɔge abam. 28Wolo na lage ŋweene to daa yé taa ŋɔna. O nam jege se o taa toŋe o pa o tete mo de jawala, se o daare o wane o zeini yiniga na jege balo to.
29Á yé pa se á ni taane taa jege lwarem. Nam ta‑á ŋɔɔne-na botare selo na wó fɔge nɔɔna ne ba na lage tei, ye se daare se zeini-ba lanyerane. 30Á yé pa se Wɛ Sin-laao kom wo chɔge de á na ke kolo to, kokuri Wɛ tɔge ko ŋwaane o ma ke maanem o pa abam se ko bere we á ye o nyem mo, se o dɛ dem ná yia, se o laam jwoŋi abam o ti. 31Yage-na puseŋa, de ban-lom, de wo-zɔŋɔ, se á daare á yage ni-kantɔgɔ, de toro, ko woli de keim-lwanno dwi maama. 32Ta‑á nege-na daane se á daare á ta‑á jege da-ŋwaŋa. Ta‑á ma‑á chɛ daane, ne Wɛ na yage á wɛleera o ma chɛ abam Yezu Krista ŋwaane tei to.
Currently Selected:
Efesia 4: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Efesia 4
4
Yezu Krista nɔɔna bam ye kɔgɔ dedoa
1Amo na wo peena diga ne dé Teiru wom ŋwaane to, a lwoori abam se á pa á totoŋ-naga taa tɔge chwoŋa, se ko maŋe de Wɛ na bwoŋi abam se á ta‑á ye tei to.#Kikia 28:16 2Ko maŋe se abam ta‑á gwooni á tete mo, se á ta‑á nege daane maŋa maama, se á daare á ta‑á jege ban-peno, ye á woli daane de swono.#Kolosia 3:12-13 3Seene-na á yia se á ta‑á jege boboŋe dedwe, ne Wɛ Sin-laao kom na zeini abam ye á fɔge daane de bochare-zuru tei to. 4Yezu nɔɔna bam ye kɔgɔ dedoa mo. Wɛ Sin-laao kom de maa ye dedoa, ne Wɛ na bwoŋi abam se á ta‑á tɔge‑o ye á jege teenem bedwe ded‑o tei to. 5Debam maama jege Teiru dedoa mo. Dé na sɛ‑o de wo-dedoa tei to de maa ye bedwe. Dé na jwoŋi sɛɛm tei to de ye bedwe mo. 6Wɛ ye dedoa mo, ye o ye debam maama Kwo. Wonto maa ye dé maama Yuu-tu. O maa tɔge debam maama baŋa o toŋa, ye o kwori o me de dé maama.
7Wɛ nam tɔge o zaane dem ŋwaane mo o zeini debam maama dedoa dedoa, se ko maŋe de Yezu Krista na lage se o pɔɔre o pɛɛra yam tei to. 8Ko nam popone Wɛ tɔnɔ kom ne we,
“O na diini wɛyuu to mo
o kale o dona bam o na wane-ba to o ja vo.
O ma daare o pɔɔre o pɛɛra yam
o pa o nɔɔna bam.”#Lei 68:18
9Ko na popone we, “o diini wɛyuu” to, ko kuri mo bɛ? Ko bere we o ya maŋe o tu tega baŋa ye o yi ka kuri. 10Wolo na tu tega baŋa konto to daa ta mo diini wɛyuu o kɛ Wɛ telaao wonnu tem maama yiga, se o wane o pa wonnu telo maama na wora to taa jege kuri.
11Ko ye wonto tete nam mo woli nɔɔna de o pɛɛra yam,
se ba badaara taa ye o totoŋa nakwa,
se badaara de taa ye o ni-jwoŋina,
se badaara de taa tɔɔle Wɛ kwor-ywoŋa kam,
se badaara taa nii o nɔɔna baŋa ne,
ye badaara de ba bere-ba o chega kam.
12Yezu Krista nam woli o nɔɔna bam konto dwoŋi se ba wane ba na dam mo se ba taa toŋe ba zeini daane, se ko pa o kɔgɔ kom maama fɔge ko ke daane lanyerane.#Kikia 20:28 13Konto ŋwaane, debam maama laam wó ba dé taa ye bedwe, de dé na jege wo-dedoa de Wɛ Bu wom ye dé yei o chega kam tei to. Dé boboŋa laam maa wó tiini ya be lanyerane, se Yezu Krista ŋwea kam taa sui dé bochara maama.
14Dé boboŋa daa bá taa bwona, nenɛɛne bu-balɛ boboŋa na ye tei to. Dé daa bá pa se dé boboŋa taa vei yiga de kwaga de nɔɔna berem, ne vio na fuli wonnu ko yage yiga de kwaga tei to. Dé daa bá sɛ dé tɔge nɔɔna balo na ke swa ba gane ba dwonna se ba tusi to. 15Dé nam wó taa bere Wɛ chega kam mo ye dé jege da-swono, se ko pa dé boboŋa kweere ye dé me de Yezu Krista na ye debam Yuu-tu to. 16Yezu kɔgɔ kom maa nye de o yera mo, ye wonto mo pae se o yera yam jei sem maama toŋe ya woli daane. Ya nam ye teiri teiri mo ye ya maama kwaare daane ya toŋa. Konto ŋwaane, wolo maama na ye Yezu kɔgɔ kom nɔɔno to ná toŋe totoŋe delo Yezu na pɛ‑o to, ko wó pa se o kɔgɔ kom maama tɔge da-swono ŋwaane ko fɔge daane lanyerane.
Wɛ ŋwe-doŋa kam taane
17Amo nam lage a kaane abam dé Teiru Yezu ŋwaane, se á daa yé ta‑á tɔge chwei selo dwi-gɛ tiina na tɔge de ba boboŋ-yɔɔro tem to. 18Banto boboŋa ye lim mo, ye ba ŋwea ba tɔge Wɛ ŋwea kam na ye tei to, kolo ŋwaane ba wo lɔre Wɛ chega kam mo, ba na jege yi-dɛɛre to ŋwaane. 19Ba maa ba kɔre chaveera ye ba tiini ba ke wo-zɔɔna kikia, de wo-digiru kikia yalo maama ba fera na zoore ka-laga ŋwaane to ko ja gaale.
20Abam nam na lɔre Yezu Krista chega kam to, ko dae se á ta‑á tɔge kikia yanto dwoŋi. 21Á na nigi Yezu taane to, ba seene ba bere abam o chega kam chekke. 22Ba ma bere abam se á yage á ŋwe-dwoŋa kam de ka na pɛ á ye tei to. Á ŋwe-dwoŋa kam konto lage ka chɔge abam mo, de ka na gane abam se á fera taa zoore wo-yɔɔro telo na ba jege kuri to.#Hiburu 12:1 23Á boboŋa maama nam jege se ya pipiri ya ji nadoora mo, 24se á daare á tɔge Wɛ ŋwe-doŋa kalo o na ke o pa abam to. Ŋwe-doŋa kam konto nye de Wɛ tete ŋwea mo, ye ka pa á tɔge chega chwoŋa de wo-pwoŋo chwoŋa chekke.
25Konto ŋwaane pa-na dé yage vwa fɔm, se dé daare dé taa tɛ chega dé bere daane, dé maama na ye kɔgɔ dedoa to ŋwaane.#Zekaria 8:16 26Abam wolo ná jege ban-zɔŋɔ de o dwoŋi, se kotu yé pa ko ji wɛleere o tei ne. O nam jege se o le-de o wone lela ye wɛ daa ta wo zo. 27Á yé pa setaana pɛ na laŋa o chɔge abam. 28Wolo na lage ŋweene to daa yé taa ŋɔna. O nam jege se o taa toŋe o pa o tete mo de jawala, se o daare o wane o zeini yiniga na jege balo to.
29Á yé pa se á ni taane taa jege lwarem. Nam ta‑á ŋɔɔne-na botare selo na wó fɔge nɔɔna ne ba na lage tei, ye se daare se zeini-ba lanyerane. 30Á yé pa se Wɛ Sin-laao kom wo chɔge de á na ke kolo to, kokuri Wɛ tɔge ko ŋwaane o ma ke maanem o pa abam se ko bere we á ye o nyem mo, se o dɛ dem ná yia, se o laam jwoŋi abam o ti. 31Yage-na puseŋa, de ban-lom, de wo-zɔŋɔ, se á daare á yage ni-kantɔgɔ, de toro, ko woli de keim-lwanno dwi maama. 32Ta‑á nege-na daane se á daare á ta‑á jege da-ŋwaŋa. Ta‑á ma‑á chɛ daane, ne Wɛ na yage á wɛleera o ma chɛ abam Yezu Krista ŋwaane tei to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)