Kolosia 2
2
1A lage a ta a bere abam amo na tiini a toŋe tei abam ŋwaane to mo. A ta toŋe a pa Wɛ nɔɔna balo na wo Ladika ne to, de nɔɔna balo yi na wo nɛ amo to maama. 2Amo yeini a zeini Wɛ nɔɔna bam se ko pa ba wane ba taa jege baare, se ba daare ba me daane de swono. Konto wó pa ba zege lanyerane de ba na tiini ba yei Wɛ chega kam tei to. Ba maa wó ba ba lɔre Wɛ chega kalo ya na seigi to, ye kanto nam mo ye Yezu Krista tete. 3Wonto mo ye wolo na pae se nɔɔna wane ba lɔre Wɛ swa de yeino maama na ye tei, ye te jege nyɔɔre dedɛ to.#Rom 1:24
4A nam tage konto a bere abam se á yé pa nɔɔn-nɔɔno gane abam, de o ná maŋe o ŋɔɔne swa taane tei maama de. 5Amo na seene a tera abam tei ne to, amo boboŋa mo wora abam tei ne. Konto ŋwaane, ko pɛ-ne wopwolo de amo na lɔre we, abam zege lanyerane de ni dedwe de á na yɔɔre á jege wo-dedoa de Yezu Krista tei to.
Wɛ ŋwe-doŋa kam taane
6Abam nam na sɛ Yezu Krista se o taa ye abam Teiru to, se á yɔɔre á ta‑á ye ded‑o konto dwoŋi. 7Nam sale-na á tete ded‑o se o fɔge abam de dam. Kwaane-na se á ta‑á jege o chega kam á bochara ne, ne ba na maŋe ba bere abam tei to. Á nam ta‑á ke Wɛ lei se ko gaale.
8Abam ta‑á yei se nɔɔna wó kwaane ba ma ba tete swa ba gane abam, ye swa yam konto dae Yezu Krista nyem. Ya nam ye nabiina boboŋa yalo na tɔge logo baŋa wo-yɔɔro tem dedaane dé nabaara chullu tem ŋwaane mo. Ya maama maa ye kafɛ. 9Ko nam ná ye Yezu Krista, o déem na ye nabiinu to, Wɛ boboŋa de o jworo maama wo o tei ne. 10O nam tei woŋo kolo maama na jege dam nabiina baŋa ne to mo. Abam na me ded‑o to, á maŋe á na Wɛ ŋwe-doŋa kam fase.
11Abam na tu á me de Yezu Krista to, o le á boboŋ-lwanno se te daa yé taa jege dam á baŋa ne. Abam na fɔge á kwɛ konto to, ko nye de ba na gwoni nɔɔno peini tei to. Ko nam na ke abam tei to dae nabiinu keim, se ko ye Yezu keim ŋwaane mo. 12Kokuri, abam na jwoŋi sɛɛm to, ko bere we ba ya suli abam de, nenɛɛne Yezu Krista na tega ye ba suli‑o tei to mo. Ko kwori ko bere we, á jwoori á bi á na Wɛ ŋwe-doŋa kam, kolo ŋwaane á sɛ we Wɛ dam daga, de o na mɛ-de o bi Yezu toone wone to.
13Abam déem ya ba jege ŋwea Wɛ tei ne, á na tɔge keim-balwaaro to ŋwaane. Á déem wo maŋe de Wɛ nɔɔna bam na ye tei to. De konto de, Wɛ laam pɛ se á na o ŋwe-doŋa kam, á na me de Yezu to ŋwaane.#Efesia 2:1-5 Ko ná ye debam balo maama na ye Wɛ nɔɔna to, o yage dé wɛleera maama o ma chɛ debam. 14Yezu na tege dagara kam yuu ne to, Wɛ ma pa se o nia yam de ya chullu tem maama na bere we dé ke dé chɔge tei to daa yé taa wo dé yuu ne. O ma saare dé wɛleera maama, Yezu na leiri dé yuu ne o te to ŋwaane. 15Yezu ma wane dedɛɛra balo maama na jege dam nabiina baŋa ne to, ye o chɔge ba dam maama. O toone dem dagara kam yuu ne to mo Wɛ mɛ o bere nɔɔna jaja we, dedɛɛra bam konto maama wo o dam kuri ne, ne o na wane o dona ye o ja-ba o vɔ tei to.
16Konto ŋwaane, abam yé pa se nɔɔn-nɔɔno na chwoŋa o yaale abam de á na di kolo ye á nyɔ kolo to. Á yé pa se nɔɔn-nɔɔno bere abam á na wó pɔɔre da yalo se ya taa ye da-kamuna yalo á na wó ma á zuli Wɛ to, ko ze ná ye chan-doŋa ŋwaane, naa siu dɛ ŋwaane. 17Chullu tem konto dwoŋi daa ba jege kuri. Te déem ye lunluŋu mo se te wuuri te bere chega kalo na lage ka ba to. Chega kam konto nam zege Yezu Krista yera ne mo. 18Á yé sɛ á pa nɔɔna balo na bere we, á jege se á ta‑á yaare á tete, naa se á ta‑á zuli malese. Banto boŋe se ba vere nyɔɔre delo á na jege Wɛ tei ne to mo. Ba yeini ba tɛ nenɛɛne, Wɛ mo guri o chega o bere-ba, ye ba boboŋa nam dae Wɛ nyem. Ko nam ye ba tete kamunim boboŋa mo ba jega, ye ko ye kafɛ. 19Banto nam daa ba jege meem de Yezu. Wonto nam mo ye debam Yuu-tu, ye dé me ded‑o nenɛɛne nɔɔno yera na twoŋi de o yuu tei to. Yezu ŋwaane mo dé jege ŋwea Wɛ tei ne, ye dé gwaane daane dé toŋa dé tɔge chwoŋa kalo Wɛ na lage to. Wɛ maa woli debam se dé toŋe dé vo yiga. Ko nye de nɔɔno yera na jege pɔɔrem dwi dwi, ye ya ke totoŋa bedwe, ye ya ke ya ke da tei to mo.
20Abam na sɛ Yezu Krista to, ko nye de á tɔge ded‑o á te. Konto ŋwaane logo baŋa wo-yɔɔro daa ba jege dam á baŋa ne. Bɛ mo ye á nam ta ke nenɛɛne á ye logo baŋa nyem? Bɛ mo ye á sɛ chullu telo na bere we, 21“Yé dwei konto”, naa “Yé ta‑n di konto”, naa “Yé ja konto”? 22Chullu tento dwoŋi wora wodiiru yerane ŋwaane mo. Wodiiru nam ba jege kuri taa taa. Nmo ná di n ti, mo ko maama. Chullu telo ba na bere abam konto dwoŋi to ye nabiina boboŋa mo. Te wo nwoŋi Wɛ tei. 23Te nam bere nɔɔna ba na wó fe ba tete ba zuli Wɛ tei to, de ba na jege se ba yaare ba tete ye ba waare ba yera tei to. Chullu tem konto dwoŋi bere we te jege kuri, ye te nam ye kafɛ. Te ware te woli nɔɔna se ba ja ba tete de wo-zɔɔna yalo ba fera na zoore to.
Currently Selected:
Kolosia 2: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Kolosia 2
2
1A lage a ta a bere abam amo na tiini a toŋe tei abam ŋwaane to mo. A ta toŋe a pa Wɛ nɔɔna balo na wo Ladika ne to, de nɔɔna balo yi na wo nɛ amo to maama. 2Amo yeini a zeini Wɛ nɔɔna bam se ko pa ba wane ba taa jege baare, se ba daare ba me daane de swono. Konto wó pa ba zege lanyerane de ba na tiini ba yei Wɛ chega kam tei to. Ba maa wó ba ba lɔre Wɛ chega kalo ya na seigi to, ye kanto nam mo ye Yezu Krista tete. 3Wonto mo ye wolo na pae se nɔɔna wane ba lɔre Wɛ swa de yeino maama na ye tei, ye te jege nyɔɔre dedɛ to.#Rom 1:24
4A nam tage konto a bere abam se á yé pa nɔɔn-nɔɔno gane abam, de o ná maŋe o ŋɔɔne swa taane tei maama de. 5Amo na seene a tera abam tei ne to, amo boboŋa mo wora abam tei ne. Konto ŋwaane, ko pɛ-ne wopwolo de amo na lɔre we, abam zege lanyerane de ni dedwe de á na yɔɔre á jege wo-dedoa de Yezu Krista tei to.
Wɛ ŋwe-doŋa kam taane
6Abam nam na sɛ Yezu Krista se o taa ye abam Teiru to, se á yɔɔre á ta‑á ye ded‑o konto dwoŋi. 7Nam sale-na á tete ded‑o se o fɔge abam de dam. Kwaane-na se á ta‑á jege o chega kam á bochara ne, ne ba na maŋe ba bere abam tei to. Á nam ta‑á ke Wɛ lei se ko gaale.
8Abam ta‑á yei se nɔɔna wó kwaane ba ma ba tete swa ba gane abam, ye swa yam konto dae Yezu Krista nyem. Ya nam ye nabiina boboŋa yalo na tɔge logo baŋa wo-yɔɔro tem dedaane dé nabaara chullu tem ŋwaane mo. Ya maama maa ye kafɛ. 9Ko nam ná ye Yezu Krista, o déem na ye nabiinu to, Wɛ boboŋa de o jworo maama wo o tei ne. 10O nam tei woŋo kolo maama na jege dam nabiina baŋa ne to mo. Abam na me ded‑o to, á maŋe á na Wɛ ŋwe-doŋa kam fase.
11Abam na tu á me de Yezu Krista to, o le á boboŋ-lwanno se te daa yé taa jege dam á baŋa ne. Abam na fɔge á kwɛ konto to, ko nye de ba na gwoni nɔɔno peini tei to. Ko nam na ke abam tei to dae nabiinu keim, se ko ye Yezu keim ŋwaane mo. 12Kokuri, abam na jwoŋi sɛɛm to, ko bere we ba ya suli abam de, nenɛɛne Yezu Krista na tega ye ba suli‑o tei to mo. Ko kwori ko bere we, á jwoori á bi á na Wɛ ŋwe-doŋa kam, kolo ŋwaane á sɛ we Wɛ dam daga, de o na mɛ-de o bi Yezu toone wone to.
13Abam déem ya ba jege ŋwea Wɛ tei ne, á na tɔge keim-balwaaro to ŋwaane. Á déem wo maŋe de Wɛ nɔɔna bam na ye tei to. De konto de, Wɛ laam pɛ se á na o ŋwe-doŋa kam, á na me de Yezu to ŋwaane.#Efesia 2:1-5 Ko ná ye debam balo maama na ye Wɛ nɔɔna to, o yage dé wɛleera maama o ma chɛ debam. 14Yezu na tege dagara kam yuu ne to, Wɛ ma pa se o nia yam de ya chullu tem maama na bere we dé ke dé chɔge tei to daa yé taa wo dé yuu ne. O ma saare dé wɛleera maama, Yezu na leiri dé yuu ne o te to ŋwaane. 15Yezu ma wane dedɛɛra balo maama na jege dam nabiina baŋa ne to, ye o chɔge ba dam maama. O toone dem dagara kam yuu ne to mo Wɛ mɛ o bere nɔɔna jaja we, dedɛɛra bam konto maama wo o dam kuri ne, ne o na wane o dona ye o ja-ba o vɔ tei to.
16Konto ŋwaane, abam yé pa se nɔɔn-nɔɔno na chwoŋa o yaale abam de á na di kolo ye á nyɔ kolo to. Á yé pa se nɔɔn-nɔɔno bere abam á na wó pɔɔre da yalo se ya taa ye da-kamuna yalo á na wó ma á zuli Wɛ to, ko ze ná ye chan-doŋa ŋwaane, naa siu dɛ ŋwaane. 17Chullu tem konto dwoŋi daa ba jege kuri. Te déem ye lunluŋu mo se te wuuri te bere chega kalo na lage ka ba to. Chega kam konto nam zege Yezu Krista yera ne mo. 18Á yé sɛ á pa nɔɔna balo na bere we, á jege se á ta‑á yaare á tete, naa se á ta‑á zuli malese. Banto boŋe se ba vere nyɔɔre delo á na jege Wɛ tei ne to mo. Ba yeini ba tɛ nenɛɛne, Wɛ mo guri o chega o bere-ba, ye ba boboŋa nam dae Wɛ nyem. Ko nam ye ba tete kamunim boboŋa mo ba jega, ye ko ye kafɛ. 19Banto nam daa ba jege meem de Yezu. Wonto nam mo ye debam Yuu-tu, ye dé me ded‑o nenɛɛne nɔɔno yera na twoŋi de o yuu tei to. Yezu ŋwaane mo dé jege ŋwea Wɛ tei ne, ye dé gwaane daane dé toŋa dé tɔge chwoŋa kalo Wɛ na lage to. Wɛ maa woli debam se dé toŋe dé vo yiga. Ko nye de nɔɔno yera na jege pɔɔrem dwi dwi, ye ya ke totoŋa bedwe, ye ya ke ya ke da tei to mo.
20Abam na sɛ Yezu Krista to, ko nye de á tɔge ded‑o á te. Konto ŋwaane logo baŋa wo-yɔɔro daa ba jege dam á baŋa ne. Bɛ mo ye á nam ta ke nenɛɛne á ye logo baŋa nyem? Bɛ mo ye á sɛ chullu telo na bere we, 21“Yé dwei konto”, naa “Yé ta‑n di konto”, naa “Yé ja konto”? 22Chullu tento dwoŋi wora wodiiru yerane ŋwaane mo. Wodiiru nam ba jege kuri taa taa. Nmo ná di n ti, mo ko maama. Chullu telo ba na bere abam konto dwoŋi to ye nabiina boboŋa mo. Te wo nwoŋi Wɛ tei. 23Te nam bere nɔɔna ba na wó fe ba tete ba zuli Wɛ tei to, de ba na jege se ba yaare ba tete ye ba waare ba yera tei to. Chullu tem konto dwoŋi bere we te jege kuri, ye te nam ye kafɛ. Te ware te woli nɔɔna se ba ja ba tete de wo-zɔɔna yalo ba fera na zoore to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)