2 Piita 3
3
Dé Teiru wom tutuuri dem taane
1Amo badwoŋ-swonnu bam, tɔnɔ konto amo na popone a pa abam to laam ke telei mo. Twanno tem maama wone amo kwaane se a guli abam de Wɛ chega kam, se ko pa á ta‑á jege boboŋ-laaro. 2Ko maa ye se á guli faŋa faŋa Wɛ sampwori sem na maŋe ba bere taane delo to gula, se á daare á guli dé Teiru Yezu na ye dé Vereno to ni dem, ne o na pɛ o totoŋa nakwa badwonna ba ba bere abam tei to.
3Kolo na ye wo-chɛɔ se á ta‑á yei to mo tento: Logo baŋa kweelim da yam ne nɔɔna badwonna wó taa wora ba na yaale Wɛ chega kam.#Judi 18 Banto wó taa tɔge wo-yɔɔro telo ba tete boboŋa na lage to mo, ye ba jege abam ba mɔna ba we, 4“Wɛ pwooli we o Bu wom ta wó jwoori o ba logo baŋa. O nam ta wo tu. Bɛ mo kea ye o dáane konto? Dé kwoa maŋe ba te, ye wonnu maama ta ye te na maŋe te ye tei ye Wɛ bobo o ke logo baŋa to mo.”
5Ba nam na tɛ konto to ye ba paale ba swei we, Wɛ déem maŋe o chɔge faŋa faŋa logo kom mo. Ba swei we wɛyuu de tega baŋa maŋe te wora faŋa faŋa ye Wɛ ni dem mo pɛ te wora konto. Ko ye na mo Wɛ déem mɛ o ke logo baŋa, ye o daare o tɔge na bam ŋwaane mo o pa logo kom wora. 6Ko ta maa ye na mo Wɛ déem mɛ o chɔge faŋa faŋa logo kom, de o na pɛ se doa ne ka lini-ko to. 7Ko ta ye Wɛ ni dem konto mo pae wɛyuu de tega baŋa wora de zem maama, ye Wɛ nii te baŋa ne se ko taa vei maŋa kam o na wó pa se mini chɔge-te to. Konto maa wó taa ye dɛ dem Wɛ na wó di nabiina taane se o daare o chɔge balo na ve‑o to mo.
8A badwoŋ-swonnu bam, yé zaŋe-na á swei woŋo konto ni ne we, ko ná ye Baŋa Wɛ, dɛ dedwe de bena moro maama ye bedwe mo wonto tei ne. Bena moro maa ye dɛ dedoa mo Wɛ tei ne.#Lei 90:4 9Nɔɔna badaara boŋe we dé Teiru wom dáane ye o wo tu. Wɛ nam ba wuura de o na pwooli se o ke kolo to. O nam peene o bane mo de abam, kolo ŋwaane o ba lage se nɔɔn-nɔɔno na chɔgem, ye o lage se nɔɔna maama mo na chwoŋa ba leiri ba wo de ba tusim kikia yam.#Ezekeli 18:23 10Dé Teiru Yezu tutuuri dɛ dem nam wó pɔpɔ de ba mo, ne ŋweeno na yeini o pɔpɔ o ba to.#1 Tɛsaloni 5:2 Dɛ dem konto ne wura dedɛ wó taa wora wɛyuu ne, ye wɛyuu kom ba ko jei maama. Ko daare mini mo wó di wonnu telo woŋo maama kuri na nwoŋi da to de ja chɔge, pa se logo baŋa de ko wonnu tem maama daa bá taa wora.
11Wonnu tento maama na lage te ba te chɔge konto to, ko maŋe se abam ta‑á ye tɛ mo leile? Abam jege se á ta‑á kɔre Wɛ mo ye á daare á tɔge o boboŋa yam á ŋwea wone. 12Abam nam na cheigi dɛ dem Wɛ na wó pa se Yezu jwoori o ba to, se á kwaane á ta‑á ke kolo na wó pa se dɛ dem ba lela to. Dɛ dem konto ná yia, mini mo wó di wɛyuu wonnu maama de ja chɔge, pa se woŋo maama de ko kuri lone ye te nyeene te chɔge. 13Debam nam jege teena se dé na wo-donno telo Wɛ na pwooli se o ke to. Tento maa ye wɛyuu de tega baŋa o na wó fɔge o ke to mo, ye chega kam wó yɔɔre ka taa toŋa jei sem konto ne.#Izaya 65:17; Gurim 21:1
14Konto ŋwaane a badwoŋ-swonnu bam, á na wora á cheigi wonnu tem konto se te ba te ke to, se á seene á yia á pa á bochara tiini ya taa lana de Wɛ, se ko yé pa o na tusim á tei ne. Konto to, dɛ dem ná yia, kolokolo bá taa wora ko na wó che abam de Wɛ daane. 15Dé Teiru wom nam na peene o bane se ko dáane to, se á pa ko taa ye chwoŋa kalo o na lage o ma o jwoŋi abam o yage to. Debam nu-bu-swono Pɔɔl maŋe o popone konto dwoŋi mo o pa abam, ne Wɛ na zeini‑o de boboŋ-dɛɛra tei to. 16O na popone twanno telo maama ye o bere wonnu tento chega kam to, o yeini o tɛ konto dwoŋi te wone. Wonnu tedwonna o na popone to nam dana se nɔɔna wane ba ni te kuri, pa se balo boboŋa na bwona ye ba yeiri Wɛ chega kam lanyerane to maa jege o berem dem konto ba pipira. Banto maa yeini ba pipiri Wɛ tɔnɔ jei sedaara de na bere kolo to, pa se chɔgem ba ba tete ŋwea wone.
17Ko nam ná ye abam, a badwoŋ-swonnu bam, á maŋe á yei ko na wó ba ko taa ye tei to. Konto ŋwaane, ta‑á cho-na á tete se á yé pa puseŋ-nyena na chwoŋa ba de abam ba tusim dem wone, se ko wó pa á daa ba jege zega jei Wɛ chega kam seeni. 18Abam nɛ fɔgem de Yezu Krista zaane dem ye á lɔre o chega kam lanyerane. Nam pa-na se á boboŋa kweere konto baŋa ne.
Yezu Krista maa ye debam Teiru de dé Vereno. Wonto maŋe de teem leile konto se ko taa vei wuu. Ameena.
Currently Selected:
2 Piita 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
2 Piita 3
3
Dé Teiru wom tutuuri dem taane
1Amo badwoŋ-swonnu bam, tɔnɔ konto amo na popone a pa abam to laam ke telei mo. Twanno tem maama wone amo kwaane se a guli abam de Wɛ chega kam, se ko pa á ta‑á jege boboŋ-laaro. 2Ko maa ye se á guli faŋa faŋa Wɛ sampwori sem na maŋe ba bere taane delo to gula, se á daare á guli dé Teiru Yezu na ye dé Vereno to ni dem, ne o na pɛ o totoŋa nakwa badwonna ba ba bere abam tei to.
3Kolo na ye wo-chɛɔ se á ta‑á yei to mo tento: Logo baŋa kweelim da yam ne nɔɔna badwonna wó taa wora ba na yaale Wɛ chega kam.#Judi 18 Banto wó taa tɔge wo-yɔɔro telo ba tete boboŋa na lage to mo, ye ba jege abam ba mɔna ba we, 4“Wɛ pwooli we o Bu wom ta wó jwoori o ba logo baŋa. O nam ta wo tu. Bɛ mo kea ye o dáane konto? Dé kwoa maŋe ba te, ye wonnu maama ta ye te na maŋe te ye tei ye Wɛ bobo o ke logo baŋa to mo.”
5Ba nam na tɛ konto to ye ba paale ba swei we, Wɛ déem maŋe o chɔge faŋa faŋa logo kom mo. Ba swei we wɛyuu de tega baŋa maŋe te wora faŋa faŋa ye Wɛ ni dem mo pɛ te wora konto. Ko ye na mo Wɛ déem mɛ o ke logo baŋa, ye o daare o tɔge na bam ŋwaane mo o pa logo kom wora. 6Ko ta maa ye na mo Wɛ déem mɛ o chɔge faŋa faŋa logo kom, de o na pɛ se doa ne ka lini-ko to. 7Ko ta ye Wɛ ni dem konto mo pae wɛyuu de tega baŋa wora de zem maama, ye Wɛ nii te baŋa ne se ko taa vei maŋa kam o na wó pa se mini chɔge-te to. Konto maa wó taa ye dɛ dem Wɛ na wó di nabiina taane se o daare o chɔge balo na ve‑o to mo.
8A badwoŋ-swonnu bam, yé zaŋe-na á swei woŋo konto ni ne we, ko ná ye Baŋa Wɛ, dɛ dedwe de bena moro maama ye bedwe mo wonto tei ne. Bena moro maa ye dɛ dedoa mo Wɛ tei ne.#Lei 90:4 9Nɔɔna badaara boŋe we dé Teiru wom dáane ye o wo tu. Wɛ nam ba wuura de o na pwooli se o ke kolo to. O nam peene o bane mo de abam, kolo ŋwaane o ba lage se nɔɔn-nɔɔno na chɔgem, ye o lage se nɔɔna maama mo na chwoŋa ba leiri ba wo de ba tusim kikia yam.#Ezekeli 18:23 10Dé Teiru Yezu tutuuri dɛ dem nam wó pɔpɔ de ba mo, ne ŋweeno na yeini o pɔpɔ o ba to.#1 Tɛsaloni 5:2 Dɛ dem konto ne wura dedɛ wó taa wora wɛyuu ne, ye wɛyuu kom ba ko jei maama. Ko daare mini mo wó di wonnu telo woŋo maama kuri na nwoŋi da to de ja chɔge, pa se logo baŋa de ko wonnu tem maama daa bá taa wora.
11Wonnu tento maama na lage te ba te chɔge konto to, ko maŋe se abam ta‑á ye tɛ mo leile? Abam jege se á ta‑á kɔre Wɛ mo ye á daare á tɔge o boboŋa yam á ŋwea wone. 12Abam nam na cheigi dɛ dem Wɛ na wó pa se Yezu jwoori o ba to, se á kwaane á ta‑á ke kolo na wó pa se dɛ dem ba lela to. Dɛ dem konto ná yia, mini mo wó di wɛyuu wonnu maama de ja chɔge, pa se woŋo maama de ko kuri lone ye te nyeene te chɔge. 13Debam nam jege teena se dé na wo-donno telo Wɛ na pwooli se o ke to. Tento maa ye wɛyuu de tega baŋa o na wó fɔge o ke to mo, ye chega kam wó yɔɔre ka taa toŋa jei sem konto ne.#Izaya 65:17; Gurim 21:1
14Konto ŋwaane a badwoŋ-swonnu bam, á na wora á cheigi wonnu tem konto se te ba te ke to, se á seene á yia á pa á bochara tiini ya taa lana de Wɛ, se ko yé pa o na tusim á tei ne. Konto to, dɛ dem ná yia, kolokolo bá taa wora ko na wó che abam de Wɛ daane. 15Dé Teiru wom nam na peene o bane se ko dáane to, se á pa ko taa ye chwoŋa kalo o na lage o ma o jwoŋi abam o yage to. Debam nu-bu-swono Pɔɔl maŋe o popone konto dwoŋi mo o pa abam, ne Wɛ na zeini‑o de boboŋ-dɛɛra tei to. 16O na popone twanno telo maama ye o bere wonnu tento chega kam to, o yeini o tɛ konto dwoŋi te wone. Wonnu tedwonna o na popone to nam dana se nɔɔna wane ba ni te kuri, pa se balo boboŋa na bwona ye ba yeiri Wɛ chega kam lanyerane to maa jege o berem dem konto ba pipira. Banto maa yeini ba pipiri Wɛ tɔnɔ jei sedaara de na bere kolo to, pa se chɔgem ba ba tete ŋwea wone.
17Ko nam ná ye abam, a badwoŋ-swonnu bam, á maŋe á yei ko na wó ba ko taa ye tei to. Konto ŋwaane, ta‑á cho-na á tete se á yé pa puseŋ-nyena na chwoŋa ba de abam ba tusim dem wone, se ko wó pa á daa ba jege zega jei Wɛ chega kam seeni. 18Abam nɛ fɔgem de Yezu Krista zaane dem ye á lɔre o chega kam lanyerane. Nam pa-na se á boboŋa kweere konto baŋa ne.
Yezu Krista maa ye debam Teiru de dé Vereno. Wonto maŋe de teem leile konto se ko taa vei wuu. Ameena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)