2 Piita 1
1
1Amo Simon Piita mo popone tɔnɔ konto. Amo ye Yezu Krista kabaa mo, ye a kwori a ye o totoŋa nakwe. Amo popone a pa abam balo Wɛ na pɛ se á jege wo-dedoa de Yezu Krista, ko maŋe de debam de na jege tei ye ko jege lonne ko pae debam to. Wonto mo ye debam Tu Wɛ, ye o ta ye debam Vereno. O na yɔɔre o zege o chega wone to mo pɛ dé sɛ‑o konto.
2Wɛ wó pa abam zaane de yazura se ko gaale, de á na tu á lɔre o chega kam, ye á ta kwori á lɔre dé Teiru Yezu chega kam to.
Wɛ na bwoŋi debam se dé taa tɔge‑o tei to
3Yezu Krista tɔge Wɛ dam ŋwaane o pa debam woŋo kolo maama na wó fɔge dé ŋwe-doŋa kam dedaane dé Wɛ chwoŋa tɔgem to. O fɔgem dem konto tɔge dé na tu dé lɔre Baŋa Wɛ chega kam tei to. Wonto maa ye wolo na bwoŋi debam se dé tɔge dé na o tete nenɔŋ-fɔrɔ de o zaane dem to mo. 4O ma tɔge o zeinim dem konto baŋa ne mo o pa debam wo-laaro telo na tiini te jege kuri ye o pwooli se o kwei-te o pa debam to. O zeini abam konto se o pa á wane á lu logo baŋa wo-zɔɔna yalo na soge nɔɔna boboŋa pa ya chɔge to wone, se á daare á ta‑á jege Wɛ ŋwea kam á bochara ne.
5Konto ŋwaane, kwaane-na lanyerane se á pa nɔn-ŋonne tɔge de woli de á wo-dedoa kam á na maŋe á jege to,
se á woli yeino á nɔn-ŋonne dem wone,
6se á woli ban-peno á yeino kom wone,
se á woli pu-dɛa á ban-peno kom wone,
se á pa Wɛ kɔrɔ woli de á pu-dɛa kam,
7se á daare á ta‑á jege á nu-bia ŋwaŋa
á woli de á Wɛ kɔrɔ kom,
se á daare á ta‑á jege nɔɔna swono
á woli á na jege da-ŋwaŋa to wone.
8Abam ná seene á jege wo-laaro tem konto se te gaale, te wó che abam se á yé ta‑á ye jawɔre-nyena. Te ta pae á dae kafɛ Wɛ chwoŋa wone de á na tu á lɔre dé Teiru Yezu Krista chega kam to. 9Wo-laaro tem konto nam ná tera nɔɔno wolo tei ne, konto tu ware o lɔre Wɛ chega kam, nenɛɛne nɔɔno wolo yia na ba nae chekke to. O ma swei we, o déem na ke wɛleera yalo to maŋe ya saare.
10Konto ŋwaane, a nu-bia bam, Wɛ na bwoŋi abam se á ba á ta‑á tɔge‑o to, seene-na á yia se á kwaane se ko pa á na tɔge‑o tei to tiini ko ja kuri lanyerane. Á ná kwaane á ke konto dwoŋi, á daa bá sa Wɛ chwoŋa wone. 11Ko woli da, Wɛ wó tɔge o zaane dem ŋwaane o yage chwoŋa o pa abam se á na jeiŋa jei Yezu Krista paare dem wone. Wonto maa ye dé Teiru de dé Vereno, ye o paare dem ba jege kweelim maŋa de maŋa.
12Mo kokuri amo boŋe se a taa pae abam ta‑á guli wo-laaro tem konto gula maŋa maama. Abam nam maŋe á yei-te, ye á seene á tɔge chega kalo á na lɔre to. 13Amo nam boŋe we ko lana se, amo ta ná wora logo baŋa ne, se a taa guli abam konto dwoŋi, se ko pa á ta‑á jege te jawala. 14Amo yei we ko bá dáane ye a te, nenɛɛne dé Teiru Yezu Krista na pɛ a lɔre tei to. 15Amo nam wó kwaane a ke woŋo kolo na wó pa se á ta‑á wae á guli wonnu tem konto gula maŋa maama ye amo daa bá taa wora logo baŋa ne.
Dé na lɔre Yezu chega kam tei to
16Debam déem pɛ se á lɔre chega kalo na vei dé Teiru Yezu dam dem seeni de o tutuuri dem seeni to. Dé na pɛ se á lɔre o chega kam konto to, ko dae sensɔle mo dé mɛ dé bere abam, ne nɔɔna na mae ba tete swa ba bere tei to. Debam tete yi nam mo nɛ Yezu na jege Wɛ paare dem chekke to. 17Dé ma na o na jwoŋi zula dé Kwo Wɛ tei ne maŋa kalo kwora na ŋɔɔne Baŋa Wɛ paare jeiga kam ne ka ta ded‑o ka we:
“Amo Bu mo tento ye a swoi‑o.
O kikia su amo yi.”#Matiyu 17:1-5; Maake 9:2-7; Luka 9:28-35
18Debam tete nigi kwora kam konto na ŋɔɔne telaao ne ka ba debam tei, maŋa kalo debam de Yezu déem na wo peo kolo Wɛ na pɔɔre o pa o tete to yuu ne.
19Ko woli da, dé yɔɔre dé yei we, taane delo Wɛ sampwori sem na bere faŋa faŋa to seene de ye chega de dwoi maama. Ko maŋe se á ta‑á maane á nii Wɛ tɔnɔ berem dem na ye tei ye de nye de kanea ba na tɔre ba zege lim jei ne ye ka pae pwooni to mo. Berem dem konto wó woli nɔɔna se ko vo ko yi te-pora ye dé Teiru wom jwoori o ba. Wonto pwooni dem laam wó ba de taa wo á bochara ne, ne naŋɔgɔ na fuŋi te-pora ne tei to. 20Kolo na ye wo-chɛɔ se á ta‑á yei to mo tento: Nɔɔna déem na pɛ se Wɛ kwora kam ba ka lɔre jaja ye ba taane dem popone Wɛ tɔnɔ kom ne to, ko dae we ba tete mo bere Wɛ chega kam konto. 21Kokuri, ko ná ye Wɛ kwora kam na tu ka lɔre tei to, konto déem wo tɔge de nabiina boboŋa na lage tei. Ko nam ye Wɛ Sin-laao kom mo zeini nɔɔna pa ba wae ba ŋɔɔne Wɛ tete kwora kam.
Currently Selected:
2 Piita 1: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
2 Piita 1
1
1Amo Simon Piita mo popone tɔnɔ konto. Amo ye Yezu Krista kabaa mo, ye a kwori a ye o totoŋa nakwe. Amo popone a pa abam balo Wɛ na pɛ se á jege wo-dedoa de Yezu Krista, ko maŋe de debam de na jege tei ye ko jege lonne ko pae debam to. Wonto mo ye debam Tu Wɛ, ye o ta ye debam Vereno. O na yɔɔre o zege o chega wone to mo pɛ dé sɛ‑o konto.
2Wɛ wó pa abam zaane de yazura se ko gaale, de á na tu á lɔre o chega kam, ye á ta kwori á lɔre dé Teiru Yezu chega kam to.
Wɛ na bwoŋi debam se dé taa tɔge‑o tei to
3Yezu Krista tɔge Wɛ dam ŋwaane o pa debam woŋo kolo maama na wó fɔge dé ŋwe-doŋa kam dedaane dé Wɛ chwoŋa tɔgem to. O fɔgem dem konto tɔge dé na tu dé lɔre Baŋa Wɛ chega kam tei to. Wonto maa ye wolo na bwoŋi debam se dé tɔge dé na o tete nenɔŋ-fɔrɔ de o zaane dem to mo. 4O ma tɔge o zeinim dem konto baŋa ne mo o pa debam wo-laaro telo na tiini te jege kuri ye o pwooli se o kwei-te o pa debam to. O zeini abam konto se o pa á wane á lu logo baŋa wo-zɔɔna yalo na soge nɔɔna boboŋa pa ya chɔge to wone, se á daare á ta‑á jege Wɛ ŋwea kam á bochara ne.
5Konto ŋwaane, kwaane-na lanyerane se á pa nɔn-ŋonne tɔge de woli de á wo-dedoa kam á na maŋe á jege to,
se á woli yeino á nɔn-ŋonne dem wone,
6se á woli ban-peno á yeino kom wone,
se á woli pu-dɛa á ban-peno kom wone,
se á pa Wɛ kɔrɔ woli de á pu-dɛa kam,
7se á daare á ta‑á jege á nu-bia ŋwaŋa
á woli de á Wɛ kɔrɔ kom,
se á daare á ta‑á jege nɔɔna swono
á woli á na jege da-ŋwaŋa to wone.
8Abam ná seene á jege wo-laaro tem konto se te gaale, te wó che abam se á yé ta‑á ye jawɔre-nyena. Te ta pae á dae kafɛ Wɛ chwoŋa wone de á na tu á lɔre dé Teiru Yezu Krista chega kam to. 9Wo-laaro tem konto nam ná tera nɔɔno wolo tei ne, konto tu ware o lɔre Wɛ chega kam, nenɛɛne nɔɔno wolo yia na ba nae chekke to. O ma swei we, o déem na ke wɛleera yalo to maŋe ya saare.
10Konto ŋwaane, a nu-bia bam, Wɛ na bwoŋi abam se á ba á ta‑á tɔge‑o to, seene-na á yia se á kwaane se ko pa á na tɔge‑o tei to tiini ko ja kuri lanyerane. Á ná kwaane á ke konto dwoŋi, á daa bá sa Wɛ chwoŋa wone. 11Ko woli da, Wɛ wó tɔge o zaane dem ŋwaane o yage chwoŋa o pa abam se á na jeiŋa jei Yezu Krista paare dem wone. Wonto maa ye dé Teiru de dé Vereno, ye o paare dem ba jege kweelim maŋa de maŋa.
12Mo kokuri amo boŋe se a taa pae abam ta‑á guli wo-laaro tem konto gula maŋa maama. Abam nam maŋe á yei-te, ye á seene á tɔge chega kalo á na lɔre to. 13Amo nam boŋe we ko lana se, amo ta ná wora logo baŋa ne, se a taa guli abam konto dwoŋi, se ko pa á ta‑á jege te jawala. 14Amo yei we ko bá dáane ye a te, nenɛɛne dé Teiru Yezu Krista na pɛ a lɔre tei to. 15Amo nam wó kwaane a ke woŋo kolo na wó pa se á ta‑á wae á guli wonnu tem konto gula maŋa maama ye amo daa bá taa wora logo baŋa ne.
Dé na lɔre Yezu chega kam tei to
16Debam déem pɛ se á lɔre chega kalo na vei dé Teiru Yezu dam dem seeni de o tutuuri dem seeni to. Dé na pɛ se á lɔre o chega kam konto to, ko dae sensɔle mo dé mɛ dé bere abam, ne nɔɔna na mae ba tete swa ba bere tei to. Debam tete yi nam mo nɛ Yezu na jege Wɛ paare dem chekke to. 17Dé ma na o na jwoŋi zula dé Kwo Wɛ tei ne maŋa kalo kwora na ŋɔɔne Baŋa Wɛ paare jeiga kam ne ka ta ded‑o ka we:
“Amo Bu mo tento ye a swoi‑o.
O kikia su amo yi.”#Matiyu 17:1-5; Maake 9:2-7; Luka 9:28-35
18Debam tete nigi kwora kam konto na ŋɔɔne telaao ne ka ba debam tei, maŋa kalo debam de Yezu déem na wo peo kolo Wɛ na pɔɔre o pa o tete to yuu ne.
19Ko woli da, dé yɔɔre dé yei we, taane delo Wɛ sampwori sem na bere faŋa faŋa to seene de ye chega de dwoi maama. Ko maŋe se á ta‑á maane á nii Wɛ tɔnɔ berem dem na ye tei ye de nye de kanea ba na tɔre ba zege lim jei ne ye ka pae pwooni to mo. Berem dem konto wó woli nɔɔna se ko vo ko yi te-pora ye dé Teiru wom jwoori o ba. Wonto pwooni dem laam wó ba de taa wo á bochara ne, ne naŋɔgɔ na fuŋi te-pora ne tei to. 20Kolo na ye wo-chɛɔ se á ta‑á yei to mo tento: Nɔɔna déem na pɛ se Wɛ kwora kam ba ka lɔre jaja ye ba taane dem popone Wɛ tɔnɔ kom ne to, ko dae we ba tete mo bere Wɛ chega kam konto. 21Kokuri, ko ná ye Wɛ kwora kam na tu ka lɔre tei to, konto déem wo tɔge de nabiina boboŋa na lage tei. Ko nam ye Wɛ Sin-laao kom mo zeini nɔɔna pa ba wae ba ŋɔɔne Wɛ tete kwora kam.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)